[236] Sallekhoti kāmacchando asallekho nekkhammaṁ
1 Ma. Yu. puthunānattekattatejapariyādāne. evamuparipi. 2-3 Ma. Yu. paññatejena ...
duppaññatejaṁ.
Sallekho byāpādo asallekho abyāpādo sallekho thīnamiddhaṁ
asallekho ālokasaññā sallekho uddhaccaṁ asallekho
avikkhepo sallekho vicikicchā asallekho dhammavavatthānaṁ
sallekho avijjā asallekho ñāṇaṁ sallekho arati asallekho
pāmujjaṁ sallekho nīvaraṇā asallekho paṭhamajjhānaṁ sallekho .pe.
Sabbakilesā asallekho arahattamaggo sallekho taṁ ñātaṭṭhena
ñāṇaṁ pajānanaṭṭhena paññā tena vuccati puthunānattatejapariyādāne
paññā sallekhaṭṭhe ñāṇaṁ.
-------

[237] Kathaṁ asallīnattapahitattapaggahaṭṭhe paññā viriyārambhe
ñāṇaṁ. Anuppannānaṁ pāpakānaṁ akusalānaṁ dhammānaṁ anuppādāya
asallīnattapahitattapaggahaṭṭhe paññā viriyārambhe ñāṇaṁ uppannānaṁ
pāpakānaṁ akusalānaṁ dhammānaṁ pahānāya asallīnattapahitattapaggahaṭṭhe
paññā viriyārambhe ñāṇaṁ anuppannānaṁ kusalānaṁ dhammānaṁ
uppādāya asallīnattapahitattapaggahaṭṭhe paññā viriyārambhe
ñāṇaṁ uppannānaṁ kusalānaṁ dhammānaṁ ṭhitiyā asammosāya bhiyyobhāvāya
vepullāya bhāvanāya pāripūriyā asallīnattapahitattapaggahaṭṭhe
paññā viriyārambhe ñāṇaṁ.

[238] Anuppannassa kāmacchandassa anuppādāya
asallīnattapahitattapaggahaṭṭhe paññā viriyārambhe ñāṇaṁ uppannassa
kāmacchandassa pahānāya asallīnattapahitattapaggahaṭṭhe paññā
viriyārambhe ñāṇaṁ anuppannassa nekkhammassa uppādāya
asallīnattapahitattapaggahaṭṭhe paññā viriyārambhe ñāṇaṁ uppannassa
nekkhammassa ṭhitiyā asammosāya bhiyyobhāvāya .pe. Pāripūriyā
asallīnattapahitattapaggahaṭṭhe paññā viriyārambhe ñāṇaṁ .pe.
Anuppannānaṁ sabbakilesānaṁ anuppādāya asallīnattapahitattapaggahaṭṭhe
paññā viriyārambhe ñāṇaṁ uppannānaṁ sabbakilesānaṁ pahānāya
asallīnattapahitattapaggahaṭṭhe paññā viriyārambhe ñāṇaṁ .pe.
Anuppannassa arahattamaggassa uppādāya asallīnattapahitattapaggahaṭṭhe
paññā viriyārambhe ñāṇaṁ uppannassa arahattamaggassa
ṭhitiyā asammosāya bhiyyobhāvāya vepullāya bhāvanāya pāripūriyā
asallīnattapahitattapaggahaṭṭhe paññā viriyārambhe ñāṇaṁ taṁ
ñātaṭṭhena ñāṇaṁ pajānanaṭṭhena paññā tena vuccati
asallīnattapahitattapaggahaṭṭhe paññā viriyārambhe ñāṇaṁ.
---------

[239] Kathaṁ nānādhammappakāsanatāpaññā atthasandassane
ñāṇaṁ. Nānādhammāti pañcakkhandhā dvādasāyatanāni aṭṭhārasa
dhātuyo kusalā dhammā akusalā dhammā abyākatā dhammā
Kāmāvacarā dhammā rūpāvacarā dhammā arūpavacarā dhammā
apariyāpannā dhammā.

