[500] Alobho abyākatamūlaṁ .pe. Adoso abyākatamūlaṁ
.pe. Amoho abyākatamūlaṁ .pe. Ime dhammā abyākatā 1 .
Arūpāvacarakiriyā.
Cittuppādakaṇḍaṁ.
------------
1 ayaṁ pāḷi purimāhi na sameti purimā hi kāmāvacaravipākakiriyāsuyeva
dissanti na aññattha. vicāretvā gahetabbaṁ.
Rūpakaṇḍaṁ

[501] Katame dhammā abyākatā kusalākusalānaṁ dhammānaṁ
vipākā kāmāvacarā rūpāvacarā arūpāvacarā apariyāpannā vedanākkhandho
saññākkhandho saṅkhārakkhandho viññāṇakkhandho ye ca
dhammā kiriyā neva kusalā nākusalā na ca kammavipākā sabbaṁ ca
rūpaṁ asaṅkhatā ca dhātu ime dhammā abyākatā.

[502] Tattha katamaṁ sabbaṁ rūpaṁ cattāro ca mahābhūtā catunnaṁ ca
mahābhūtānaṁ upādāya rūpaṁ idaṁ vuccati sabbaṁ rūpaṁ.

[503] Sabbaṁ rūpaṁ nahetu ahetukaṁ hetuvippayuttaṁ sappaccayaṁ
saṅkhataṁ rūpaṁ lokiyaṁ sāsavaṁ saññojaniyaṁ ganthaniyaṁ oghaniyaṁ yoganiyaṁ
nīvaraṇiyaṁ parāmaṭṭhaṁ upādāniyaṁ saṅkilesikaṁ abyākataṁ anārammaṇaṁ
acetasikaṁ cittavippayuttaṁ nevavipākanavipākadhammadhammaṁ asaṅkiliṭṭhasaṅkilesikaṁ
nasavitakkasavicāraṁ nāvitakkavicāramattaṁ avitakkāvicāraṁ
napītisahagataṁ nasukhasahagataṁ naupekkhāsahagataṁ nevadassanenanabhāvanāyapahātabbaṁ
nevadassanenanabhāvanāyapahātabbahetukaṁ nevāacayagāmināpacayagāmi
nevasekkhanāsekkhaṁ parittaṁ kāmāvacaraṁ narūpāvacaraṁ nārūpāvacaraṁ
pariyāpannaṁ noapariyāpannaṁ aniyataṁ aniyyānikaṁ uppannaṁ
chahi viññāṇehi viññeyyaṁ aniccaṁ jarābhibhūtaṁ evaṁ ekavidhena
rūpasaṅgaho.
Ekakaṁ.

[504] Duvidhena rūpasaṅgaho atthi rūpaṁ upādā atthi rūpaṁ noupādā
atthi rūpaṁ upādinnaṁ atthi rūpaṁ anupādinnaṁ atthi rūpaṁ upādinnupādāniyaṁ
atthi rūpaṁ anupādinnupādāniyaṁ atthi rūpaṁ sanidassanaṁ atthi rūpaṁ anidassanaṁ
atthi rūpaṁ sappaṭighaṁ atthi rūpaṁ appaṭighaṁ atthi rūpaṁ indriyaṁ atthi rūpaṁ
naindriyaṁ atthi rūpaṁ mahābhūtaṁ atthi rūpaṁ namahābhūtaṁ atthi rūpaṁ viññatti
atthi rūpaṁ naviññatti atthi rūpaṁ cittasamuṭṭhānaṁ atthi rūpaṁ nacittasamuṭṭhānaṁ
atthi rūpaṁ cittasahabhu atthi rūpaṁ nacittasahabhu atthi rūpaṁ cittānuparivatti
atthi rūpaṁ nacittānuparivatti atthi rūpaṁ ajjhattikaṁ atthi rūpaṁ bāhiraṁ atthi
rūpaṁ oḷārikaṁ atthi rūpaṁ sukhumaṁ atthi rūpaṁ dūre atthi rūpaṁ santike. Atthi
rūpaṁ cakkhusamphassassa vatthu atthi rūpaṁ cakkhusamphassassa navatthu atthi
rūpaṁ cakkhusamphassajāya vedanāya .pe. Saññāya .pe. Cetanāya
.pe. Cakkhuviññāṇassa vatthu atthi rūpaṁ cakkhuviññāṇassa navatthu
atthi rūpaṁ sotasamphassassa .pe. Ghānasamphassassa .pe. Jivhāsamphassassa
.pe. Kāyasamphassassa vatthu atthi rūpaṁ kāyasamphassassa navatthu
atthi rūpaṁ kāyasamphassajāya vedanāya .pe. Saññāya .pe.
