[510] Aṭṭhavidhena rūpasaṅgaho cakkhuviññeyyaṁ rūpaṁ sotaviññeyyaṁ
rūpaṁ ghānaviññeyyaṁ rūpaṁ jivhāviññeyyaṁ rūpaṁ kāyaviññeyyaṁ rūpaṁ atthi
sukhasamphassaṁ atthi dukkhasamphassaṁ manodhātuviññeyyaṁ rūpaṁ manoviññāṇa-
dhātuviññeyyaṁ rūpaṁ evaṁ aṭṭhavidhena rūpasaṅgaho.
Aṭṭhakaṁ.

[511] Navavidhena rūpasaṅgaho cakkhundriyaṁ sotindriyaṁ ghānindriyaṁ
jivhindriyaṁ kāyindriyaṁ itthindriyaṁ purisindriyaṁ
jīvitindriyaṁ yañca rūpaṁ naindriyaṁ evaṁ navavidhena rūpasaṅgaho.
Navakaṁ.

[512] Dasavidhena rūpasaṅgaho cakkhundriyaṁ sotindriyaṁ ghānindriyaṁ
jivhindriyaṁ kāyindriyaṁ itthindriyaṁ purisindriyaṁ
jīvitindriyaṁ naindriyaṁ rūpaṁ atthi sappaṭighaṁ atthiappaṭighaṁ evaṁ dasavidhena
rūpasaṅgaho.
Dasakaṁ.

[513] Ekādasavidhena rūpasaṅgaho cakkhāyatanaṁ sotāyatanaṁ ghānāyatanaṁ
jivhāyatanaṁ kāyāyatanaṁ rūpāyatanaṁ saddāyatanaṁ gandhāyatanaṁ rasāyatanaṁ
phoṭṭhabbāyatanaṁ yañca rūpaṁ anidassanaṁ appaṭighaṁ dhammāyatanapariyāpannaṁ
evaṁ ekādasavidhena rūpasaṅgaho.
Ekādasakaṁ.
Mātikā.

[514] Sabbaṁ rūpaṁ nahetumeva ahetukameva hetuvippayuttameva
sappaccayameva saṅkhatameva rūpameva lokiyameva sāsavameva saññojaniyameva
ganthaniyameva oghaniyameva yoganiyameva nīvaraṇiyameva parāmaṭṭhameva
upādāniyameva saṅkilesikameva abyākatameva anārammaṇameva acetasikameva
cittavippayuttameva nevavipākanavipākadhammadhammameva asaṅkiliṭṭhasaṅkilesikameva
nasavitakkasavicārameva nāvitakkavicāramattameva avitakkāvicārameva
Napītisahagatameva nasukhasahagatameva naupekkhāsahagatameva
nevadassanenanabhāvanāyapahātabbameva nevadassanenanabhāvanāyapahātabbahetukameva
nevāacayagāmināpacayagāmimeva nevasekkhanāsekkhameva
parittameva kāmāvacarameva narūpāvacarameva nārūpāvacarameva pariyāpannameva
noapariyāpannameva aniyatameva aniyyānikameva uppannaṁ
chahi viññāṇehi viññeyyameva aniccameva jarābhibhūtameva evaṁ
ekavidhena rūpasaṅgaho.
Ekakaniddeso.

[515] Katamantaṁ rūpaṁ upādā cakkhāyatanaṁ sotāyatanaṁ ghānāyatanaṁ
jivhāyatanaṁ kāyāyatanaṁ rūpāyatanaṁ saddāyatanaṁ gandhāyatanaṁ rasāyatanaṁ
itthindriyaṁ purisindriyaṁ jīvitindriyaṁ kāyaviññatti vacīviññatti
ākāsadhātu rūpassa lahutā rūpassa mudutā rūpassa kammaññatā
rūpassa upacayo rūpassa santati rūpassa jaratā rūpassa aniccatā
kabaḷiṁkāro āhāro.