[240] Pakāsanatāti rūpaṁ aniccato pakāseti rūpaṁ dukkhato
pakāseti rūpaṁ anattato pakāseti vedanaṁ saññaṁ saṅkhāre
viññāṇaṁ cakkhuṁ .pe. Jarāmaraṇaṁ aniccato pakāseti jarāmaraṇaṁ
dukkhato pakāseti jarāmaraṇaṁ anattato pakāseti.

[241] Atthasandassaneti kāmacchandaṁ pajahanto nekkhammatthaṁ 1
sandasseti byāpādaṁ pajahanto abyāpādatthaṁ sandasseti thīnamiddhaṁ
pajahanto ālokasaññatthaṁ sandasseti uddhaccaṁ pajahanto
avikkhepatthaṁ sandasseti vicikicchaṁ pajahanto dhammavavatthānatthaṁ
sandasseti avijjaṁ pajahanto ñāṇatthaṁ sandasseti aratiṁ pajahanto
pāmujjatthaṁ sandasseti nīvaraṇe pajahanto paṭhamajjhānatthaṁ
sandasseti .pe. Sabbakilese pajahanto arahattamaggatthaṁ sandasseti
taṁ ñātaṭṭhena ñāṇaṁ pajānanaṭṭhena paññā tena vuccati
nānādhammappakāsanatāpaññā atthasandassane ñāṇaṁ.
---------

[242] Kathaṁ sabbadhammānaṁ ekasaṅgahatānānattekattapaṭivedhe
paññā dassanavisuddhiñāṇaṁ.
Sabbadhammānanti pañcakkhandhā .pe. Apariyāpannā dhammā.
1 Sī. nekkhammattantyādi pāṭho dissati.
Ekasaṅgahatāti dvādasahi ākārehi sabbe dhammā
ekasaṅgahitā 1 tathaṭṭhena anattaṭṭhena saccaṭṭhena paṭivedhaṭṭhena
abhijānanaṭṭhena parijānanaṭṭhena dhammaṭṭhena dhātaṭṭhena ñātaṭṭhena
sacchikiriyaṭṭhena phusanaṭṭhena abhisamayaṭṭhena imehi dvādasahi
ākārehi sabbe dhammā ekasaṅgahitā.
Nānattekattanti kāmacchando nānattaṁ nekkhammaṁ
ekattaṁ .pe. Sabbakilesā nānattaṁ arahattamaggo ekattaṁ.
Paṭivedheti dukkhasaccaṁ pariññāpaṭivedhaṁ paṭivijjhati samudayasaccaṁ
pahānappaṭivedhaṁ paṭivijjhati nirodhasaccaṁ sacchikiriyāpaṭivedhaṁ paṭivijjhati
maggasaccaṁ bhāvanāpaṭivedhaṁ paṭivijjhati.
Dassanavisuddhīti sotāpattimaggakkhaṇe dassanaṁ visujjhati
sotāpattiphalakkhaṇe dassanaṁ visuddhaṁ sakadāgāmimaggakkhaṇe dassanaṁ
visujjhati sakadāgāmiphalakkhaṇe dassanaṁ visuddhaṁ anāgāmimaggakkhaṇe
dassanaṁ visujjhati anāgāmiphalakkhaṇe dassanaṁ visuddhaṁ arahattamaggakkhaṇe
dassanaṁ visujjhati arahattaphalakkhaṇe dassanaṁ
visuddhaṁ taṁ ñātaṭṭhena ñāṇaṁ pajānanaṭṭhena paññā tena
vuccati sabbadhammānaṁ ekasaṅgahatānānattekattapaṭivedhe paññā
dassanavisuddhiñāṇaṁ.
---------

