[1382] Vipākadhammadhammo nevavipākanavipākadhammadhammassa
pacchājātapaccayena paccayo nevavipākanavipākadhammadhammo
nevavipākanavipākadhammadhammassa pacchājātapaccayena paccayo.

[1383] Vipākadhammadhammo vipākadhammadhammassa āsevanapaccayena
paccayo purimā purimā vipākadhammadhammā khandhā pacchimānaṁ pacchimānaṁ
vipākadhammadhammānaṁ khandhānaṁ anulomaṁ gotrabhussa anulomaṁ vodānassa
gotrabhu maggassa vodānaṁ maggassa āsevanapaccayena paccayo.

[1384] Nevavipākanavipākadhammadhammo nevavipākanavipākadhammadhammassa
āsevanapaccayena paccayo purimā purimā .pe. Āsevanapaccayena
paccayo.

[1385] Vipāko dhammo vipākassa dhammassa kammapaccayena
paccayo vipākā cetanā sampayuttakānaṁ khandhānaṁ kammapaccayena
paccayo paṭisandhikkhaṇe vipākā cetanā. Vipāko dhammo
nevavipākanavipākadhammadhammassa kammapaccayena paccayo vipākā cetanā
cittasamuṭṭhānānaṁ rūpānaṁ kammapaccayena paccayo paṭisandhikkhaṇe
vipākā cetanā kaṭattārūpānaṁ. Vipāko dhammo vipākadhammadhammassa
ca nevavipākanavipākadhammadhammassa ca dhammassa kammapaccayena paccayo
vipākā cetanā sampayuttakānaṁ khandhānaṁ cittasamuṭṭhānānañca rūpānaṁ
paṭisandhikkhaṇe vipākā cetanā sampayuttakānaṁ dhandhānaṁ kaṭattā ca
rūpānaṁ.

[1386] Vipākadhammadhammo vipākadhammadhammassa kammapaccayena
paccayo vipākadhammadhammā cetanā sampayuttakānaṁ khandhānaṁ.
Vipākadhammadhammo vipākassa dhammassa kammapaccayena paccayo nānākhaṇikā:
vipākadhammadhammā cetanā vipākānaṁ khandhānaṁ kammapaccayena
paccayo. Vipākadhammadhammo nevavipākanavipākadhammadhammassa kammapaccayena
paccayo sahajātā nānākhaṇikā. Sahajātā: vipākadhammadhammā
cetanā cittasamuṭṭhānānaṁ rūpānaṁ. Nānākhaṇikā: vipākadhammadhammā
cetanā kaṭattārūpānaṁ. Vipākadhammadhammo vipākassa ca
nevavipākanavipākadhammadhammassa ca nānākhaṇikā: vipākadhammadhammā
cetanā vipākānaṁ khandhānaṁ kaṭattā ca rūpānaṁ kammapaccayena paccayo.
Vipākadhammadhammo vipākadhammadhammassa ca nevavipākanavipākadhammadhammassa
ca dhammassa kammapaccayena paccayo vipākadhammadhammā
cetanā sampayuttakānaṁ khandhānaṁ cittasamuṭṭhānānañca rūpānaṁ kammapaccayena
paccayo.

[1387] Nevavipākanavipākadhammadhammo nevavipākanavipākadhammadhammassa
kammapaccayena paccayo nevavipākanavipākadhammadhammā cetanā
sampayuttakānaṁ khandhānaṁ cittasamuṭṭhānānañca rūpānaṁ.

[1388] Vipāko dhammo vipākassa dhammassa vipākapaccayena
paccayo vipāko eko khandho tiṇṇaṁ khandhānaṁ paṭisandhikkhaṇe ....
Vipāko dhammo nevavipākanavipākadhammadhammassa vipākapaccayena paccayo
vipākā khandhā cittasamuṭṭhānānaṁ rūpānaṁ paṭisandhikkhaṇe vipākā
khandhā kaṭattārūpānaṁ. Vipāko dhammo vipākassa ca
nevavipākanavipākadhammadhammassa ca dhammassa vipākapaccayena paccayo
vipāko eko khandho tiṇṇaṁ khandhānaṁ cittasamuṭṭhānānañca rūpānaṁ
paṭisandhikkhaṇe vipāko eko khandho tiṇṇaṁ khandhānaṁ kaṭattā ca
rūpānaṁ vipākapaccayena paccayo. Vipāko dhammo vipākassa dhammassa
āhārapaccayena paccayo vipākā āhārā sampayuttakānaṁ khandhānaṁ
tīṇi. Paṭisandhipi imesaṁ tiṇṇannaṁ kātabbaṁ. Vipākadhammadhammo
vipākadhammadhammassa āhārapaccayena paccayo tīṇi.

[1389] Nevavipākanavipākadhammadhammo nevavipākanavipākadhammadhammassa
Āhārapaccayena paccayo nevavipākanavipākadhammadhammā
āhārā sampayuttakānaṁ khandhānaṁ cittasamuṭṭhānānañca rūpānaṁ
āhārapaccayena paccayo kabaḷiṁkāro āhāro imassa kāyassa
āhārapaccayena paccayo.

[1390] Vipāko dhammo vipākassa dhammassa indriyapaccayena
paccayo tīṇi. Paṭisandhi kātabbaṁ. Vipākadhammadhammo
vipākadhammadhammassa indriyapaccayena paccayo tīṇi.

[1391] Nevavipākanavipākadhammadhammo nevavipākanavipākadhammadhammassa
indriyapaccayena paccayo nevavipākanavipākadhammadhammā
indriyā sampayuttakānaṁ khandhānaṁ cittasamuṭṭhānānañca rūpānaṁ
rūpajīvitindriyaṁ kaṭattārūpānaṁ indriyapaccayena paccayo.
Nevavipākanavipākadhammadhammo vipākassa dhammassa indriyapaccayena paccayo
cakkhundriyaṁ cakkhuviññāṇassa indriyapaccayena paccayo. Kāyindriyaṁ .pe.