พุทธธรรมสงฆ์
📁 หัวข้อธรรม
📁 ฉบับมหามกุฏฯ
📁 ฉบับสยามรัฐ
📁 ฉบับหลวง
📁 ฉบับมหาจุฬาฯ
📁 อรรถกถา
📁 พุทธธรรมสงฆ์
📁 เจดีย์
📁 ฉันหนึ่งมื้อ
📁 ปฏิมาที่ขัดแย้ง
📁 กระทู้
📁 รูปปั้น
📁 อุทเทสิกเจดีย์
📁 ถวายเงินพระบาป
📁 คู่มือการใช้งาน


Abhidhammapiṭake paṭṭhānaṁ paṭhamo bhāgo (เล่ม 40)

[1432] Upādinnupādāniyaṁ dhammaṁ paṭicca upādinnupādāniyo
dhammo uppajjati āhārapaccayā .pe. Indriyapaccayā
jhānapaccayā maggapaccayā sampayuttapaccayā vippayuttapaccayā
atthipaccayā natthipaccayā vigatapaccayā avigatapaccayā.
Yathā kusalattikassa paṭiccavāro sajjhāyamaggena
vitthārito evaṁ vitthāretabbaṁ.

Abhidhammapiṭake paṭṭhānaṁ paṭhamo bhāgo (เล่ม 40)

[1433] Hetuyā nava ārammaṇe tīṇi adhipatiyā pañca anantare
tīṇi samanantare tīṇi sahajāte nava aññamaññe tīṇi nissaye
nava upanissaye tīṇi purejāte tīṇi āsevane dve kamme nava
vipāke nava āhāre nava indriye nava jhāne nava magge nava
sampayutte tīṇi vippayutte nava atthiyā nava natthiyā tīṇi
vigate tīṇi avigate nava. Hetupaccayā ārammaṇe tīṇi ... Avigate
nava.
Yathā kusalattike paṭiccagaṇanā sajjhāyamaggena
gaṇitā evaṁ gaṇetabbaṁ.
Anulomaṁ.

Abhidhammapiṭake paṭṭhānaṁ paṭhamo bhāgo (เล่ม 40)

[1434] Upādinnupādāniyaṁ dhammaṁ paṭicca upādinnupādāniyo
dhammo uppajjati nahetupaccayā ahetukaṁ upādinnupādāniyaṁ ekaṁ
khandhaṁ paṭicca tayo khandhā dve khandhe paṭicca dve khandhā
ahetukapaṭisandhikkhaṇe upādinnupādāniyaṁ ekaṁ khandhaṁ paṭicca tayo
khandhā kaṭattā ca rūpaṁ dve khandhe paṭicca dve khandhā kaṭattā ca
rūpaṁ khandhe paṭicca vatthu vatthuṁ paṭicca khandhā ekaṁ mahābhūtaṁ
paṭicca tayo mahābhūtā mahābhūte paṭicca kaṭattārūpaṁ upādārūpaṁ
asaññasattānaṁ ekaṁ mahābhūtaṁ paṭicca ... Mahābhūte paṭicca kaṭattārūpaṁ
upādārūpaṁ. Upādinnupādāniyaṁ dhammaṁ paṭicca anupādinnupādāniyo
dhammo uppajjati nahetupaccayā ahetuke upādinnupādāniye
Khandhe paṭicca cittasamuṭṭhānaṁ rūpaṁ. Upādinnupādāniyaṁ
dhammaṁ paṭicca upādinnupādāniyo ca anupādinnupādāniyo ca dhammā
uppajjanti nahetupaccayā ahetukaṁ upādinnupādāniyaṁ ekaṁ khandhaṁ
paṭicca tayo khandhā cittasamuṭṭhānañca rūpaṁ dve khandhe paṭicca
dve khandhā cittasamuṭṭhānañca rūpaṁ.

Abhidhammapiṭake paṭṭhānaṁ paṭhamo bhāgo (เล่ม 40)

[1435] Anupādinnupādāniyaṁ dhammaṁ paṭicca anupādinnupādāniyo
dhammo uppajjati nahetupaccayā ahetukaṁ anupādinnupādāniyaṁ ekaṁ
khandhaṁ paṭicca tayo khandhā cittasamuṭṭhānañca rūpaṁ dve khandhe
paṭicca dve khandhā cittasamuṭṭhānañca rūpaṁ anupādinnupādāniyaṁ
ekaṁ mahābhūtaṁ mahābhūte paṭicca cittasamuṭṭhānaṁ rūpaṁ upādārūpaṁ
bāhiraṁ ... Āhārasamuṭṭhānaṁ ... Utusamuṭṭhānaṁ ekaṁ mahābhūtaṁ paṭicca
mahābhūte paṭicca upādārūpaṁ vicikicchāsahagate uddhaccasahagate khandhe
paṭicca vicikicchāsahagato uddhaccasahagato moho.

