[245] Appaṭigho dhammo appaṭighassa dhammassa āhārapaccayena
paccayo: appaṭighā āhārā sampayuttakānaṁ khandhānaṁ appaṭighānañca
cittasamuṭṭhānānaṁ rūpānaṁ āhārapaccayena paccayo paṭisandhikkhaṇe
kabaḷiṁkāro āhāro imassa appaṭighassa kāyassa āhārapaccayena
paccayo. Avasesā dvepi pañhā kātabbā paṭisandhi kabaḷiṁkāro
āhāro dvīsupi kātabbo agge.

[246] Sappaṭigho dhammo appaṭighassa dhammassa indriyapaccayena
paccayo: cakkhundriyaṁ cakkhuviññāṇassa kāyindriyaṁ kāyaviññāṇassa
indriyapaccayena paccayo. Appaṭigho dhammo appaṭighassa
dhammassa indriyapaccayena paccayo: tīṇi tīsupi jīvitindriyaṁ agge
Kātabbaṁ. Sappaṭigho ca appaṭigho ca dhammā appaṭighassa dhammassa
indriyapaccayena paccayo: cakkhundriyañca cakkhuviññāṇañca cakkhuviññāṇasahagatānaṁ
khandhānaṁ indriyapaccayena paccayo kāyindriyañca
kāyaviññāṇañca kāyaviññāṇasahagatānaṁ khandhānaṁ indriyapaccayena
paccayo.

[247] Jhānapaccayena paccayo: tīṇi. Maggapaccayena
paccayo: tīṇi. Sampayuttapaccayena paccayo: ekaṁ.

[248] Sappaṭigho dhammo appaṭighassa dhammassa vippayuttapaccayena
paccayo: purejātaṁ: cakkhāyatanaṁ cakkhuviññāṇassa kāyāyatanaṁ
kāyaviññāṇassa vippayuttapaccayena paccayo. Appaṭigho dhammo
appaṭighassa dhammassa vippayuttapaccayena paccayo: sahajātaṁ
purejātaṁ pacchājātaṁ. Sahajātā: appaṭighā khandhā appaṭighānaṁ
cittasamuṭṭhānānaṁ rūpānaṁ vippayuttapaccayena paccayo paṭisandhikkhaṇe
khandhā vatthussa vippayuttapaccayena paccayo vatthu khandhānaṁ
vippayuttapaccayena paccayo. Purejātaṁ: vatthu appaṭighānaṁ khandhānaṁ
vippayuttapaccayena paccayo. Pacchājātā: appaṭighā khandhā
purejātassa imassa appaṭighassa kāyassa vippayuttapaccayena
paccayo. Appaṭigho dhammo sappaṭighassa dhammassa vippayuttapaccayena
paccayo: sahajātaṁ pacchājātaṁ. Sahajātā: appaṭighā khandhā
sappaṭighānaṁ cittasamuṭṭhānānaṁ rūpānaṁ vippayuttapaccayena paccayo
Paṭisandhikkhaṇe .... Pacchājātā: appaṭighā khandhā purejātassa imassa
sappaṭighassa kāyassa vippayuttapaccayena paccayo. Appaṭigho dhammo
sappaṭighassa ca appaṭighassa ca dhammassa vippayuttapaccayena paccayo:
sahajātaṁ pacchājātaṁ. Sahajātā: appaṭighā khandhā sappaṭighānañca
appaṭighānañca cittasamuṭṭhānānaṁ rūpānaṁ vippayuttapaccayena paccayo
paṭisandhikkhaṇe .... Pacchājātā: appaṭighā khandhā purejātassa
imassa sappaṭighassa ca appaṭighassa ca kāyassa vippayuttapaccayena
paccayo.

