พุทธธรรมสงฆ์
📁 หัวข้อธรรม
📁 ฉบับมหามกุฏฯ
📁 ฉบับสยามรัฐ
📁 ฉบับหลวง
📁 ฉบับมหาจุฬาฯ
📁 อรรถกถา
📁 พุทธธรรมสงฆ์
📁 เจดีย์
📁 ฉันหนึ่งมื้อ
📁 ปฏิมาที่ขัดแย้ง
📁 กระทู้
📁 รูปปั้น
📁 อุทเทสิกเจดีย์
📁 ถวายเงินพระบาป
📁 คู่มือการใช้งาน


Abhidhammapiṭake paṭṭhānaṁ paṭhamo bhāgo (เล่ม 40)

[1452] Hetupaccayā nāarammaṇe cha. Saṅkhittaṁ. ... Novigate
cha. Yathā kusalattike anulomapaccanīyagaṇanā evaṁ gaṇetabbā.
Anulomapaccanīyaṁ.

Abhidhammapiṭake paṭṭhānaṁ paṭhamo bhāgo (เล่ม 40)

[1453] Nahetupaccayā ārammaṇe dve. Saṅkhittaṁ. ... Avigate
pañca. Yathā kusalattike paccanīyānulomagaṇanā evaṁ gaṇetabbā.
Paccanīyānulomaṁ.
Paṭiccavāro.
Sahajātavāro

Abhidhammapiṭake paṭṭhānaṁ paṭhamo bhāgo (เล่ม 40)

[1454] Upādinnupādāniyaṁ dhammaṁ sahajāto upādinnupādāniyo
dhammo uppajjati hetupaccayā. Paṭiccavāropi sahajātavāropi sadiso.
Sahajātavāro.
Paccayavāro

Abhidhammapiṭake paṭṭhānaṁ paṭhamo bhāgo (เล่ม 40)

[1455] Upādinnupādāniyaṁ dhammaṁ paccayā upādinnupādāniyo
dhammo uppajjati hetupaccayā upādinnupādāniyaṁ ekaṁ khandhaṁ
paccayā tayo khandhā paṭisandhikkhaṇe khandhe paccayā vatthu vatthuṁ
paccayā khandhā ekaṁ mahābhūtaṁ paccayā tayo mahābhūtā mahābhūte
paccayā kaṭattārūpaṁ upādārūpaṁ vatthuṁ paccayā upādinnupādāniyā
khandhā. Upādinnupādāniyaṁ dhammaṁ paccayā anupādinnupādāniyo
dhammo uppajjati hetupaccayā upādinnupādāniye khandhe paccayā
cittasamuṭṭhānaṁ rūpaṁ vatthuṁ paccayā anupādinnupādāniyā khandhā.
Upādinnupādāniyaṁ dhammaṁ paccayā anupādinnānupādāniyo dhammo
uppajjati hetupaccayā vatthuṁ paccayā anupādinnānupādāniyā
khandhā. Upādinnupādāniyaṁ dhammaṁ paccayā upādinnupādāniyo
ca anupādinnupādāniyo ca dhammā uppajjanti hetupaccayā
upādinnupādāniyaṁ ekaṁ khandhaṁ paccayā tayo khandhā cittasamuṭṭhānañca
rūpaṁ. Anupādinnupādāniyaṁ dhammaṁ paccayā anupādinnupādāniyo dhammo
uppajjati hetupaccayā. Ekā pañhā. Anupādinnānupādāniyaṁ
dhammaṁ paccayā anupādinnānupādāniyo dhammo uppajjati hetupaccayā.
Tīṇi pañhā. Upādinnupādāniyañca anupādinnānupādāniyañca
dhammaṁ paccayā anupādinnānupādāniyo dhammo
uppajjati hetupaccayā anupādinnānupādāniyaṁ ekaṁ khandhañca
Vatthuñca paccayā tayo khandhā dve khandhe ca vatthuñca paccayā
dve khandhā. Anupādinnupādāniyañca anupādinnānupādāniyañca
dhammaṁ paccayā anupādinnupādāniyo dhammo uppajjati hetupaccayā
anupādinnānupādāniye khandhe ca mahābhūte ca paccayā cittasamuṭṭhānaṁ
rūpaṁ. Upādinnupādāniyañca anupādinnupādāniyañca
dhammaṁ paccayā anupādinnupādāniyo dhammo uppajjati hetupaccayā
upādinnupādāniye khandhe ca mahābhūte ca paccayā cittasamuṭṭhānaṁ
rūpaṁ anupādinnupādāniyaṁ ekaṁ khandhañca vatthuñca paccayā tayo
khandhā dve khandhe ca vatthuñca paccayā dve khandhā.

