[670] Kiccaṁ kiccādhikaraṇaṁ kiccaṁ no adhikaraṇaṁ adhikaraṇaṁ
no kiccaṁ adhikaraṇañceva kiccañca. Siyā kiccaṁ kiccādhikaraṇaṁ
siyā kiccaṁ no adhikaraṇaṁ siyā adhikaraṇaṁ no kiccaṁ siyā
adhikaraṇañceva kiccañca.

[671] Tattha katamaṁ kiccaṁ kiccādhikaraṇaṁ. Yā saṅghassa
kiccayatā karaṇīyatā apalokanakammaṁ ñattikammaṁ ñattidutiyakammaṁ
ñatticatutthakammaṁ idaṁ kiccaṁ kiccādhikaraṇaṁ. Tattha katamaṁ kiccaṁ
no adhikaraṇaṁ. Ācariyakiccaṁ upajjhāyakiccaṁ samānupajjhāyakiccaṁ
samānācariyakiccaṁ idaṁ kiccaṁ no adhikaraṇaṁ. Tattha katamaṁ adhikaraṇaṁ
no kiccaṁ. Vivādādhikaraṇaṁ anuvādādhikaraṇaṁ āpattādhikaraṇaṁ idaṁ
adhikaraṇaṁ no kiccaṁ. Tattha katamaṁ adhikaraṇañceva kiccañca.
Kiccādhikaraṇaṁ adhikaraṇañceva kiccañca.

[672] Vivādādhikaraṇaṁ katīhi samathehi sammati. Vivādādhikaraṇaṁ
dvīhi samathehi sammati sammukhāvinayena 1 ca yebhuyyasikāya ca. Siyā
vivādādhikaraṇaṁ ekaṁ samathaṁ anāgamma yebhuyyasikaṁ ekena samathena
sammeyya sammukhāvinayenāti. Siyātissa vacanīyaṁ. Yathākathaṁ viya
1 Yu. sammukhāvinayena ca.
Idha pana bhikkhave bhikkhū 1 vivadanti dhammoti vā adhammoti vā
vinayoti vā avinayoti vā bhāsitaṁ lapitaṁ tathāgatenāti vā
abhāsitaṁ alapitaṁ tathāgatenāti vā āciṇṇaṁ tathāgatenāti vā
anāciṇṇaṁ tathāgatenāti vā paññattaṁ tathāgatenāti vā appaññattaṁ
tathāgatenāti vā āpattīti vā anāpattīti vā lahukā
āpattīti vā garukā āpattīti vā sāvasesā āpattīti vā
anavasesā āpattīti vā duṭṭhullā āpattīti vā aduṭṭhullā
āpattīti vā te ce bhikkhave bhikkhū sakkonti taṁ adhikaraṇaṁ
vūpasametuṁ idaṁ vuccati bhikkhave adhikaraṇaṁ vūpasantaṁ. Kena
vūpasantaṁ. Sammukhāvinayena. Kiñca tattha sammukhāvinayasmiṁ.
Saṅghasammukhatā dhammasammukhatā vinayasammukhatā puggalasammukhatā.
Kā ca tattha saṅghasammukhatā. Yāvatikā bhikkhū kammappattā te
āgatā honti chandārahānaṁ chando āhaṭo hoti sammukhībhūtā
na paṭikkosanti ayaṁ tattha saṅghasammukhatā. Kā ca tattha
dhammasammukhatā vinayasammukhatā. Yena dhammena yena vinayena yena
satthusāsanena taṁ adhikaraṇaṁ vūpasammati ayaṁ tattha dhammasammukhatā
vinayasammukhatā. Kā ca tattha puggalasammukhatā. Yo ca vivadati
yena ca vivadati ubho atthapaccatthikā 2 sammukhībhūtā honti ayaṁ
tattha puggalasammukhatā. Evaṁ vūpasantaṁ ce bhikkhave adhikaraṇaṁ
1 Ma. Yu. pana bhikkhaveti pāṭhadvayaṁ na dissati. 2 Yu. attapaccatthikā.
Kārako ukkoṭeti ukkoṭanakaṁ pācittiyaṁ. Chandadāyako khīyati
khīyanakaṁ pācittiyaṁ.

