[1462] Upādinnupādāniyaṁ dhammaṁ paccayā upādinnupādāniyo
dhammo uppajjati nahetupaccayā ahetukaṁ upādinnupādāniyaṁ ekaṁ
khandhaṁ paccayā ... Ahetukapaṭisandhikkhaṇe ... Asaññasattānaṁ ekaṁ mahābhūtaṁ
... Cakkhāyatanaṁ paccayā cakkhuviññāṇaṁ kāyāyatanaṁ paccayā kāyaviññāṇaṁ
vatthuṁ paccayā ahetukā upādinnupādāniyā khandhā.
Upādinnupādāniyaṁ dhammaṁ paccayā anupādinnupādāniyo dhammo
uppajjati nahetupaccayā ahetuke upādinnupādāniye khandhe paccayā
cittasamuṭṭhānaṁ rūpaṁ vatthuṁ paccayā ahetukā anupādinnupādāniyā
khandhā vatthuṁ paccayā vicikicchāsahagato uddhaccasahagato moho.
Upādinnupādāniyaṁ dhammaṁ paccayā upādinnupādāniyo ca
anupādinnupādāniyo ca dhammā uppajjanti nahetupaccayā ahetukaṁ
upa dinnupādāniyaṁ ekaṁ khandhaṁ paccayā tayo khandhā cittasamuṭṭhānañca
rūpaṁ. Anupādinnupādāniyaṁ dhammaṁ paccayā anupādinnupādāniyo
dhammo uppajjati nahetupaccayā ahetukaṁ anupādinnupādāniyaṁ ekaṁ
khandhaṁ paccayā tayo khandhā cittasamuṭṭhānañca rūpaṁ .pe. Bāhiraṁ ...
Āhārasamuṭṭhānaṁ ... Utusamuṭṭhānaṁ ... Ekaṁ mahābhūtaṁ .pe. Rūpaṁ
vicikicchāsahagate uddhaccasahagate khandhe paccayā vicikicchāsahagato
uddhaccasahagato moho. Upādinnupādāniyañca anupādinnupādāniyañca
dhammaṁ paccayā anupādinnupādāniyo dhammo uppajjati nahetupaccayā
ahetuke upādinnupādāniye khandhe ca mahābhūte ca paccayā cittasamuṭṭhānaṁ
Rūpaṁ ahetukaṁ anupādinnupādāniyaṁ ekaṁ khandhañca vatthuñca
paccayā tayo khandhā dve khandhe ca vatthuñca paccayā dve
khandhā vicikicchāsahagate uddhaccasahagate khandhe ca vatthuñca paccayā
vicikicchāsahagato uddhaccasahagato moho.

[1463] Upādinnupādāniyaṁ dhammaṁ paccayā upādinnupādāniyo
dhammo uppajjati nāarammaṇapaccayā. Saṅkhittaṁ. ... Nādhipatipaccayā
upādinnupādāniyaṁ ekaṁ khandhaṁ paccayā. Upādinnupādāniyaṁ
dhammaṁ paccayā anupādinnupādāniyo dhammo uppajjati
nādhipatipaccayā upādinnupādāniye khandhe paccayā cittasamuṭṭhānaṁ rūpaṁ
vatthuṁ paccayā anupādinnupādāniyā khandhā. Upādinnupādāniyaṁ
dhammaṁ paccayā anupādinnānupādāniyo dhammo uppajjati
nādhipatipaccayā vatthuṁ paccayā anupādinnānupādāniyā adhipati.
Anupādinnupādāniyaṁ paccayā anupādinnupādāniyo ca anupādinnupādāniyo
ca dhammā uppajjanti nādhipatipaccayā upādinnupādāniyaṁ
ekaṁ khandhaṁ paccayā tayo khandhā cittasamuṭṭhānañca rūpaṁ .pe.
Anupādinnupādāniyaṁ dhammaṁ paccayā. Ekā pañhā.
Anupādinnānupādāniyaṁ dhammaṁ paccayā anupādinnānupādāniyo dhammo
uppajjati nādhipatipaccayā anupādinnānupādāniye khandhe paccayā
anupādinnānupādāniyā adhipati.

[1464] Upādinnupādāniyañca anupādinnānupādāniyañca dhammaṁ
Paccayā anupādinnānupādāniyo dhammo uppajjati nādhipatipaccayā
anupādinnānupādāniye khandhe ca vatthuñca paccayā anupādinnānupādāniyā
adhipati. Upādinnupādāniyañca anupādinnupādāniyañca
dhammaṁ paccayā anupādinnupādāniyo dhammo uppajjati
nādhipatipaccayā upādinnupādāniye khandhe ca mahābhūte ca paccayā
cittasamuṭṭhānaṁ rūpaṁ anupādinnupādāniyaṁ ekaṁ khandhañca vatthuñca
paccayā tayo khandhā dve khandhe ca vatthuñca paccayā dve
khandhā.

[1465] Upādinnupādāniyaṁ dhammaṁ paccayā upādinnupādāniyo
dhammo uppajjati nānantarapaccayā ... Nasamanantarapaccayā
nāññamaññapaccayā naupanissayapaccayā napurejātapaccayā
napacchājātapaccayā nāasevanapaccayā.

