[235] Sappaṭigho dhammo appaṭighassa dhammassa adhipatipaccayena
paccayo: ārammaṇādhipati: cakkhuṁ ... Phoṭṭhabbe garuṁ katvā assādeti
abhinandati taṁ garuṁ katvā rāgo uppajjati diṭṭhi uppajjati.
Appaṭigho dhammo appaṭighassa dhammassa adhipatipaccayena paccayo:
ārammaṇādhipati sahajātādhipati. Ārammaṇādhipati: dānaṁ ... Sīlaṁ ...
Uposathakammaṁ ... Taṁ garuṁ katvā ... Pubbe suciṇṇāni ... Jhānā
vuṭṭhahitvā jhānaṁ garuṁ katvā paccavekkhati ariyā maggā vuṭṭhahitvā
Maggaṁ garuṁ katvā ... Phalaṁ garuṁ katvā ... Nibbānaṁ gotrabhussa
vodānassa maggassa phalassa adhipatipaccayena paccayo vatthuṁ ...
Itthindriyaṁ purisindriyaṁ jīvitindriyaṁ āpodhātuṁ ... Kabaḷiṁkāraṁ āhāraṁ
garuṁ katvā assādeti abhinandati taṁ garuṁ katvā rāgo uppajjati
diṭṭhi uppajjati. Sahajātādhipati: appaṭighādhipati sampayuttakānaṁ
khandhānaṁ appaṭighānañca cittasamuṭṭhānānaṁ rūpānaṁ adhipatipaccayena
paccayo. Appaṭigho dhammo sappaṭighassa dhammassa adhipatipaccayena
paccayo: appaṭighādhipati sampaṭighānaṁ cittasamuṭṭhānānaṁ rūpānaṁ
adhipatipaccayena paccayo. Appaṭigho dhammo sappaṭighassa ca
appaṭighassa ca dhammassa adhipatipaccayena paccayo: sahajātādhipati:
appaṭighādhipati sampayuttakānaṁ khandhānaṁ sappaṭighānañca appaṭighānañca
cittasamuṭṭhānānaṁ rūpānaṁ adhipatipaccayena paccayo.

[236] Appaṭigho dhammo appaṭighassa dhammassa anantarapaccayena
paccayo: purimā purimā appaṭighā khandhā ... .pe. Phalasamāpattiyā
anantarapaccayena paccayo.

[237] Appaṭigho dhammo appaṭighassa dhammassa samanantarapaccayena
paccayo:.

[238] Sampaṭigho dhammo sappaṭighassa dhammassa sahajātapaccayena
paccayo: nava. Aññamaññapaccayena paccayo: cha. Nissayapaccayena
paccayo: nava.

[239] Sampaṭigho dhammo appaṭighassa dhammassa upanissayapaccayena
paccayo: ārammaṇūpanissayo pakatūpanissayo pakatūpanissayo .pe.
Pakatūpanissayo: utuṁ ... Senāsanaṁ upanissāya dānaṁ deti .pe.
Saṅghaṁ bhindati utu senāsanaṁ saddhāya .pe. Phalasamāpattiyā
upanissayapaccayena paccayo. Appaṭigho dhammo appaṭighassa dhammassa
upanissayapaccayena paccayo: ārammaṇūpanissayo anantarūpanissayo
pakatūpanissayo .pe. Pakatūpanissayo: saddhaṁ upanissāya dānaṁ
deti .pe. Diṭṭhiṁ gaṇhāti sīlaṁ ... .pe. Kāyikaṁ sukhaṁ ... Kāyikaṁ
dukkhaṁ ... Bhojanaṁ upanissāya dānaṁ deti .pe. Saṅghaṁ bhindati saddhā
.pe. Bhojanaṁ saddhāya .pe. Phalasamāpattiyā upanissayapaccayena
paccayo.

[240] Sampaṭigho dhammo appaṭighassa dhammassa purejātapaccayena
paccayo: ārammaṇapurejātaṁ vatthupurejātaṁ. Ārammaṇapurejātaṁ:
cakkhuṁ ... Phoṭṭhabbe aniccato ... Domanassaṁ uppajjati dibbena
cakkhunā rūpaṁ passati dibbāya sotadhātuyā saddaṁ suṇāti rūpāyatanaṁ
cakkhuviññāṇassa phoṭṭhabbāyatanaṁ kāyaviññāṇassa purejātapaccayena
paccayo. Vatthupurejātaṁ: cakkhāyatanaṁ cakkhuviññāṇassa
kāyāyatanaṁ kāyaviññāṇassa purejātapaccayena paccayo. Appaṭigho
dhammo appaṭighassa dhammassa purejātapaccayena paccayo: ārammaṇapurejātaṁ
vatthupurejātaṁ. Ārammaṇapurejātaṁ: vatthuṁ ... Itthindriyaṁ
Purisindriyaṁ jīvitindriyaṁ āpodhātuṁ ... Kabaḷiṁkāraṁ āhāraṁ aniccato ...
Domanassaṁ uppajjati. Vatthupurejātaṁ: vatthu appaṭighānaṁ khandhānaṁ
purejātapaccayena paccayo. Sappaṭigho ca appaṭigho ca dhammā
appaṭighassa dhammassa purejātapaccacena paccayo: ārammaṇapurejātaṁ
vatthupurejātaṁ. Cakkhāyatanañca vatthu ca phoṭṭhabbāyatanañca
vatthu ca appaṭighānaṁ khandhānaṁ purejātapaccayena paccayo.

[241] Appaṭigho dhammo appaṭighassa dhammassa pacchājātapaccayena
paccayo: pacchājātā appaṭighā khandhā purejātassa
imassa appaṭighassa kāyassa pacchājātapaccayena paccayo.
Pacchājātā appaṭighā khandhā purejātassa imassa sappaṭighassa
kāyassa pacchājātapaccayena paccayo. Pacchājātā appaṭighā khandhā
purejātassa imassa sappaṭighassa ca appaṭighassa ca kāyassa
pacchājātapaccayena paccayo. Dvinnampi mūlā kātabbā.

[242] Appaṭigho dhammo appaṭighassa dhammassa āsevanapaccayena
paccayo: purimā purimā appaṭighā khandhā ... Vodānaṁ maggassa
āsevanapaccayena paccayo.

[243] Appaṭigho dhammo appaṭighassa dhammassa kammapaccayena
paccayo: sahajātā nānākhaṇikā. Sahajātā: appaṭighā cetanā
sampayuttakānaṁ khandhānaṁ appaṭighānañca cittasamuṭṭhānānaṁ rūpānaṁ
kammapaccayena paccayo. Nānākhaṇikā: appaṭighā cetanā vipākānaṁ
Khandhānaṁ appaṭighānañca kaṭattārūpānaṁ kammapaccayena paccayo.
Appaṭigho dhammo sappaṭighassa dhammassa kammapaccayena paccayo:
sahajātā nānākhaṇikā. Sahajātā: appaṭighā cetanā sampayuttakānaṁ
khandhānaṁ sappaṭighānañca cittasamuṭṭhānānaṁ rūpānaṁ kammapaccayena
paccayo. Nānākhaṇikā: appaṭighā cetanā vipākānaṁ khandhānaṁ
sappaṭighānañca kaṭattārūpānaṁ kammapaccayena paccayo. Appaṭigho
dhammo sappaṭighassa ca appaṭighassa ca dhammassa kammapaccayena
paccayo: sahajātā nānākhaṇikā .pe.

[244] Appaṭigho dhammo appaṭighassa dhammassa vipākapaccayena
paccayo: vipāko appaṭigho ... Tīṇi.