พุทธธรรมสงฆ์
📁 หัวข้อธรรม
📁 ฉบับมหามกุฏฯ
📁 ฉบับสยามรัฐ
📁 ฉบับหลวง
📁 ฉบับมหาจุฬาฯ
📁 อรรถกถา
📁 พุทธธรรมสงฆ์
📁 เจดีย์
📁 ฉันหนึ่งมื้อ
📁 ปฏิมาที่ขัดแย้ง
📁 กระทู้
📁 รูปปั้น
📁 อุทเทสิกเจดีย์
📁 ถวายเงินพระบาป
📁 คู่มือการใช้งาน


Abhidhammapiṭake paṭṭhānaṁ paṭhamo bhāgo (เล่ม 40)

[1362] Nevavipākanavipākadhammadhammo nevavipākanavipākadhammadhammassa
adhipatipaccayena paccayo ārammaṇādhipati sahajātādhipati.
Ārammaṇādhipati: arahā nibbānaṁ garuṁ katvā paccavekkhati. Sahajātādhipati:
nevavipākanavipākadhammadhammādhipati sampayuttakānaṁ khandhānaṁ
cittasamuṭṭhānānañca rūpānaṁ adhipatipaccayena paccayo.
Nevavipākanavipākadhammadhammo vipākassa dhammassa adhipatipaccayena paccayo
ārammaṇādhipati: nibbānaṁ phalassa adhipatipaccayena paccayo.
Nevavipākanavipākadhammadhammo vipākadhammadhammassa adhipatipaccayena paccayo
ārammaṇādhipati: sekkhā nibbānaṁ garuṁ katvā paccavekkhanti nibbānaṁ
gotrabhussa vodānassa maggassa adhipatipaccayena paccayo cakkhuṁ garuṁ
katvā assādenti abhinandanti taṁ garuṁ katvā rāgo uppajjati
diṭṭhi uppajjati .pe. Sotaṁ ... .pe. Nevavipākanavipākadhammadhamme
khandhe garuṁ katvā assādenti abhinandanti taṁ garuṁ katvā rāgo
uppajjati diṭṭhi uppajjati .pe.

Abhidhammapiṭake paṭṭhānaṁ paṭhamo bhāgo (เล่ม 40)

[1363] Vipāko dhammo vipākassa dhammassa anantarapaccayena
paccayo purimā purimā vipākā khandhā pacchimānaṁ pacchimānaṁ vipākānaṁ
khandhānaṁ anantarapaccayena paccayo pañcaviññāṇaṁ vipākamanodhātuyā
anantarapaccayena paccayo vipākamanodhātu vipākamanoviññāṇadhātuyā
anantarapaccayena paccayo. Vipāko dhammo nevavipākanavipākadhammadhammassa
anantarapaccayena paccayo bhavaṅgaṁ āvajjanāya anantarapaccayena
paccayo vipākamanoviññāṇadhātu kiriyamanoviññāṇadhātuyā
anantarapaccayena paccayo.

Abhidhammapiṭake paṭṭhānaṁ paṭhamo bhāgo (เล่ม 40)

[1364] Vipākadhammadhammo vipākadhammadhammassa anantarapaccayena
paccayo purimā purimā vipākadhammadhammā khandhā pacchimānaṁ pacchimānaṁ
vipākadhammadhammānaṁ khandhānaṁ anantarapaccayena paccayo anulomaṁ
Gotrabhussa anulomaṁ vodānassa gotrabhu maggassa vodānaṁ
maggassa anantarapaccayena paccayo. Vipākadhammadhammo vipākassa
dhammassa anantarapaccayena paccayo vipākadhammadhammā khandhā
vuṭṭhānassa maggo phalassa sekkhānaṁ anulomaṁ phalasamāpattiyā
nirodhā vuṭṭhahantassa nevasaññānāsaññāyatanakusalaṁ phalasamāpattiyā
anantarapaccayena paccayo.

