[1457] Idaṁ dukkhanti vācaṁ bhāsato idaṁ dukkhanti ñāṇaṁ
pavattatīti. Āmantā. Rūpaṁ anattāti vācaṁ bhāsato rūpaṁ
anattāti ñāṇaṁ pavattatīti. Na hevaṁ vattabbe .pe. Idaṁ
dukkhanti vācaṁ bhāsato idaṁ dukkhanti ñāṇaṁ pavattatīti. Āmantā.
Vedanā .pe. Saññā .pe. Saṅkhārā .pe. Viññāṇaṁ anattāti
vācaṁ bhāsato viññāṇaṁ anattāti ñāṇaṁ pavattatīti. Na hevaṁ
vattabbe .pe.

[1458] Rūpaṁ aniccanti vācaṁ bhāsato na ca rūpaṁ aniccanti
ñāṇaṁ pavattatīti. Āmantā. Idaṁ dukkhanti vācaṁ bhāsato na
ca idaṁ dukkhanti ñāṇaṁ pavattatīti. Na hevaṁ vattabbe .pe.
Vedanā .pe. Saññā .pe. Saṅkhārā .pe. Viññāṇaṁ aniccanti
vācaṁ bhāsato na ca viññāṇaṁ aniccanti ñāṇaṁ pavattatīti.
Āmantā. Idaṁ dukkhanti vācaṁ bhāsato na ca idaṁ dukkhanti
ñāṇaṁ pavattatīti. Na hevaṁ vattabbe .pe. Rūpaṁ anattāti
vācaṁ bhāsato na ca rūpaṁ anattāti ñāṇaṁ pavattatīti. Āmantā.
Idaṁ dukkhanti vācaṁ bhāsato na ca idaṁ dukkhanti ñāṇaṁ pavattatīti.
Na hevaṁ vattabbe .pe. Vedanā .pe. Saññā .pe. Saṅkhārā
.pe. Viññāṇaṁ anattāti vācaṁ bhāsato na ca viññāṇaṁ anattāti
ñāṇaṁ pavattatīti. Āmantā. Idaṁ dukkhanti vācaṁ bhāsato na
ca idaṁ dukkhanti ñāṇaṁ pavattatīti. Na hevaṁ vattabbe .pe.

[1459] Idaṁ dukkhanti vācaṁ bhāsato idaṁ dukkhanti ñāṇaṁ
pavattatīti. Āmantā. Īti ca danti ca dūti ca khanti ca
ñāṇaṁ pavattatīti. Na hevaṁ vattabbe .pe.
Idaṁdukkhantikathā.
-------------
Iddhibalakathā

[1460] Iddhibalena samannāgato kappaṁ tiṭṭheyyāti. Āmantā.
Iddhimayiko so āyu iddhimayikā sā gati iddhimayiko so
attabhāvapaṭilābhoti. Na hevaṁ vattabbe .pe. Iddhibalena
samannāgato kappaṁ tiṭṭheyyāti. Āmantā. Atītaṁ kappaṁ
tiṭṭheyya anāgataṁ kappaṁ tiṭṭheyyāti. Na hevaṁ vattabbe .pe.
Iddhibalena samannāgato kappaṁ tiṭṭheyyāti. Āmantā. Dve
kappe tiṭṭheyya tayo kappe tiṭṭheyya cattāro kappe
tiṭṭheyyāti. Na hevaṁ vattabbe .pe. Iddhibalena samannāgato
kappaṁ tiṭṭheyyāti. Āmantā. Sati jīvite jīvitāvasese tiṭṭheyya
asati jīvite jīvitāvasese tiṭṭheyyāti. Sati jīvite jīvitāvasese
tiṭṭheyyāti. 1 . Hañci sati jīvite jīvitāvasese tiṭṭheyya no
vata re vattabbe iddhibalena samannāgato kappaṁ tiṭṭheyyāti .pe.
Asati jīvite jīvitāvasese tiṭṭheyyāti. Mato tiṭṭheyya kālakato
tiṭṭheyyāti. Na hevaṁ vattabbe .pe.

