[1447] Paṭighānusayo mānānusayo diṭṭhānusayo vicikicchānusayo
bhavarāgānusayo avijjānusayo cittavippayuttoti. Āmantā. Avijjā
avijjogho avijjāyogo .pe. Avijjānīvaraṇaṁ cittavippayuttanti.
Na hevaṁ vattabbe .pe. Avijjā avijjogho avijjāyogo .pe.
Avijjānīvaraṇaṁ cittasampayuttanti. Āmantā. Avijjānusayo
cittasampayuttoti. Na hevaṁ vattabbe .pe. Avijjānusayo
cittavippayuttoti. Āmantā. Katamakkhandhapariyāpannoti.
Saṅkhārakkhandhapariyāpannoti. Saṅkhārakkhandho cittavippayuttoti. Na hevaṁ
Vattabbe .pe. Saṅkhārakkhandho cittavippayuttoti. Āmantā.
Vedanākkhandho saññākkhandho cittavippayuttoti. Na hevaṁ vattabbe
.pe. Avijjānusayo saṅkhārakkhandhapariyāpanno cittavippayuttoti.
Āmantā. Avijjā saṅkhārakkhandhapariyāpannā cittavippayuttāti.
Na hevaṁ vattabbe .pe. Avijjā saṅkhārakkhandhapariyāpannā cittasampayuttāti.
Āmantā. Avijjānusayo saṅkhārakkhandhapariyāpanno
cittasampayuttoti. Na hevaṁ vattabbe .pe. Avijjānusayo saṅkhārakkhandha-
pariyāpanno. Cittavippayutto avijjā saṅkhārakkhandhapariyāpannā
cittasampayuttāti. Āmantā. Saṅkhārakkhandho ekadeso cittasampayutto
ekadeso cittavippayuttoti. Na hevaṁ vattabbe .pe.
Saṅkhārakkhandho ekadeso cittasampayutto ekadeso cittavippayuttoti.
Āmantā. Vedanākkhandho saññākkhandho ekadeso cittasampayutto
ekadeso cittavippayuttoti. Na hevaṁ vattabbe .pe.

[1448] Na vattabbaṁ anusayā cittavippayuttāti. Āmantā.
Puthujjano kusalābyākate citte vattamāne sānusayoti vattabboti.
Āmantā. Anusayā tena cittena sampayuttāti. Na hevaṁ vattabbe.
Tena hi anusayā cittavippayuttāti. Puthujjano kusalābyākate citte
vattamāne sarāgoti vattabboti. Āmantā. Rāgo tena cittena
sampayuttoti. Na hevaṁ vattabbe. Tena hi rāgo cittavippayuttoti.
Tissopi anusayakathā.
--------------
Ñāṇakathā

[1449] Aññāṇe vigate ñāṇavippayutte citte vattamāne
na vattabbaṁ ñāṇīti. Āmantā. Rāge vigate na vattabbaṁ
vītarāgoti. Na hevaṁ vattabbe .pe. Aññāṇe vigate ñāṇavippayutte
citte vattamāne na vattabbaṁ ñāṇīti. Āmantā.
Dose vigate .pe. Mohe vigate .pe. Kilese vigate na vattabbaṁ
nikkilesoti. Na hevaṁ vattabbe .pe.

[1450] Rāge vigate vattabbaṁ vītarāgoti. Āmantā.
Aññāṇe vigate ñāṇavippayutte citte vattamāne vattabbaṁ
ñāṇīti. Na hevaṁ vattabbe .pe. Dose vigate .pe. Mohe
vigate .pe. Kilese vigate vattabbaṁ nikkilesoti. Āmantā.
Aññāṇe vigate ñāṇavippayutte citte vattamāne vattabbaṁ
ñāṇīti. Na hevaṁ vattabbe .pe. Aññāṇe vigate ñāṇavippayutte
citte vattamāne vattabbaṁ ñāṇīti. Āmantā. Atītena
ñāṇena ñāṇī niruddhena vigatena paṭippassaddhena ñāṇena ñāṇīti.
Na hevaṁ vattabbe .pe.
Ñāṇakathā.
--------
Ñāṇaṁ cittavippayuttantikathā

[1451] Ñāṇaṁ cittavippayuttanti. Āmantā. Rūpaṁ nibbānaṁ
cakkhāyatanaṁ .pe. Phoṭṭhabbāyatananti. Na hevaṁ vattabbe .pe.
Ñāṇaṁ cittavippayuttanti. Āmantā. Paññā paññindriyaṁ
paññābalaṁ sammādiṭṭhi dhammavicayasambojjhaṅgo cittavippayuttoti.
Na hevaṁ vattabbe .pe. Paññā paññindriyaṁ paññābalaṁ sammādiṭṭhi
dhammavicayasambojjhaṅgo cittasampayuttoti. Āmantā. Ñāṇaṁ
cittasampayuttanti. Na hevaṁ vattabbe .pe.

