[25] Tena kho pana samayena aññatarassa pūgassa saṅghabhattaṁ
hoti. Tena pariyāpuṇiṁsu ambapesikaṁ 3 kātuṁ. Bhattagge sakaleheva
ambehi caranti 4 . Bhikkhū kukkuccāyantā na paṭiggaṇhanti .pe.
1 Yu. ārāmapāle. 2 Ma. Yu. abbapesikāyo. 3 Yu. pesikaṁ. 4 Ma. denti.
Paṭiggaṇhatha bhikkhave paribhuñjatha anujānāmi bhikkhave pañcahi
samaṇakappehi phalaṁ paribhuñjituṁ aggiparicitaṁ satthaparicitaṁ nakhaparicitaṁ
abījaṁ nibbaṭṭabījaññeva 1 pañcamaṁ anujānāmi bhikkhave imehi
pañcahi samaṇakappehi phalaṁ paribhuñjitunti.

[26] Tena kho pana samayena aññataro bhikkhu ahinā daṭṭho
kālakato hoti. Bhagavato etamatthaṁ ārocesuṁ .pe. Naha 2
nūna so bhikkhave bhikkhu [3]- cattāri ahirājakulāni mettena cittena
phari. Sace hi so bhikkhave bhikkhu [3]- cattāri ahirājakulāni mettena
cittena phareyya na hi so bhikkhave bhikkhu ahinā daṭṭho kālaṁ
kareyya. Katamāni cattāri ahirājakulāni. Virūpakkhaṁ ahirājakulaṁ
erāpathaṁ ahirājakulaṁ chabyāputtaṁ ahirājakulaṁ kaṇhāgotamakaṁ
ahirājakulaṁ naha 2 nūna so bhikkhave bhikkhu imāni cattāri ahirājakulāni
mettena cittena phari. Sace hi so bhikkhave bhikkhu imāni
cattāri ahirājakulāni mettena cittena phareyya na hi so
bhikkhave bhikkhu ahinā daṭṭho kālaṁ kareyya. Anujānāmi bhikkhave
imāni cattāri ahirājakulāni mettena cittena pharituṁ attaguttiyā
attarakkhāya attaparittāya 4 . Evañca pana bhikkhave kātabbaṁ

[27] Virūpakkhehi me mettaṁ mettaṁ erāpathehi me
chabyāputtehi me mettaṁ mettaṁ kaṇhāgotamakehi ca
1 Yu. nivaṭṭabījaññeva. 2 Ma. na hi. 3 Ma. imāni. 4 Ma. Yu. Rā.
attaparittaṁ kātuṁ.
Apādakehi me mettaṁ mettaṁ dipādakehi 1 me
catuppadehi me mettaṁ mettaṁ bahuppadehi me
mā maṁ apādako hiṁsi mā maṁ hiṁsi dipādako.
Mā maṁ catuppado hiṁsi mā maṁ hiṁsi bahuppado.
Sabbe sattā sabbe pāṇā sabbe bhūtā ca kevalā
sabbe bhadrāni passantu mā kiñci pāpamāgamā.
Appamāṇo buddho appamāṇo dhammo appamāṇo saṅgho
pamāṇavantāni siriṁsapāni 2 ahi vicchikā satapadī uṇṇānābhī sarabū
mūsikā katā me rakkhā katā me parittā 4 paṭikkamantu
bhūtāni sohaṁ namo bhagavato namo sattannaṁ sammāsambuddhānanti [5]-.

[28] Tena kho pana samayena aññataro bhikkhu anabhiratiyā pīḷito
attano aṅgajātaṁ chindi .pe. Bhagavato etamatthaṁ ārocesuṁ.
.pe. Aññamhi so bhikkhave moghapuriso chinditabbamhi 6 aññaṁ
chindi na hi 7 bhikkhave attano aṅgajātaṁ chinditabbaṁ 8 yo
chindeyya āpatti thullaccayassāti.