Abhidhammapiṭake paṭṭhānaṁ paṭhamo bhāgo (เล่ม 40)

[1456] Upādinnupādāniyaṁ dhammaṁ paccayā upādinnupādāniyo
dhammo uppajjati ārammaṇapaccayā upādinnupādāniyaṁ ekaṁ khandhaṁ
paccayā tayo khandhā dve khandhe paccayā dve khandhā paṭisandhikkhaṇe
upādinnupādāniyaṁ ekaṁ khandhaṁ paccayā tayo khandhā
dve khandhe paccayā dve khandhā vatthuṁ paccayā khandhā
cakkhāyatanaṁ paccayā cakkhuviññāṇaṁ .pe. Kāyāyatanaṁ paccayā
kāyaviññāṇaṁ vatthuṁ paccayā upādinnupādāniyā khandhā. Upādinnupādāniyaṁ
dhammaṁ paccayā anupādinnupādāniyo dhammo uppajjati
ārammaṇapaccayā vatthuṁ paccayā anupādinnupādāniyā khandhā.
Upādinnupādāniyaṁ dhammaṁ paccayā anupādinnānupādāniyo dhammo
uppajjati ārammaṇapaccayā vatthuṁ paccayā anupādinnānupādāniyā
Khandhā. Anupādinnupādāniyaṁ dhammaṁ paccayā anupādinnupādāniyo
dhammo uppajjati ārammaṇapaccayā anupādinnupādāniyaṁ ekaṁ
khandhaṁ paccayā tayo khandhā dve khandhe paccayā dve khandhā.
Anupādinnānupādāniyaṁ dhammaṁ paccayā anupādinnānupādāniyo
dhammo uppajjati ārammaṇapaccayā anupādinnānupādāniyaṁ ekaṁ
khandhaṁ paccayā tayo khandhā dve khandhe paccayā dve khandhā.

Abhidhammapiṭake paṭṭhānaṁ paṭhamo bhāgo (เล่ม 40)

[1457] Upādinnupādāniyañca anupādinnānupādāniyañca dhammaṁ
paccayā anupādinnānupādāniyo dhammo uppajjati ārammaṇapaccayā
anupādinnānupādāniyaṁ ekaṁ khandhañca vatthuñca paccayā tayo khandhā
dve khandhe ca vatthuñca paccayā dve khandhā. Upādinnupādāniyañca
anupādinnupādāniyañca dhammaṁ paccayā anupādinnupādāniyo
dhammo uppajjati ārammaṇapaccayā anupādinnupādāniyaṁ ekaṁ khandhañca
vatthuñca paccayā tayo khandhā dve khandhe ca vatthuñca paccayā
dve khandhā.

Abhidhammapiṭake paṭṭhānaṁ paṭhamo bhāgo (เล่ม 40)

[1458] Upādinnupādāniyaṁ dhammaṁ paccayā anupādinnupādāniyo
dhammo uppajjati adhipatipaccayā vatthuṁ paccayā anupādinnupādāniyā
khandhā. Upādinnupādāniyaṁ dhammaṁ paccayā anupādinnānupādāniyo
dhammo uppajjati adhipatipaccayā vatthuṁ paccayā
anupādinnānupādāniyā khandhā. Anupādinnupādāniyaṁ dhammaṁ paccayā
anupādinnupādāniyo dhammo uppajjati adhipatipaccayā. Ekā pañhā.
Anupādinnānupādāniyaṁ dhammaṁ paccayā. Tisso pañhā. Upādinnupādāniyañca
anupādinnānupādāniyañca dhammaṁ paccayā ... Adhipatipaccayā.
Anupādinnupādāniyañca anupādinnānupādāniyañca dhammaṁ
paccayā ... Adhipatipaccayā. Upādinnupādāniyañca anupādinnupādāniyañca
dhammaṁ paccayā anupādinnupādāniyo dhammo uppajjati
adhipatipaccayā anupādinnupādāniyaṁ ekaṁ khandhañca vatthuñca paccayā
tayo khandhā dve khandhe ca vatthuñca paccayā dve khandhā.

Abhidhammapiṭake paṭṭhānaṁ paṭhamo bhāgo (เล่ม 40)

[1459] Upādinnupādāniyaṁ dhammaṁ paccayā upādinnupādāniyo
dhammo uppajjati anantarapaccayā. Catuvīsati paccayā
vitthāretabbā. ... Avigatapaccayā.

Abhidhammapiṭake paṭṭhānaṁ paṭhamo bhāgo (เล่ม 40)

[1460] Hetuyā ekādasa ārammaṇe satta adhipatiyā nava
anantare satta samanantare satta sahajāte ekādasa aññamaññe
satta nissaye ekādasa upanissaye satta purejāte satta āsevane
cha kamme ekādasa vipāke ekādasa āhāre ekādasa indriye
ekādasa jhāne ekādasa magge ekādasa sampayutte satta
vippayutte ekādasa atthiyā ekādasa natthiyā satta vigate satta
avigate ekādasa.

Abhidhammapiṭake paṭṭhānaṁ paṭhamo bhāgo (เล่ม 40)

[1461] Hetupaccayā ārammaṇe satta. Saṅkhittaṁ. ... Avigate
ekādasa. Yathā kusalattike gaṇanā evaṁ gaṇetabbā.
Anulomaṁ.