[1402] Nevavipākanavipākadhammadhammo nevavipākanavipākadhammadhammassa
Sahajātaṁ purejātaṁ pacchājātaṁ āhāraṁ indriyaṁ. Sahajāto:
neva vipākanavipākadhammadhammo eko khandho tiṇṇannaṁ khandhānaṁ
cittasamuṭṭhānānañca rūpānaṁ atthipaccayena paccayo dve khandhā dvinnaṁ
khandhānaṁ cittasamuṭṭhānānañca rūpānaṁ atthipaccayena paccayo ekaṁ
mahābhūtaṁ ... Mahābhūtā cittasamuṭṭhānānaṁ rūpānaṁ kaṭattārūpānaṁ upādārūpānaṁ
atthipaccayena paccayo bāhiraṁ ... Āhārasamuṭṭhānaṁ ...
Utusamuṭṭhānaṁ ... Asaññasattānaṁ ekaṁ mahābhūtaṁ. Purejātaṁ: arahā
cakkhuṁ aniccato .pe. Sotaṁ .pe. Vatthu aniccato .pe.
Dibbena cakkhunā rūpaṁ passati dibbāya sotadhātuyā saddaṁ suṇāti .pe.
Vatthu nevavipākanavipākadhammadhammānaṁ khandhānaṁ atthipaccayena
paccayo. Pacchājātā: nevavipākanavipākadhammadhammā khandhā
purejātassa imassa kāyassa atthipaccayena paccayo. Kabaḷiṁkāro
āhāro imassa kāyassa atthipaccayena paccayo. Rūpajīvitindriyaṁ
kaṭattārūpānaṁ atthipaccayena paccayo. Nevavipākanavipākadhammadhammo
vipākassa dhammassa atthipaccayena paccayo sahajātaṁ purejātaṁ.
Sahajātaṁ: paṭisandhikkhaṇe vatthuṁ vipākānaṁ khandhānaṁ atthipaccayena
paccayo. Purejātaṁ: sekkhā vā puthujjanā vā cakkhuṁ aniccato .pe.
Assādenti taṁ ārabbha rāgo uppajjati .pe. Domanassaṁ
uppajjati kusalākusale niruddhe vipāko tadārammaṇatā ... Sotaṁ .pe.
Vatthuṁ ... Vipāko tadārammaṇatā ... Rūpāyatanaṁ cakkhuviññāṇassa .pe.
Phoṭṭhabbāyatanaṁ kāyaviññāṇassa cakkhāyatanaṁ cakkhuviññāṇassa
kāyāyatanaṁ kāyaviññāṇassa vatthu vipākānaṁ khandhānaṁ atthipaccayena
paccayo. Nevavipākanavipākadhammadhammo vipākadhammadhammassa
atthipaccayena paccayo purejātaṁ: sekkhā vā puthujjanā vā cakkhuṁ
aniccato .pe. Assādenti .pe. Domanassaṁ uppajjati sotaṁ ...
Vatthuṁ aniccato .pe. Domanassaṁ uppajjati dibbena cakkhunā .pe.
Vatthu vipākadhammadhammānaṁ khandhānaṁ atthipaccayena paccayo.

[1403] Vipāko ca nevavipākanavipākadhammadhammo ca dhammā
vipākassa dhammassa atthipaccayena paccayo sahajātaṁ purejātaṁ.
Sahajāto: cakkhuviññāṇasahagato eko khandho ca cakkhāyatanañca
tiṇṇannaṁ .pe. Kāyaviññāṇasahagato vipāko eko khandho ca
vatthu ca tiṇṇannaṁ khandhānaṁ paṭisandhikkhaṇe vipāko eko khandho ca
vatthu ca tiṇṇannaṁ. Vipāko ca nevavipākanavipākadhammadhammo ca
dhammā nevavipākanavipākadhammadhammassa atthipaccayena paccayo
sahajātaṁ pacchājātaṁ āhāraṁ indriyaṁ. Sahajātā: vipākā khandhā
ca mahābhūtā ca cittasamuṭṭhānānaṁ rūpānaṁ paṭisandhikkhaṇe vipākā
khandhā ca mahābhūtā. Kaṭattārūpānaṁ atthipaccayena paccayo.
Pacchājātā: vipākā khandhā ca kabaḷiṁkāro āhāro ca imassa
kāyassa. Pacchājātā: vipākā khandhā ca rūpajīvitindriyañca
kaṭattārūpānaṁ.