[673] Te ce bhikkhave bhikkhū na sakkonti taṁ adhikaraṇaṁ
tasmiṁ āvāse vūpasametuṁ tehi bhikkhave bhikkhūhi yasmiṁ āvāse
bahutarā 1 bhikkhū so āvāso gantabbo. Te ce bhikkhave
bhikkhū taṁ āvāsaṁ gacchantā antarāmagge sakkonti taṁ adhikaraṇaṁ
vūpasametuṁ idaṁ vuccati bhikkhave adhikaraṇaṁ vūpasantaṁ. Kena vūpasantaṁ
sammukhāvinayena. Kiñca tattha sammukhāvinayasmiṁ. Saṅghasammukhatā
dhammasammukhatā vinayasammukhatā puggalasammukhatā. Kā ca tattha
saṅghasammukhatā. Yāvatikā bhikkhū kammappattā te āgatā
honti chandārahānaṁ chando āhaṭo hoti sammukhībhūtā na
paṭikkosanti ayaṁ tattha saṅghasammukhatā. Kā ca tattha dhammasammukhatā
vinayasammukhatā. Yena dhammena yena vinayena yena satthusāsanena
taṁ adhikaraṇaṁ vūpasammati ayaṁ tattha dhammasammukhatā vinayasammukhatā.
Kā ca tattha puggalasammukhatā. Yo ca vivadati yena ca
vivadati ubho atthapaccatthitā sammukhībhūtā honti ayaṁ tattha
puggalasammukhatā. Evaṁ vūpasantaṁ ce bhikkhave adhikaraṇaṁ kārako
ukkoṭeti ukkoṭanakaṁ pācittiyaṁ. Chandadāyako khīyati khīyanakaṁ
pācittiyaṁ.
1 Ma. sambahulā.

