[15] Tena kho pana samayena chabbaggiyā bhikkhū ādāsepi
udakapattepi mukhanimittaṁ olokenti. Mamussā ujjhāyanti khīyanti
vipācenti .pe. Seyyathāpi gihī kāmabhoginoti .pe. Bhagavato
etamatthaṁ ārocesuṁ .pe. Na bhikkhave ādāse vā udakapatte vā
mukhanimittaṁ oloketabbaṁ yo olokeyya āpatti dukkaṭassāti.
1 Ma. Yu. na aṅgulimuddikā dhāretabbā.

[16] Tena kho pana samayena aññatarassa bhikkhuno mukhe
vaṇo hoti. So bhikkhū pucchi kīdiso me āvuso vaṇoti.
Bhikkhū evamāhaṁsu īdiso 1 te āvuso vaṇoti. So na
saddahati. Bhagavato etamatthaṁ ārocesuṁ .pe. Anujānāmi
bhikkhave ābādhappaccayā ādāse vā udakapatte vā mukhanimittaṁ
oloketunti.

[17] Tena kho pana samayena chabbaggiyā bhikkhū mukhaṁ ālimpenti.
Mukhaṁ ummaddenti. Mukhaṁ cuṇṇenti. Manosilakāya 2 mukhaṁ
lañcenti 3 . Aṅgarāgaṁ karonti. Mukharāgaṁ karonti. Aṅgarāgamukharāgaṁ
karonti. Manussā ujjhāyanti khīyanti vipācenti .pe. Seyyathāpi
gihī kāmabhoginoti .pe. Bhagavato etamatthaṁ ārocesuṁ .pe.
Na bhikkhave mukhaṁ ālimpitabbaṁ na mukhaṁ ummadditabbaṁ na mukhaṁ
cuṇṇetabbaṁ na manosilakāya mukhaṁ lañcetabbaṁ na aṅgarāgo
kātabbo na mukharāgo kātabbo na aṅgarāgamukharāgo kātabbo
yo kareyya āpatti dukkaṭassāti.

[18] Tena kho pana samayena aññatarassa bhikkhuno cakkhurogābādho
hoti. Bhagavato etamatthaṁ ārocesuṁ .pe. Anujānāmi bhikkhave
ābādhappaccayā mukhaṁ ālimpitunti.
1 Ma. ediso. 2 Ma. Yu. manosilikāya. 3 ma Yu. lañchenti.

[19] Tena kho pana samayena rājagahe giraggasamajjo hoti.
Chabbaggiyā bhikkhū giraggasamajjaṁ dassanāya agamaṁsu. Manussā
ujjhāyanti khīyanti vipācenti kathaṁ hi nāma samaṇā sakyaputtiyā
naccampi gītampi vāditampi dassanāya gacchissanti 1 seyyathāpi gihī
kāmabhoginoti .pe. Bhagavato etamatthaṁ ārocesuṁ .pe. Na
bhikkhave naccaṁ vā gītaṁ vā vāditaṁ vā dassanāya gantabbaṁ yo
gaccheyya āpatti dukkaṭassāti.

[20] Tena kho pana samayena chabbaggiyā bhikkhū āyatakena
gītassarena dhammaṁ gāyanti. Manussā ujjhāyanti khīyanti vipācenti
yatheva mayaṁ gāyāma evamevime nāma 2 samaṇā sakyaputtiyā
āyatakena gītassarena dhammaṁ gāyantīti. Assosuṁ kho bhikkhū
tesaṁ manussānaṁ ujjhāyantānaṁ khīyantānaṁ vipācentānaṁ. Ye te
bhikkhū appicchā .pe. Te ujjhāyanti khīyanti vipācenti kathaṁ
hi nāma chabbaggiyā bhikkhū āyatakena gītassarena dhammaṁ gāyissantīti.
Athakho te bhikkhū bhagavato etamatthaṁ ārocesuṁ .pe. Saccaṁ kira
bhikkhave .pe. Saccaṁ bhagavāti .pe. Dhammiṁ kathaṁ katvā bhikkhū
āmantesi pañcime bhikkhave ādīnavā āyatakena gītassarena
dhammaṁ gāyantassa attanopi 3 tasmiṁ sare sārajjati parepi
tasmiṁ sare sārajjanti gahapatikāpi ujjhāyanti sarakuttiṁpi
1 Yu. āgacchissanti. 2 Ma. Yu. ayaṁ pāṭho natthi. 3 Ma. Yu. attanāpi.
Nikāmayamānassa samādhissa bhaṅgo hoti pacchimā janatā diṭṭhānugatimāpajjati 1
ime kho bhikkhave pañca ādīnavā āyatakena
gītassarena dhammaṁ gāyantassa na bhikkhave āyatakena gītassarena
dhammo gāyitabbo yo gāyeyya āpatti dukkaṭassāti.