[249] Sappaṭigho dhammo sappaṭighassa dhammassa atthipaccayena
paccayo: ekaṁ paṭiccasadisā paṭhamapañhā. Sappaṭigho dhammo
appaṭighassa dhammassa atthipaccayena paccayo: sahajātaṁ purejātaṁ.
Sahajātā: sappaṭighā mahābhūtā āpodhātuyā atthipaccayena
paccayo sappaṭighā mahābhūtā appaṭighānaṁ cittasamuṭṭhānānaṁ rūpānaṁ
kaṭattārūpānaṁ upādārūpānaṁ atthipaccayena paccayo phoṭṭhabbāyatanaṁ
itthindriyassa kabaḷiṁkārassa āhārassa atthipaccayena paccayo
bāhiraṁ ... Āhārasamuṭṭhānaṁ utusamuṭṭhānaṁ asaññasattānaṁ .... Purejātaṁ:
cakkhuṁ ... Phoṭṭhabbe aniccato ... Domanassaṁ uppajjati dibbena
cakkhunā rūpaṁ passati dibbāya sotadhātuyā saddaṁ suṇāti rūpāyatanaṁ
cakkhuviññāṇassa phoṭṭhabbāyatanaṁ kāyaviññāṇassa cakkhāyatanaṁ
cakkhuviññāṇassa kāyāyatanaṁ kāyaviññāṇassa atthipaccayena
Paccayo. Sappaṭigho dhammo sappaṭighassa ca appaṭighassa ca dhammassa
atthipaccayena paccayo: sappaṭighaṁ ekaṁ mahābhūtaṁ dvinnaṁ mahābhūtānaṁ
āpodhātuyā ca atthipaccayena paccayo paṭiccasadisaṁ yāva
asaññasattā. Appaṭigho dhammo appaṭighassa dhammassa atthipaccayena
paccayo: sahajātaṁ purejātaṁ pacchājātaṁ āhāraṁ indriyaṁ. Sahajāto:
appaṭigho eko khandho tiṇṇannaṁ ... Yāva asaññasattā.
Purejātaṁ: vatthuṁ ... Itthindriyaṁ purisindriyaṁ jīvitindriyaṁ āpodhātuṁ ...
Kabaḷiṁkāraṁ āhāraṁ aniccato ... Domanassaṁ uppajjati vatthu appaṭighānaṁ
khandhānaṁ atthipaccayena paccayo. Pacchājātā: appaṭighā khandhā
purejātassa imassa appaṭighassa kāyassa atthipaccayena paccayo
kabaḷiṁkāro āhāro imassa appaṭighassa kāyassa atthipaccayena
paccayo rūpajīvitindriyaṁ appaṭighānaṁ kaṭattārūpānaṁ atthipaccayena
paccayo. Appaṭigho dhammo sappaṭighassa dhammassa atthipaccayena
paccayo: sahajātaṁ pacchājātaṁ āhāraṁ indriyaṁ. Sahajātā:
appaṭighā khandhā sappaṭighānaṁ cittasamuṭṭhānānaṁ rūpānaṁ atthipaccayena
paccayo paṭisandhikkhaṇe āpodhātu sappaṭighānaṁ mahābhūtānaṁ atthipaccayena
paccayo āpodhātu sappaṭighānaṁ cittasamuṭṭhānānaṁ rūpānaṁ
kaṭattārūpānaṁ upādārūpānaṁ atthipaccayena paccayo āpodhātu
cakkhāyatanassa phoṭṭhabbāyatanassa atthipaccayena paccayo bāhiraṁ ...
Āhārasamuṭṭhānaṁ utusamuṭṭhānaṁ asaññasattānaṁ .... Pacchājātā:
Appaṭighā khandhā purejātassa imassa sappaṭighassa kāyassa atthipaccayena
paccayo kabaḷiṁkāro āhāro imassa sappaṭighassa kāyassa
atthipaccayena paccayo rūpajīvitindriyaṁ sappaṭighānaṁ kaṭattārūpānaṁ
atthipaccayena paccayo. Appaṭigho dhammo sappaṭighassa ca
appaṭighassa ca dhammassa atthipaccayena paccayo: sahajātaṁ pacchājātaṁ
āhāraṁ indriyaṁ. Sahajāto: appaṭigho eko khandho tiṇṇannaṁ
khandhānaṁ sappaṭighānañca appaṭighānañca ... Paṭiccasadisaṁ yāva
asaññasattā. Pacchājātā: appaṭighā khandhā purejātassa imassa
sappaṭighassa ca appaṭighassa ca kāyassa atthipaccayena paccayo
kabaḷiṁkāro āhāro imassa sappaṭighassa ca appaṭighassa ca kāyassa
atthipaccayena paccayo rūpajīvitindriyaṁ sappaṭighānañca appaṭighānañca
kaṭattārūpānaṁ atthipaccayena paccayo. Sappaṭigho ca appaṭigho
ca dhammā sappaṭighassa dhammassa atthipaccayena paccayo:
paṭiccasadisaṁ yāva asaññasattā. Sappaṭigho ca appaṭigho ca
dhammā appaṭighassa dhammassa atthipaccayena paccayo: sahajātaṁ
purejātaṁ. Sahajātā: appaṭighā khandhā ca mahābhūtā ca appaṭighānaṁ
cittasamuṭṭhānānaṁ rūpānaṁ ... Paṭiccasadisaṁ yāva asaññasattā.
Sahajāto: cakkhuviññāṇasahagato eko khandho ca cakkhāyatanañca
tiṇṇannaṁ khandhānaṁ ... Dve khandhā ... Kāyaviññāṇasahagato eko
khandho ca kāyāyatanañca tiṇṇannaṁ khandhānaṁ atthipaccayena paccayo
Dve khandhā .... Sappaṭigho ca appaṭigho ca dhammā sappaṭighassa ca
appaṭighassa ca dhammassa atthipaccayena paccayo: paṭiccasadisaṁ.

