[295] Nahetupaccayā ārammaṇe ekaṁ ... Anantare ekaṁ.
Saṅkhittaṁ. ... Avigate ekaṁ.
Paccanīyānulomaṁ niṭṭhitaṁ.
Sahajātavāro paṭiccavārasadiso.
Paccayavāro

[296] Lokiyaṁ dhammaṁ paccayā lokiyo dhammo uppajjati
hetupaccayā: lokiyaṁ ekaṁ khandhaṁ paccayā. Saṅkhittaṁ. Ekaṁ
mahābhūtaṁ ... Mahābhūte paccayā cittasamuṭṭhānaṁ rūpaṁ kaṭattārūpaṁ
upādārūpaṁ vatthuṁ paccayā lokiyā khandhā. Lokiyaṁ dhammaṁ paccayā
lokuttaro dhammo uppajjati hetupaccayā: vatthuṁ paccayā lokuttarā
khandhā. Lokiyaṁ dhammaṁ paccayā lokiyo ca lokuttaro ca dhammā
uppajjanti hetupaccayā: vatthuṁ paccayā lokuttarā khandhā
mahābhūte paccayā cittasamuṭṭhānaṁ rūpaṁ. Lokuttaraṁ dhammaṁ paccayā
lokuttaro dhammo uppajjati hetupaccayā: tīṇi. Lokiyañca
lokuttarañca dhammaṁ paccayā lokiyo dhammo uppajjati hetupaccayā:
lokuttare khandhe ca mahābhūte ca paccayā cittasamuṭṭhānaṁ rūpaṁ.
Lokiyañca lokuttarañca dhammaṁ paccayā lokuttaro dhammo uppajjati
hetupaccayā: lokuttaraṁ ekaṁ khandhañca vatthuñca paccayā tayo
khandhā dve khandhe .... Lokiyañca lokuttarañca dhammaṁ paccayā
lokiyo ca lokuttaro ca dhammā uppajjanti hetupaccayā: lokuttaraṁ
ekaṁ khandhañca vatthuñca paccayā tayo khandhā dve khandhe ...
Lokuttare khandhe ca mahābhūte ca paccayā cittasamuṭṭhānaṁ rūpaṁ.
Saṅkhittaṁ.

[297] Hetuyā nava ārammaṇe cattāri adhipatiyā nava
Anantare cattāri samanantare cattāri sahajāte nava
aññamaññe cattāri nissaye nava upanissaye cattāri purejāte
cattāri āsevane cattāri kamme nava vipāke nava. Saṅkhittaṁ.
Magge nava sampayutte cattāri vippayutte nava atthiyā nava
natthiyā cattāri vigate cattāri avigate nava.
Anulomaṁ niṭṭhitaṁ.

[298] Lokiyaṁ dhammaṁ paccayā lokiyo dhammo uppajjati nahetupaccayā:
ahetukaṁ lokiyaṁ ekaṁ khandhaṁ ... Yāva asaññasattā
cakkhāyatanaṁ paccayā cakkhuviññāṇaṁ kāyāyatanaṁ paccayā kāyaviññāṇaṁ
vatthuṁ paccayā ahetukā lokiyā khandhā vicikicchāsahagate
uddhaccasahagate khandhe ca vatthuñca paccayā vicikicchāsahagato
uddhaccasahagato moho. Saṅkhittaṁ.

[299] Nahetuyā ekaṁ nāarammaṇe tīṇi nādhipatiyā
cattāri nānantare tīṇi. Saṅkhittaṁ. Naupanissaye tīṇi
napurejāte cattāri napacchājāte nava nāasevane nava.
Lokuttare arūpe vipākanti niyāmetabbaṁ. Nakamme cattāri
navipāke nava nāahāre ekaṁ naindriye ekaṁ najhāne ekaṁ
namagge ekaṁ nasampayutte tīṇi navippayutte dve nonatthiyā
tīṇi novigate tīṇi.
Paccanīyaṁ niṭṭhitaṁ.

