[275] Rūpī dhammo arūpissa dhammassa purejātapaccayena paccayo:
ārammaṇapurejātaṁ vatthupurejātaṁ. Ārammaṇapurejātaṁ: cakkhuṁ ...
Vatthuṁ ... Kabaḷiṁkāraṁ āhāraṁ aniccato ... Domanassaṁ uppajjati dibbena
cakkhunā rūpaṁ passati dibbāya sotadhātuyā saddaṁ suṇāti rūpāyatanaṁ
cakkhuviññāṇassa phoṭṭhabbāyatanaṁ kāyaviññāṇassa. Vatthupurejātaṁ:
cakkhāyatanaṁ cakkhuviññāṇassa kāyāyatanaṁ kāyaviññāṇassa
vatthu arūpīnaṁ khandhānaṁ purejātapaccayena paccayo:.

[276] Arūpī dhammo rūpissa dhammassa pacchājātapaccayena
paccayo: pacchājātā arūpino khandhā purejātassa imassa kāyassa
pacchājātapaccayena paccayo.

[277] Arūpī dhammo arūpissa dhammassa āsevanapaccayena
paccayo: purimā purimā ....

[278] Arūpī dhammo arūpissa dhammassa kammapaccayena paccayo:
sahajātā nānākhaṇikā. Sahajātā: arūpī cetanā sampayuttakānaṁ
khandhānaṁ kammapaccayena paccayo. Nānākhaṇikā: arūpī cetanā
vipākānaṁ khandhānaṁ kammapaccayena paccayo. Arūpī dhammo rūpissa
dhammassa kammapaccayena paccayo: sahajātā nānākhaṇikā.
Sahajātā: arūpī cetanā cittasamuṭṭhānānaṁ rūpānaṁ kammapaccayena
paccayo. Nānākhaṇikā: arūpī cetanā kaṭattārūpānaṁ kammapaccayena
paccayo. Arūpī dhammo rūpissa ca arūpissa ca dhammassa
kammapaccayena paccayo: sahajātā nānākhaṇikā. Sahajātā:
arūpī cetanā sampayuttakānaṁ khandhānaṁ cittasamuṭṭhānānañca rūpānaṁ
kammapaccayena paccayo. Nānākhaṇikā: arūpī cetanā vipākānaṁ
khandhānaṁ kaṭattā ca rūpānaṁ kammapaccayena paccayo.

[279] Arūpī dhammo arūpissa dhammassa vipākapaccayena
paccayo: tīṇi.

[280] Rūpī dhammo rūpissa dhammassa āhārapaccayena paccayo:
kabaḷiṁkāro āhāro imassa kāyassa āhārapaccayena paccayo.
Arūpī dhammo arūpissa dhammassa āhārapaccayena paccayo: tīṇi.

[281] Rūpī dhammo rūpissa dhammassa indriyapaccayena paccayo:
Rūpajīvitindriyaṁ kaṭattārūpānaṁ indriyapaccayena paccayo. Rūpī dhammo
arūpissa dhammassa indriyapaccayena paccayo: cakkhundriyaṁ cakkhuviññāṇassa
kāyindriyaṁ kāyaviññāṇassa indriyapaccayena
paccayo. Arūpī dhammo arūpissa dhammassa indriyapaccayena paccayo:
tīṇi. Rūpī ca arūpī ca dhammā arūpissa dhammassa indriyapaccayena
paccayo: cakkhundriyañca cakkhuviññāṇañca cakkhuviññāṇasahagatānaṁ
khandhānaṁ indriyapaccayena paccayo kāyindriyañca ....

[282] Arūpī dhammo arūpissa dhammassa jhānapaccayena paccayo:
tīṇi. Maggapaccayena paccayo: tīṇi. Sampayuttapaccayena
paccayo: ekaṁ.

