[45] Tena kho pana samayena bhikkhū bhittikhīlepi nāgadantakepi
pattaṁ laggenti. Paripatitvā patto bhijjati. Bhagavato etamatthaṁ
ārocesuṁ .pe. Na bhikkhave patto laggetabbo yo laggeyya
āpatti dukkaṭassāti.

[46] Tena kho pana samayena bhikkhū mañce pattaṁ nikkhipanti.
Satisammosā nisīdantā ottharitvā pattaṁ bhindanti. Bhagavato
etamatthaṁ ārocesuṁ .pe. Na bhikkhave mañce patto nikkhipitabbo
yo nikkhipeyya āpatti dukkaṭassāti.

[47] Tena kho pana samayena bhikkhū pīṭhe pattaṁ nikkhipanti.
Satisammosā nisīdantā ottharitvā pattaṁ bhindanti. Bhagavato
etamatthaṁ ārocesuṁ .pe. Na bhikkhave pīṭhe patto nikkhipitabbo
yo nikkhipeyya āpatti dukkaṭassāti.

[48] Tena kho pana samayena bhikkhū aṅke pattaṁ nikkhipanti.
Satisammosā uṭṭhahanti 1 . Paripatitvā patto bhijjati. Bhagavato
etamatthaṁ ārocesuṁ .pe. Na bhikkhave aṅke patto nikkhipitabbo
yo nikkhipeyya āpatti dukkaṭassāti.

[49] Tena kho pana samayena bhikkhū chatte pattaṁ nikkhipanti.
Vātamaṇḍalikāya chattaṁ ukkhipiyati. Paripatitvā patto bhijjati.
1 Yu. vuṭṭhahanti.
Bhagavato etamatthaṁ ārocesuṁ .pe. Na bhikkhave chatte patto
nikkhipitabbo yo nikkhipeyya āpatti dukkaṭassāti.

[50] Tena kho pana samayena bhikkhū pattahatthā kavāṭaṁ
paṇāmenti. Kavāṭe 1 āvaṭṭitvā patto bhijjati. Bhagavato
etamatthaṁ ārocesuṁ .pe. Na bhikkhave pattahatthena bhikkhunā
kavāṭaṁ paṇāmetabbaṁ yo paṇāmeyya āpatti dukkaṭassāti.

[51] Tena kho pana samayena bhikkhū tumbakaṭāhena 2 piṇḍāya
caranti. Manussā ujjhāyanti khīyanti vipācenti .pe. Seyyathāpi
titthiyāti. Bhagavato etamatthaṁ ārocesuṁ .pe. Na bhikkhave
tumbakaṭāhena 2 piṇḍāya caritabbaṁ yo careyya āpatti
dukkaṭassāti.

[52] Tena kho pana samayena bhikkhū ghaṭikaṭāhena 3 piṇḍāya
caranti. Manussā ujjhāyanti khīyanti vipācenti .pe. Seyyathāpi
titthiyāti. Bhagavato etamatthaṁ ārocesuṁ .pe. Na bhikkhave
ghaṭikaṭāhena 3 piṇḍāya caritabbaṁ yo careyya āpatti
dukkaṭassāti.

[53] Tena kho pana samayena aññataro bhikkhu sabbapaṁsukūliko
hoti. So chavasīsassa pattaṁ dhāreti. Aññatarā itthī
1 Ma. Yu. kavāṭo. 2 Ma. Yu. tumbakaṭāhe. 3 Yu. ghaṭikaṭāhe.
Passitvā bhītā vissaramakāsi abbhumme pisāco vatāyanti 1 .
Manussā ujjhāyanti khīyanti vipācenti kathaṁ hi nāma samaṇā
sakyaputtiyā chavasīsassa pattaṁ dhāressanti seyyathāpi pisācillikāti.
Bhagavato etamatthaṁ ārocesuṁ .pe. Na bhikkhave chavasīsassa patto
dhāretabbo yo dhāreyya āpatti dukkaṭassa na ca bhikkhave
sabbapaṁsukūlikena bhavitabbaṁ yo bhaveyya āpatti dukkaṭassāti.

[54] Tena kho pana samayena bhikkhū calakānipi aṭṭhikānipi
ucchiṭṭhodakaṁpi pattena nīharanti. Manussā ujjhāyanti khīyanti
vipācenti yasmiṁyevime samaṇā sakyaputtiyā bhuñjanti so
va nesaṁ paṭiggahoti. Bhagavato etamatthaṁ ārocesuṁ .pe. Na
bhikkhave calakāni vā aṭṭhikāni vā ucchiṭṭhodakaṁ vā pattena
nīharitabbaṁ yo nīhareyya āpatti dukkaṭassa anujānāmi
bhikkhave paṭiggahanti.