[1392] Vipāko ca nevavipākanavipākadhammadhammo ca dhammā
vipākassa dhammassa indriyapaccayena paccayo cakkhundriyañca
cakkhuviññāṇañca cakkhuviññāṇasahagatānaṁ khandhānaṁ indriyapaccayena
paccayo .pe. Kāyindriyañca kāyaviññāṇañca kāyaviññāṇasahagatānaṁ
khandhānaṁ indriyapaccayena paccayo.

[1393] Vipāko dhammo vipākassa dhammassa jhānapaccayena
paccayo tīṇi. Vipākadhammadhammo vipākadhammadhammassa jhānapaccayena
Paccayo tīṇi. Nevavipākanavipākadhammadhammo nevavipākanavipākadhammadhammassa
jhānapaccayena paccayo nevavipākanavipākadhammadhammā
jhānaṅgā sampayuttakānaṁ khandhānaṁ cittasamuṭṭhānānañca rūpānaṁ
jhānapaccayena paccayo.

[1394] Vipāko dhammo vipākassa dhammassa maggapaccayena
paccayo tīṇi. Vipākadhammadhammo vipākadhammadhammassa maggapaccayena
paccayo tīṇi. Nevavipākanavipākadhammadhammo nevavipākanavipākadhammadhammassa
maggapaccayena paccayo nevavipākanavipākadhammadhammā
maggaṅgā sampayuttakānaṁ khandhānaṁ cittasamuṭṭhānānañca rūpānaṁ
maggapaccayena paccayo.

[1395] Vipāko dhammo vipākassa dhammassa sampayuttapaccayena
paccayo vipāko eko khandho tiṇṇannaṁ dve khandhā dvinnaṁ
paṭisandhikkhaṇe ....

[1396] Vipākadhammadhammo vipākadhammadhammassa sampayuttapaccayena
paccayo. Nevavipākanavipākadhammadhammo nevavipākanavipākadhammadhammassa
sampayuttapaccayena paccayo .pe. Dve khandhā dvinnaṁ
khandhānaṁ sampayuttapaccayena paccayo.

[1397] Vipāko dhammo nevavipākanavipākadhammadhammassa
vippayuttapaccayena paccayo sahajātaṁ pacchājātaṁ. Sahajātā: vipākā
khandhā cittasamuṭṭhānānaṁ rūpānaṁ paṭisandhikkhaṇe vipākā khandhā
Kaṭattarūpānaṁ. Pacchājātā: vipākā khandhā purejātassa imassa
kāyassa vippayuttapaccayena paccayo.

[1398] Vipākadhammadhammo nevavipākanavipākadhammadhammassa
vippayuttapaccayena paccayo sahajātaṁ pacchājātaṁ. Sahajātā:
vipākadhammadhammā khandhā cittasamuṭṭhānānaṁ rūpānaṁ. Pacchājātā:
vipākadhammadhammā khandhā purejātassa imassa kāyassa vippayuttapaccayena
paccayo.

[1399] Nevavipākanavipākadhammadhammo nevavipākanavipākadhammadhammassa
vippayuttapaccayena paccayo sahajātaṁ purejātaṁ pacchājātaṁ.
Sahajātā: nevavipākanavipākadhammadhammā khandhā cittasamuṭṭhānānaṁ.
Purejātaṁ: vatthu nevavipākanavipākadhammadhammānaṁ khandhānaṁ vippayuttapaccayena
paccayo. Pacchājātā: nevavipākanavipākadhammadhammā
khandhā purejātassa imassa kāyassa vippayuttapaccayena paccayo.
Nevavipākanavipākadhammadhammo vipākassa dhammassa vippayuttapaccayena
paccayo sahajātaṁ purejātaṁ. Sahajātaṁ: paṭisandhikkhaṇe vatthu
vipākānaṁ khandhānaṁ vippayuttapaccayena paccayo. Purejātaṁ: cakkhāyatanaṁ
cakkhuviññāṇassa .pe. Kāyāyatanaṁ kāyaviññāṇassa vatthu
vipākānaṁ khandhānaṁ vippayuttapaccayena paccayo. Nevavipākanavipākadhammadhammo
vipākadhammadhammassa vippayuttapaccayena paccayo purejātaṁ:
vatthu vipākadhammadhammānaṁ khandhānaṁ vippayuttapaccayena paccayo.

[1400] Vipāko dhammo vipākassa dhammassa atthipaccayena
paccayo vipāko eko khandho tiṇṇannaṁ paṭisandhikkhaṇe vipāko
eko khandho tiṇṇannaṁ. Vipāko dhammo nevavipākanavipākadhammadhammassa
atthipaccayena paccayo sahajātaṁ pacchājātaṁ. Sahajātā:
vipākā khandhā cittasamuṭṭhānānaṁ rūpānaṁ paṭisandhikkhaṇe vipākā
khandhā kaṭattārūpānaṁ. Pacchājātā vipākā khandhā purejātassa
imassa kāyassa atthipaccayena paccayo. Vipāko dhammo vipākassa
ca nevavipākanavipākadhammadhammassa ca dhammassa atthipaccayena paccayo
vipāko eko khandho tiṇṇannaṁ khandhānaṁ cittasamuṭṭhānānañca rūpānaṁ
paṭisandhikkhaṇe ....

[1401] Vipākadhammadhammo vipākadhammadhammassa atthipaccayena
paccayo dve khandhā dvinnaṁ khandhānaṁ atthipaccayena paccayo.
Vipākadhammadhammo nevavipākanavipākadhammadhammassa atthipaccayena
paccayo sahajātaṁ pacchājātaṁ. Sahajātā: vipākadhammadhammā khandhā
cittasamuṭṭhānānaṁ rūpānaṁ atthipaccayena paccayo. Pacchājātā:
vipākadhammadhammā khandhā purejātassa imassa kāyassa atthipaccayena
paccayo. Vipākadhammadhammo vipākadhammadhammassa ca nevavipākanavipākadhammadhammassa
ca dhammassa atthipaccayena paccayo vipākadhammadhammo
eko khandho tiṇṇaṁ khandhānaṁ cittasamuṭṭhānānañca rūpānaṁ.