[674] Te ce bhikkhave bhikkhū taṁ āvāsaṁ gacchantā 3 antarāmagge
na sakkonti taṁ adhikaraṇaṁ vūpasametuṁ tehi bhikkhave bhikkhūhi
taṁ āvāsaṁ gantvā āvāsikā bhikkhū evamassu vacanīyā idaṁ
kho āvuso adhikaraṇaṁ evaṁjātaṁ evaṁsamuppannaṁ sādhāyasmanto 2
imaṁ adhikaraṇaṁ vūpasamentu dhammena vinayena satthusāsanena yathāyidaṁ 3
adhikaraṇaṁ suvūpasantaṁ assāti. Sace bhikkhave āvāsikā bhikkhū
vuḍḍhatarā honti āgantukā bhikkhū navakatarā tehi bhikkhave
āvāsikehi bhikkhūhi āgantukā bhikkhū evamassu vacanīyā iṅgha
tumhe āyasmanto muhuttaṁ ekamantaṁ hotha yāva mayaṁ mantemāti.
Sace pana bhikkhave āvāsikā bhikkhū navakatarā honti āgantukā
bhikkhū vuḍḍhatarā tehi bhikkhave āvāsikehi bhikkhūhi āgantukā
bhikkhū evamassu vacanīyā tenahi tumhe āyasmanto muhuttaṁ
idheva tāva 4 hotha yāva mayaṁ mantemāti. Sace 5 bhikkhave
āvāsikānaṁ bhikkhūnaṁ mantayamānānaṁ evaṁ hoti na mayaṁ sakkoma
imaṁ adhikaraṇaṁ vūpasametuṁ dhammena vinayena satthusāsanenāti na taṁ
adhikaraṇaṁ āvāsikehi bhikkhūhi 6 paṭicchitabbaṁ 7 . Sace pana bhikkhave
āvāsikānaṁ bhikkhūnaṁ mantayamānānaṁ evaṁ hoti sakkoma mayaṁ imaṁ 8
adhikaraṇaṁ vūpasametuṁ dhammena vinayena satthusāsanenāti tehi bhikkhave
1 Ma. āgacchantā. 2 Ma. Yu. sādhāyasmantā. 3 Ma. Yu. yathayidaṁ. 4 Yu.
tāvasaddo na dissati. 5 Ma. sace pana. 6 Yu. āvāsikehi bhikkhūhīti padadvayaṁ
na dissati. 7 Ma. sampaṭicchitabbaṁ. 8 Ma. idaṁ. ito paraṁ īdisameva.
Āvāsikehi bhikkhūhi āgantukā bhikkhū evamassu vacanīyā sace
tumhe āyasmanto amhākaṁ imaṁ adhikaraṇaṁ yathājātaṁ yathāsamuppannaṁ
ārocessatha yathā ca mayaṁ imaṁ adhikaraṇaṁ vūpasamessāma dhammena
vinayena satthusāsanena tathā suvūpasantaṁ 2 bhavissati evaṁ mayaṁ
imaṁ adhikaraṇaṁ paṭicchissāma 3 . No ce tumhe āyasmanto amhākaṁ
imaṁ adhikaraṇaṁ yathājātaṁ yathāsamuppannaṁ ārocessatha yathā ca
mayaṁ imaṁ adhikaraṇaṁ vūpasamessāma dhammena vinayena satthusāsanena
tathā na suvūpasantaṁ bhavissati na mayaṁ imaṁ adhikaraṇaṁ paṭicchissāmāti.
Evaṁ supariggahitaṁ kho bhikkhave katvā āvāsikehi bhikkhūhi taṁ
adhikaraṇaṁ paṭicchitabbaṁ 4 . Tehi bhikkhave āgantukehi bhikkhūhi āvāsikā
bhikkhū evamassu vacanīyā yathājātaṁ yathāsamuppannaṁ kho 4 mayaṁ imaṁ
adhikaraṇaṁ āyasmantānaṁ ārocessāma sace āyasmanto 5 sakkonti
ettakena vā ettakena vā 6 antarena imaṁ adhikaraṇaṁ vūpasametuṁ
dhammena vinayena satthusāsanena tathā suvūpasantaṁ bhavissati evaṁ mayaṁ
imaṁ adhikaraṇaṁ āyasmantānaṁ niyyādessāma no ce āyasmanto
sakkonti ettakena vā ettakena vā antarena imaṁ adhikaraṇaṁ
vūpasametuṁ dhammena vinayena satthusāsanena tathā na suvūpasantaṁ
bhavissati na mayaṁ imaṁ adhikaraṇaṁ āyasmantānaṁ niyyādessāma
1 Yu. vūpasantaṁ. 2 Ma. sampaṭicchissāma. 3 Ma. sampaṭicchitabbaṁ. 4 Ma. Yu.
khosaddo natthi. 5 Ma. Yu. āyasmantā. 6 Yu. āmeḍitavacanaṁ natthi.
Mayameva imassa adhikaraṇassa sāmino bhavissāmāti. Evaṁ supariggahitaṁ
kho bhikkhave katvā āgantukehi bhikkhūhi taṁ adhikaraṇaṁ āvāsikānaṁ
bhikkhūnaṁ niyyādetabbaṁ. Te ce bhikkhave bhikkhū sakkonti taṁ
adhikaraṇaṁ vūpasametuṁ idaṁ vuccati bhikkhave adhikaraṇaṁ suvūpasantaṁ.
Kena vūpasantaṁ. Sammukhāvinayena. Kiñca tattha sammukhāvinayasmiṁ.
Saṅghasammukhatā dhammasammukhatā vinayasammukhatā puggalasammukhatā .pe.
Evaṁ vūpasantaṁ ce bhikkhave adhikaraṇaṁ kārako ukkoṭeti ukkoṭanakaṁ
pācittiyaṁ. Chandadāyako khīyati khīyanakaṁ pācittiyaṁ.

