[255] Rūpiṁ dhammaṁ paṭicca rūpī dhammo uppajjati hetupaccayā:
ekaṁ mahābhūtaṁ paṭicca tayo mahābhūtā dve mahābhūte ... Mahābhūte
paṭicca cittasamuṭṭhānaṁ rūpaṁ kaṭattārūpaṁ upādārūpaṁ. Rūpiṁ dhammaṁ paṭicca
arūpī dhammo uppajjati hetupaccayā: paṭisandhikkhaṇe vatthuṁ paṭicca
arūpino khandhā. Rūpiṁ dhammaṁ paṭicca rūpī ca arūpī ca dhammā
uppajjanti hetupaccayā: paṭisandhikkhaṇe vatthuṁ paṭicca arūpino khandhā
mahābhūte paṭicca kaṭattārūpaṁ. Arūpiṁ dhammaṁ paṭicca arūpī dhammo
uppajjati hetupaccayā: arūpiṁ ekaṁ khandhaṁ paṭicca tayo khandhā dve
khandhe ... Paṭisandhi. Arūpiṁ dhammaṁ paṭicca rūpī dhammo uppajjati
hetupaccayā: arūpino khandhe paṭicca cittasamuṭṭhānaṁ rūpaṁ paṭisandhi.
Arūpiṁ dhammaṁ paṭicca rūpī ca arūpī ca dhammā uppajjanti
hetupaccayā: arūpiṁ ekaṁ khandhaṁ paṭicca tayo khandhā cittasamuṭṭhānañca
rūpaṁ dve khandhe ... Paṭisandhi. Rūpiṁ ca arūpiṁ ca dhammaṁ paṭicca rūpī
Dhammo uppajjati hetupaccayā: arūpino khandhe ca mahābhūte ca
paṭicca cittasamuṭṭhānaṁ rūpaṁ paṭisandhikkhaṇe .... Rūpiṁ ca arūpiṁ ca dhammaṁ
paṭicca arūpī dhammo uppajjati hetupaccayā: paṭisandhikkhaṇe arūpiṁ
ekaṁ khandhañca vatthuñca paṭicca tayo khandhā dve khandhe .... Rūpiṁ ca
arūpiṁ ca dhammaṁ paṭicca rūpī ca arūpī ca dhammā uppajjanti hetupaccayā:
paṭisandhikkhaṇe arūpiṁ ekaṁ khandhañca vatthuñca paṭicca tayo khandhā
dve khandhe ... Arūpino khandhe ca mahābhūte ca paṭicca kaṭattārūpaṁ.
Saṅkhittaṁ.

[256] Hetuyā nava ārammaṇe tīṇi adhipatiyā pañca
anantare tīṇi samanantare tīṇi sahajāte nava aññamaññe
cha nissaye nava upanissaye tīṇi purejāte ekaṁ āsevane
ekaṁ kamme nava vipāke nava āhāre nava indriye nava
jhāne nava magge nava sampayutte tīṇi vippayutte nava
atthiyā nava natthiyā tīṇi vigate tīṇi avigate nava.
Anulomaṁ niṭṭhitaṁ.

[257] Rūpiṁ dhammaṁ paṭicca rūpī dhammo uppajjati nahetupaccayā:
tīṇi. Arūpiṁ dhammaṁ paṭicca arūpī dhammo uppajjati nahetupaccayā:
ahetukaṁ arūpiṁ ekaṁ khandhaṁ paṭicca tayo khandhā dve khandhe ...
Ahetukapaṭisandhikkhaṇe vicikicchāsahagate uddhaccasahagate khandhe paṭicca
vicikicchāsahagato uddhaccasahagato moho. Nahetupaccayā nava pañhā
Ahetukanti niyāmetabbaṁ.

[258] Nahetuyā nava nāarammaṇe tīṇi nādhipatiyā nava
nānantare tīṇi nasamanantare tīṇi nāññamaññe tīṇi
naupanissaye tīṇi napurejāte nava napacchājāte nava nāasevane
nava nakamme dve navipāke pañca nāahāre ekaṁ naindriye
ekaṁ najhāne dve namagge nava nasampayutte tīṇi navippayutte
dve nonatthiyā tīṇi novigate tīṇi.
Paccanīyaṁ niṭṭhitaṁ.

[259] Hetupaccayā nāarammaṇe tīṇi ... Nādhipatiyā nava
nānantare tīṇi nasamanantare tīṇi nāññamaññe tīṇi naupanissaye
tīṇi napurejāte nava napacchājāte nava nāasevane nava nakamme
ekaṁ navipāke pañca nasampayutte tīṇi navippayutte ekaṁ
nonatthiyā tīṇi novigate tīṇi.
Anulomapaccanīyaṁ niṭṭhitaṁ.