Cetanāya .pe. Kāyaviññāṇassa vatthu atthi rūpaṁ kāyaviññāṇassa
navatthu. Atthi rūpaṁ cakkhusamphassassa ārammaṇaṁ atthi rūpaṁ cakkhusamphassassa
nāarammaṇaṁ atthi rūpaṁ cakkhusamphassajāya vedanāya *- .pe.
Saññāya .pe. Cetanāya .pe. Cakkhuviññāṇassa ārammaṇaṁ
atthi rūpaṁ cakkhuviññāṇassa nāarammaṇaṁ. Atthi rūpaṁ sotasamphassassa
* mīkārkkhag cakkhusamphassajāyavedanāya peḌna cakkhusamphassajāya vedanāya
.pe. Ghānasamphassassa .pe. Jivhāsamphassassa .pe. Kāyasamphassassa
ārammaṇaṁ atthi rūpaṁ kāyasamphassassa nāarammaṇaṁ atthi
rūpaṁ kāyasamphassajāya vedanāya .pe. Saññāya .pe. Cetanāya
.pe. Kāyaviññāṇassa ārammaṇaṁ atthi rūpaṁ kāyaviññāṇassa nāarammaṇaṁ.
Atthi rūpaṁ cakkhāyatanaṁ atthi rūpaṁ nacakkhāyatanaṁ atthi rūpaṁ
sotāyatanaṁ atthi rūpaṁ nasotāyatanaṁ atthi rūpaṁ ghānāyatanaṁ .pe.
Jivhāyatanaṁ .pe. Kāyāyatanaṁ atthi rūpaṁ nakāyāyatanaṁ atthi rūpaṁ
rūpāyatanaṁ atthi rūpaṁ narūpāyatanaṁ atthi rūpaṁ saddāyatanaṁ .pe. Gandhāyatanaṁ
.pe. Rasāyatanaṁ .pe. Phoṭṭhabbāyatanaṁ atthi rūpaṁ naphoṭṭhabbāyatanaṁ.
Atthi rūpaṁ cakkhudhātu atthi rūpaṁ nacakkhudhātu atthi rūpaṁ sotadhātu
.pe. Ghānadhātu .pe. Jivhādhātu .pe. Kāyadhātu atthi
rūpaṁ nakāyadhātu atthi rūpaṁ rūpadhātu atthi rūpaṁ narūpadhātu atthi rūpaṁ
saddadhātu .pe. Gandhadhātu .pe. Rasadhātu .pe. Phoṭṭhabbadhātu
atthi rūpaṁ naphoṭṭhabbadhātu. Atthi rūpaṁ cakkhundriyaṁ atthi rūpaṁ nacakkhundriyaṁ
atthi rūpaṁ sotindriyaṁ .pe. Ghānindriyaṁ .pe. Jivhindriyaṁ
.pe. Kāyindriyaṁ atthi rūpaṁ nakāyindriyaṁ atthi rūpaṁ itthindriyaṁ
atthi rūpaṁ naitthindriyaṁ atthi rūpaṁ purisindriyaṁ atthi rūpaṁ
napurisindriyaṁ atthi rūpaṁ jīvitindriyaṁ atthi rūpaṁ najīvitindriyaṁ. Atthi
rūpaṁ kāyaviññatti atthi rūpaṁ nakāyaviññatti atthi rūpaṁ vacīviññatti atthi rūpaṁ
navacīviññatti atthi rūpaṁ ākāsadhātu atthi rūpaṁ nāakāsadhātu atthi
Rūpaṁ āpodhātu atthi rūpaṁ nāapodhātu atthi rūpaṁ rūpassa lahutā atthi
rūpaṁ rūpassa nalahutā atthi rūpaṁ rūpassa mudutā atthi rūpaṁ rūpassa namudutā
atthi rūpaṁ rūpassa kammaññatā atthi rūpaṁ rūpassa nakammaññatā atthi
rūpaṁ rūpassa upacayo atthi rūpaṁ rūpassa naupacayo atthi rūpaṁ rūpassa santati