[516] Katamantaṁ rūpaṁ cakkhāyatanaṁ yaṁ cakkhuṁ catunnaṁ mahābhūtānaṁ
upādāya pasādo attabhāvapariyāpanno anidassano sappaṭigho yena
cakkhunā anidassanena sappaṭighena rūpaṁ sanidassanaṁ sappaṭighaṁ passi
vā passati vā passissati vā passe vā cakkhuṁpetaṁ cakkhāyatanaṁpetaṁ
cakkhudhātupesā cakkhundriyaṁpetaṁ lokopeso dvārāpesā
samuddopeso paṇḍaraṁpetaṁ khettaṁpetaṁ vatthuṁpetaṁ nettaṁpetaṁ nayanaṁpetaṁ
Orimantīraṁpetaṁ suñño gāmopeso idantaṁ rūpaṁ cakkhāyatanaṁ.
Katamantaṁ rūpaṁ cakkhāyatanaṁ yaṁ cakkhuṁ catunnaṁ mahābhūtānaṁ upādāya
pasādo attabhāvapariyāpanno anidassano sappaṭigho yamhi cakkhumhi
anidassanamhi sappaṭighamhi rūpaṁ sanidassanaṁ sappaṭighaṁ paṭihaññi vā
paṭihaññati vā paṭihaññissati vā paṭihaññe vā cakkhuṁpetaṁ
cakkhāyatanaṁpetaṁ cakkhudhātupesā cakkhundriyaṁpetaṁ lokopeso dvārāpesā
samuddopeso paṇḍaraṁpetaṁ khettaṁpetaṁ vatthuṁpetaṁ nettaṁpetaṁ nayanaṁpetaṁ
orimantīraṁpetaṁ suñño gāmopeso idantaṁ rūpaṁ cakkhāyatanaṁ.
Katamantaṁ rūpaṁ cakkhāyatanaṁ yaṁ cakkhuṁ catunnaṁ mahābhūtānaṁ upādāya
pasādo attabhāvapariyāpanno anidassano sappaṭigho yaṁ cakkhuṁ
anidassanaṁ sappaṭighaṁ rūpamhi sanidassanamhi sappaṭighamhi paṭihaññi
vā paṭihaññati vā paṭihaññissati vā paṭihaññe vā cakkhuṁpetaṁ
cakkhāyatanaṁpetaṁ cakkhudhātupesā cakkhundriyaṁpetaṁ lokopeso dvārāpesā
samuddopeso paṇḍaraṁpetaṁ khettaṁpetaṁ vatthuṁpetaṁ nettaṁpetaṁ nayanaṁpetaṁ
orimantīraṁpetaṁ suñño gāmopeso idantaṁ rūpaṁ cakkhāyatanaṁ.
Katamantaṁ rūpaṁ cakkhāyatanaṁ yaṁ cakkhuṁ catunnaṁ mahābhūtānaṁ upādāya
pasādo attabhāvapariyāpanno anidassano sappaṭigho yaṁ cakkhuṁ
nissāya rūpaṁ ārabbha cakkhusamphasso uppajji vā uppajjati vā
uppajjissati vā uppajje vā .pe. Yaṁ cakkhuṁ nissāya rūpaṁ ārabbha
cakkhusamphassajā vedanā .pe. Saññā .pe. Cetanā .pe.
Cakkhuviññāṇaṁ uppajji vā uppajjati vā uppajjissati vā uppajje
vā .pe. Yaṁ cakkhuṁ nissāya rūpārammaṇo cakkhusamphasso
uppajji vā uppajjati vā uppajjissati vā uppajje vā .pe.
Yaṁ cakkhuṁ nissāya rūpārammaṇā cakkhusamphassajā vedanā .pe.
Saññā .pe. Cetanā .pe. Cakkhuviññāṇaṁ uppajji vā uppajjati
vā uppajjissati vā uppajje vā cakkhuṁpetaṁ cakkhāyatanaṁpetaṁ
cakkhudhātupesā cakkhundriyaṁpetaṁ lokopeso dvārāpesā samuddopeso
paṇḍaraṁpetaṁ khettaṁpetaṁ vatthuṁpetaṁ nettaṁpetaṁ nayanaṁpetaṁ orimantīraṁpetaṁ
suñño gāmopeso idantaṁ rūpaṁ cakkhāyatanaṁ.

