[225] Sappaṭighaṁ dhammaṁ paṭicca sappaṭigho dhammo uppajjati
nahetupaccayā: tīṇi. Appaṭighaṁ dhammaṁ paṭicca appaṭigho dhammo
uppajjati hetupaccayā: ahetukaṁ appaṭighaṁ ekaṁ khandhaṁ paṭicca
tayo khandhā appaṭighaṁ cittasamuṭṭhānañca rūpaṁ dve khandhe ...
Ahetukapaṭisandhikkhaṇe khandhe paṭicca vatthu vatthuṁ paṭicca khandhā
āpodhātuṁ paṭicca appaṭighaṁ cittasamuṭṭhānaṁ rūpaṁ kaṭattārūpaṁ upādārūpaṁ
āpodhātuṁ paṭicca itthindriyaṁ kabaḷiṁkāro āhāro bāhiraṁ ...
Āhārasamuṭṭhānaṁ ... Utusamuṭṭhānaṁ ... Asaññasattānaṁ āpodhātuṁ paṭicca
appaṭighaṁ kaṭattārūpaṁ upādārūpaṁ vicikicchāsahagate uddhaccasahagate
khandhe paṭicca vicikicchāsahagato uddhaccasahagato moho.
Appaṭighamūlakaṁ itarepi dve pañhā kātabbā ghaṭanepi tīṇi
pañhā kātabbā ajjhattikā bāhirā mahābhūtā sabbe jānitvā
kātabbā.

[226] Sappaṭighaṁ dhammaṁ paṭicca sappaṭigho dhammo uppajjati
nāarammaṇapaccayā:. Sabbaṁ saṅkhittaṁ. Novigatapaccayā:.

[227] Nahetuyā nava nāarammaṇe nava nādhipatiyā nava
nānantare nava nasamanantare nava nāññamaññe nava naupanissaye
nava napurejāte nava napacchājāte nava nāasevane
nava nakamme nava navipāke nava nāahāre nava naindriye
nava najhāne nava namagge nava nasampayutte nava navippayutte
Nava nonatthiyā nava novigate nava.
Paccanīyaṁ niṭṭhitaṁ.

[228] Hetupaccayā nāarammaṇe nava ... Nādhipatiyā nava
nānantare nava nasamanantare nava nāññamaññe nava naupanissaye
nava napurejāte nava napucchājāte nava nāasevane nava nakamme
ekaṁ navipāke nava nasampayutte nava navippayutte ekaṁ nonatthiyā
nava novigate nava.
Anulomapaccanīyaṁ niṭṭhitaṁ.

[229] Nahetupaccayā ārammaṇe ekaṁ ... Anantare ekaṁ
samanantare ekaṁ sahajāte ekaṁ aññamaññe cha nissaye nava
upanissaye ekaṁ purejāte ekaṁ āsevane ekaṁ kamme nava.
Saṅkhittaṁ ... Magge ekaṁ sampayutte ekaṁ vippayutte nava atthiyā
nava natthiyā ekaṁ vigate ekaṁ avigate nava.
Paccanīyānulomaṁ niṭṭhitaṁ.
Sahajātavāropi paṭiccavārasadiso.
Paccayavāro

[230] Sappaṭighaṁ dhammaṁ paccayā sappaṭigho dhammo uppajjati
hetupaccayā: tīṇi. Appaṭighaṁ dhammaṁ paccayā appaṭigho dhammo
uppajjati hetupaccayā: appaṭighaṁ ekaṁ khandhaṁ paccayā tayo
khandhā appaṭighaṁ cittasamuṭṭhānañca rūpaṁ dve khandhe ... Paṭisandhikkhaṇe
Āpodhātuṁ paccayā appaṭighaṁ cittasamuṭṭhānaṁ rūpaṁ kaṭattārūpaṁ
upādārūpaṁ āpodhātuṁ paccayā itthindriyaṁ kabaḷiṁkāro āhāro
vatthuṁ paccayā appaṭighā khandhā. Avasesā pañca pañhā
paṭiccavārasadisā.