atthi rūpaṁ rūpassa nasantati atthi rūpaṁ rūpassa jaratā atthi rūpaṁ rūpassa najaratā
atthi rūpaṁ rūpassa aniccatā atthi rūpaṁ rūpassa nāniccatā atthi rūpaṁ kabaḷiṁkāro
āhāro atthi rūpaṁ na kabaḷiṁkāro āhāro evaṁ duvidhena rūpasaṅgaho.
Dukaṁ.

[505] Tividhena rūpasaṅgaho yantaṁ rūpaṁ ajjhattikaṁ taṁ upādā yantaṁ rūpaṁ
bāhiraṁ taṁ atthi upādā atthi noupādā yantaṁ rūpaṁ ajjhattikaṁ taṁ upādinnaṁ
yantaṁ rūpaṁ bāhiraṁ taṁ atthi upādinnaṁ atthi anupādinnaṁ yantaṁ rūpaṁ ajjhattikaṁ
taṁ upādinnupādāniyaṁ yantaṁ rūpaṁ bāhiraṁ taṁ atthi upādinnupādāniyaṁ atthi
anupādinnupādāniyaṁ yantaṁ rūpaṁ ajjhattikaṁ taṁ anidassanaṁ yantaṁ rūpaṁ bāhiraṁ
taṁ atthi sanidassanaṁ atthi anidassanaṁ yantaṁ rūpaṁ ajjhattikaṁ taṁ sappaṭighaṁ yantaṁ rūpaṁ
bāhiraṁ taṁ atthi sappaṭighaṁ atthi appaṭighaṁ yantaṁ rūpaṁ ajjhattikaṁ taṁ indriyaṁ
yantaṁ rūpaṁ bāhiraṁ taṁ atthi indriyaṁ atthi naindriyaṁ yantaṁ rūpaṁ ajjhattikaṁ
taṁnamahābhūtaṁ yantaṁ rūpaṁ bāhiraṁ taṁ atthi mahābhūtaṁ atthi namahābhūtaṁ yantaṁ
rūpaṁ ajjhattikaṁ taṁ naviññatti yantaṁ rūpaṁ bāhiraṁ taṁ atthi viññatti atthi
navaññatti yantaṁ rūpaṁ ajjhattikaṁ taṁ nacittasamuṭṭhānaṁ yantaṁ rūpaṁ bāhiraṁ taṁ
Atthi cittasamuṭṭhānaṁ atthi nacittasamuṭṭhānaṁ yantaṁ rūpaṁ ajjhattikaṁ taṁ nacittasahabhu
yantaṁ rūpaṁ bāhiraṁ taṁ atthi cittasahabhu atthi nacittasahabhu yantaṁ rūpaṁ
ajjhattikaṁ taṁ nacittānuparivatti yantaṁ rūpaṁ bāhiraṁ taṁ atthi cittānuparivatti
atthi nacittānuparivatti yantaṁ rūpaṁ ajjhattikaṁ taṁ oḷārikaṁ yantaṁ rūpaṁ bāhiraṁ
taṁ atthi oḷārikaṁ atthi sukhumaṁ yantaṁ rūpaṁ ajjhattikaṁ taṁ santike yantaṁ
rūpaṁ bāhiraṁ taṁ atthi dūre atthi santike. Yantaṁ rūpaṁ bāhiraṁ taṁ cakkhusamphassassa
navatthu yantaṁ rūpaṁ ajjhattikaṁ taṁ atthi cakkhusamphassassa vatthu atthi
cakkhusamphassassa navatthu yantaṁ rūpaṁ bāhiraṁ taṁ atthi cakkhusamphassajāya vedanāya
.pe. Saññāya .pe. Cetanāya .pe. Cakkhuviññāṇassa
navatthu yantaṁ rūpaṁ ajjhattikaṁ taṁ atthi cakkhuviññāṇassa vatthu atthi
cakkhuviññāṇassa navatthu yantaṁ rūpaṁ bāhiraṁ taṁ sotasamphassassa .pe.