[243] Kathaṁ viditattā paññā khantiñāṇaṁ. Rūpaṁ aniccato
1 Yu. ekasaṅgahatā. evamuparipi.
Viditaṁ rūpaṁ dukkhato viditaṁ rūpaṁ anattato viditaṁ yaṁ yaṁ
viditaṁ taṁ taṁ khamatīti viditattā paññā khantiñāṇaṁ vedanaṁ 1
saññaṁ saṅkhāre viññāṇaṁ cakkhuṁ .pe. Jarāmaraṇaṁ aniccato
viditaṁ jaramaraṇaṁ dukkhato viditaṁ jarāmaraṇaṁ anattato viditaṁ
yaṁ yaṁ viditaṁ taṁ taṁ khamatīti viditattā paññā khantiñāṇaṁ taṁ
ñātaṭṭhena ñāṇaṁ pajānanaṭṭhena paññā tena vuccati
viditattā paññā khantiñāṇaṁ.
---------

[244] Kathaṁ phuṭṭhattā paññā pariyogāhane 2 ñāṇaṁ.
Rūpaṁ aniccato phusati rūpaṁ dukkhato phusati rūpaṁ anattato phusati
yaṁ yaṁ phusati taṁ taṁ pariyogāhatīti phuṭṭhattā paññā pariyogāhane
ñāṇaṁ vedanaṁ saññaṁ saṅkhāre viññāṇaṁ cakkhuṁ .pe.
Jarāmaraṇaṁ aniccato phusati dukkhato phusati anattato phusati
yaṁ yaṁ phusati taṁ taṁ pariyogāhatīti phuṭṭhattā paññā pariyogāhane
ñāṇaṁ taṁ ñātaṭṭhena ñāṇaṁ pajānanaṭṭhena paññā tena
vuccati phuṭṭhattā paññā pariyogāhane ñāṇaṁ.
---------

[245] Kathaṁ samodahane paññā padesavihāre ñāṇaṁ.
Micchādiṭṭhipaccayāpi vedayitaṁ micchādiṭṭhivūpasamapaccayāpi vedayitaṁ
1 Ma. Yu. vedanā ... viññāṇaṁ. 2 pariyogahanetipi pāṭho.
Sammādiṭṭhipaccayāpi vedayitaṁ sammādiṭṭhivūpasamapaccayāpi vedayitaṁ
micchāsaṅkappapaccayāpi vedayitaṁ micchāsaṅkappavūpasamapaccayāpi
vedayitaṁ sammāsaṅkappapaccayāpi vedayitaṁ sammāsaṅkappavūpasamapaccayāpi
vedayitaṁ .pe. Micchāvimuttipaccayāpi vedayitaṁ micchāvimuttivūpasamapaccayāpi
vedayitaṁ sammāvimuttipaccayāpi vedayitaṁ
sammāvimuttivūpasamapaccayāpi vedayitaṁ chandapaccayāpi vedayitaṁ
chandavūpasamapaccayāpi vedayitaṁ vitakkapaccayāpi vedayitaṁ vitakkavūpasamapaccayāpi
vedayitaṁ saññāpaccayāpi vedayitaṁ saññāvūpasamapaccayāpi
vedayitaṁ chando ca avūpasanto hoti vitakkā 1
ca avūpasantā honti saññā ca avūpasantā honti
tappaccayāpi vedayitaṁ chando ca vūpasanto hoti vitakkā 2 ca
avūpasantā honti saññā 2 ca avūpasantā honti tappaccayāpi
vedayitaṁ chando ca vūpasanto hoti vitakkā ca vūpasantā
honti saññā ca avūpasantā honti tappaccayāpi
vedayitaṁ chando ca vūpasanto hoti vitakkā ca vūpasantā
honti saññā ca vūpasantā honti na tappaccayāpi
vedayitaṁ appattassa pattiyā atthi āyavaṁ 3 tasmiṁ 4 ṭhāne
anuppatte tappaccayāpi vedayitaṁ taṁ ñātaṭṭhena ñāṇaṁ
1 Ma. Yu. vitakko ... hoti. evamuparipi. 2 Sī. sabbavāresu vitakkāti ca
saññāti ca ime pāṭhā ekavacanantā dissanti. 3 āyāvantipi pāṭho.
Ma. āsavaṁ. 4 Ma. Yu. tasmiṁpi.
Pajānanaṭṭhena paññā tena vuccati samodahane paññā
padesavihāre ñāṇaṁ.
--------