[675] Tehi ce bhikkhave bhikkhūhi tasmiṁ adhikaraṇe vinicchiyamāne
anantāni 1 ceva bhassāni jāyanti na cetassa 2 bhāsitassa attho
viññāyati anujānāmi bhikkhave evarūpaṁ adhikaraṇaṁ ubbāhikāya
vūpasametuṁ. Dasahaṅgehi samannāgato bhikkhu ubbāhikāya
sammannitabbo sīlavā hoti pātimokkhasaṁvarasaṁvuto viharati
ācāragocarasampanno 3 aṇumattesu vajjesu bhayadassāvī samādāya sikkhati
sikkhāpadesu bahussuto hoti sutadharo sutasanniccayo ye te
dhammā ādikalyāṇā majjhekalyāṇā pariyosānakalyāṇā sātthaṁ
sabyañjanaṁ 4 kevalaparipuṇṇaṁ parisuddhaṁ brahmacariyaṁ abhivadanti tathārūpāssa 5
dhammā bahussutā honti dhatā 6 vacasā paricitā manasānupekkhitā
1 Yu. anaggāni. 2 Ma. Yu. na cekassa. 3 Yu. ācārasampanno. 4 Yu. sātthā
sabyañjanā. 5 Ma. Yu. tathārūpassa. 6 Ma. dhātā.
Diṭṭhiyā suppaṭividdhā ubhayāni kho panassa pātimokkhāni vitthārena
svāgatāni honti suvibhattāni suppavattīni suvinicchitāni suttaso 1
anubyañjanaso vinaye kho pana ṭhito 2 hoti asaṁhiro paṭibalo
hoti ubho atthapaccatthike saññāpetuṁ nijjhāpetuṁ pekkhetuṁ
passituṁ 3 pasādetuṁ adhikaraṇasamuppādaṁ vūpasametuṁ kusalo 4 hoti
adhikaraṇaṁ jānāti adhikaraṇasamudayaṁ jānāti adhikaraṇanirodhaṁ jānāti
adhikaraṇanirodhagāminipaṭipadaṁ jānāti anujānāmi bhikkhave imehi
dasahaṅgehi samannāgataṁ bhikkhuṁ ubbāhikāya sammannituṁ.

[676] Evañca pana bhikkhave sammannitabbo. Paṭhamaṁ bhikkhu
yācitabbo yācitvā byattena bhikkhunā paṭibalena saṅgho ñāpetabbo
suṇātu me bhante saṅgho amhākaṁ imasmiṁ adhikaraṇe
vinicchiyamāne anantāni ceva bhassāni jāyanti na cetassa
bhāsitassa attho viññāyati. Yadi saṅghassa pattakallaṁ saṅgho
itthannāmañca itthannāmañca bhikkhuṁ sammanneyya ubbāhikāya imaṁ
adhikaraṇaṁ vūpasametuṁ. Esā ñatti. Suṇātu me bhante saṅgho
amhākaṁ imasmiṁ adhikaraṇe vinicchiyamāne anantāni ceva bhassāni
jāyanti na cetassa bhāsitassa attho viññāyati. Saṅgho
itthannāmañca itthannāmañca bhikkhuṁ sammannati ubbāhikāya imaṁ
1 Yu. suttato. 2 Ma. Yu. cheko. 3 dassetuṁ.
4 Ma. Yu. adhikaraṇasamuppādavūpasamanakusalo.
Adhikaraṇaṁ vūpasametuṁ. Yassāyasmato khamati itthannāmassa ca
itthannāmassa ca bhikkhuno sammati ubbāhikāya imaṁ adhikaraṇaṁ
vūpasametuṁ so tuṇhassa yassa nakkhamati so bhāseyya.
Sammato saṅghena itthannāmo ca itthannāmo ca bhikkhu ubbāhikāya
imaṁ adhikaraṇaṁ vūpasametuṁ khamati saṅghassa tasmā tuṇhī.
Evametaṁ dhārayāmīti.