Ghānasamphassassa .pe. Jivhāsamphassassa .pe. Kāyasamphassassa navatthu
yantaṁ rūpaṁ ajjhattikaṁ taṁ atthi kāyasamphassassa vatthu atthi kāyasamphassassa
navatthu yantaṁ rūpaṁ bāhiraṁ taṁ kāyasamphassajāya vedanāya .pe. Saññāya
.pe. Cetanāya .pe. Kāyaviññāṇassa navatthu yantaṁ rūpaṁ ajjhattikaṁ
taṁatthikāyaviññāṇassa vatthu atthikāyaviññāṇassa navatthu. Yantaṁ
rūpaṁajjhattikaṁ taṁ cakkhusamphassassa nāarammaṇaṁ yantaṁ rūpaṁbāhiraṁ taṁ atthi
cakkhusamphassassa ārammaṇaṁ atthi cakkhusamphassassa nāarammaṇaṁ yantaṁ
rūpaṁ ajjhattikaṁ taṁ cakkhusamphassajāya vedanāya .pe. Saññāya .pe.
Cetanāya .pe. Cakkhuviññāṇassa nāarammaṇaṁ yantaṁ rūpaṁ bāhiraṁ taṁ
Atthi cakkhuviññāṇassa ārammaṇaṁ atthi cakkhuviññāṇassa nāarammaṇaṁ
yantaṁ rūpaṁ ajjhattikaṁ taṁ sotasamphassassa .pe. Ghānasamphassassa .pe.
Jivhāsamphassassa .pe. Kāyasamphassassa nāarammaṇaṁ yantaṁ rūpaṁ bāhiraṁ
taṁ atthi kāyasamphassassa ārammaṇaṁ atthi kāyasamphassassa nāarammaṇaṁ
yantaṁ rūpaṁ ajjhattikaṁ taṁ kāyasamphassajāya vedanāya .pe. Saññāya
.pe. Cetanāya .pe. Kāyaviññāṇassa nāarammaṇaṁ yantaṁ rūpaṁ
bāhiraṁ taṁ atthi kāyaviññāṇassa ārammaṇaṁ atthi kāyaviññāṇassa nāarammaṇaṁ.
Yantaṁ rūpaṁ bāhiraṁ taṁ nacakkhāyatanaṁ yantaṁ rūpaṁ ajjhattikaṁ taṁ
atthi cakkhāyatanaṁ atthi nacakkhāyatanaṁ yantaṁ rūpaṁ bāhiraṁ taṁ nasotāyatanaṁ
.pe. Naghānāyatanaṁ .pe. Najivhāyatanaṁ .pe. Nakāyāyatanaṁ
yantaṁ rūpaṁ ajjhattikaṁ taṁ atthi kāyāyatanaṁ atthi nakāyāyatanaṁ yantaṁ rūpaṁ
ajjhattikaṁ taṁ narūpāyatanaṁ yantaṁ rūpaṁ bāhiraṁ taṁ atthi rūpāyatanaṁ atthi narūpāyatanaṁ
yantaṁ rūpaṁ ajjhattikaṁ taṁ nasaddāyatanaṁ .pe. Nagandhāyatanaṁ .pe.
