[705] Hetupaccayā nāarammaṇe tīṇi ... Nādhipatiyā nava
evaṁ gaṇetabbaṁ.

[706] Nahetupaccayā ārammaṇe ekaṁ ... Avigate ekaṁ.
Nissayavāro paccayavārasadiso.
Saṁsaṭṭhavāro

[707] Parāmāsasampayuttaṁ dhammaṁ saṁsaṭṭho parāmāsasampayutto
dhammo uppajjati hetupaccayā:.

[708] Hetuyā dve ārammaṇe dve sabbattha dve
vipāke ekaṁ avigate dve.

[709] Nahetuyā ekaṁ nādhipatiyā dve napurejāte dve
napacchājāte dve nāasevane dve nakamme dve navipāke
dve najhāne ekaṁ namagge ekaṁ navippayutte dve.
Evaṁ itare dve gaṇanāpi sampayuttavāropi kātabbā.
Pañhāvāro

[710] Parāmāsasampayutto dhammo parāmāsasampayuttassa dhammassa
hetupaccayena paccayo: parāmāsasampayuttā hetū sampayuttakānaṁ
khandhānaṁ hetupaccayena paccayo. Mūlāni kātabbāni. Parāmāsasampayuttā
hetū cittasamuṭṭhānānaṁ rūpānaṁ hetupaccayena paccayo.
Parāmāsasampayuttā hetū sampayuttakānaṁ khandhānaṁ cittasamuṭṭhānānañca
Rūpānaṁ hetupaccayena paccayo. Parāmāsavippayutto dhammo
parāmāsavippayuttassa dhammassa hetupaccayena paccayo: parāmāsavippayuttā
hetū sampayuttakānaṁ khandhānaṁ cittasamuṭṭhānānañca rūpānaṁ
hetupaccayena paccayo paṭisandhi.

[711] Parāmāsasampayutto dhammo parāmāsasampayuttassa
dhammassa ārammaṇapaccayena paccayo: rāgaṁ assādeti abhinandati taṁ
ārabbha rāgo uppajjati parāmāsasampayutte khandhe assādeti
abhinandati taṁ ārabbha rāgo uppajjati. Parāmāsasampayutto dhammo
parāmāsavippayuttassa dhammassa ārammaṇapaccayena paccayo: ariyā
parāmāsasampayutte pahīne kilese paccavekkhanti vikkhambhite
kilese paccavekkhanti pubbe samudāciṇṇe kilese jānanti
parāmāsasampayutte khandhe aniccato ... Vipassati assādeti abhinandati
taṁ ārabbha parāmāsavippayutto rāgo vicikicchā uddhaccaṁ domanassaṁ
uppajjati cetopariyañāṇena parāmāsasampayuttacittasamaṅgissa cittaṁ
jānāti parāmāsasampayuttā khandhā cetopariyañāṇassa
pubbenivāsānussatiñāṇassa yathākammūpagañāṇassa anāgataṁsañāṇassa
āvajjanāya ārammaṇapaccayena paccayo. Parāmāsavippayutto dhammo
parāmāsavippayuttassa dhammassa ārammaṇapaccayena paccayo: dānaṁ ...
Sīlaṁ ... Uposathakammaṁ katvā taṁ paccavekkhati assādeti abhinandati
taṁ ārabbha parāmāsavippayutto rāgo vicikicchā uddhaccaṁ domanassaṁ
Uppajjati pubbe suciṇṇāni ... Jhānā ... Ariyā maggā vuṭṭhahitvā
maggaṁ paccavekkhanti phalaṁ ... Nibbānaṁ paccavekkhanti nibbānaṁ
gotrabhussa vodānassa maggassa phalassa āvajjanāya
ārammaṇapaccayena paccayo ariyā parāmāsavippayutte pahīne
kilese ... Vikkhambhite kilese ... Pubbe ... Cakkhuṁ ... Vatthuṁ ...
Parāmāsavippayutte khandhe aniccato ... Vipassati assādeti abhinandati
taṁ ārabbha parāmāsavippayutto rāgo vicikicchā uddhaccaṁ domanassaṁ
uppajjati dibbena cakkhunā rūpaṁ passati dibbāya sotadhātuyā
saddaṁ suṇāti cetopariyañāṇena parāmāsavippayuttacittasamaṅgissa
cittaṁ jānāti ākāsānañcāyatanaṁ viññāṇañcāyatanassa
ākiñcaññāyatanaṁ nevasaññānāsaññāyatanassa rūpāyatanaṁ cakkhuviññāṇassa
phoṭṭhabbāyatanaṁ kāyaviññāṇassa parāmāsavippayuttā
khandhā iddhividhañāṇassa cetopariyañāṇassa pubbenivāsānussatiñāṇassa
yathākammūpagañāṇassa anāgataṁsañāṇassa āvajjanāya
ārammaṇapaccayena paccayo. Parāmāsavippayutto dhammo
parāmāsasampayuttassa dhammassa ārammaṇapaccayena paccayo: dānaṁ ...
Sīlaṁ ... Uposathakammaṁ ... Pubbe ... Jhānā ... Cakkhuṁ ... Vatthuṁ ...
Parāmāsavippayutte khandhe assādeti abhinandati taṁ ārabbha rāgo
uppajjati.