[231] Sappaṭighaṁ dhammaṁ paccayā appaṭigho dhammo uppajjati
ārammaṇapaccayā: cakkhāyatanaṁ paccayā cakkhuviññāṇaṁ kāyāyatanaṁ
paccayā kāyaviññāṇaṁ. Appaṭighaṁ dhammaṁ paccayā appaṭigho
dhammo uppajjati ārammaṇapaccayā: appaṭighaṁ ekaṁ khandhaṁ paccayā
tayo khandhā dve khandhe ... Paṭisandhikkhaṇe vatthuṁ paccayā
appaṭighā khandhā. Sappaṭighañca appaṭighañca dhammaṁ paccayā
appaṭigho dhammo uppajjati ārammaṇapaccayā: cakkhuviññāṇasahagataṁ
ekaṁ khandhañca cakkhāyatanañca paccayā tayo khandhā kāyaviññāṇasahagataṁ
ekaṁ khandhañca kāyāyatanañca paccayā tayo khandhā.
Adhipatipaccayā:. Saṅkhittaṁ. Avigatapaccayā:.

[232] Hetuyā nava ārammaṇe tīṇi adhipatiyā nava
anantare tīṇi samanantare tīṇi sahajāte nava aññamaññe
cha nissaye nava upanissaye tīṇi purejāte tīṇi āsevane
ekaṁ kamme nava avigate nava.
Evaṁ paccanīyagaṇanāpi kātabbā.
Nissayavāropi paccayavārasadiso. Saṁsaṭṭhavārepi sabbattha ekaṁ
Saṅkhittaṁ. Avigatapaccayā: ekāyeva pañhā. Dvepi vārā
kātabbā.
Pañhāvāro

[233] Appaṭigho dhammo appaṭighassa dhammassa hetupaccayena
paccayo: appaṭighā hetū sampayuttakānaṁ khandhānaṁ appaṭighānañca
cittasamuṭṭhānānaṁ rūpānaṁ hetupaccayena paccayo paṭisandhi.
Appaṭigho dhammo sappaṭighassa dhammassa hetupaccayena paccayo:
appaṭighā hetū sappaṭighānaṁ cittasamuṭṭhānānaṁ rūpānaṁ hetupaccayena
paccayo paṭisandhi. Appaṭigho dhammo sappaṭighassa ca
appaṭighassa ca dhammassa hetupaccayena paccayo: appaṭighā hetū
sampayuttakānaṁ khandhānaṁ sappaṭighānañca appaṭighānañca cittasamuṭṭhānānaṁ
rūpānaṁ hetupaccayena paccayo paṭisandhikkhaṇe ....

[234] Sappaṭigho dhammo appaṭighassa dhammassa ārammaṇapaccayena
paccayo: cakkhuṁ ... Phoṭṭhabbe aniccato ... Domanassaṁ
uppajjati dibbena cakkhunā rūpaṁ passati dibbāya sotadhātuyā
saddaṁ suṇāti rūpāyatanaṁ cakkhuviññāṇassa phoṭṭhabbāyatanaṁ
kāyaviññāṇassa sappaṭighā khandhā iddhividhañāṇassa pubbenivāsānussatiñāṇassa
anāgataṁsañāṇassa āvajjanāya ārammaṇapaccayena
paccayo. Appaṭigho dhammo appaṭighassa dhammassa
ārammaṇapaccayena paccayo: dānaṁ ... Sīlaṁ ... Uposathakammaṁ katvā
Taṁ paccavekkhati pubbe suciṇṇāni paccavekkhati jhānā
vuṭṭhahitvā jhānaṁ paccavekkhati ariyā maggā vuṭṭhahitvā maggaṁ
paccavekkhanti phalaṁ paccavekkhanti nibbānaṁ gotrabhussa vodānassa
maggassa phalassa āvajjanāya ārammaṇapaccayena paccayo ariyā
pahīne kilese paccavekkhanti vikkhambhite kilese paccavekkhanti
pubbe samudāciṇṇe kilese jānanti vatthuṁ ... Itthindriyaṁ
purisindriyaṁ jīvitindriyaṁ āpodhātuṁ ... Kabaḷiṁkāraṁ āhāraṁ aniccato ...
Domanassaṁ uppajjati cetopariyañāṇena appaṭighacittasamaṅgissa
cittaṁ jānāti ākāsānañcāyatanaṁ viññāṇañcāyatanassa
ākiñcaññāyatanaṁ nevasaññānāsaññāyatanassa appaṭighā khandhā
iddhividhañāṇassa cetopariyañāṇassa pubbenivāsānussatiñāṇassa
yathākammūpagañāṇassa anāgataṁsañāṇassa āvajjanāya ārammaṇapaccayena
paccayo.