[724] Bhāvanāyapahātabbo dhammo bhāvanāyapahātabbassa
dhammassa āsevanapaccayena paccayo purimā purimā bhāvanāyapahātabbā
khandhā pacchimānaṁ pacchimānaṁ āsevanapaccayena paccayo.

[725] Nevadassanenanabhāvanāyapahātabbo dhammo
nevadassanenanabhāvanāyapahātabbassa dhammassa āsevanapaccayena paccayo
purimā purimā nevadassanenanabhāvanāyapahātabbā khandhā pacchimānaṁ
pacchimānaṁ āsevanapaccayena paccayo anulomaṁ gotrabhussa
anulomaṁ vodānassa gotrabhu maggassa vodānaṁ maggassa
āsevanapaccayena paccayo.

[726] Dassanenapahātabbo dhammo dassanenapahātabbassa
dhammassa kammapaccayena paccayo dassanenapahātabbā cetanā
sampayuttakānaṁ khandhānaṁ kammapaccayena paccayo.

[727] Dassanenapahātabbo dhammo nevadassanenanabhāvanāyapahātabbassa
dhammassa kammapaccayena paccayo sahajātā
nānākhaṇikā. Sahajātā: dassanenapahātabbā cetanā
cittasamuṭṭhānānaṁ rūpānaṁ kammapaccayena paccayo. Nānākhaṇikā:
dassanenapahātabbā cetanā vipākānaṁ khandhānaṁ kaṭattā ca rūpānaṁ
kammapaccayena paccayo.

[728] Dassanenapahātabbo dhammo dassanenapahātabbassa ca
nevadassanenanabhāvanāyapahātabbassa ca dhammassa kammapaccayena
paccayo dassanenapahātabbā cetanā sampayuttakānaṁ khandhānaṁ
cittasamuṭṭhānānañca rūpānaṁ kammapaccayena paccayo.

[729] Bhāvanāyapahātabbo dhammo bhāvanāyapahātabbassa
dhammassa kammapaccayena paccayo bhāvanāyapahātabbā cetanā
sampayuttakānaṁ khandhānaṁ kammapaccayena paccayo.

[730] Bhāvanāyapahātabbo dhammo nevadassanenanabhāvanāyapahātabbassa
dhammassa kammapaccayena paccayo bhāvanāyapahātabbā
cetanā cittasamuṭṭhānānaṁ rūpānaṁ kammapaccayena paccayo.

[731] Bhāvanāyapahātabbo dhammo bhāvanāyapahātabbassa ca
nevadassanenanabhāvanāyapahātabbassa ca dhammassa kammapaccayena
paccayo bhāvanāyapahātabbā cetanā sampayuttakānaṁ khandhānaṁ
cittasamuṭṭhānānañca rūpānaṁ kammapaccayena paccayo.

[732] Nevadassanenanabhāvanāyapahātabbo dhammo
nevadassanenanabhāvanāyapahātabbassa dhammassa kammapaccayena paccayo
sahajātā nānākhaṇikā. Sahajātā: nevadassanenanabhāvanāyapahātabbā
cetanā sampayuttakānaṁ khandhānaṁ cittasamuṭṭhānānañca
rūpānaṁ kammapaccayena paccayo paṭisandhikkhaṇe nevadassanenanabhāvanāyapahātabbā
cetanā sampayuttakānaṁ khandhānaṁ kaṭattā ca
rūpānaṁ. Nānākhaṇikā: nevadassanenanabhāvanāyapahātabbā cetanā
vipākānaṁ khandhānaṁ kaṭattā ca rūpānaṁ kammapaccayena paccayo.

[733] Nevadassanenanabhāvanāyapahātabbo dhammo
nevadassanenanabhāvanāyapahātabbassa dhammassa vipākapaccayena paccayo
vipāko nevadassanenanabhāvanāyapahātabbo eko khandho tiṇṇannaṁ
khandhānaṁ cittasamuṭṭhānānañca rūpānaṁ vipākapaccayena paccayo
paṭisandhikkhaṇe khandhā vatthussa vipākapaccayena paccayo.