[55] Tena kho pana samayena bhikkhū hatthena cīvaraṁ viphāletvā 2
cīvaraṁ sibbenti. Cīvaraṁ vilomaṁ 3 hoti. Bhagavato etamatthaṁ
ārocesuṁ .pe. Anujānāmi bhikkhave satthakaṁ namatakanti.

[56] Tena kho pana samayena saṅghassa daṇḍasatthakaṁ uppannaṁ
hoti. Bhagavato etamatthaṁ ārocesuṁ. Anujānāmi bhikkhave
1 Yu. vatamanti. 2 Ma. hatthena vipāletvā. Yu. hatthena vipāṭetvā.
3 Ma. vilomikaṁ.
Daṇḍasatthakanti.

[57] Tena kho pana samayena chabbaggiyā bhikkhū uccāvace
satthakadaṇḍe dhārenti sovaṇṇamayaṁ rūpiyamayaṁ. Manussā ujjhāyanti
khīyanti vipācenti .pe. Seyyathāpi gihī kāmabhoginoti .pe.
Bhagavato etamatthaṁ ārocesuṁ .pe. Na bhikkhave uccāvacā
satthakadaṇḍā dhāretabbā yo dhāreyya āpatti dukkaṭassa
anujānāmi bhikkhave aṭṭhimayaṁ dantamayaṁ visāṇamayaṁ naḷamayaṁ veḷumayaṁ
kaṭṭhamayaṁ jatumayaṁ phalamayaṁ lohamayaṁ saṅkhanābhimayanti.

[58] Tena kho pana samayena bhikkhū kukkuṭapattenapi
veḷupesikāyapi cīvaraṁ sibbanti. Cīvaraṁ dussibbitaṁ hoti. Bhagavato
etamatthaṁ ārocesuṁ .pe. Anujānāmi bhikkhave sūcinti. Sūciyo
kaṇṇakitāyo honti .pe. Anujānāmi bhikkhave sūcināḷikanti.
Nāḷikāyapi kaṇṇakitāyo honti .pe. Anujānāmi bhikkhave
kiṇṇena pūretunti. Kiṇṇepi kaṇṇakitāyo honti .pe.
Anujānāmi bhikkhave sattuyā 1 pūretunti. Sattuyāpi kaṇṇakitāyo
honti .pe. Anujānāmi bhikkhave saritakanti. Saritakepi kaṇṇakitāyo
honti .pe. Anujānāmi bhikkhave madhusitthakena sāretunti.
Saritakampi paribhijjati. Anujānāmi bhikkhave saritasipāṭikanti 2 .

[59] Tena kho pana samayena bhikkhū tattha tattha khīlaṁ nikhaṇitvā
1 Yu. Rā. satthuyā. 2 Ma. saritakasipāṭikanti.
Sambandhitvā cīvaraṁ sibbenti. Cīvaraṁ vikaṇṇaṁ hoti. Bhagavato
etamatthaṁ ārocesuṁ .pe. Anujānāmi bhikkhave kaṭhinaṁ kaṭhinarajjuṁ
tattha tattha obandhitvā cīvaraṁ sibbetunti. Visame kaṭhinaṁ
pattharanti. Kaṭhinaṁ paribhijjati .pe. Na bhikkhave visame kaṭhinaṁ
pattharitabbaṁ yo patthareyya āpatti dukkaṭassāti. Chamāyaṁ
kaṭhinaṁ pattharanti. Kaṭhinaṁ paṁsukitaṁ hoti .pe. Anujānāmi bhikkhave
tiṇasanthārakanti. Kaṭhinassa anto jirati .pe. Anujānāmi
bhikkhave anuvātaṁ paribhaṇḍaṁ āropetunti. Kaṭhinaṁ nappahoti
.pe. Anujānāmi bhikkhave daṇḍakaṭhinaṁ vidalakaṁ 1 salākaṁ vinaddhanarajjuṁ
vinaddhanasuttakaṁ vinaddhitvā 2 cīvaraṁ sibbetunti. Suttantarikāyo
visamā honti .pe. Anujānāmi bhikkhave kaḷimbakanti. Suttā
vaṅkā honti .pe. Anujānāmi bhikkhave moghasuttakanti.

[60] Tena kho pana samayena bhikkhū adhotehi pādehi kaṭhinaṁ
akkamanti. Kaṭhinaṁ dussati. Bhagavato etamatthaṁ ārocesuṁ
.pe. Na bhikkhave adhotehi pādehi kaṭhinaṁ akkamitabbaṁ yo
akkameyya āpatti dukkaṭassāti.

[61] Tena kho pana samayena bhikkhū allehi pādehi kaṭhinaṁ
akkamanti. Kaṭhinaṁ dussati. Bhagavato etamatthaṁ ārocesuṁ
1 Ma. Yu. pidalakaṁ. 2 Yu. vinandharajjuṁ vinandhanasuttakaṁ vinandhitvā.
.pe. Na bhikkhave allehi pādehi kaṭhinaṁ akkamitabbaṁ yo
akkameyya āpatti dukkaṭassāti.

[62] Tena kho pana samayena bhikkhū saupāhanā kaṭhinaṁ akkamanti.
Kaṭhinaṁ dussati. Bhagavato etamatthaṁ ārocesuṁ .pe. Na bhikkhave
saupāhanena kaṭhinaṁ akkamitabbaṁ yo akkameyya āpatti
dukkaṭassāti.

[63] Tena kho pana samayena bhikkhū cīvaraṁ sibbentā aṅguliyā
paṭiggaṇhanti. Aṅguliyo dukkhā honti. Bhagavato etamatthaṁ
ārocesuṁ .pe. Anujānāmi bhikkhave paṭiggahanti.

[64] Tena kho pana samayena chabbaggiyā bhikkhū uccāvace
paṭiggahe dhārenti sovaṇṇamayaṁ rūpiyamayaṁ. Manussā ujjhāyanti
khīyanti vipācenti .pe. Seyyathāpi gihī kāmabhoginoti. Bhagavato
etamatthaṁ ārocesuṁ .pe. Na bhikkhave uccāvacā paṭiggahā
dhāretabbā yo dhāreyya āpatti dukkaṭassa anujānāmi
bhikkhave aṭṭhimayaṁ .pe. Saṅkhanābhimayanti.