[647] Sabbe saṅkhārā anodhiṁkatvā kukkuḷāti. Āmantā.
Nanu vuttaṁ bhagavatā
sukho viveko tuṭṭhassa sutadhammassa passato
abyāpajjhaṁ sukhaṁ loke pāṇabhūtesu saññamo 1
sukhā virāgatā loke kāmānaṁ samatikkamo
asmimānassa [2]- vinayo etaṁ ve paramaṁ sukhaṁ 3
taṁ sukhena sukhaṁ pattaṁ accantaṁ sukhameva taṁ
tisso vijjā anuppattā etaṁ ve paramaṁ sukhanti
attheva suttantoti. Āmantā. Tena hi na vattabbaṁ sabbe
saṅkhārā anodhiṁkatvā kukkuḷāti.
Kukkuḷakathā.
1 Ma. saṁyamo. [2] Ma. etthantare yoti pāṭho atthi. 3 khu. u. 86.
Anupubbābhisamayakathā

[648] Anupubbābhisamayoti. Āmantā. Anupubbena sotāpattimaggaṁ
bhāvetīti. Na hevaṁ vattabbe .pe. Anupubbena
sotāpattimaggaṁ bhāvetīti. Āmantā. Anupubbena sotāpattiphalaṁ
sacchikarotīti. Na hevaṁ vattabbe .pe.

[649] Anupubbābhisamayoti. Āmantā. Anupubbena sakadāgāmimaggaṁ
bhāvetīti. Na hevaṁ vattabbe .pe. Anupubbena sakadāgāmimaggaṁ
bhāvetīti. Āmantā. Anupubbena sakadāgāmiphalaṁ sacchikarotīti.
Na hevaṁ vattabbe .pe.

[650] Anupubbābhisamayoti. Āmantā. Anupubbena anāgāmimaggaṁ
bhāvetīti. Na hevaṁ vattabbe .pe. Anupubbena anāgāmimaggaṁ
bhāvetīti. Āmantā. Anupubbena anāgāmiphalaṁ sacchikarotīti.
Na hevaṁ vattabbe .pe.

[651] Anupubbābhisamayoti. Āmantā. Anupubbena arahattamaggaṁ
bhāvetīti. Na hevaṁ vattabbe .pe. Anupubbena arahattamaggaṁ
bhāvetīti. Āmantā. Anupubbena arahattaphalaṁ sacchikarotīti.
Na hevaṁ vattabbe .pe.

[652] Sotāpattiphalasacchikiriyāya paṭipanno puggalo dukkhadassanena
kiṁ jahatīti. Sakkāyadiṭṭhiṁ vicikicchaṁ sīlabbataparāmāsaṁ tadekaṭṭhe ca
Kilese catubhāgaṁ jahatīti. Catubhāgaṁ sotāpanno catubhāgaṁ na sotāpanno
catubhāgaṁ sotāpattiphalappatto paṭiladdho adhigato sacchikato
upasampajja viharati kāyena phusitvā viharati catubhāgaṁ na kāyena
phusitvā viharati catubhāgaṁ sattakkhattuṁparamo kolaṁkolo ekavījī buddhe
aveccappasādena samannāgato dhamme .pe. Saṅghe .pe. Ariyakantehi
sīlehi samannāgato catubhāgaṁ na ariyakantehi sīlehi samannāgatoti.
Na hevaṁ vattabbe .pe. Samudayadassanena .pe. Nirodhadassanena .pe.
Maggadassanena kiṁ jahatīti. Sakkāyadiṭṭhiṁ vicikicchaṁ sīlabbataparāmāsaṁ
tadekaṭṭhe ca kilese catubhāgaṁ jahatīti. Catubhāgaṁ sotāpanno
catubhāgaṁ na sotāpanno catubhāgaṁ sotāpattiphalappatto paṭiladdho
adhigato sacchikato upasampajja viharati kāyena phusitvā viharati
catubhāgaṁ na kāyena phusitvā viharati catubhāgaṁ sattakkhattuṁparamo
kolaṁkolo ekavījī buddhe aveccappasādena samannāgato dhamme
.pe. Saṅghe .pe. Ariyakantehi sīlehi samannāgato catubhāgaṁ na
ariyakantehi sīlehi samannāgatoti. Na hevaṁ vattabbe .pe.

[653] Sakadāgāmiphalasacchikiriyāya paṭipanno puggalo dukkhadassanena
kiṁ jahatīti. Oḷārikaṁ kāmarāgaṁ oḷārikaṁ byāpādaṁ tadekaṭṭhe
ca kilese catubhāgaṁ jahatīti. Catubhāgaṁ sakadāgāmī catubhāgaṁ
na sakadāgāmī catubhāgaṁ sakadāgāmiphalappatto paṭiladdho adhigato
sacchikato upasampajja viharati kāyena phusitvā viharati catubhāgaṁ na
Kāyena phusitvā viharatīti. Na hevaṁ vattabbe .pe. Samudayadassanena
.pe. Nirodhadassanena .pe. Maggadassanena kiṁ jahatīti. Oḷārikaṁ
kāmarāgaṁ oḷārikaṁ byāpādaṁ tadekaṭṭhe ca kilese catubhāgaṁ jahatīti.
Catubhāgaṁ sakadāgāmī catubhāgaṁ na sakadāgāmī catubhāgaṁ sakadāgāmiphalappatto
paṭiladdho adhigato sacchikato upasampajja viharati kāyena
phusitvā viharati catubhāgaṁ na kāyena phusitvā viharatīti. Na
hevaṁ vattabbe .pe.