Narasāyatanaṁ .pe. Naphoṭṭhabbāyatanaṁ yantaṁ rūpaṁ bāhiraṁ taṁ atthi phoṭṭhabbāyatanaṁ
atthi naphoṭṭhabbāyatanaṁ. Yantaṁ rūpaṁ bāhiraṁ taṁ nacakkhudhātu yantaṁ
rūpaṁ ajjhattikaṁ taṁ atthi cakkhudhātu atthi nacakkhudhātu yantaṁ rūpaṁ bāhiraṁ taṁ
nasotadhātu .pe. Naghānadhātu .pe. Najivhādhātu .pe. Nakāyadhātu
yantaṁ rūpaṁ ajjhattikaṁ taṁ atthi kāyadhātu atthi nakāyadhātu yantaṁ
rūpaṁ ajjhattikaṁ taṁ narūpadhātu yantaṁ rūpaṁ bāhiraṁ taṁ atthi rūpadhātu atthi narūpadhātu
yantaṁ rūpaṁ ajjhattikaṁ taṁ nasaddadhātu .pe. Nagandhadhātu .pe.
Narasadhātu .pe. Naphoṭṭhabbadhātu yantaṁ rūpaṁ bāhiraṁ taṁ atthi phoṭṭhabbadhātu
atthi naphoṭṭhabbadhātu. Yantaṁ rūpaṁ bāhiraṁ taṁ nacakkhundriyaṁ yantaṁ
rūpaṁ ajjhattikaṁ taṁ atthi cakkhundriyaṁ atthi nacakkhundriyaṁ yantaṁ rūpaṁ bāhiraṁ
taṁ nasotindriyaṁ .pe. Naghānindriyaṁ .pe. Najivhindriyaṁ .pe.
Nakāyindriyaṁ yantaṁ rūpaṁ ajjhattikaṁ taṁ atthi kāyindriyaṁ atthi nakāyindriyaṁ
yantaṁ rūpaṁ ajjhattikaṁ taṁ naitthindriyaṁ yantaṁ rūpaṁ bāhiraṁ taṁ atthi
itthindriyaṁ atthi naitthindriyaṁ yantaṁ rūpaṁ ajjhattikaṁ taṁ napurisindriyaṁ
yantaṁ rūpaṁ bāhiraṁ taṁ atthi purisindriyaṁ atthi napurisindriyaṁ yantaṁ rūpaṁ
ajjhattikaṁ taṁ najīvitindriyaṁ yantaṁ rūpaṁ bāhiraṁ taṁ atthi jīvitindriyaṁ atthi
najīvitindriyaṁ. Yantaṁ rūpaṁ ajjhattikaṁ taṁ nakāyaviññatti yantaṁ rūpaṁ bāhiraṁ taṁ
atthi kāyaviññatti atthi nakāyaviññatti yantaṁ rūpaṁ ajjhattikaṁ taṁ navacīviññatti
yantaṁ rūpaṁ bāhiraṁ taṁ atthi vacīviññatti atthi navacīviññatti yantaṁ rūpaṁ
ajjhattikaṁ taṁ nāakāsadhātu yantaṁ rūpaṁ bāhiraṁ taṁ atthi ākāsadhātu atthi
nāakāsadhātu yantaṁ rūpaṁ ajjhattikaṁ taṁ nāapodhātu yantaṁ rūpaṁ bāhiraṁ taṁ atthi
āpodhātu atthi nāapodhātu yantaṁ rūpaṁ ajjhattikaṁ taṁ rūpassa nalahutā yantaṁ rūpaṁ
bāhiraṁ taṁ atthi rūpassa lahutā atthi rūpassa nalahutā yantaṁ rūpaṁ ajjhattikaṁ
taṁ rūpassa namudutā yantaṁ rūpaṁ bāhiraṁ taṁ atthi rūpassa mudutā atthi rūpassa
namudutā yantaṁ rūpaṁ ajjhattikaṁ taṁ rūpassa nakammaññatā yantaṁ rūpaṁ bāhiraṁ