[250] Hetuyā tīṇi ārammaṇe dve adhipatiyā cattāri
anantare ekaṁ samanantare ekaṁ sahajāte nava aññamaññe
cha nissaye nava upanissaye dve purejāte tīṇi pacchājāte
tīṇi āsevane ekaṁ kamme tīṇi vipāke tīṇi āhāre
tīṇi indriye pañca jhāne tīṇi magge tīṇi sampayutte
ekaṁ vippayutte cattāri atthiyā nava natthiyā ekaṁ vigate
ekaṁ avigate nava. Ekaṁ gaṇetabbaṁ.
Anulomaṁ niṭṭhitaṁ.

[251] Sappaṭigho dhammo sappaṭighassa dhammassa sahajātapaccayena
paccayo:. Sappaṭigho dhammo appaṭighassa dhammassa ārammaṇapaccayena
paccayo: sahajātapaccayena paccayo: upanissayapaccayena
paccayo: purejātapaccayena paccayo:. Sappaṭigho dhammo
sappaṭighassa ca appaṭighassa ca dhammassa sahajātapaccayena paccayo:.
Appaṭigho dhammo appaṭighassa dhammassa ārammaṇapaccayena
paccayo: sahajātapaccayena paccayo: upanissayapaccayena paccayo:
purejātapaccayena paccayo: pacchājātapaccayena paccayo: kammapaccayena
paccayo: āhārapaccayena paccayo: indriyapaccayena
paccayo:. Appaṭigho dhammo sappaṭighassa dhammassa sahajātapaccayena
Paccayo: pacchājātapaccayena paccayo: kammapaccayena paccayo:
āhārapaccayena paccayo: indriyapaccayena paccayo:. Appaṭigho
dhammo sappaṭighassa ca appaṭighassa ca dhammassa sahajātapaccayena
paccayo: pacchājātapaccayena paccayo: kammapaccayena paccayo:
āhārapaccayena paccayo: indriyapaccayena paccayo:. Sappaṭigho
ca appaṭigho ca dhammā sappaṭighassa dhammassa sahajātapaccayena
paccayo:. Sappaṭigho ca appaṭigho ca dhammā appaṭighassa dhammassa
sahajātapaccayena paccayo: purejātapaccayena paccayo:. Sappaṭigho
ca appaṭigho ca dhammā sappaṭighassa ca appaṭighassa ca dhammassa
sahajātapaccayena paccayo:.

[252] Nahetuyā nava. Saṅkhittaṁ. Nānantare nava nasamanantare nava
nasahajāte cattāri nāññamaññe nava nanissaye cattāri naupanissaye
nava napurejāte nava. Saṅkhittaṁ. Nasampayutte nava navippayutte nava
noatthiyā cattāri nonatthiyā nava novigate nava noavigate cattāri.
Paccanīyaṁ niṭṭhitaṁ.

[253] Hetupaccayā nāarammaṇe tīṇi saṅkhittaṁ ... Nānantare
tīṇi nasamanantare tīṇi nāññamaññe tīṇi naupanissaye tīṇi
saṅkhittaṁ ... Nasampayutte tīṇi navippayutte ekaṁ nonatthiyā tīṇi
novigate tīṇi.
Anulomapaccanīyaṁ niṭṭhitaṁ.

[254] Nahetupaccayā ārammaṇe dve ... Adhipatiyā cattāri.
Anulomamātikā gaṇetabbā. ... Avigate nava.
Paccanīyānulomaṁ niṭṭhitaṁ.
Sappaṭighadukaṁ niṭṭhitaṁ.
-------------
Rūpidukaṁ
paṭiccavāro