[517] Katamantaṁ rūpaṁ sotāyatanaṁ yaṁ sotaṁ catunnaṁ mahābhūtānaṁ
upādāya pasādo attabhāvapariyāpanno anidassano sappaṭigho yena
sotena anidassanena sappaṭighena saddaṁ anidassanaṁ sappaṭighaṁ suṇi
vā suṇāti vā suṇissati vā suṇe vā sotaṁpetaṁ sotāyatanaṁpetaṁ
sotadhātupesā sotindriyaṁpetaṁ lokopeso dvārāpesā samuddopeso
paṇḍaraṁpetaṁ khettaṁpetaṁ vatthuṁpetaṁ orimantīraṁpetaṁ suñño gāmopeso
idantaṁ rūpaṁ sotāyatanaṁ. Katamantaṁ rūpaṁ sotāyatanaṁ yaṁ sotaṁ catunnaṁ
mahābhūtānaṁ upādāya pasādo attabhāvapariyāpanno anidassano
sappaṭigho yamhi sotamhi anidassanamhi sappaṭighamhi saddo
anidassano sappaṭigho paṭihaññi vā paṭihaññati vā paṭihaññissati vā
paṭihaññe vā sotaṁpetaṁ sotāyatanaṁpetaṁ sotadhātupesā sotindriyaṁpetaṁ
Lokopeso dvārāpesā samuddopeso paṇḍaraṁpetaṁ khettaṁpetaṁ
vatthuṁpetaṁ orimantīraṁpetaṁ suñño gāmopeso idantaṁ rūpaṁ sotāyatanaṁ.
Katamantaṁ rūpaṁ sotāyatanaṁ yaṁ sotaṁ catunnaṁ mahābhūtānaṁ upādāya
pasādo attabhāvapariyāpanno anidassano sappaṭigho yaṁ sotaṁ
anidassanaṁ sappaṭighaṁ saddamhi anidassanamhi sappaṭighamhi paṭihaññi
vā paṭihaññati vā paṭihaññissati vā paṭihaññe vā sotaṁpetaṁ
sotāyatanaṁpetaṁ sotadhātupesā sotindriyaṁpetaṁ lokopeso dvārāpesā
samuddopeso paṇḍaraṁpetaṁ khettaṁpetaṁ vatthuṁpetaṁ orimantīraṁpetaṁ suñño
gāmopeso idantaṁ rūpaṁ sotāyatanaṁ. Katamantaṁ rūpaṁ sotāyatanaṁ
yaṁ sotaṁ catunnaṁ mahābhūtānaṁ upādāya pasādo attabhāvapariyāpanno
anidassano sappaṭigho yaṁ sotaṁ nissāya saddaṁ ārabbha sotasamphasso
uppajji vā uppajjati vā uppajjissati vā uppajje vā .pe.
Yaṁ sotaṁ nissāya saddaṁ ārabbha sotasamphassajā vedanā .pe.
Saññā .pe. Cetanā .pe. Sotaviññāṇaṁ uppajji vā
uppajjati vā uppajjissati vā uppajje vā .pe. Yaṁ sotaṁ
nissāya saddārammaṇo sotasamphasso uppajji vā uppajjati vā
uppajjissati vā uppajje vā .pe. Yaṁ sotaṁ nissāya saddārammaṇā
sotasamphassajā vedanā .pe. Saññā .pe. Cetanā
.pe. Sotaviññāṇaṁ uppajji vā uppajjati vā uppajjissati vā
uppajje vā sotaṁpetaṁ sotāyatanaṁpetaṁ sotadhātupesā sotindriyaṁpetaṁ
Lokopeso dvārāpesā samuddopeso paṇḍaraṁpetaṁ khettaṁpetaṁ vatthuṁpetaṁ
orimantīraṁpetaṁ suñño gāmopeso idantaṁ rūpaṁ sotāyatanaṁ.