[29] Tena kho pana samayena rājagahakassa seṭṭhissa mahagghassa
candanasārassa candanagaṇṭhī uppannā hoti. Athakho rājagahakassa
1 Ma. Yu. dvipādakehi. 2 Ma. sirisapāni. 3 Ma. Yu. uṇṇanābhi.
4 Ma. kataṁ me parittaṁ. 5 Yu. anujānāmi bhikkhave lohitaṁ mocetuṁ.
6 Yu. chetabbamhi. 7 Ma. Yu. ayaṁ pāṭho natthi. 8 Ma. Yu. chetabbaṁ.
Seṭṭhissa etadahosi yannūnāhaṁ imāya candanagaṇṭhiyā pattaṁ
likhāpeyyaṁ 1 likhañca 2 me paribhogaṁ bhavissati pattañca dānaṁ
dassāmīti. Athakho rājagahako seṭṭhī tāya candanagaṇṭhiyā pattaṁ
likhāpetvā sikkāyaṁ uḍḍitvā veḷugge 3 ālaggetvā veḷuparamparāya
vāhitvā 4 evamāha yo samaṇo vā brāhmaṇo vā arahā
ceva iddhimā ca dinnaṁyeva pattaṁ oharatūti.

[30] Athakho pūraṇo kassapo yena rājagahako seṭṭhī
tenupasaṅkami upasaṅkamitvā rājagahakaṁ seṭṭhiṁ etadavoca ahaṁ hi
gahapati arahā ceva iddhimā ca dehi me pattanti. Sace
bhante āyasmā arahā ceva iddhimā ca dinnaṁyeva pattaṁ
oharatūti. Athakho makkhali gosālo ajito kesakambalo 5
pakudho kaccāyano sañjayo veḷaṭṭhaputto 6 niggaṇṭho nāṭaputto
yena rājagahako seṭṭhī tenupasaṅkami upasaṅkamitvā
rājagahakaṁ seṭṭhiṁ etadavoca ahaṁ hi gahapati arahā ceva iddhimā
ca dehi me pattanti. Sace bhante āyasmā arahā ceva
iddhimā ca dinnaṁyeva pattaṁ oharatūti.

[31] Tena kho pana samayena āyasmā ca mahāmoggallāno
1 Ma. lekhāpeyyaṁ. 2 Ma. Yu. lekhañca. 3 Yu. pakkhipitvā veḷagge.
4 Ma. Yu. bandhitvā. 5 Yu. kesakambalī. 6 Yu. belaṭṭhiputto.
Āyasmā ca piṇḍolabhāradvājo pubbaṇhasamayaṁ nivāsetvā pattacīvaramādāya
rājagahaṁ piṇḍāya pāvisiṁsu. Āyasmāpi kho piṇḍolabhāradvājo
arahā ceva iddhimā ca. Āyasmāpi kho mahāmoggallāno
arahā ceva iddhimā ca. Athakho āyasmā piṇḍolabhāradvājo
āyasmantaṁ mahāmoggallānaṁ etadavoca gacchāvuso moggallāna
etaṁ pattaṁ ohara tuyheso pattoti. Āyasmāpi kho
moggallāno āyasmantaṁ piṇḍolabhāradvājaṁ etadavoca gacchāvuso
bhāradvāja etaṁ pattaṁ ohara tuyheso pattoti 1 . Athakho
āyasmā piṇḍolabhāradvājo vehāsaṁ abbhuggantvā taṁ pattaṁ
gahetvā tikkhattuṁ rājagahaṁ anupariyāyi 2 .

