พุทธธรรมสงฆ์
📁 หัวข้อธรรม
📁 ฉบับมหามกุฏฯ
📁 ฉบับสยามรัฐ
📁 ฉบับหลวง
📁 ฉบับมหาจุฬาฯ
📁 อรรถกถา
📁 พุทธธรรมสงฆ์
📁 เจดีย์
📁 ฉันหนึ่งมื้อ
📁 ปฏิมาที่ขัดแย้ง
📁 กระทู้
📁 รูปปั้น
📁 อุทเทสิกเจดีย์
📁 ถวายเงินพระบาป
📁 คู่มือการใช้งาน


Abhidhammapiṭake paṭṭhānaṁ dutiyo bhāgo (เล่ม 41)

[744] Nevadassanenanabhāvanāyapahātabbo dhammo bhāvanāyapahātabbassa
dhammassa atthipaccayena paccayo. Purejātaṁ: cakkhuṁ
assādeti abhinandati taṁ ārabbha bhāvanāyapahātabbo rāgo
Uppajjati diṭṭhi uppajjati bhāvanāyapahātabbaṁ domanassaṁ ...
Sotaṁ ... Vatthuṁ assādeti abhinandati vatthu bhāvanāyapahātabbānaṁ
khandhānaṁ atthipaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[745] Dassanenapahātabbo ca nevadassanenanabhāvanāyapahātabbo
ca dhammā dassanenapahātabbassa dhammassa atthipaccayena
paccayo sahajātaṁ purejātaṁ. Sahajāto: dassanenapahātabbo
eko khandho ca vatthu ca tiṇṇannaṁ khandhānaṁ atthipaccayena paccayo
dve khandhā ca vatthu ca ....

Abhidhammapiṭake paṭṭhānaṁ dutiyo bhāgo (เล่ม 41)

[746] Dassanenapahātabbo ca nevadassanenanabhāvanāyapahātabbo
ca dhammā nevadassanenanabhāvanāyapahātabbassa dhammassa
atthipaccayena paccayo sahajātaṁ pacchājātaṁ āhāraṁ indriyaṁ.
Sahajātā: dassanenapahātabbā khandhā ca mahābhūtā ca
cittasamuṭṭhānānaṁ rūpānaṁ atthipaccayena paccayo. Pacchājātā:
dassanenapahātabbā khandhā ca kabaḷiṁkāro āhāro ca imassa
kāyassa atthipaccayena paccayo. Pacchājātā: dassanenapahātabbā
khandhā ca rūpajīvitindriyañca kaṭattārūpānaṁ atthipaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[747] Bhāvanāyapahātabbo ca nevadassanenanabhāvanāyapahātabbo
ca dhammā bhāvanāyapahātabbassa dhammassa ... .pe. Dve
pañhā kātabbā.

Abhidhammapiṭake paṭṭhānaṁ dutiyo bhāgo (เล่ม 41)

[748] Dassanenapahātabbo dhammo dassanenapahātabbassa
Dhammassa natthipaccayena paccayo vigatapaccayena paccayo
avigatapaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[749] Hetuyā satta ārammaṇe aṭṭha adhipatiyā dasa
anantare satta samanantare satta sahajāte nava aññamaññe
tīṇi nissaye terasa upanissaye aṭṭha purejāte tīṇi
pacchājāte tīṇi āsevane tīṇi kamme satta vipāke ekaṁ
āhāre satta indriye satta jhāne satta magge satta
sampayutte tīṇi vippayutte pañca atthiyā terasa natthiyā
satta vigate satta avigate terasa. Evaṁ gaṇetabbaṁ.
Anulomaṁ.

Abhidhammapiṭake paṭṭhānaṁ dutiyo bhāgo (เล่ม 41)

[750] Dassanenapahātabbo dhammo dassanenapahātabbassa
dhammassa ārammaṇapaccayena paccayo sahajātapaccayena paccayo
upanissayapaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[751] Dassanenapahātabbo dhammo nevadassanenanabhāvanāyapahātabbassa
dhammassa ārammaṇapaccayena paccayo sahajātapaccayena
paccayo upanissayapaccayena paccayo pacchājātapaccayena
paccayo kammapaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[752] Dassanenapahātabbo dhammo dassanenapahātabbassa ca
nevadassanenanabhāvanāyapahātabbassa ca dhammassa sahajātapaccayena
paccayo.

Abhidhammapiṭake paṭṭhānaṁ dutiyo bhāgo (เล่ม 41)

[753] Bhāvanāyapahātabbo dhammo bhāvanāyapahātabbassa
dhammassa ārammaṇapaccayena paccayo sahajātapaccayena paccayo
upanissayapaccayena paccayo.