[518] Katamantaṁ rūpaṁ ghānāyatanaṁ yaṁ ghānaṁ catunnaṁ mahābhūtānaṁ
upādāya pasādo attabhāvapariyāpanno anidassano sappaṭigho yena
ghānena anidassanena sappaṭighena gandhaṁ anidassanaṁ sappaṭighaṁ ghāyi
vā ghāyati vā ghāyissati vā ghāye vā ghānaṁpetaṁ ghānāyatanaṁpetaṁ
ghānadhātupesā ghānindriyaṁpetaṁ lokopeso dvārāpesā samuddopeso
paṇḍaraṁpetaṁ khettaṁpetaṁ vatthuṁpetaṁ orimantīraṁpetaṁ suñño gāmopeso
idantaṁ rūpaṁ ghānāyatanaṁ. Katamantaṁ rūpaṁ ghānāyatanaṁ yaṁ ghānaṁ
catunnaṁ mahābhūtānaṁ upādāya pasādo attabhāvapariyāpanno anidassano
sappaṭigho yamhi ghānamhi anidassanamhi sappaṭighamhi gandho anidassano
sappaṭigho paṭihaññi vā paṭihaññati vā paṭihaññissati vā
paṭihaññe vā ghānaṁpetaṁ ghānāyatanaṁpetaṁ ghānadhātupesā ghānindriyaṁpetaṁ
lokopeso dvārāpesā samuddopeso paṇḍaraṁpetaṁ khettaṁpetaṁ
vatthuṁpetaṁ orimantīraṁpetaṁ suñño gāmopeso idantaṁ rūpaṁ ghānāyatanaṁ.
Katamantaṁ rūpaṁ ghānāyatanaṁ yaṁ ghānaṁ catunnaṁ mahābhūtānaṁ upādāya
pasādo attabhāvapariyāpanno anidassano sappaṭigho yaṁ ghānaṁ
anidassanaṁ sappaṭighaṁ gandhamhi anidassanamhi sappaṭighamhi paṭihaññi
vā paṭihaññati vā paṭihaññissati vā paṭihaññe vā ghānaṁpetaṁ
ghānāyatanaṁpetaṁ ghānadhātupesā ghānindriyaṁpetaṁ lokopeso dvārāpesā
Samuddopeso paṇḍaraṁpetaṁ khettaṁpetaṁ vatthuṁpetaṁ orimantīraṁpetaṁ suñño
gāmopeso idantaṁ rūpaṁ ghānāyatanaṁ. Katamantaṁ rūpaṁ ghānāyatanaṁ
yaṁ ghānaṁ catunnaṁ mahābhūtānaṁ upādāya pasādo attabhāvapariyāpanno
anidassano sappaṭigho yaṁ ghānaṁ nissāya gandhaṁ ārabbha ghānasamphasso
uppajji vā uppajjati vā uppajjissati vā uppajje vā .pe.
Yaṁ ghānaṁ nissāya gandhaṁ ārabbha ghānasamphassajā vedanā .pe.
Saññā .pe. Cetanā .pe. Ghānaviññāṇaṁ uppajji vā uppajjati
vā uppajjissati vā uppajje vā .pe. Yaṁ ghānaṁ nissāya
gandhārammaṇo ghānasamphasso uppajji vā uppajjati vā uppajjissati
vā uppajje vā .pe. Yaṁ ghānaṁ nissāya gandhārammaṇā
ghānasamphassajā vedanā .pe. Saññā .pe. Cetanā .pe.
Ghānaviññāṇaṁ uppajji vā uppajjati vā uppajjissati vā
uppajje vā ghānaṁpetaṁ ghānāyatanaṁpetaṁ ghānadhātupesā ghānindriyaṁpetaṁ
lokopeso dvārāpesā samuddopeso paṇḍaraṁpetaṁ khettaṁpetaṁ vatthuṁpetaṁ
orimantīraṁpetaṁ suñño gāmopeso idantaṁ rūpaṁ ghānāyatanaṁ.