[283] Rūpī dhammo arūpissa dhammassa vippayuttapaccayena paccayo:
sahajātaṁ purejātaṁ. Sahajātaṁ: paṭisandhikkhaṇe vatthu arūpīnaṁ khandhānaṁ
vippayuttapaccayena paccayo. Purejātaṁ: cakkhāyatanaṁ cakkhuviññāṇassa
kāyāyatanaṁ kāyaviññāṇassa vatthu arūpīnaṁ khandhānaṁ
vippayuttapaccayena paccayo. Arūpī dhammo rūpissa dhammassa
vippayuttapaccayena paccayo: sahajātaṁ pacchājātaṁ. Sahajātā:
arūpino khandhā cittasamuṭṭhānānaṁ rūpānaṁ vippayuttapaccayena paccayo
paṭisandhikkhaṇe arūpī khandhā kaṭattārūpānaṁ vippayuttapaccayena
paccayo. Pacchājātā: arūpino khandhā purejātassa imassa
kāyassa vippayuttapaccayena paccayo.

[284] Rūpī dhammo rūpissa dhammassa atthipaccayena paccayo:
sahajātaṁ āhāraṁ indriyaṁ. Sahajātaṁ: ekaṁ mahābhūtaṁ ... Yāva
asaññasattā kabaḷiṁkāro āhāro imassa kāyassa atthipaccayena
paccayo rūpajīvitindriyaṁ kaṭattārūpānaṁ atthipaccayena paccayo.
Rūpī dhammo arūpissa dhammassa atthipaccayena paccayo: sahajātaṁ
purejātaṁ. Sahajātaṁ: paṭisandhikkhaṇe vatthu arūpīnaṁ khandhānaṁ atthipaccayena
paccayo. Purejātaṁ: cakkhuṁ ... Kabaḷiṁkāraṁ āhāraṁ aniccato ...
Domanassaṁ uppajjati dibbena cakkhunā ... Dibbāya sotadhātuyā ...
Rūpāyatanaṁ cakkhuviññāṇassa phoṭṭhabbāyatanaṁ kāyaviññāṇassa
cakkhāyatanaṁ cakkhuviññāṇassa kāyāyatanaṁ kāyaviññāṇassa vatthu
arūpīnaṁ khandhānaṁ atthipaccayena paccayo. Arūpī dhammo arūpissa
dhammassa atthipaccayena paccayo: arūpī eko khandho tiṇṇannaṁ
khandhānaṁ dve khandhā ... Paṭisandhikkhaṇe ... Arūpī dhammo rūpissa
dhammassa atthipaccayena paccayo: sahajātaṁ pacchājātaṁ. Sahajātā:
arūpino khandhā cittasamuṭṭhānānaṁ rūpānaṁ atthipaccayena paccayo
paṭisandhikkhaṇe .... Pacchājātā: arūpino khandhā purejātassa imassa
kāyassa atthipaccayena paccayo. Arūpī dhammo rūpissa ca arūpissa ca
dhammassa atthipaccayena paccayo: arūpī eko khandho tiṇṇannaṁ
khandhānaṁ cittasamuṭṭhānānañca rūpānaṁ atthipaccayena paccayo dve
khandhā ... Paṭisandhikkhaṇe .... Rūpī ca arūpī ca dhammā rūpissa
Dhammassa atthipaccayena paccayo: sahajātaṁ pacchājātaṁ āhāraṁ
indriyaṁ. Sahajātā: arūpino khandhā ca mahābhūtā ca cittasamuṭṭhānānaṁ
rūpānaṁ atthipaccayena paccayo. Pacchājātā: arūpino
khandhā ca kabaḷiṁkāro āhāro ca imassa kāyassa atthipaccayena
paccayo pacchājātā: arūpino khandhā ca rūpajīvitindriyañca
kaṭattārūpānaṁ atthipaccayena paccayo. Rūpī ca arūpī ca dhammā
arūpissa dhammassa atthipaccayena paccayo: sahajātaṁ purejātaṁ.
Sahajāto: cakkhuviññāṇasahagato eko khandho ca cakkhāyatanañca
tiṇṇannaṁ khandhānaṁ atthipaccayena paccayo dve khandhā ...
Kāyaviññāṇasahagato arūpī eko khandho ca vatthu ca tiṇṇannaṁ
khandhānaṁ atthipaccayena paccayo dve khandhā ... Paṭisandhikkhaṇe
arūpī eko khandho ca vatthu ca tiṇṇannaṁ khandhānaṁ dve
khandhā .... Natthipaccayena paccayo: vigatapaccayena paccayo:
avigatapaccayena paccayo:.