[32] Tena kho pana samayena rājagahako seṭṭhī saputtadāro
sake nivesane ṭhito hoti pañjaliko namassamāno idheva bhante
ayyo bhāradvājo amhākaṁ nivesane patiṭṭhātūti. Athakho āyasmā
piṇḍolabhāradvājo rājagahakassa seṭṭhissa nivesane patiṭṭhāti.
1 Ma. Yu. Rā. tena kho pana samayena āyasmā ca mahāmoggallāno .pe. pāvisiṁsu.
athakho āyasmā piṇḍolabhāradvājo āyasmantaṁ mahāmoggallānaṁ etadavoca āyasmā
kho moggallāno arahā ceva iddhimā ca gacchāvuso moggallāna etaṁ pattaṁ ohara
tuyheso pattoti. āyasmā kho piṇḍolabhāradvājo arahā ceva iddhimā ca gacchāvuso
bhāradvāja etaṁ pattaṁ ohara tuyheso pattoti. 2 Yu. anupariyāsi.
Athakho rājagahako seṭṭhī āyasmato piṇḍolabhāradvājassa hatthato
pattaṁ gahetvā mahagghassa khādanīyassa pūretvā āyasmato piṇḍolabhāradvājassa
adāsi 1 . Athakho āyasmā piṇḍolabhāradvājo
taṁ pattaṁ gahetvā ārāmaṁ agamāsi. Assosuṁ kho manussā
ayyena kira piṇḍolabhāradvājena rājagahakassa seṭṭhissa patto
ohāritoti. Te ca manussā uccāsaddā mahāsaddā āyasmantaṁ
piṇḍolabhāradvājaṁ piṭṭhito piṭṭhito anubandhiṁsu. Assosi kho
bhagavā uccāsaddaṁ mahāsaddaṁ sutvāna āyasmantaṁ ānandaṁ āmantesi
kiṁ nu kho so ānanda uccāsaddo mahāsaddoti. Āyasmatā
bhante piṇḍolabhāradvājena rājagahakassa seṭṭhissa patto ohārito
assosuṁ kho bhante manussā ayyena kira piṇḍolabhāradvājena
rājagahakassa seṭṭhissa patto ohāritoti te ca bhante manussā
uccāsaddā mahāsaddā āyasmantaṁ piṇḍolabhāradvājaṁ piṭṭhito
piṭṭhito anubandhā 2 so eso bhagavā 3 uccāsaddo mahāsaddoti.

[33] Athakho bhagavā etasmiṁ nidāne etasmiṁ pakaraṇe bhikkhusaṅghaṁ
sannipātāpetvā āyasmantaṁ piṇḍolabhāradvājaṁ paṭipucchi saccaṁ
kira tayā bhāradvāja rājagahakassa seṭṭhissa patto ohāritoti.
1 Yu. pādāsi. 2 Yu. anubaddhā. 3 Ma. Yu. bhante bhagavā.
Saccaṁ bhagavāti. Vigarahi buddho bhagavā ananucchavikaṁ 1 bhāradvāja
ananulomikaṁ appaṭirūpaṁ assāmaṇakaṁ akappiyaṁ akaraṇīyaṁ kathaṁ hi
nāma tvaṁ bhāradvāja chavassa dārupattassa kāraṇā gihīnaṁ uttarimanussadhammaṁ
iddhipāṭihāriyaṁ dassessasi seyyathāpi nāma 2 bhāradvāja
mātugāmo chavassa māsakarūpassa kāraṇā kopinaṁ dasseti evameva
kho tayā bhāradvāja chavassa dārupattassa kāraṇā gihīnaṁ uttarimanussadhammaṁ
iddhipāṭihāriyaṁ dassitaṁ netaṁ bhāradvāja appasannānaṁ
vā pasādāya .pe. Vigarahitvā dhammiṁ kathaṁ katvā bhikkhū āmantesi
na bhikkhave gihīnaṁ uttarimanussadhammaṁ iddhipāṭihāriyaṁ dassetabbaṁ
yo dasseyya āpatti dukkaṭassa bhindathetaṁ bhikkhave dārupattaṁ
sakalikaṁ sakalikaṁ karitvā 3 bhikkhūnaṁ añjanapiṁsanaṁ 4 detha na ca bhikkhave
dārupatto dhāretabbo yo dhāreyya āpatti dukkaṭassāti.

[34] Tena kho pana samayena chabbaggiyā bhikkhū uccāvace
patte dhārenti sovaṇṇamayaṁ rūpiyamayaṁ. Manussā ujjhāyanti
khīyanti vipācenti .pe. Seyyathāpi gihī kāmabhoginoti .pe.
Bhagavato etamatthaṁ ārocesuṁ .pe. Na bhikkhave sovaṇṇamayo
patto dhāretabbo na rūpiyamayo patto dhāretabbo na
maṇimayo patto dhāretabbo na veḷuriyamayo patto dhāretabbo
na phalikamayo patto dhāretabbo na kaṁsamayo patto dhāretabbo
1 Yu. ananucchaviyaṁ. 2 Ma. Yu. ayaṁ saddo natthi. 3 Ma. Yu. katvā.
4 Ma. Yu. añjanupapisanaṁ.
Na kācamayo patto dhāretabbo na tipumayo patto dhāretabbo
na sīsamayo patto dhāretabbo na tambalohamayo patto
dhāretabbo yo dhāreyya āpatti dukkaṭassa anujānāmi bhikkhave
dve patte ayopattaṁ mattikāpattanti.