[654] Anāgāmiphalasacchikiriyāya paṭipanno puggalo dukkhadassanena
kiṁ jahatīti. Aṇusahagataṁ kāmarāgaṁ aṇusahagataṁ byāpādaṁ tadekaṭṭhe
ca kilese catubhāgaṁ jahatīti. Catubhāgaṁ anāgāmī catubhāgaṁ na
anāgāmī catubhāgaṁ anāgāmiphalappatto paṭiladdho adhigato sacchikato
upasampajja viharati kāyena phusitvā viharati catubhāgaṁ na kāyena
phusitvā viharati catubhāgaṁ antarāparinibbāyī .pe. Upahaccaparinibbāyī
.pe. Asaṅkhāraparinibbāyī .pe. Sasaṅkhāraparinibbāyī
.pe. Uddhaṁsoto akaniṭṭhagāmī catubhāgaṁ na uddhaṁsoto na
akaniṭṭhagāmīti. Na hevaṁ vattabbe .pe. Samudayadassanena .pe.
Nirodhadassanena .pe. Maggadassanena kiṁ jahatīti. Aṇusahagataṁ
kāmarāgaṁ aṇusahagataṁ byāpādaṁ tadekaṭṭhe ca kilese catubhāgaṁ
jahatīti. Catubhāgaṁ anāgāmī catubhāgaṁ na anāgāmī catubhāgaṁ
anāgāmiphalappatto paṭiladdho adhigato sacchikato upasampajja viharati
Kāyena phusitvā viharati catubhāgaṁ na kāyena phusitvā viharati catubhāgaṁ
antarāparinibbāyī .pe. Upahaccaparinibbāyī .pe. Asaṅkhāraparinibbāyī
.pe. Sasaṅkhāraparinibbāyī uddhaṁsoto akaniṭṭhagāmī
catubhāgaṁ na uddhaṁsoto na 1 akaniṭṭhagāmīti. Na hevaṁ vattabbe .pe.

[655] Arahattasacchikiriyāya paṭipanno puggalo dukkhadassanena
kiṁ jahatīti. Rūparāgaṁ arūparāgaṁ mānaṁ uddhaccaṁ avijjaṁ tadekaṭṭhe
ca kilese catubhāgaṁ jahatīti. Catubhāgaṁ arahā catubhāgaṁ na arahā
catubhāgaṁ arahattappatto paṭiladdho adhigato sacchikato upasampajja
viharati kāyena phusitvā viharati catubhāgaṁ na kāyena phusitvā
viharati catubhāgaṁ vītarāgo vītadoso vītamoho katakaraṇīyo ohitabhāro
anuppattasadattho parikkhīṇabhavasaññojano sammadaññā vimutto
ukkhittapaligho saṅkiṇṇaparikho abbuḷhesiko niraggaḷo ariyo
pannaddhajo pannabhāro visaññutto suvijitavijayo 2 dukkhantassa
pariññātaṁ samudayo pahīno nirodho sacchikato maggo bhāvito
abhiññeyyaṁ abhiññātaṁ pariññeyyaṁ pariññātaṁ pahātabbaṁ
pahīnaṁ bhāvetabbaṁ bhāvitaṁ .pe. Sacchikātabbaṁ sacchikataṁ catubhāgaṁ
sacchikātabbaṁ na sacchikatanti. Na hevaṁ vattabbe .pe. Samudayadassanena
.pe. Nirodhadassanena .pe. Maggadassanena kiṁ jahatīti.
Rūparāgaṁ arūparāgaṁ mānaṁ uddhaccaṁ avijjaṁ tadekaṭṭhe ca kilese
catubhāgaṁ jahatīti. Catubhāgaṁ arahā catubhāgaṁ na arahā catubhāgaṁ
1. Ma. na saddo natthi. 2. Ma. suvijitavijayī.
Arahattappatto paṭiladdho adhigato sacchikato upasampajja viharati
kāyena phusitvā viharati catubhāgaṁ na kāyena phusitvā viharati
catubhāgaṁ vītarāgo vītadoso vītamoho katakaraṇīyo ohitabhāro
anuppattasadattho parikkhīṇabhavasaññojano sammadaññā vimutto
ukkhittapaligho saṅkiṇṇaparikho abbuḷhesiko niraggaḷo ariyo
pannaddhajo pannabhāro visaññutto suvijitavijayo 1 dukkhantassa
pariññātaṁ samudayo pahīno nirodho sacchikato maggo bhāvito
abhiññeyyaṁ abhiññātaṁ pariññeyyaṁ pariññātaṁ pahātabbaṁ pahīnaṁ
bhāvetabbaṁ bhāvitaṁ .pe. Sacchikātabbaṁ sacchikataṁ catubhāgaṁ sacchikātabbaṁ
na sacchikatanti. Na hevaṁ vattabbe .pe.

[656] Sotāpattiphalasacchikiriyāya paṭipanno puggalo dukkhaṁ
dakkhanto paṭipannakoti vattabboti. Āmantā. Dukkhe diṭṭhe
phale ṭhitoti vattabboti. Na hevaṁ vattabbe .pe. Samudayaṁ
dakkhanto .pe. Nirodhaṁ dakkhanto paṭipannakoti vattabboti.
Āmantā. Nirodhe diṭṭhe phale ṭhitoti vattabboti. Na hevaṁ
vattabbe .pe.