[1412] Nahetuyā soḷasa nāarammaṇe soḷasa nādhipatiyā
Soḷasa nānantare soḷasa nasamanantare soḷasa nasahajāte
dvādasa nāññamaññe dvādasa nanissaye dvādasa naupanissaye
soḷasa napurejāte cuddasa napacchājāte soḷasa nāasevane
soḷasa nakamme paṇṇarasa navipāke cuddasa nāahāre soḷasa
naindriye soḷasa najhāne soḷasa namagge soḷasa nasampayutte
dvādasa navippayutte dasa noatthiyā dasa nonatthiyā soḷasa
novigate soḷasa noavigate dasa.

[1413] Nahetupaccayānāarammaṇe soḷasa. Saṅkhittaṁ.
... Novigate dasa. Yathā kusalattike paccanīyagaṇanā vitthāritā
evaṁ vitthāretabbaṁ.
Paccanīyaṁ niṭṭhitaṁ.

[1414] Hetupaccayā nāarammaṇe satta ... Nādhipatiyā satta
nānantare satta nasamanantare satta nāññamaññe tīṇi naupanissaye
satta napurejāte satta napacchājāte satta nāasevane satta
nakamme satta navipāke cattāri nāahāre satta naindriye satta
najhāne satta namagge satta nasampayutte tīṇi navippayutte tīṇi
nonatthiyā satta novigate satta.

[1415] Hetusahajātanissayātthiavigatanti nāarammaṇe satta.
Saṅkhittaṁ. ... Novigate satta. Yathā kusalattike
Anulomapaccanīyagaṇanā vitthāritā evaṁ vitthāretabbaṁ. Asammohantena
eso sajjhāyamaggo.
Anulomapaccanīyaṁ niṭṭhitaṁ.

[1416] Nahetupaccayā ārammaṇe nava ... Adhipatiyā dasa anantare
satta samanantare satta sahajāte ekādasa aññamaññe satta
nissaye terasa upanissaye nava purejāte tīṇi pacchājāte tīṇi
āsevane dve kamme nava vipāke tīṇi āhāre satta indriye
nava jhāne satta magge satta sampayutte tīṇi vippayutte pañca
atthiyā terasa natthiyā satta vigate satta avigate terasa.

[1417] Nahetupaccayā nāarammaṇapaccayā adhipatiyā satta.
Saṅkhittaṁ. ... Avigate terasa. Yathā kusalattike paccanīyānulomagaṇanā
vitthāritā evaṁ vitthāretabbaṁ.
Paccanīyānulomaṁ niṭṭhitaṁ.
Vipākattikaṁ tatiyaṁ
niṭṭhitaṁ.
--------------
Upādinnattikaṁ 1
paṭiccavāro

[1418] Upādinnupādāniyaṁ dhammaṁ paṭicca upādinnupādāniyo
dhammo uppajjati hetupaccayā upādinnupādāniyaṁ ekaṁ khandhaṁ paṭicca
tayo khandhā dve khandhe paṭicca dve khandhā paṭisandhikkhaṇe
upādinnupādāniyaṁ ekaṁ khandhaṁ paṭicca tayo khandhā kaṭattā ca rūpaṁ
dve khandhe paṭicca dve khandhā kaṭattā ca rūpaṁ khandhe paṭicca
vatthu vatthuṁ paṭicca khandhā upādinnupādāniyaṁ ekaṁ mahābhūtaṁ
paṭicca tayo mahābhūtā dve mahābhūte paṭicca dve mahābhūtā
mahābhūte paṭicca kaṭattārūpaṁ upādārūpaṁ. Upādinnupādāniyaṁ dhammaṁ
paṭicca anupādinnupādāniyo dhammo uppajjati hetupaccayā
upādinnupādāniye khandhe paṭicca cittasamuṭṭhānaṁ rūpaṁ. Upādinnupādāniyaṁ
dhammaṁ paṭicca upādinnupādāniyo ca anupādinnupādāniyo ca
dhammā uppajjanti hetupaccayā upādinnupādāniyaṁ ekaṁ khandhaṁ
paṭicca tayo khandhā cittasamuṭṭhānañca rūpaṁ dve khandhe paṭicca
dve khandhā cittasamuṭṭhānañca rūpaṁ.

[1419] Anupādinnupādāniyaṁ dhammaṁ paṭicca anupādinnupādāniyo
1 ito paraṁ khemacārittherena dhammatilokācariyena paṭhamavāre sodhitaṁ.
Dhammo uppajjati hetupaccayā anupādinnupādāniyaṁ ekaṁ khandhaṁ
paṭicca tayo khandhā cittasamuṭṭhānañca rūpaṁ dve khandhe paṭicca
dve khandhā cittasamuṭṭhānañca rūpaṁ anupādinnupādāniyaṁ ekaṁ
mahābhūtaṁ paṭicca tayo mahābhūtā mahābhūte paṭicca cittasamuṭṭhānaṁ
rūpaṁ upādārūpaṁ.

[1420] Anupādinnānupādāniyaṁ dhammaṁ paṭicca anupādinnānupādāniyo
dhammo uppajjati hetupaccayā anupādinnānupādāniyaṁ
ekaṁ khandhaṁ paṭicca tayo khandhā dve khandhe paṭicca dve khandhā.
Anupādinnānupādāniyaṁ dhammaṁ paṭicca anupādinnupādāniyo dhammo
uppajjati hetupaccayā anupādinnānupādāniye khandhe paṭicca
cittasamuṭṭhānaṁ rūpaṁ. Anupādinnānupādāniyaṁ dhammaṁ paṭicca
anupādinnupādāniyo ca anupādinnānupādāniyo ca dhammā uppajjanti
hetupaccayā anupādinnupādāniyaṁ ekaṁ khandhaṁ paṭicca tayo khandhā
cittasamuṭṭhānañca rūpaṁ dve khandhe paṭicca dve khandhā
cittasamuṭṭhānañca rūpaṁ.

[1421] Anupādinnānupādāniyañca anupādinnupādāniyañca
dhammaṁ paṭicca anupādinnupādāniyo dhammo uppajjati hetupaccayā
anupādinnānupādāniye khandhe ca mahābhūte ca paṭicca
cittasamuṭṭhānaṁ rūpaṁ.