[1404] Vipākadhammadhammo ca nevavipākanavipākadhammadhammo ca
dhammā vipākadhammadhammassa atthipaccayena paccayo sahajātaṁ
purejātaṁ. Sahajāto: vipākadhammadhammo eko khandho ca vatthu ca
tiṇṇannaṁ. Vipākadhammadhammo ca nevavipākanavipākadhammadhammo ca
dhammā nevavipākanavipākadhammadhammassa atthipaccayena paccayo
sahajātaṁ pacchājātaṁ āhāraṁ indriyaṁ. Sahajātā: vipākadhammadhammā
khandhā ca mahābhūtā ca cittasamuṭṭhānānaṁ rūpānaṁ. Pacchājātā:
vipākadhammadhammā khandhā ca kabaḷiṁkāro āhāro ca purejātassa
imassa kāyassa atthipaccayena paccayo. Pacchājātā: vipākadhammadhammā
khandhā ca rūpajīvitindriyañca kaṭattārūpānaṁ. Vipāko dhammo
natthivigataṁ anantarasadisaṁ avigataṁ atthisadisaṁ.

[1405] Hetuyā satta ārammaṇe nava adhipatiyā dasa
anantare satta samanantare satta sahajāte ekādasa aññamaññe
satta nissaye terasa upanissaye nava purejāte tīṇi pacchājāte
tīṇi āsevane dve kamme nava vipāke tīṇi āhāre
satta indriye nava jhāne satta magge satta sampayutte
tīṇi vippayutte pañca atthiyā terasa natthiyā satta vigate
satta avigate terasa.

[1406] Hetupaccayā adhipatiyā satta ... Sahajāte satta
aññamaññe pañca nissaye satta vipāke tīṇi indriye satta magge
Satta sampayutte tīṇi vippayutte tīṇi atthiyā satta avigate satta.
Yathā kusalattike pañhāvārassa anulomagaṇanā
gaṇitā evaṁ vitthāretabbā.
Anulomaṁ niṭṭhitaṁ.

[1407] Vipāko dhammo vipākassa dhammassa ārammaṇapaccayena
paccayo ... Sahajātapaccayena paccayo ... Upanissayapaccayena paccayo.
Vipāko dhammo vipākadhammadhammassa ārammaṇapaccayena paccayo
... Upanissayapaccayena paccayo. Vipāko dhammo
nevavipākanavipākadhammadhammassa ārammaṇapaccayena paccayo ... Sahajātapaccayena
paccayo ... Upanissayapaccayena paccayo ... Pacchājātapaccayena paccayo.
Vipāko dhammo vipākassa ca nevavipākanavipākadhammadhammassa ca dhammassa
sahajātapaccayena paccayo.

[1408] Vipākadhammadhammo vipākadhammadhammassa ārammaṇapaccayena
paccayo ... Sahajātapaccayena paccayo ... Upanissayapaccayena paccayo.
Vipākadhammadhammo vipākassa dhammassa ārammaṇapaccayena paccayo ...
Upanissayapaccayena paccayo ... Kammapaccayena paccayo. Vipākadhammadhammo
nevavipākanavipākadhammadhammassa ārammaṇapaccayena paccayo
... Sahajātapaccayena paccayo ... Upanissayapaccayena paccayo ...
Pacchājātapaccayena paccayo ... Kammapaccayena paccayo. Vipākadhammadhammo
vipākassa ca nevavipākanavipākadhammadhammassa ca dhammassa kammapaccayena
Paccayo. Vipākadhammadhammo vipākadhammadhammassa ca nevavipākanavipākadhammadhammassa
ca dhammassa sahajātapaccayena paccayo.

[1409] Nevavipākanavipākadhammadhammo nevavipākanavipākadhammadhammassa
ārammaṇapaccayena paccayo ... Sahajātapaccayena paccayo
... Upanissayapaccayena paccayo ... Purejātapaccayena paccayo ...
Pacchājātapaccayena paccayo ... Āhārapaccayena paccayo ...
Indriyapaccayena paccayo. Nevavipākanavipākadhammadhammo vipākassa dhammassa
ārammaṇapaccayena paccayo ... Sahajātapaccayena paccayo ...
Upanissayapaccayena paccayo ... Purejātapaccayena paccayo.
Nevavipākanavipākadhammadhammo vipākadhammadhammassa ārammaṇapaccayena paccayo ...
Upanissayapaccayena paccayo ... Purejātapaccayena paccayo.

[1410] Vipāko ca nevavipākanavipākadhammadhammo ca dhammā
vipākassa dhammassa sahajātaṁ purejātaṁ. Vipāko ca nevavipākanavipākadhammadhammo
ca dhammā nevavipākanavipākadhammadhammassa sahajātaṁ
pacchājātaṁ āhāraṁ indriyaṁ.

[1411] Vipākadhammadhammo ca nevavipākanavipākadhammadhammo ca
dhammā vipākadhammadhammassa sahajātaṁ purejātaṁ. Vipākadhammadhammo
ca nevavipākanavipākadhammadhammo ca dhammā nevavipākanavipākadhammadhammassa
sahajātaṁ pacchājātaṁ āhāraṁ indriyaṁ.