[650] Vivādādhikaraṇaṁ kusalaṁ akusalaṁ abyākataṁ. Vivādādhikaraṇaṁ
siyā kusalaṁ siyā akusalaṁ siyā abyākataṁ.

[651] Tattha katamaṁ vivādādhikaraṇaṁ akusalaṁ. Idha pana bhikkhave
bhikkhū akusalacittā vivadanti dhammoti vā adhammoti vā .pe.
Duṭṭhullā āpattīti vā aduṭṭhullā āpattīti vā yaṁ tattha
bhaṇḍanaṁ kalaho viggaho vivādo nānāvādo aññathāvādo
vipaccatāya vohāro medhagaṁ 1 idaṁ vuccati vivādādhikaraṇaṁ
akusalaṁ.

[652] Tattha katamaṁ vivādādhikaraṇaṁ kusalaṁ. Idha pana bhikkhave
bhikkhū kusalacittā vivadanti dhammoti vā adhammoti vā .pe.
Duṭṭhullā āpattīti vā aduṭṭhullā āpattīti vā yaṁ tattha
bhaṇḍanaṁ kalaho viggaho vivādo nānāvādo aññathāvādo
vipaccatāya vohāro medhagaṁ idaṁ vuccati vivādādhikaraṇaṁ kusalaṁ 2 .

[653] Tattha katamaṁ vivādādhikaraṇaṁ abyākataṁ. Idha pana
bhikkhave bhikkhū bhikkhuṁ 3 abyākatacittā vivadanti dhammoti vā
adhammoti vā .pe. Duṭṭhullā āpattīti vā aduṭṭhullā
āpattīti vā yaṁ tattha bhaṇḍanaṁ kalaho viggaho vivādo
nānāvādo aññathāvādo vipaccatāya vohāro medhagaṁ 1 idaṁ
vuccati vivādādhikaraṇaṁ abyākataṁ.
1 Yu. medhakaṁ. 2 Ma. Yu. potthakesu paṭhamaṁ kusalaṁ āgataṁ pacchā akusalaṁ āgataṁ.
3 Ma. Yu. ayaṁ pāṭho natthi.

[654] Anuvādādhikaraṇaṁ kusalaṁ akusalaṁ abyākataṁ. Anuvādādhikaraṇaṁ
siyā kusalaṁsiyā akusalaṁ siyā abyākataṁ.

[655] Tattha katamaṁ anuvādādhikaraṇaṁ akusalaṁ. Idha pana bhikkhave
bhikkhū bhikkhuṁ akusalacittā anuvadanti sīlavipattiyā vā ācāravipattiyā
vā diṭṭhivipattiyā vā ājīvavipattiyā vā yo tattha anuvādo
anuvadanā anullapanā anubhaṇanā anusampavaṅkatā abbhussahanatā
anubalappadānaṁ idaṁ vuccati anuvādādhikaraṇaṁ akusalaṁ.

[656] Tattha katamaṁ anuvādādhikaraṇaṁ kusalaṁ. Idha pana bhikkhave
bhikkhū bhikkhuṁ kusalacittā anuvadanti sīlavipattiyā vā ācāravipattiyā
vā diṭṭhivipattiyā vā ājīvavipattiyā vā yo tattha anuvādo
anuvadanā anullapanā anubhaṇanā anusampavaṅkatā abbhussahanatā
anubalappadānaṁ idaṁ vuccati anuvādādhikaraṇaṁ kusalaṁ 1 .

[657] Tattha katamaṁ anuvādādhikaraṇaṁ abyākataṁ. Idha pana
bhikkhave bhikkhū bhikkhuṁ abyākatacittā anuvadanti sīlavipattiyā vā
ācāravipattiyā vā diṭṭhivipattiyā vā ājīvavipattiyā vā yo
tattha anuvādo anuvadanā anullapanā anubhaṇanā anusampavaṅkatā abbhussahanatā
anubalappadānaṁ idaṁ vuccati anuvādādhikaraṇaṁ abyākataṁ.

[658] Āpattādhikaraṇaṁ akusalaṁ abyākataṁ 2 . Āpattādhikaraṇaṁ
siyā akusalaṁ siyā abyākataṁ natthi āpattādhikaraṇaṁ kusalaṁ.
1 Ma. Yu. paṭhamaṁ kusalaṁ āgataṁ pacchā akusalaṁ āgataṁ. 2 Ma. Yu. āpattādhikaraṇaṁ
kusalaṁ akusalaṁ abyākataṁ.

[659] Tattha katamaṁ āpattādhikaraṇaṁ akusalaṁ. Yaṁ jānanto
sañjānanto cecca abhivitaritvā vītikkamo idaṁ vuccati
āpattādhikaraṇaṁ akusalaṁ. Tattha katamaṁ āpattādhikaraṇaṁ abyākataṁ.
Yaṁ ajānanto asañjānanto acecca anabhivitaritvā vītikkamo
idaṁ vuccati āpattādhikaraṇaṁ abyākataṁ.