[519] Katamantaṁ rūpaṁ jivhāyatanaṁ yā jivhā catunnaṁ mahābhūtānaṁ
upādāya pasādo attabhāvapariyāpanno anidassano sappaṭigho yāya
jivhāya anidassanāya sappaṭighāya rasaṁ anidassanaṁ sappaṭighaṁ sāyi vā
sāyati vā sāyissati vā sāye vā jivhāpesā jivhāyatanaṁpetaṁ
jivhādhātupesā jivhindriyaṁpetaṁ lokopeso dvārāpesā samuddopeso
Paṇḍaraṁpetaṁ khettaṁpetaṁ vatthuṁpetaṁ orimantīraṁpetaṁ suñño
gāmopeso idantaṁ rūpaṁ jivhāyatanaṁ. Katamantaṁ rūpaṁ jivhāyatanaṁ yā
jivhā catunnaṁ mahābhūtānaṁ upādāya pasādo attabhāvapariyāpanno
anidassano sappaṭigho yāya jivhāya anidassanāya sappaṭighāya raso
anidassano sappaṭigho paṭihaññi vā paṭihaññati vā paṭihaññissati
vā paṭihaññe vā jivhāpesā jivhāyatanaṁpetaṁ jivhādhātupesā
jivhindriyaṁpetaṁ lokopeso dvārāpesā samuddopeso paṇḍaraṁpetaṁ
khettaṁpetaṁ vatthuṁpetaṁ orimantīraṁpetaṁ suñño gāmopeso idantaṁ
rūpaṁ jivhāyatanaṁ. Katamantaṁ rūpaṁ jivhāyatanaṁ yā jivhā catunnaṁ
mahābhūtānaṁ upādāya pasādo attabhāvapariyāpanno anidassano
sappaṭigho yā jivhā anidassanā sappaṭighā rasamhi anidassanamhi
sappaṭighamhi paṭihaññi vā paṭihaññati vā paṭihaññissati vā
paṭihaññe vā jivhāpesā jivhāyatanaṁpetaṁ jivhādhātupesā jivhindriyaṁpetaṁ
lokopeso dvārāpesā samuddopeso paṇḍaraṁpetaṁ khettaṁpetaṁ
vatthuṁpetaṁ orimantīraṁpetaṁ suñño gāmopeso idantaṁ rūpaṁ jivhāyatanaṁ.
Katamantaṁ rūpaṁ jivhāyatanaṁ yā jivhā catunnaṁ mahābhūtānaṁ upādāya
pasādo attabhāvapariyāpanno anidassano sappaṭigho yaṁ jivhaṁ
nissāya rasaṁ ārabbha jivhāsamphasso uppajji vā uppajjati vā
uppajjissati vā uppajje vā .pe. Yaṁ jivhaṁ nissāya rasaṁ ārabbha
jivhāsamphassajā vedanā .pe. Saññā .pe. Cetanā .pe.
Jivhāviññāṇaṁ uppajji vā uppajjati vā uppajjissati vā
uppajje vā .pe. Yaṁ jivhaṁ nissāya rasārammaṇo jivhāsamphasso
uppajji vā uppajjati vā uppajjissati vā uppajje vā
yaṁ jivhaṁ nissāya rasārammaṇā jivhāsamphassajā vedanā .pe.
Saññā .pe. Cetanā .pe. Jivhāviññāṇaṁ uppajji vā
uppajjati vā uppajjissati vā uppajje vā jivhāpesā
jivhāyatanaṁpetaṁ jivhādhātupesā jivhindriyaṁpetaṁ lokopeso dvārāpesā
samuddopeso paṇḍaraṁpetaṁ khettaṁpetaṁ vatthuṁpetaṁ orimantīraṁpetaṁ
suñño gāmopeso idantaṁ rūpaṁ jivhāyatanaṁ.