[764] Nahetuyā cuddasa nāarammaṇe cuddasa nādhipatiyā
cuddasa nānantare cuddasa nasamanantare cuddasa nasahajāte
dasa nāññamaññe dasa nanissaye dasa naupanissaye cuddasa
napurejāte dvādasa napacchājāte cuddasa nāasevane cuddasa
nakamme cuddasa navipāke cuddasa nāahāre cuddasa naindriye
cuddasa najhāne cuddasa namagge cuddasa nasampayutte dasa
Navippayutte aṭṭha noatthiyā aṭṭha nonatthiyā cuddasa novigate
cuddasa noavigate aṭṭha. Evaṁ gaṇetabbaṁ.
Paccanīyaṁ.

[765] Hetupaccayā nāarammaṇe satta ... Nādhipatiyā satta
nānantare satta nasamanantare satta nāññamaññe tīṇi naupanissaye
satta napurejāte satta napacchājāte satta nāasevane
satta nakamme satta navipāke satta nāahāre satta naindriye
satta najhāne satta namagge satta nasampayutte tīṇi navippayutte
tīṇi nonatthiyā satta novigate satta. Evaṁ gaṇetabbaṁ.
Anulomapaccanīyaṁ.

[766] Nahetupaccayā ārammaṇe aṭṭha ... Adhipatiyā dasa
anantare satta samanantare satta sahajāte nava aññamaññe tīṇi
nissaye terasa upanissaye aṭṭha purejāte tīṇi pacchājāte tīṇi
āsevane tīṇi kamme satta vipāke ekaṁ āhāre satta indriye satta
jhāne satta magge satta sampayutte tīṇi vippayutte pañca atthiyā
terasa natthiyā satta vigate satta avigate terasa. Evaṁ gaṇetabbaṁ.
Paccanīyānulomaṁ.
Dassanattikaṁ aṭṭhamaṁ
niṭṭhitaṁ
--------
Dassanenapahātabbahetukattikaṁ
paṭiccavāro

[767] Dassanenapahātabbahetukaṁ dhammaṁ paṭicca dassanenapahātabbahetuko
dhammo uppajjati hetupaccayā dassanenapahātabbahetukaṁ
ekaṁ khandhaṁ paṭicca tayo khandhā ... Dve khandhā. Dassanenapahātabbahetukaṁ
dhammaṁ paṭicca nevadassanenanabhāvanāyapahātabbahetuko
dhammo uppajjati hetupaccayā dassanenapahātabbahetuke
khandhe paṭicca cittasamuṭṭhānaṁ rūpaṁ. Dassanenapahātabbahetukaṁ dhammaṁ
paṭicca dassanenapahātabbahetuko ca nevadassanenanabhāvanāyapahātabbahetuko
ca dhammā uppajjanti hetupaccayā dassanenapahātabbahetukaṁ
ekaṁ khandhaṁ paṭicca tayo khandhā cittasamuṭṭhānañca
rūpaṁ dve khandhe paṭicca.

[768] Bhāvanāyapahātabbahetukaṁ dhammaṁ paṭicca bhāvanāyapahātabbahetuko
dhammo uppajjati hetupaccayā bhāvanāyapahātabbahetukaṁ
ekaṁ khandhaṁ paṭicca tayo khandhā ... Dve khandhā. Bhāvanāyapahātabbahetukaṁ
dhammaṁ paṭicca nevadassanenanabhāvanāyapahātabbahetuko dhammo
uppajjati hetupaccayā bhāvanāyapahātabbahetuke khandhe paṭicca
cittasamuṭṭhānaṁ rūpaṁ. Bhāvanāyapahātabbahetukaṁ dhammaṁ paṭicca
bhāvanāyapahātabbahetuko ca nevadassanenanabhāvanāyapahātabbahetuko ca
Dhammā uppajjanti hetupaccayā bhāvanāyapahātabbahetukaṁ ekaṁ
khandhaṁ paṭicca tayo khandhā cittasamuṭṭhānañca rūpaṁ ... Dve khandhā.

