[1037] Anicce niccanti vipariyeso so ca akusaloti.
Āmantā. Paṭhavīkasiṇaṁ samāpattiṁ samāpannassa viparīte ñāṇaṁ
tañca akusalanti. Na hevaṁ vattabbe .pe. Dukkhe sukhanti .pe.
Anattani attāti .pe. Asubhe subhanti vipariyeso so ca akusaloti.
Āmantā. Paṭhavīkasiṇaṁ samāpattiṁ samāpannassa viparīte ñāṇaṁ
tañca akusalanti. Na hevaṁ vattabbe .pe.

[1038] Paṭhavīkasiṇaṁ samāpattiṁ samāpannassa viparīte ñāṇaṁ
tañca kusalanti 1 . Āmantā. Anicce niccanti vipariyeso so
ca kusaloti. Na hevaṁ vattabbe .pe. Paṭhavīkasiṇaṁ samāpattiṁ
samāpannassa viparīte ñāṇaṁ tañca kusalanti 2 . Āmantā. Dukkhe
sukhanti .pe. Anattani attāti .pe. Asubhe subhanti vipariyeso
so ca kusaloti. Na hevaṁ vattabbe .pe.

[1039] Paṭhavīkasiṇaṁ samāpattiṁ samāpannassa viparīte ñāṇanti.
Āmantā. Arahā paṭhavīkasiṇaṁ samāpattiṁ samāpajjeyyāti. Āmantā.
Hañci arahā paṭhavīkasiṇaṁ samāpattiṁ samāpajjeyya no vata re
vattabbe paṭhavīkasiṇaṁ samāpattiṁ samāpannassa viparīte ñāṇanti.

[1040] Paṭhavīkasiṇaṁ samāpattiṁ samāpannassa viparīte ñāṇaṁ
arahā paṭhavīkasiṇaṁ samāpattiṁ samāpajjeyyāti. Āmantā. Atthi
arahato vipariyesoti. Na hevaṁ vattabbe .pe.

[1041] Atthi arahato vipariyesoti. Āmantā. Atthi
arahato saññāvipariyeso cittavipariyeso diṭṭhivipariyesoti. Na hevaṁ
vattabbe .pe.

[1042] Natthi arahato saññāvipariyeso cittavipariyeso
diṭṭhivipariyesoti. Āmantā. Hañci natthi arahato saññāvipariyeso
cittavipariyeso diṭṭhivipariyeso no vata re vattabbe atthi arahato
vipariyesoti.
1. 2. Ma. akusalaṁ.

[1043] Na vattabbaṁ paṭhavīkasiṇaṁ samāpattiṁ samāpannassa viparīte
ñāṇanti. Āmantā. Paṭhavīkasiṇaṁ samāpattiṁ samāpajjantassa
sabbeva paṭhavī hotīti. Na hevaṁ vattabbe .pe. Tena hi paṭhavīkasiṇaṁ
samāpattiṁ samāpannassa viparīte ñāṇanti.

[1044] Paṭhavīkasiṇaṁ samāpattiṁ samāpannassa viparīte ñāṇanti.
Āmantā. Nanu paṭhavī atthi atthi ca koci paṭhaviṁ paṭhavito
samāpajjatīti. Āmantā. Hañci paṭhavī atthi atthi ca koci
paṭhaviṁ paṭhavito samāpajjati no vata re vattabbe paṭhavīkasiṇaṁ
samāpattiṁ samāpannassa viparīte ñāṇanti.

[1045] Paṭhavī atthi paṭhaviṁ paṭhavito samāpajjantassa viparītaṁ
hotīti. Āmantā. Nibbānaṁ atthi nibbānaṁ nibbānaṁ nibbānato
samāpajjantassa viparītaṁ hotīti. Na hevaṁ vattabbe .pe. Tena hi na
vattabbaṁ paṭhavīkasiṇaṁ samāpattiṁ samāpannassa viparīte ñāṇanti.
Viparītakathā.
---------
Niyāmakathā

[1046] Aniyatassa niyāmagamanāya atthi ñāṇanti. Āmantā.
Niyatassa aniyāmagamanāya atthi ñāṇanti. Na hevaṁ vattabbe .pe.