[21] Tena kho pana samayena bhikkhū sarabhaññe kukkuccāyanti.
Athakho te bhikkhū bhagavato etamatthaṁ ārocesuṁ. Anujānāmi
bhikkhave sarabhaññanti.

[22] Tena kho pana samayena chabbaggiyā bhikkhū bāhiralomiṁ
uṇṇiṁ dhārenti. Manussā ujjhāyanti khīyanti vipācenti .pe.
Seyyathāpi gihī kāmabhoginoti. Bhagavato etamatthaṁ ārocesuṁ.
.pe. Na bhikkhave bāhiralomī uṇṇī dhāretabbā yo dhāreyya
āpatti dukkaṭassāti.

[23] Tena kho pana samayena rañño māgadhassa seniyassa
bimbisārassa ārāme ambā phalino 2 honti. Raññā ca 3 māgadhena
seniyena bimbisārena anuññātaṁ hoti yathāsukhaṁ ayyā ambaṁ
paribhuñjantūti. Chabbaggiyā bhikkhū taruṇaññeva ambaṁ pātāpetvā
paribhuñjiṁsu. Rañño ca māgadhassa seniyassa bimbisārassa ambena
attho hoti. Athakho rājā māgadho seniyo bimbisāro
manusse āṇāpesi gacchatha bhaṇe ārāmaṁ gantvā ambaṁ
1 Ma. Yu. diṭṭhānugatiṁ āpajjati. 2 Yu. phalitā. 3 Ma. ayaṁ pāṭho natthi.
Āharathāti. Evaṁ devāti kho te manussā rañño māgadhassa
seniyassa bimbisārassa paṭissutvā ārāmaṁ gantvā ārāmapālaṁ 1
etadavocuṁ devassa bhaṇe ambena attho ambaṁ dethāti.
Natthayyā ambaṁ taruṇaññeva ambaṁ pātāpetvā bhikkhū paribhuñjiṁsūti.
Athakho te manussā rañño māgadhassa seniyassa bimbisārassa
etamatthaṁ ārocesuṁ. Suparibhuttaṁ bhaṇe ayyehi ambaṁ apica
bhagavatā mattā vaṇṇitāti. Manussā ujjhāyanti khīyanti vipācenti
kathaṁ hi nāma samaṇā sakyaputtiyā na mattaṁ jānitvā rañño
ambaṁ paribhuñjissantīti. Assosuṁ kho bhikkhū tesaṁ manussānaṁ
ujjhāyantānaṁ khīyantānaṁ vipācentānaṁ .pe. Athakho te bhikkhū
bhagavato etamatthaṁ ārocesuṁ .pe. Na bhikkhave ambaṁ paribhuñjitabbaṁ
yo paribhuñjeyya āpatti dukkaṭassāti.

[24] Tena kho pana samayena aññatarassa pūgassa saṅghabhattaṁ
hoti. Sūpe ambapesikā 2 pakkhittā honti. Bhikkhū kukkuccāyantā
na paṭiggaṇhanti .pe. Paṭiggaṇhatha bhikkhave paribhuñjatha anujānāmi
bhikkhave ambapesikanti.