[712] Parāmāsasampayutto dhammo parāmāsasampayuttassa dhammassa
Adhipatipaccayena paccayo: ārammaṇādhipati sahajātādhipati.
Ārammaṇādhipati: rāgaṁ garuṁ katvā assādeti abhinandati taṁ garuṁ
katvā rāgo uppajjati parāmāsasampayutte khandhe garuṁ katvā
assādeti abhinandati taṁ garuṁ katvā rāgo uppajjati.
Sahajātādhipati: parāmāsasamyuttādhipati sampayuttakānaṁ khandhānaṁ
adhipatipaccayena paccayo. Parāmāsasampayutto dhammo parāmāsavippayuttassa
dhammassa adhipatipaccayena paccayo: ārammaṇādhipati
sahajātādhipati. Ārammaṇādhipati: parāmāsasampayutte khandhe garuṁ
katvā assādeti abhinandati taṁ garuṁ katvā parāmāsavippayutto
rāgo uppajjati. Sahajātādhipati: parāmāsasampayuttādhipati cittasamuṭṭhānānaṁ
rūpānaṁ adhipatipaccayena paccayo. Parāmāsasampayutto
dhammo parāmāsasampayuttassa ca parāmāsavippayuttassa ca
dhammassa adhipatipaccayena paccayo: sahajātādhipati: parāmāsasampayuttādhipati
sampayuttakānaṁ khandhānaṁ cittasamuṭṭhānānañca rūpānaṁ
adhipatipaccayena paccayo. Parāmāsavippayutto dhammo parāmāsavippayuttassa
dhammassa adhipatipaccayena paccayo: ārammaṇādhipati
sahajātādhipati. Ārammaṇādhipati: dānaṁ ... Sīlaṁ ... Uposathakammaṁ
katvā taṁ garuṁ katvā paccavekkhati assādeti abhinandati taṁ garuṁ
katvā parāmāsavippayutto rāgo uppajjati pubbe ... Jhānā ...
Ariyā maggā vuṭṭhahitvā maggaṁ garuṁ ... Phalaṁ ... Nibbānaṁ ... Nibbānaṁ
Gotrabhussa vodānassa maggassa phalassa adhipatipaccayena paccayo
cakkhuṁ ... Vatthuṁ ... Parāmāsavippayutte khandhe garuṁ katvā assādeti
abhinandati taṁ garuṁ katvā parāmāsavippayutto rāgo uppajjati.
Sahajātādhipati: parāmāsavippayuttādhipati sampayuttakānaṁ khandhānaṁ
cittasamuṭṭhānānañca rūpānaṁ adhipatipaccayena paccayo. Parāmāsavippayutto
dhammo parāmāsasampayuttassa dhammassa adhipatipaccayena
paccayo: ārammaṇādhipati: dānaṁ ... Sīlaṁ ... Uposathakammaṁ katvā
taṁ garuṁ katvā assādeti abhinandati taṁ garuṁ katvā parāmāsasampayutto
rāgo uppajjati pubbe ... Jhānā ... Cakkhuṁ ... Vatthuṁ ...
Parāmāsavippayutte khandhe garuṁ katvā assādeti abhinandati taṁ garuṁ
katvā parāmāsasampayutto rāgo uppajjati.

[713] Parāmāsasampayutto dhammo parāmāsasampayuttassa dhammassa
anantarapaccayena paccayo: purimā purimā parāmāsasampayuttā khandhā
pacchimānaṁ pacchimānaṁ parāmāsasampayuttānaṁ khandhānaṁ anantarapaccayena
paccayo. Parāmāsasampayutto dhammo parāmāsavippayuttassa dhammassa
anantarapaccayena paccayo: parāmāsasampayuttā khandhā vuṭṭhānassa
anantarapaccayena paccayo. Parāmāsavippayutto dhammo
parāmāsavippayuttassa dhammassa anantarapaccayena paccayo: purimā purimā
parāmāsavippayuttā khandhā pacchimānaṁ pacchimānaṁ parāmāsavippayuttānaṁ
khandhānaṁ anulomaṁ phalasamāpattiyā anantarapaccayena paccayo.
Parāmāsavippayutto dhammo parāmāsasampayuttassa dhammassa anantarapaccayena
paccayo: āvajjanā parāmāsasampayuttānaṁ khandhānaṁ anantarapaccayena
paccayo. Samanantarapaccayena paccayo:.

[714] Parāmāsasampayutto dhammo parāmāsasampayuttassa dhammassa
sahajātapaccayena paccayo: pañca. Aññamaññapaccayena paccayo:
dve. Nissayapaccayena paccayo: satta.