[734] Dassanenapahātabbo dhammo dassanenapahātabbassa
dhammassa āhārapaccayena paccayo. Saṅkhittaṁ. Kabaḷiṁkāro.
Satta pañhā. ... Indriyapaccayena paccayo cakkhundriyañca
rūpajīvitindriyañca. Satta pañhā. Jhānapaccayena paccayo
maggapaccayena paccayo sampayuttapaccayena paccayo vippayuttapaccayena
paccayo sahajātaṁ pacchājātaṁ. Sahajātā: dassanenapahātabbā
khandhā cittasamuṭṭhānānaṁ rūpānaṁ vippayuttapaccayena
Paccayo. Pacchājātā: dassanenapahātabbā khandhā purejātassa
imassa kāyassa vippayuttapaccayena paccayo.

[735] Bhāvanāyapahātabbo dhammo nevadassanenanabhāvanāyapahātabbassa
dhammassa vippayuttapaccayena paccayo sahajātaṁ
pacchājātaṁ. Idampi dassanena sadisaṁ.

[736] Nevadassanenanabhāvanāyapahātabbo dhammo
nevadassanenanabhāvanāyapahātabbassa dhammassa vippayuttapaccayena paccayo
sahajātaṁ purejātaṁ pacchājātaṁ. Sahajātā: nevadassanenanabhāvanāyapahātabbā
khandhā cittasamuṭṭhānānaṁ rūpānaṁ vippayuttapaccayena paccayo
paṭisandhikkhaṇe nevadassanenanabhāvanāyapahātabbā khandhā kaṭattārūpānaṁ
vippayuttapaccayena paccayo khandhā vatthussa vippayuttapaccayena
paccayo vatthu khandhānaṁ vippayuttapaccayena paccayo.
Purejātaṁ: cakkhāyatanaṁ cakkhuviññāṇassa kāyāyatanaṁ kāyaviññāṇassa
vatthu nevadassanenanabhāvanāyapahātabbānaṁ khandhānaṁ vippayuttapaccayena
paccayo. Pacchājātā: nevadassanenanabhāvanāyapahātabbā khandhā
purejātassa imassa kāyassa vippayuttapaccayena paccayo.

[737] Nevadassanenanabhāvanāyapahātabbo dhammo dassanenapahātabbassa
dhammassa vippayuttapaccayena paccayo. Purejātaṁ:
vatthu dassanenapahātabbānaṁ khandhānaṁ vippayuttapaccayena paccayo.

[738] Nevadassanenanabhāvanāyapahātabbo dhammo bhāvanāyapahātabbassa
Dhammassa vippayuttapaccayena paccayo. Purejātaṁ:
vatthu bhāvanāyapahātabbānaṁ khandhānaṁ vippayuttapaccayena paccayo.

[739] Dassanenapahātabbo dhammo dassanenapahātabbassa
dhammassa atthipaccayena paccayo dassanenapahātabbo eko khandho
tiṇṇannaṁ khandhānaṁ atthipaccayena paccayo dve khandhā ....

[740] Dassanenapahātabbo dhammo nevadassanenanabhāvanāyapahātabbassa
dhammassa atthipaccayena paccayo sahajātaṁ pacchājātaṁ.
Sahajātā: dassanenapahātabbā khandhā cittasamuṭṭhānānaṁ rūpānaṁ
atthipaccayena paccayo. Pacchājātā: dassanenapahātabbā
khandhā purejātassa imassa kāyassa atthipaccayena paccayo.

[741] Dassanenapahātabbo dhammo dassanenapahātabbassa ca
nevadassanenanabhāvanāyapahātabbassa ca dhammassa atthipaccayena paccayo
dassanenapahātabbo eko khandho tiṇṇannaṁ khandhānaṁ cittasamuṭṭhānānañca
rūpānaṁ dve khandhā .... Bhāvanāyapahātabbo dhammo
bhāvanāyapahātabbassa dhammassa ... Tīṇi. Dassanena sadisaṁ kātabbaṁ.

[742] Nevadassanenanabhāvanāyapahātabbo dhammo
nevadassanenanabhāvanāyapahātabbassa dhammassa atthipaccayena paccayo sahajātaṁ
purejātaṁ pacchājātaṁ āhāraṁ indriyaṁ. Sahajāto: nevadassanena-
nabhāvanāyapahātabbo eko khandho tiṇṇannaṁ khandhānaṁ cittasamuṭṭhanānañca
rūpānaṁ atthipaccayena paccayo paṭisandhikkhaṇe
Khandhā vatthussa vatthu khandhānaṁ atthipaccayena paccayo ekaṁ
mahābhūtaṁ. Saṅkhittaṁ. Asaññasattānaṁ ekaṁ mahābhūtaṁ .... Purejātaṁ:
cakkhuṁ aniccato dukkhato anattato vipassati sotaṁ ... Kāyaṁ rūpe ...
Phoṭṭhabbe ... Vatthuṁ aniccato dukkhato anattato vipassati dibbena
cakkhunā rūpaṁ passati dibbāya sotadhātuyā saddaṁ suṇāti rūpāyatanaṁ
cakkhuviññāṇassa phoṭṭhabbāyatanaṁ kāyaviññāṇassa cakkhāyatanaṁ
cakkhuviññāṇassa kāyāyatanaṁ kāyaviññāṇassa vatthunevadassanena-
nabhāvanāyapahātabbānaṁ khandhānaṁ atthipaccayena paccayo.
Pacchājātā: nevadassanenanabhāvanāyapahātabbā khandhā purejātassa
imassa kāyassa atthipaccayena paccayo. Kabaḷiṁkāro āhāro
imassa kāyassa rūpajīvitindriyaṁ kaṭattārūpānaṁ.

[743] Nevadassanenanabhāvanāyapahātabbo dhammo dassanenapahātabbassa
dhammassa atthipaccayena paccayo. Purejātaṁ: cakkhuṁ
assādeti abhinandati taṁ ārabbha dassanenapahātabbo rāgo
uppajjati diṭṭhi uppajjati vicikicchā uppajjati domanassaṁ
uppajjati sotaṁ ... Vatthuṁ assādeti vatthu dassanenapahātabbānaṁ
khandhānaṁ atthipaccayena paccayo.