taṁ atthi rūpassa kammaññatā atthi rūpassa nakammaññatā yantaṁ rūpaṁ
ajjhattikaṁ taṁ rūpassa naupacayo yantaṁ rūpaṁ bāhiraṁ taṁ atthi rūpassa upacayo
Atthi rūpassa naupacayo yantaṁ rūpaṁ ajjhattikaṁ taṁ rūpassa nasantati yantaṁ
rūpaṁ bāhiraṁ taṁ atthi rūpassa santati atthi rūpassa nasantati yantaṁ rūpaṁ ajjhattikaṁ
taṁ rūpassa najaratā yantaṁ rūpaṁ bāhiraṁ taṁ atthi rūpassa jaratā atthi
rūpassa najaratā yantaṁ rūpaṁ ajjhattikaṁ taṁ rūpassa nāniccatā yantaṁ rūpaṁ
bāhiraṁ taṁ atthi rūpassa aniccatā atthi rūpassa nāniccatā yantaṁ rūpaṁ
ajjhattikaṁ taṁ na kabaḷiṁkāro āhāro yantaṁ rūpaṁ bāhiraṁ taṁ atthi kabaḷiṁkāro
āhāro atthi na kabaḷiṁkāro āhāro evaṁ tividhena rūpasaṅgaho.
Tikaṁ.

[506] Catubbidhena rūpasaṅgaho yantaṁ rūpaṁ upādā taṁ atthi upādinnaṁ
atthi anupādinnaṁ yantaṁ rūpaṁ anupādā taṁ atthi upādinnaṁ atthi
anupādinnaṁ yantaṁ rūpaṁ upādā taṁ atthi upādinnupādāniyaṁ atthi
anupādinnupādāniyaṁ yantaṁ rūpaṁ anupādā taṁ atthi upādinnupādāniyaṁ atthi
anupādinnupādāniyaṁ yantaṁ rūpaṁ upādā taṁ atthi sappaṭighaṁ atthi appaṭighaṁ
yantaṁ rūpaṁ anupādā taṁ atthi sappaṭighaṁ atthi appaṭighaṁ yantaṁ rūpaṁ upādā
taṁ atthi oḷārikaṁ atthi sukhumaṁ yantaṁ rūpaṁ anupādā taṁ atthi oḷārikaṁ atthi
sukhumaṁ yantaṁ rūpaṁ upādā taṁ atthi dūre atthi santike yantaṁ rūpaṁ anupādā
taṁ atthi dūre atthi santike. Yantaṁ rūpaṁ upādinnaṁ taṁ atthi sanidassanaṁ
atthi anidassanaṁ yantaṁ rūpaṁ anupādinnaṁ taṁ atthi sanidassanaṁ atthi anidassanaṁ
yantaṁ rūpaṁ upādinnaṁ taṁ atthi sappaṭighaṁ atthi appaṭighaṁ yantaṁ rūpaṁ anupādinnaṁ
taṁ atthi sappaṭighaṁ atthi appaṭighaṁ yantaṁ rūpaṁ upādinnaṁ taṁ atthi mahābhūtaṁ
Atthi namahābhūtaṁ yantaṁ rūpaṁ anupādinnaṁ taṁ atthi mahābhūtaṁ atthi namahābhūtaṁ
yantaṁ rūpaṁ upādinnaṁ taṁ atthi oḷārikaṁ atthi sukhumaṁ yantaṁ rūpaṁ anupādinnaṁ taṁ
atthi oḷārikaṁ atthi sukhumaṁ yantaṁ rūpaṁ upādinnaṁ taṁ atthi dūre atthi
santike yantaṁ rūpaṁ anupādinnaṁ taṁ atthi dūre atthi santike. Yantaṁ rūpaṁ
upādinnupādāniyaṁ taṁ atthi sanidassanaṁ atthi anidassanaṁ yantaṁ rūpaṁ