[1452] Ñāṇaṁ cittavippayuttanti. Āmantā. Katamakkhandha-
pariyāpannanti. Saṅkhārakkhandhapariyāpannanti. Saṅkhārakkhandho citta-
vippayuttoti. Na hevaṁ vattabbe .pe. Saṅkhārakkhandho cittavippayuttoti.
Āmantā. Vedanākkhandho saññākkhandho cittavippayuttoti.
Na hevaṁ vattabbe .pe. Ñāṇaṁ saṅkhārakkhandhapariyāpannaṁ
cittavippayuttanti. Āmantā. Paññā saṅkhārakkhandhapariyāpannā
cittavippayuttāti. Na hevaṁ vattabbe .pe. Paññā saṅkhārakkhandhapariyāpannā
cittasampayuttāti. Āmantā. Ñāṇaṁ saṅkhārakkhandhapariyāpannaṁ
cittasampayuttanti. Na hevaṁ vattabbe .pe. Ñāṇaṁ
saṅkhārakkhandhapariyāpannaṁ cittavippayuttaṁ paññā saṅkhārakkhandhapariyāpannā
Cittasampayuttāti. Āmantā. Saṅkhārakkhandho ekadeso cittasampayutto
ekadeso cittavippayuttoti. Na hevaṁ vattabbe .pe.
Saṅkhārakkhandho ekadeso cittasampayutto ekadeso cittavippayuttoti.
Āmantā. Vedanākkhandho saññākkhandho ekadeso cittasampayutto
ekadeso cittavippayuttoti. Na hevaṁ vattabbe .pe.

[1453] Na vattabbaṁ ñāṇaṁcittavippayuttanti *-. Āmantā.
Arahā cakkhuviññāṇasamaṅgī ñāṇīti vattabboti. Āmantā.
Ñāṇaṁ tena cittena sampayuttanti. Na hevaṁ vattabbe. Tena hi
ñāṇaṁ cittavippayuttanti. Arahā cakkhuviññāṇasamaṅgī paññavāti
vattabboti. Āmantā. Paññā tena cittena sampayuttāti.
Na hevaṁ vattabbe. Tena hi paññā cittavippayuttāti.
Ñāṇaṁcittavippayuttantikathā.
--------------
Idaṁ dukkhantikathā

[1454] Idaṁ dukkhanti vācaṁ bhāsato idaṁ dukkhanti ñāṇaṁ
pavattatīti. Āmantā. Ayaṁ samudayoti vācaṁ bhāsato ayaṁ
samudayoti ñāṇaṁ pavattatīti. Na hevaṁ vattabbe .pe. Idaṁ
dukkhanti vācaṁ bhāsato idaṁ dukkhanti ñāṇaṁ pavattatīti. Āmantā.
Ayaṁ nirodhoti vācaṁ bhāsato ayaṁ nirodhoti ñāṇaṁ pavattatīti.
* mīkārkkhag ñāṇaṁ cittavippayuttanti peḌna ñāṇaṁcittavippayuttanti
Na hevaṁ vattabbe .pe. Idaṁ dukkhanti vācaṁ bhāsato idaṁ dukkhanti
ñāṇaṁ pavattatīti. Āmantā. Ayaṁ maggoti vācaṁ bhāsato ayaṁ
maggoti ñāṇaṁ pavattatīti. Na hevaṁ vattabbe .pe.

[1455] Ayaṁ samudayoti vācaṁ bhāsato na ca ayaṁ samudayoti
ñāṇaṁ pavattatīti. Āmantā. Idaṁ dukkhanti vācaṁ bhāsato na
ca idaṁ dukkhanti ñāṇaṁ pavattatīti. Na hevaṁ vattabbe .pe.
Ayaṁ nirodhoti .pe. Ayaṁ maggoti vācaṁ bhāsato na ca ayaṁ
maggoti ñāṇaṁ pavattatīti. Āmantā. Idaṁ dukkhanti vācaṁ
bhāsato na ca idaṁ dukkhanti ñāṇaṁ pavattatīti. Na hevaṁ
vattabbe .pe.

[1456] Idaṁ dukkhanti vācaṁ bhāsato idaṁ dukkhanti ñāṇaṁ
pavattatīti. Āmantā. Rūpaṁ aniccanti vācaṁ bhāsato rūpaṁ
aniccanti ñāṇaṁ pavattatīti. Na hevaṁ vattabbe .pe. Idaṁ
dukkhanti vācaṁ bhāsato idaṁ dukkhanti ñāṇaṁ pavattatīti. Āmantā.
Vedanā .pe. Saññā saṅkhārā .pe. Viññāṇaṁ aniccanti vācaṁ
bhāsato viññāṇaṁ aniccanti ñāṇaṁ pavattatīti. Na hevaṁ vattabbe .pe.