[300] Hetupaccayā nāarammaṇe tīṇi ... Nādhipatiyā cattāri
nānantarapadādi paccanīyasadisā ... Navipāke nava nasampayutte tīṇi
navippayutte dve nonatthiyā tīṇi novigate tīṇi.
Anulomapaccanīyaṁ niṭṭhitaṁ.

[301] Nahetupaccayā ārammaṇe ekaṁ ... Anantare ekaṁ
avigate ekaṁ.
Paccanīyānulomaṁ niṭṭhitaṁ.
Saṁsaṭṭhavāro

[302] Lokiyaṁ dhammaṁ saṁsaṭṭho lokiyo dhammo uppajjati
hetupaccayā: lokiyaṁ ekaṁ khandhaṁ saṁsaṭṭhā tayo khandhā dve khandhe ...
Paṭisandhikkhaṇe .... Lokuttaraṁ dhammaṁ saṁsaṭṭho lokuttaro dhammo
uppajjati hetupaccayā: lokuttaraṁ ekaṁ khandhaṁ saṁsaṭṭhā tayo
khandhā dve khandhe .... Saṁsaṭṭhavāro evaṁ vitthāretabbo saha
gaṇanāhi dve pañhā.
Sampayuttavāro saṁsaṭṭhavārasadiso.
Pañhāvāro

[303] Lokiyo dhammo lokiyassa dhammassa hetupaccayena
paccayo: lokiyā hetū sampayuttakānaṁ khandhānaṁ cittasamuṭṭhānānañca
rūpānaṁ hetupaccayena paccayo paṭisandhikkhaṇe .... Lokuttaro
dhammo lokuttarassa dhammassa hetupaccayena paccayo: tīṇi.

[304] Lokiyo dhammo lokiyassa dhammassa ārammaṇapaccayena
paccayo: dānaṁ ... Sīlaṁ ... Uposathakammaṁ katvā taṁ paccavekkhati
pubbe suciṇṇāni paccavekkhati jhānā ... Ariyā gotrabhuṁ
paccavekkhanti vodānaṁ paccavekkhanti pahīne kilese paccavekkhanti
vikkhambhite kilese paccavekkhanti pubbe samudāciṇṇe kilese jānanti
cakkhuṁ ... Vatthuṁ ... Lokiye khandhe aniccato ... Domanassaṁ uppajjati
dibbena cakkhunā rūpaṁ passati dibbāya sotadhātuyā saddaṁ suṇāti
cetopariyañāṇena lokiyacittasamaṅgissa cittaṁ jānāti ākāsānañcāyatanaṁ
viññāṇañcāyatanassa ākiñcaññāyatanaṁ nevasaññānāsaññāyatanassa
rūpāyatanaṁ cakkhuviññāṇassa phoṭṭhabbāyatanaṁ
kāyaviññāṇassa lokiyā khandhā iddhividhañāṇassa cetopariyañāṇassa
pubbenivāsānussatiñāṇassa yathākammūpagañāṇassa anāgataṁsañāṇassa
āvajjanāya ārammaṇapaccayena paccayo. Lokuttaro dhammo
lokuttarassa dhammassa ārammaṇapaccayena paccayo: nibbānaṁ maggassa
phalassa ārammaṇapaccayena paccayo. Lokuttaro dhammo lokiyassa
dhammassa ārammaṇapaccayena paccayo: ariyā maggā vuṭṭhahitvā
maggaṁ paccavekkhanti phalaṁ paccavekkhanti nibbānaṁ paccavekkhanti
nibbānaṁ gotrabhussa vodānassa āvajjanāya ārammaṇapaccayena
paccayo ariyā cetopariyañāṇena lokuttaracittasamaṅgissa cittaṁ
jānanti lokuttarā khandhā cetopariyañāṇassa pubbenivāsānussatiñāṇassa
Anāgataṁsañāṇassa āvajjanāya ārammaṇapaccayena
paccayo.