anupādinnupādāniyaṁ taṁ atthi sanidassanaṁ atthi anidassanaṁ yantaṁ rūpaṁ
upādinnupādāniyaṁ taṁ atthi sappaṭighaṁ atthi appaṭighaṁ yantaṁ rūpaṁ
anupādinnupādāniyaṁ taṁ atthi sappaṭighaṁ atthi appaṭighaṁ yantaṁ rūpaṁ
upādinnupādāniyaṁ taṁ atthi mahābhūtaṁ atthi namahābhūtaṁ yantaṁ rūpaṁ
anupādinnupādāniyaṁ taṁ atthi mahābhūtaṁ atthi namahābhūtaṁ yantaṁ rūpaṁ
upādinnupādāniyaṁ taṁ atthi oḷārikaṁ atthi sukhumaṁ yantaṁ rūpaṁ
anupādinnupādāniyaṁ taṁ atthi oḷārikaṁ atthi sukhumaṁ yantaṁ rūpaṁ
upādinnupādāniyaṁ taṁ atthi dūre atthi santike yantaṁ rūpaṁ anupādinnupādāniyaṁ
taṁ atthi dūre atthi santike. Yantaṁ rūpaṁ sappaṭighaṁ taṁ atthi indriyaṁ
atthi naindriyaṁ yantaṁ rūpaṁ appaṭighaṁ taṁ atthi indriyaṁ atthi naindriyaṁ
yantaṁ rūpaṁ sappaṭighaṁ taṁ atthi mahābhūtaṁ atthi namahābhūtaṁ yantaṁ rūpaṁ appaṭighaṁ taṁ
atthi mahābhūtaṁ atthi namahābhūtaṁ. Yantaṁ rūpaṁ indriyaṁ taṁ atthi oḷārikaṁ
atthi sukhumaṁ yantaṁ rūpaṁ naindriyaṁ taṁ atthi oḷārikaṁ atthi sukhumaṁ yantaṁ
rūpaṁ indriyaṁ taṁ atthi dūre atthi santike yantaṁ rūpaṁ naindriyaṁ taṁ atthi
dūre atthi santike. Yantaṁ rūpaṁ mahābhūtaṁ taṁ atthi oḷārikaṁ atthi sukhumaṁ yantaṁ
rūpaṁ namahābhūtaṁ taṁ atthi oḷārikaṁ atthi sukhumaṁ yantaṁ rūpaṁ mahābhūtaṁ taṁ atthi dūre
Atthi santike yantaṁ rūpaṁ namahābhūtaṁ taṁ atthi dūre atthi santike. Diṭṭhaṁ
sutaṁ mutaṁ viññātaṁ rūpaṁ evaṁ catubbidhena rūpasaṅgaho.
Catukkaṁ.

[507] Pañcavidhena rūpasaṅgaho paṭhavīdhātu āpodhātu tejodhātu
vāyodhātu yañca rūpaṁ upādā evaṁ pañcavidhena rūpasaṅgaho.
Pañcakaṁ.

[508] Chabbidhena rūpasaṅgaho cakkhuviññeyyaṁ rūpaṁ sotaviññeyyaṁ
rūpaṁ ghānaviññeyyaṁ rūpaṁ jivhāviññeyyaṁ rūpaṁ kāyaviññeyyaṁ rūpaṁ manoviññeyyaṁ
rūpaṁ evaṁ chabbidhena rūpasaṅgaho.
Chakkaṁ.

[509] Sattavidhena rūpasaṅgaho cakkhuviññeyyaṁ rūpaṁ sotaviññeyyaṁ
rūpaṁ ghānaviññeyyaṁ rūpaṁ jivhāviññeyyaṁ rūpaṁ kāyaviññeyyaṁ rūpaṁ
manodhātuviññeyyaṁ rūpaṁ manoviññāṇadhātuviññeyyaṁ rūpaṁ evaṁ sattavidhena
rūpasaṅgaho.
Sattakaṁ.