Abhidhammapiṭake paṭṭhānaṁ paṭhamo bhāgo (เล่ม 40)

[1436] Upādinnupādāniyañca anupādinnupādāniyañca dhammaṁ
paṭicca anupādinnupādāniyo dhammo uppajjati nahetupaccayā ahetuke
upādinnupādāniye khandhe ca mahābhūte ca paṭicca cittasamuṭṭhānaṁ rūpaṁ.

Abhidhammapiṭake paṭṭhānaṁ paṭhamo bhāgo (เล่ม 40)

[1437] Upādinnupādāniyaṁ dhammaṁ paṭicca upādinnupādāniyo
dhammo uppajjati nāarammaṇapaccayā paṭisandhikkhaṇe
upādinnupādāniye khandhe paṭicca kaṭattārūpaṁ khandhe paṭicca vatthu
ekaṁ mahābhūtaṁ paṭicca asaññasattānaṁ ekaṁ mahābhūtaṁ paṭicca.
Upādinnupādāniyaṁ dhammaṁ paṭicca anupādinnupādāniyo dhammo uppajjati
nāarammaṇapaccayā upādinnupādāniye khandhe paṭicca cittasamuṭṭhānaṁ
rūpaṁ. Anupādinnupādāniyaṁ dhammaṁ paṭicca anupādinnupādāniyo dhammo
uppajjati nāarammaṇapaccayā anupādinnupādāniye khandhe paṭicca
cittasamuṭṭhānaṁ rūpaṁ ekaṁ mahābhūtaṁ paṭicca bāhiraṁ ... Āhārasamuṭṭhānaṁ ...
Utusamuṭṭhānaṁ ekaṁ mahābhūtaṁ paṭicca. Anupādinnānupādāniyaṁ
dhammaṁ paṭicca anupādinnupādāniyo dhammo uppajjati
nāarammaṇapaccayā anupādinnānupādāniye khandhe paṭicca cittasamuṭṭhānaṁ
rūpaṁ anupādinnupādāniyañca anupādinnānupādāniyañca
dhammaṁ paṭicca anupādinnupādāniyo dhammo uppajjati nāarammaṇapaccayā
anupādinnānupādāniye khandhe ca mahābhūte ca paṭicca cittasamuṭṭhānaṁ
rūpaṁ. Upādinnupādāniyañca anupādinnupādāniyañca dhammaṁ
paṭicca anupādinnupādāniyo dhammo uppajjati nāarammaṇapaccayā
upādinnupādāniye khandhe ca mahābhūte ca paṭicca cittasamuṭṭhānaṁ rūpaṁ.

Abhidhammapiṭake paṭṭhānaṁ paṭhamo bhāgo (เล่ม 40)

[1438] Upādinnupādāniyaṁ dhammaṁ paṭicca upādinnupādāniyo
dhammo uppajjati nādhipatipaccayā. Paṭisandhi paripuṇṇaṁ. Tīṇi
pañhā. Anupādinnupādāniyaṁ dhammaṁ paṭicca. Ekā pañhā.
Anupādinnānupādāniyaṁ dhammaṁ paṭicca anupādinnānupādāniyo dhammo
uppajjati nādhipatipaccayā anupādinnānupādāniye khandhe paṭicca
anupādinnānupādāniyā adhipati. Upādinnupādāniyañca
Anupādinnupādāniyañca dhammaṁ paṭicca anupādinnupādāniyo dhammo
uppajjati nādhipatipaccayā upādinnupādāniye khandhe ca mahābhūte ca
paṭicca cittasamuṭṭhānaṁ rūpaṁ.

Abhidhammapiṭake paṭṭhānaṁ paṭhamo bhāgo (เล่ม 40)

[1439] Upādinnupādāniyaṁ dhammaṁ paṭicca upādinnupādāniyo
dhammo uppajjati nānantarapaccayā .pe. ... Nasamanantarapaccayā
nāññamaññapaccayā naupanissayapaccayā napurejātapaccayā napacchājātapaccayā
nāasevanapaccayā. Anupādinnānupādāniyaṁ dhammaṁ paṭicca
anupādinnānupādāniyo dhammo uppajjati nāasevanapaccayā vipākaṁ
anupādinnānupādāniyaṁ ekaṁ khandhaṁ paṭicca tayo khandhā. Saṅkhittaṁ.

Abhidhammapiṭake paṭṭhānaṁ paṭhamo bhāgo (เล่ม 40)

[1440] Anupādinnupādāniyaṁ dhammaṁ paṭicca anupādinnupādāniyo
dhammo uppajjati nakammapaccayā anupādinnupādāniye khandhe paṭicca
anupādinnupādāniyā cetanā bāhiraṁ ... Āhārasamuṭṭhānaṁ ... Utusamuṭṭhānaṁ
ekaṁ mahābhūtaṁ paṭicca.

Abhidhammapiṭake paṭṭhānaṁ paṭhamo bhāgo (เล่ม 40)

[1441] Anupādinnānupādāniyaṁ dhammaṁ paṭicca anupādinnānupādāniyo
dhammo uppajjati nakammapaccayā kusale anupādinnānupādāniye
khandhe paṭicca anupādinnānupādāniyā cetanā.