Abhidhammapiṭake paṭṭhānaṁ paṭhamo bhāgo (เล่ม 40)

[1365] Nevavipākanavipākadhammadhammo nevavipākanavipākadhammadhammassa
anantarapaccayena paccayo purimā purimā nevavipākanavipākadhammadhammā
khandhā pacchimānaṁ pacchimānaṁ nevavipākanavipākadhammadhammānaṁ
khandhānaṁ anantarapaccayena paccayo. Nevavipākanavipākadhammadhammo
vipākassa dhammassa anantarapaccayena paccayo āvajjanā pañcannaṁ
viññāṇānaṁ anantarapaccayena paccayo nevavipākanavipākadhammadhammā
khandhā vuṭṭhānassa arahato anulomaṁ phalasamāpattiyā nirodhā
vuṭṭhahantassa nevasaññānāsaññāyatanakiriyaṁ phalasamāpattiyā anantarapaccayena
paccayo. Nevavipākanavipākadhammadhammo vipākadhammadhammassa
anantarapaccayena paccayo āvajjanā vipākadhammadhammānaṁ khandhānaṁ
anantarapaccayena paccayo.

Abhidhammapiṭake paṭṭhānaṁ paṭhamo bhāgo (เล่ม 40)

[1366] Vipāko dhammo vipākassa dhammassa samanantarapaccayena
paccayo anantarasadisaṁ. Vipāko dhammo vipākassa dhammassa sahajātapaccayena
paccayo vipāko eko khandho tiṇṇaṁ .pe. Tīṇi.

Abhidhammapiṭake paṭṭhānaṁ paṭhamo bhāgo (เล่ม 40)

[1367] Vipākadhammadhammo vipākadhammadhammassa sahajātapaccayena
paccayo tīṇi. Nevavipākanavipākadhammadhammo nevavipākanavipākadhammadhammassa
sahajātapaccayena paccayo nevavipākanavipākadhammadhammo
eko khandho ekaṁ mahābhūtaṁ ... Bāhiraṁ ... Āhārasamuṭṭhānaṁ ...
Utusamuṭṭhānaṁ ... Asaññasattānaṁ ekaṁ mahābhūtaṁ.

Abhidhammapiṭake paṭṭhānaṁ paṭhamo bhāgo (เล่ม 40)

[1368] Nevavipākanavipākadhammadhammo vipākassa dhammassa sahajāta-
paccayena paccayo paṭisandhikkhaṇe vatthu vipākānaṁ khandhānaṁ sahajātapaccayena
paccayo.

Abhidhammapiṭake paṭṭhānaṁ paṭhamo bhāgo (เล่ม 40)

[1369] Vipāko ca nevavipākanavipākadhammadhammo ca dhammā
vipākassa dhammassa sahajātapaccayena paccayo paṭisandhikkhaṇe vipāko
eko khandho ca vatthu ca tiṇṇannaṁ khandhānaṁ. Vipāko ca
nevavipākanavipākadhammadhammo ca dhammā nevavipākanavipākadhammadhammassa
sahajātapaccayena paccayo vipākā khandhā ca mahābhūtā ca cittasamuṭṭhānānaṁ
rūpānaṁ.

Abhidhammapiṭake paṭṭhānaṁ paṭhamo bhāgo (เล่ม 40)

[1370] Vipākadhammadhammo ca nevavipākanavipākadhammadhammo ca
dhammā nevavipākanavipākadhammadhammassa sahajātapaccayena paccayo
vipākadhammadhammā khandhā ca mahābhūtā ca cittasamuṭṭhānānaṁ rūpānaṁ
sahajātapaccayena paccayo.

Abhidhammapiṭake paṭṭhānaṁ paṭhamo bhāgo (เล่ม 40)

[1371] Vipāko dhammo vipākassa dhammassa aññamaññapaccayena
paccayo vipāko eko khandho paṭisandhikkhaṇe .... Vipāko dhammo
Nevavipākanavipākadhammadhammassa aññamaññapaccayena paccayo paṭisandhikkhaṇe
vipākā khandhā vatthussa aññamaññapaccayena paccayo.
Vipāko dhammo vipākassa ca nevavipākanavipākadhammadhammassa ca dhammassa
aññamaññapaccayena paccayo paṭisandhikkhaṇe vipāko eko khandho
tiṇṇaṁ khandhānaṁ vatthussa ca aññamaññapaccayena paccayo.