[677] Te ce bhikkhave bhikkhū sakkonti taṁ adhikaraṇaṁ ubbāhikāya
vūpasametuṁ idaṁ vuccati bhikkhave adhikaraṇaṁ vūpasantaṁ. Kena
vūpasantaṁ. Sammukhāvinayena. Kiñca tattha sammukhāvinayasmiṁ.
Dhammasammukhatā vinayasammukhatā puggalasammukhatā .pe. Evaṁ vūpasantaṁ
ce bhikkhave adhikaraṇaṁ kārako ukkoṭeti ukkoṭanakaṁ pācittiyaṁ.

[678] Tehi ce bhikkhave bhikkhūhi tasmiṁ adhikaraṇe vinicchiyamāne
tatrassa 1 bhikkhu dhammakathiko tassa neva suttaṁ āgataṁ hoti
no suttavibhaṅgo so atthaṁ asallakkhento byañjanacchāyāya
atthaṁ paṭibāhati byattena bhikkhunā paṭibalena te bhikkhū
ñāpetabbā suṇantu me āyasmantā ayaṁ itthannāmo bhikkhu
dhammakathiko imassa neva suttaṁ āgataṁ hoti 2 no suttavibhaṅgo
so atthaṁ asallakkhento byañjanacchāyāya atthaṁ paṭibāhati.
Yadāyasmantānaṁ pattakallaṁ itthannāmaṁ bhikkhuṁ vuṭṭhāpetvā avasesā
1 Ma. tatrāssa. 2 Yu. hotīti na paññāyati.
Imaṁ adhikaraṇaṁ vūpasameyyāmāti. Te ce bhikkhave bhikkhū taṁ bhikkhuṁ
vuṭṭhāpetvā sakkonti taṁ adhikaraṇaṁ vūpasametuṁ idaṁ vuccati
bhikkhave adhikaraṇaṁ vūpasantaṁ. Kena vūpasantaṁ. Sammukhāvinayena.
Kiñca tattha sammukhāvinayasmiṁ. Dhammasammukhatā vinayasammukhatā
puggalasammukhatā .pe. Evaṁ vūpasantaṁ ce bhikkhave adhikaraṇaṁ
kārako ukkoṭeti ukkoṭanakaṁ pācittiyaṁ.

[679] Tehi ce bhikkhave bhikkhūhi tasmiṁ adhikaraṇe vinicchiyamāne
tatrassa bhikkhu dhammakathiko tassa suttaṁ hi kho āgataṁ hoti no
suttavibhaṅgo so atthaṁ asallakkhento byañjanacchāyāya atthaṁ paṭibāhati
byattena bhikkhunā paṭibalena te bhikkhū ñāpetabbā suṇantu me
āyasmantā ayaṁ itthannāmo bhikkhu dhammakathiko imassa suttaṁ hi kho
āgataṁ hoti no suttavibhaṅgo so atthaṁ asallakkhento byañjanacchāyāya
atthaṁ paṭibāhati. Yadāyasmantānaṁ pattakallaṁ itthannāmaṁ
bhikkhuṁ vuṭṭhāpetvā avasesā imaṁ adhikaraṇaṁ vūpasameyyāmāti.
Te ce bhikkhave bhikkhū taṁ bhikkhuṁ vuṭṭhāpetvā sakkonti taṁ
adhikaraṇaṁ vūpasametuṁ idaṁ vuccati bhikkhave adhikaraṇaṁ vūpasantaṁ. Kena
vūpasantaṁ. Sammukhāvinayena. Kiñca tattha sammukhāvinayasmiṁ.
Dhammasammukhatā vinayasammukhatā puggalasammukhatā .pe. Evaṁ vūpasantaṁ
ce bhikkhave adhikaraṇaṁ kārako ukkoṭeti ukkoṭanakaṁ pācittiyaṁ.