[769] Nevadassanenanabhāvanāyapahātabbahetukaṁ dhammaṁ paṭicca
nevadassanenanabhāvanāyapahātabbahetuko dhammo uppajjati hetupaccayā
nevadassanenanabhāvanāyapahātabbahetukaṁ ekaṁ khandhaṁ paṭicca
tayo khandhā cittasamuṭṭhānañca rūpaṁ dve khandhe paṭicca dve khandhā
cittasamuṭṭhānañca rūpaṁ vicikicchāsahagataṁ mohaṁ paṭicca cittasamuṭṭhānaṁ
rūpaṁ paṭisandhikkhaṇe nevadassanenanabhāvanāyapahātabbahetukaṁ ekaṁ
khandhaṁ paṭicca tayo khandhā kaṭattā ca rūpaṁ ... Dve khandhā khandhe
paṭicca vatthu vatthuṁ paṭicca khandhā ekaṁ mahābhūtaṁ paṭicca mahābhūte
paṭicca cittasamuṭṭhānaṁ rūpaṁ kaṭattārūpaṁ upādārūpaṁ. Nevadassanena-
nabhāvanāyapahātabbahetukaṁ dhammaṁ paṭicca dassanenapahātabbahetuko
dhammo uppajjati hetupaccayā vicikicchāsahagataṁ mohaṁ paṭicca
sampayuttakā khandhā. Nevadassanenanabhāvanāyapahātabbahetukaṁ dhammaṁ
paṭicca bhāvanāyapahātabbahetuko dhammo ... Uddhaccasahagataṁ mohaṁ
paṭicca sampayuttakā khandhā. Nevadassanenanabhāvanāyapahātabbahetukaṁ
dhammaṁ paṭicca dassanenapahātabbahetuko ca nevadassanena-
nabhāvanāyapahātabbahetuko ca dhammā ... Vicikicchāsahagataṁ mohaṁ paṭicca
sampayuttakā khandhā cittasamuṭṭhānañca rūpaṁ. Nevadassanena-
nabhāvanāyapahātabbahetukaṁ dhammaṁ paṭicca bhāvanāyapahātabbahetuko ca
Nevadassanenanabhāvanāyapahātabbahetuko ca dhammā ... Uddhaccasahagataṁ
mohaṁ paṭicca sampayuttakā khandhā cittasamuṭṭhānañca rūpaṁ.

[770] Dassanenapahātabbahetukañca nevadassanenanabhāvanāya-
pahātabbahetukañca dhammaṁ paṭicca dassanenapahātabbahetuko dhammo
uppajjati hetupaccayā vicikicchāsahagataṁ ekaṁ khandhañca mohañca
paṭicca tayo khandhā dve khandhe ca mohañca paṭicca dvekhandhā.
Dassanenapahātabbahetukañca nevadassanenanabhāvanāyapahātabbahetukañca
dhammaṁ paṭicca nevadassanenanabhāvanāyapahātabbahetuko dhammo
uppajjati hetupaccayā dassanenapahātabbahetuke khandhe ca mahābhūte
ca paṭicca cittasamuṭṭhānaṁ rūpaṁ vicikicchāsahagate khandhe ca
mohañca paṭicca cittasamuṭṭhānaṁ rūpaṁ. Dassanenapahātabbahetukañca
nevadassanenanabhāvanāyapahātabbahetukañca dhammaṁ paṭicca dassanena-
pahātabbahetuko ca nevadassanenanabhāvanāyapahātabbahetuko ca
dhammā ... Vicikicchāsahagataṁ ekaṁ khandhañca mohañca paṭicca tayo khandhā
cittasamuṭṭhānañca rūpaṁ dve khandhe ca mohañca paṭicca ....

[771] Bhāvanāyapahātabbahetukañca nevadassanenanabhāvanāya-
pahātabbahetukañca dhammaṁ paṭicca bhāvanāyapahātabbahetuko dhammo ...
Uddhaccasahagataṁ ekaṁ khandhañca mohañca paṭicca tayo khandhā dve
khandhe ca mohañca paṭicca dve khandhā. Bhāvanāyapahātabbahetukañca
nevadassanenanabhāvanāyapahātabbahetukañca dhammaṁ paṭicca neva
Dassanenanabhāvanāyapahātabbahetuko dhammo ... Bhāvanāyapahātabbahetuke
khandhe ca mahābhūte ca paṭicca cittasamuṭṭhānaṁ rūpaṁ uddhaccasahagate
khandhe ca mohañca paṭicca cittasamuṭṭhānaṁ rūpaṁ. Bhāvanāyapahātabbahetukañca
nevadassanenanabhāvanāyapahātabbahetukañca dhammaṁ paṭicca
bhāvanāyapahātabbahetuko ca nevadassanenanabhāvanāyapahātabbahetuko
ca dhammā ... Uddhaccasahagataṁ ekaṁ khandhañca mohañca paṭicca
tayo khandhā cittasamuṭṭhānañca rūpaṁ.

[772] Dassanenapahātabbahetukaṁ dhammaṁ paṭicca dassanenapahātabbahetuko
dhammo uppajjati ārammaṇapaccayā dassanenapahātabbahetukaṁ
ekaṁ khandhaṁ paṭicca tayo khandhā dve khandhe paṭicca
dve khandhā. Dassanenapahātabbahetukaṁ dhammaṁ paṭicca nevadassanena-
nabhāvanāyapahātabbahetuko dhammo uppajjati ārammaṇapaccayā
vicikicchāsahagate khandhe paṭicca vicikicchāsahagato moho.
Dassanenapahātabbahetukaṁ dhammaṁ paṭicca dassanenapahātabbahetuko ca
nevadassanenanabhāvanāyapahātabbahetuko ca dhammā ... Ārammaṇapaccayā
vicikicchāsahagataṁ ekaṁ khandhaṁ paṭicca tayo khandhā ca moho ca
dve khandhe paṭicca dve khandhā ca moho ca.

[773] Bhāvanāyapahātabbahetukaṁ dhammaṁ paṭicca bhāvanāyapahātabbahetuko
dhammo uppajjati ārammaṇapaccayā tīṇi. Dassanena
sadisaṁ vibhajitabbaṁ.