[1466] Upādinnupādāniyaṁ dhammaṁ paccayā anupādinnupādāniyo
dhammo uppajjati nakammapaccayā vatthuṁ paccayā anupādinnupādāniyā
cetanā. Upādinnupādāniyaṁ dhammaṁ paccayā anupādinnānupādāniyo
dhammo uppajjati nakammapaccayā vatthuṁ paccayā kusalā
anupādinnānupādāniyā cetanā. Anupādinnupādāniyaṁ dhammaṁ paccayā
anupādinnupādāniyo dhammo uppajjati nakammapaccayā anupādinnupādāniye
khandhe paccayā anupādinnupādāniyā cetanā bāhiraṁ ...
Āhārasamuṭṭhānaṁ ... Utusamuṭṭhānaṁ ekaṁ mahābhūtaṁ paccayā.
Anupādinnānupādāniyaṁ
Dhammaṁ paccayā anupādinnānupādāniyo dhammo
uppajjati nakammapaccayā kusale anupādinnānupādāniye khandhe
paccayā anupādinnānupādāniyā cetanā. Upādinnupādāniyañca
anupādinnānupādāniyañca dhammaṁ paccayā anupādinnānupādāniyo
dhammo uppajjati nakammapaccayā kusale anupādinnānupādāniye
khandhe ca vatthuñca paccayā anupādinnānupādāniyā kusalā cetanā.
Upādinnupādāniyañca anupādinnupādāniyañca dhammaṁ paccayā
anupādinnupādāniyo dhammo uppajjati nakammapaccayā anupādinnupādāniye
khandhe ca vatthuñca paccayā anupādinnupādāniyā cetanā.

[1467] Upādinnupādāniyaṁ dhammaṁ paccayā upādinnupādāniyo
dhammo uppajjati navipākapaccayā asaññasattānaṁ ekaṁ mahābhūtaṁ
paccayā. Upādinnupādāniyaṁ dhammaṁ paccayā anupādinnupādāniyo
dhammo uppajjati navipākapaccayā vatthuṁ paccayā anupādinnupādāniyā
khandhā. Upādinnupādāniyaṁ dhammaṁ paccayā anupādinnānupādāniyo
dhammo uppajjati navipākapaccayā vatthuṁ paccayā
kusalā anupādinnānupādāniyā khandhā. Anapādinnupādāniyaṁ
paccayā ... Ekā pañhā. Anupādinnānupādāniyaṁ dhammaṁ paccayā
tīṇi. Upādinnupādāniyañca anupādinnānupādāniyañca dhammaṁ
paccayā anupādinnānupādāniyo dhammo uppajjati navipākapaccayā.
Saṅkhittaṁ. Anupādinnupādāniyañca anupādinnānupādāniyañca dhammaṁ
Paccayā anupādinnupādāniyo dhammo uppajjati navipākapaccayā.
Saṅkhittaṁ. Upādinnupādāniyañca anupādinnupādāniyañca dhammaṁ
paccayā anupādinnupādāniyo dhammo uppajjati navipākapaccayā
anupādinnupādāniyaṁ ekaṁ khandhañca vatthuñca paccayā tayo khandhā
dve khandhe ca vatthuñca paccayā dve khandhā.

[1468] Upādinnupādāniyaṁ dhammaṁ paccayā upādinnupādāniyo
dhammo uppajjati nāahārapaccayā ... Naindriyapaccayā najhānapaccayā
namaggapaccayā nasampayuttapaccayā navippayuttapaccayā nonatthipaccayā
novigatapaccayā.

[1469] Nahetuyā pañca nāarammaṇe cha nādhipatiyā aṭṭha
nānantare cha nasamanantare cha nāññamaññe cha naupanissaye cha
napurejāte satta napacchājāte ekādasa nāasevane ekādasa
nakamme cha navipāke dasa nāahāre dve naindriye dve
najhāne dve namagge pañca nasampayutte cha navippayutte tīṇi
nonatthiyā cha novigate cha. Vitthārena gaṇetabbaṁ.
Hetupaccayā nāarammaṇe cha. Saṅkhittaṁ.
... Novigate cha. Vitthārena gaṇetabbaṁ.
Nahetupaccayā ārammaṇe cattāri.
Saṅkhittaṁ. ... Avigate pañca.
Paccayavāro.
Nissayavāro

[1470] Upādinnupādāniyaṁ dhammaṁ nissāya upādinnupādāniyo
dhammo uppajjati hetupaccayā upādinnupādāniyaṁ ekaṁ khandhaṁ nissāya
tayo khandhā tayo khandhe nissāya. Saṅkhittaṁ. Paccayavāropi
nissayavāropi sadiso.
Nissayavāro.
Saṁsaṭṭhavāro

[1471] Upādinnupādāniyaṁ dhammaṁ saṁsaṭṭho upādinnupādāniyo
dhammo uppajjati hetupaccayā upādinnupādāniyaṁ ekaṁ khandhaṁ saṁsaṭṭhā
tayo khandhā tayo khandhe saṁsaṭṭho eko khandho dve khandhe
saṁsaṭṭhā dve khandhā paṭisandhikkhaṇe upādinnupādāniyaṁ ekaṁ khandhaṁ
saṁsaṭṭhā tayo khandhā dve khandhe saṁsaṭṭhā dve khandhā.
Anupādinnupādāniyaṁ dhammaṁ saṁsaṭṭho anupādinnupādāniyo dhammo uppajjati
hetupaccayā anupādinnupādāniyaṁ ekaṁ khandhaṁ saṁsaṭṭhā tayo khandhā
dve khandhe saṁsaṭṭhā dve khandhā. Anupādinnānupādāniyaṁ dhammaṁ
saṁsaṭṭho anupādinnānupādāniyo dhammo uppajjati hetupaccayā
anupādinnānupādāniyaṁ ekaṁ khandhaṁ saṁsaṭṭhā tayo khandhā dve khandhe
saṁsaṭṭhā dve khandhā.