[607] Lokuttaraṁ paṭhamaṁ jhānaṁ samāpannassa atthi vacībhedoti.
Āmantā. Lokuttaraṁ tatiyaṁ jhānaṁ .pe. Catutthaṁ jhānaṁ samāpannassa
atthi vacībhedoti. Na hevaṁ vattabbe .pe.

[608] Lokuttaraṁ dutiyaṁ jhānaṁ samāpannassa natthi vacībhedoti.
Āmantā. Lokuttaraṁ paṭhamaṁ jhānaṁ samāpannassa natthi vacībhedoti.
Na hevaṁ vattabbe .pe.

[609] Lokuttaraṁ [1]- tatiyaṁ jhānaṁ .pe. Catutthaṁ jhānaṁ samāpannassa
natthi vacībhedoti. Āmantā. Lokuttaraṁ paṭhamaṁ jhānaṁ samāpannassa
natthi vacībhedoti. Na hevaṁ vattabbe .pe.

[610] Na vattabbaṁ samāpannassa atthi vacībhedoti. Āmantā.
Nanu vitakkavicārā vacīsaṅkhārā vuttā bhagavatā paṭhamaṁ jhānaṁ
samāpannassa atthi vitakkavicārāti. Āmantā. Hañci vitakkavicārā
vacīsaṅkhārā vuttā bhagavatā paṭhamaṁ jhānaṁ samāpannassa
atthi vitakkavicārā tena vata re vattabbe samāpannassa atthi
vacībhedoti.

[611] Vitakkavicārā vacīsaṅkhārā vuttā bhagavatā paṭhamaṁ
jhānaṁ samāpannassa atthi vitakkavicārā atthi tassa vacībhedoti.
Āmantā. Paṭhavīkasiṇaṁ paṭhamaṁ jhānaṁ samāpannassa atthi vitakkavicārā
atthi tassa vacībhedoti. Na hevaṁ vattabbe .pe.

[612] Vitakkavicārā vacīsaṅkhārā vuttā bhagavatā paṭhamaṁ
jhānaṁ samāpannassa atthi vitakkavicārā atthi tassa vacībhedoti.
Āmantā. Āpokasiṇaṁ .pe. Tejokasiṇaṁ vāyokasiṇaṁ nīlakasiṇaṁ
pītakasiṇaṁ lohitakasiṇaṁ .pe. Odātakasiṇaṁ paṭhamaṁ jhānaṁ samāpannassa
atthi vitakkavicārā atthi tassa vacībhedoti. Na hevaṁ vattabbe .pe.
[1] Ma. etthantare dutiyaṁ jhānantipāṭho atthi. syā. Yu. potthakesu natthi.

[613] Na vattabbaṁ samāpannassa atthi vacībhedoti. Āmantā.
Nanu vitakkasamuṭṭhānā vācā vuttā bhagavatā paṭhamaṁ jhānaṁ samāpannassa
atthi vitakkavicārāti. Āmantā. Hañci vitakkasamuṭṭhānā vācā
vuttā bhagavatā paṭhamaṁ jhānaṁ samāpannassa atthi vitakkavicārā
tena vata re vattabbe samāpannassa atthi vacībhedoti.

[614] Vitakkasamuṭṭhānā vācā vuttā bhagavatā paṭhamaṁ jhānaṁ
samāpannassa atthi vitakkavicārāti atthi tassa vacībhedoti.
Āmantā. Saññāsamuṭṭhānā vācā vuttā bhagavatā dutiyaṁ
jhānaṁ samāpannassa atthi saññā atthi tassa vitakkavicārāti. Na
hevaṁ vattabbe .pe.

[615] Vitakkasamuṭṭhānā vācā vuttā bhagavatā paṭhamaṁ jhānaṁ
samāpannassa atthi vitakkavicārāti atthi tassa vacībhedoti.
Āmantā. Saññāsamuṭṭhānā vācā vuttā bhagavatā tatiyaṁ
jhānaṁ .pe. Catutthaṁ jhānaṁ ākāsānañcāyatanaṁ viññāṇañcāyatanaṁ
.pe. Ākiñcaññāyatanaṁ samāpannassa atthi saññā atthi tassa
vitakkavicārāti. Na hevaṁ vattabbe .pe.

[616] Samāpannassa atthi vacībhedoti. Āmantā nanu paṭhamaṁ
jhānaṁ samāpannassa vācā niruddhā hotīti 1 attheva suttantoti.
Āmantā. Hañci paṭhamaṁ jhānaṁ samāpannassa vācā niruddhā hotīti
1 saṁ. saḷāyata. 268.
Attheva suttantoti no vata re vattabbe samāpannassa atthi
vacībhedoti.