[260] Nahetupaccayā ārammaṇe tīṇi ... Anantare tīṇi samanantare
tīṇi sahajāte nava aññamaññe cha nissaye nava upanissaye tīṇi
purejāte ekaṁ āsevane ekaṁ kamme nava vipāke nava āhāre
nava indriye nava jhāne nava magge ekaṁ sampayutte tīṇi
vippayutte nava atthiyā nava natthiyā tīṇi vigate tīṇi avigate nava.
Paccanīyānulomaṁ niṭṭhitaṁ.
Sahajātavāropi paṭiccavārasadiso
paccayavāro

[261] Rūpiṁ dhammaṁ paccayā rūpī dhammo uppajjati hetupaccayā:
ekaṁ mahābhūtaṁ ... Paṭiccasadisaṁ. Rūpiṁ dhammaṁ paccayā arūpī dhammo
uppajjati hetupaccayā: vatthuṁ paccayā arūpino khandhā paṭisandhi.
Rūpiṁ dhammaṁ paccayā rūpī ca arūpī ca dhammā uppajjanti hetupaccayā:
vatthuṁ paccayā arūpino khandhā mahābhūte paccayā cittasamuṭṭhānaṁ
rūpaṁ paṭisandhi. Evaṁ avasesā pañhā pavatti paṭisandhi
vibhajjitabbā.

[262] Rūpiṁ dhammaṁ paccayā arūpī dhammo uppajjati ārammaṇapaccayā:
cakkhāyatanaṁ paccayā cakkhuviññāṇaṁ kāyāyatanaṁ paccayā
kāyaviññāṇaṁ vatthuṁ paccayā arūpino khandhā paṭisandhi. Arūpiṁ
dhammaṁ paccayā arūpī dhammo uppajjati ārammaṇapaccayā: arūpiṁ
ekaṁ khandhaṁ ... Dve khandhe ... Paṭisandhi. Rūpiṁ ca arūpiṁ ca dhammaṁ
paccayā arūpī dhammo uppajjati ārammaṇapaccayā: cakkhuviññāṇasahagataṁ
ekaṁ khandhañca cakkhāyatanañca paccayā tayo khandhā dve
khandhe ... Kāyaviññāṇasahagataṁ ... Arūpiṁ ekaṁ khandhañca vatthuñca
paccayā tayo khandhā dve khandhe .... Saṅkhittaṁ.

[263] Hetuyā nava ārammaṇe tīṇi adhipatiyā nava
anantare tīṇi samanantare tīṇi sahajāte nava aññamaññe cha
Nissaye nava upanissaye tīṇi purejāte tīṇi āsevane tīṇi
kamme nava. Saṅkhittaṁ. Magge nava sampayutte tīṇi vippayutte
nava atthiyā nava natthiyā tīṇi vigate tīṇi avigate nava.
Anulomaṁ niṭṭhitaṁ.

[264] Rūpiṁ dhammaṁ paccayā rūpī dhammo uppajjati nahetupaccayā:
ekaṁ mahābhūtaṁ ... Asaññasattānaṁ ekaṁ mahābhūtaṁ .... Rūpiṁ dhammaṁ
paccayā arūpī dhammo uppajjati nahetupaccayā: cakkhāyatanaṁ paccayā
cakkhuviññāṇaṁ kāyāyatanaṁ paccayā kāyaviññāṇaṁ vatthuṁ paccayā
ahetukā arūpino khandhā ahetukapaṭisandhikkhaṇe vatthuṁ paccayā
vicikicchāsahagato uddhaccasahagato moho. Rūpiṁ dhammaṁ paccayā
rūpī ca arūpī ca dhammā uppajjanti nahetupaccayā: pavatti paṭisandhi
kātabbā. Arūpiṁ dhammaṁ paccayā arūpī dhammo uppajjati nahetupaccayā:
ahetukaṁ arūpiṁ ekaṁ khandhaṁ ... Paṭisandhikkhaṇe vicikicchāsahagate
uddhaccasahagate khandhe paccayā vicikicchāsahagato uddhaccasahagato
moho. Arūpiṁ dhammaṁ paccayā rūpī dhammo uppajjati
nahetupaccayā: arūpino khandhe paccayā cittasamuṭṭhānaṁ rūpaṁ paṭisandhi.
Arūpiṁ dhammaṁ paccayā rūpī ca arūpī ca dhammā uppajjanti
nahetupaccayā: arūpiṁ ekaṁ khandhaṁ paccayā tayo khandhā cittasamuṭṭhānañca
rūpaṁ dve khandhe ... Paṭisandhi. Rūpiñca arūpiñca
dhammaṁ paccayā rūpī dhammo uppajjati nahetupaccayā: arūpino
Khandhe ca mahābhūte ca paccayā cittasamuṭṭhānaṁ rūpaṁ paṭisandhi.
Rūpiñca arūpiñca dhammaṁ paccayā arūpī dhammo uppajjati nahetupaccayā:
cakkhuviññāṇasahagataṁ ekaṁ khandhañca cakkhāyatanañca
paccayā tayo khandhā dve khandhe ... Kāyaviññāṇasahagataṁ ...
Arūpiṁ ekaṁ khandhañca vatthuñca paccayā tayo khandhā dve khandhe ...
Paṭisandhikkhaṇe vicikicchāsahagate uddhaccasahagate khandhe ca vatthuñca
paccayā vicikicchāsahagato uddhaccasahagato moho. Rūpiñca arūpiñca
dhammaṁ paccayā rūpī ca arūpī ca dhammā uppajjanti nahetupaccayā:
arūpiṁ ekaṁ khandhañca vatthuñca paccayā ahetukā tayo khandhā dve
khandhe ... Arūpino khandhe ca mahābhūte ca paccayā cittasamuṭṭhānaṁ rūpaṁ
paṭisandhi.