[1461] Iddhibalena samannāgato kappaṁ tiṭṭheyyāti. Āmantā.
Uppanno phasso mā nirujjhīti labbhā iddhiyā paggahetunti.
Na hevaṁ vattabbe .pe. Uppannā vedanā .pe. Uppannā
1. Ma. potthake ayaṁ payogo natthi ito pubbo ca itisaddo natthi Yu. potthake
īdisova atthi
Saññā .pe. Uppannā cetanā .pe. Uppannaṁ cittaṁ uppannā
saddhā uppannaṁ viriyaṁ uppannā sati uppanno samādhi
.pe. Uppannā paññā mā nirujjhīti labbhā iddhiyā paggahetunti.
Na hevaṁ vattabbe .pe.

[1462] Iddhibalena samannāgato kappaṁ tiṭṭheyyāti. Āmantā.
Rūpaṁ niccaṁ hotūti labbhā iddhiyā paggahetunti. Na hevaṁ vattabbe
.pe. Vedanā .pe. Saññā .pe. Saṅkhārā .pe. Viññāṇaṁ
niccaṁ hotūti labbhā iddhiyā paggahetunti. Na hevaṁ vattabbe .pe.

[1463] Iddhibalena samannāgato kappaṁ tiṭṭheyyāti. Āmantā.
Jātidhammā sattā mā jāyiṁsūti labbhā iddhiyā paggahetunti.
Na hevaṁ vattabbe .pe. Jarādhammā sattā mā jiriṁsūti 1 .pe. Byādhidhammā
sattā mā byādhiyiṁsūti .pe. Maraṇadhammā sattā mā
miyyiṁsūti labbhā iddhiyā paggahetunti. Na hevaṁ vattabbe .pe.

[1464] Na vattabbaṁ iddhibalena samannāgato kappaṁ tiṭṭheyyāti.
Āmantā. Nanu vuttaṁ bhagavatā yassa kassaci ānanda
cattāro iddhipādā bhāvitā bahulīkatā yānīkatā vatthukatā anuṭṭhitā
paricitā susamāraddhā so ākaṅkhamāno kappaṁ vā tiṭṭheyya
kappāvasesaṁ vāti 2 attheva suttantoti. Āmantā. Tena hi
iddhibalena samannāgato kappaṁ tiṭṭheyyāti.
1. Ma. jiyīsu 2 khu. u. 138.

[1465] Iddhibalena samannāgato kappaṁ tiṭṭheyyāti. Āmantā.
Nanu vuttaṁ bhagavatā catunnaṁ bhikkhave dhammānaṁ natthi koci
pāṭibhogo samaṇo vā brāhmaṇo vā devo vā māro vā brahmā
vā koci vā lokasmiṁ. Katamesaṁ catunnaṁ. Jarādhammo mā jirīti
natthi koci pāṭibhogo samaṇo vā brāhmaṇo vā devo vā
māro vā brahmā vā koci vā lokasmiṁ byādhidhammo mā
byādhiyīti .pe. Maraṇadhammo mā miyyīti .pe. Yāni kho pana
tāni pubbe katāni pāpakāni kammāni saṅkilesikāni ponobbhavikāni
dukkhudrayāni dukkhavipākāni āyatiṁ jātijarāmaraṇiyāni tesaṁ vipāko
mā nibbattīti natthi koci pāṭibhogo samaṇo vā brāhmaṇo
vā devo vā māro vā brahmā vā koci vā lokasmiṁ imesaṁ
kho bhikkhave catunnaṁ dhammānaṁ natthi koci pāṭibhogo samaṇo vā
brāhmaṇo vā devo vā māro vā brahmā vā koci vā
lokasminti 1 attheva suttantoti. Āmantā. Tena hi na
vattabbaṁ iddhibalena samannāgato kappaṁ tiṭṭheyyāti.
Iddhibalakathā.
-----------
1 aṁ. catukka 239.
Samādhikathā

[1466] Cittasantati samādhīti. Āmantā. Atītā cittasantati
samādhīti. Na hevaṁ vattabbe .pe. Cittasantati samādhīti.
Āmantā. Anāgatā cittasantati samādhīti. Na hevaṁ vattabbe
.pe. Cittasantati samādhīti. Āmantā. Nanu atītaṁ niruddhaṁ
anāgataṁ ajātanti. Āmantā. Hañci atītaṁ niruddhaṁ anāgataṁ
ajātaṁ no vata re vattabbe cittasantati samādhīti.