[714] Nevadassanenanabhāvanāyapahātabbo dhammo
nevadassanenanabhāvanāyapahātabbassa dhammassa upanissayapaccayena paccayo
ārammaṇūpanissayo anantarūpanissayo pakatūpanissayo. Pakatūpanissayo:
saddhaṁ upanissāya dānaṁ deti ... Samāpattiṁ uppādeti sīlaṁ ...
Sutaṁ cāgaṁ paññaṁ kāyikaṁ sukhaṁ kāyikaṁ dukkhaṁ utuṁ bhojanaṁ ... Senāsanaṁ
upanissāya dānaṁ deti ... Samāpattiṁ uppādeti saddhā ... Sīlaṁ sutaṁ
cāgo paññā kāyikaṁ sukhaṁ kāyikaṁ dukkhaṁ utu bhojanaṁ ... Senāsanaṁ
saddhāya paññāya kāyikassa sukhassa kāyikassa dukkhassa phalasamāpattiyā
upanissayapaccayena paccayo.

[715] Nevadassanenanabhāvanāyapahātabbo dhammo dassanenapahātabbassa
dhammassa upanissayapaccayena paccayo ārammaṇūpanissayo
anantarūpanissayo pakatūpanissayo. Pakatūpanissayo: saddhaṁ
upanissāya ... Diṭṭhiṁ gaṇhāti sīlaṁ ... Senāsanaṁ upanissāya pāṇaṁ hanati ...
Saṅghaṁ bhindati saddhā ... Senāsanaṁ dassanenapahātabbassa rāgassa
dosassa mohassa diṭṭhiyā patthanāya upanissayapaccayena paccayo.

[716] Nevadassanenanabhāvanāyapahātabbo dhammo bhāvanāyapahātabbassa
dhammassa upanissayapaccayena paccayo ārammaṇūpanissayo
anantarūpanissayo pakatūpanissayo. Pakatūpanissayo: saddhaṁ
Upanissāya mānaṁ jappeti sīlaṁ ... Paññaṁ kāyikaṁ sukhaṁ kāyikaṁ dukkhaṁ
utuṁ bhojanaṁ ... Senāsanaṁ upanissāya mānaṁ jappeti saddhā ...
Paññā kāyikaṁ sukhaṁ kāyikaṁ dukkhaṁ utu bhojanaṁ ... Senāsanaṁ
bhāvanāyapahātabbassa rāgassa dosassa mohassa mānassa patthanāya
upanissayapaccayena paccayo.

[717] Nevadassanenanabhāvanāyapahātabbo dhammo
nevadassanenanabhāvanāyapahātabbassa dhammassa purejātapaccayena paccayo
ārammaṇapurejātaṁ vatthupurejātaṁ. Ārammaṇapurejātaṁ: cakkhuṁ aniccato
dukkhato anattato vipassati sotaṁ ... Ghānaṁ jivhaṁ kāyaṁ rūpe sadde
gandhe rase phoṭṭhabbe vatthuṁ ... Dibbena cakkhunā rūpaṁ passati
dibbāya sotadhātuyā saddaṁ suṇāti rūpāyatanaṁ cakkhuviññāṇassa
phoṭṭhabbāyatanaṁ kāyaviññāṇassa purejātapaccayena paccayo.
Vatthupurejātaṁ: cakkhāyatanaṁ cakkhuviññāṇassa kāyāyatanaṁ
kāyaviññāṇassa vatthu nevadassanenanabhāvanāyapahātabbānaṁ khandhānaṁ
purejātapaccayena paccayo.

[718] Nevadassanenanabhāvanāyapahātabbo dhammo dassanenapahātabbassa
dhammassa purejātapaccayena paccayo ārammaṇapurejātaṁ
vatthupurejātaṁ. Ārammaṇapurejātaṁ: cakkhuṁ assādeti
abhinandati taṁ ārabbha dassanenapahātabbo rāgo uppajjati diṭṭhi
uppajjati vicikicchā uppajjati dassanenapahātabbaṁ domanassaṁ
Uppajjati .pe. Vatthuṁ assādeti abhinandati taṁ ārabbha dassanenapahātabbo
rāgo uppajjati diṭṭhi uppajjati vicikicchā uppajjati
dassanenapahātabbaṁ domanassaṁ uppajjati. Vatthupurejātaṁ: vatthu
dassanenapahātabbānaṁ khandhānaṁ purejātapaccayena paccayo.

[719] Nevadassanenanabhāvanāyapahātabbo dhammo bhāvanāyapahātabbassa
dhammassa purejātapaccayena paccayo ārammaṇapurejātaṁ
vatthupurejātaṁ. Ārammaṇapurejātaṁ: cakkhuṁ assādeti
abhinandati taṁ ārabbha bhāvanāyapahātabbo rāgo uppajjati uddhaccaṁ
uppajjati bhāvanāyapahātabbaṁ domanassaṁ uppajjati sotaṁ ... Kāyaṁ
rūpe ... Phoṭṭhabbe ... Vatthuṁ assādeti abhinandati taṁ ārabbha
bhāvanāyapahātabbo rāgo uppajjati uddhaccaṁ uppajjati
bhāvanāyapahātabbaṁ domanassaṁ uppajjati. Vatthupurejātaṁ: vatthu
bhāvanāyapahātabbānaṁ khandhānaṁ purejātapaccayena paccayo.

[720] Dassanenapahātabbo dhammo nevadassanenanabhāvanāyapahātabbassa
dhammassa pacchājātapaccayena paccayo. Pacchājātā:
dassanenapahātabbā khandhā purejātassa imassa kāyassa
pacchājātapaccayena paccayo.

[721] Bhāvanāyapahātabbo dhammo nevadassanenanabhāvanāyapahātabbassa
dhammassa pacchājātapaccayena paccayo. Pacchājātā:
bhāvanāyapahātabbā khandhā purejātassa imassa kāyassa pacchājātapaccayena
Paccayo.

[722] Nevadassanenanabhāvanāyapahātabbo dhammo
nevadassanenanabhāvanāyapahātabbassa dhammassa pacchājātapaccayena
paccayo. Pacchājātā: nevadassanenanabhāvanāyapahātabbā khandhā
purejātassa imassa kāyassa pacchājātapaccayena paccayo.

[723] Dassanenapahātabbo dhammo dassanenapahātabbassa
dhammassa āsevanapaccayena paccayo purimā purimā dassanenapahātabbā
khandhā pacchimānaṁ pacchimānaṁ āsevanapaccayena paccayo.