[176] Aparāpi catasso bhūmiyo cattāro satipaṭṭhānā
cattāro sammappadhānā cattāro iddhipādā cattāri jhānāni
catasso appamaññāyo catasso arūpāvacarasamāpattiyo catasso
paṭisambhidā catasso paṭipadā cattāri ārammaṇāni cattāro
ariyavaṁsā 2 cattāri saṅgahavatthūni cattāri cakkāni cattāri
dhammapadāni imā catasso bhūmiyo taṁ ñātaṭṭhena ñāṇaṁ
pajānanaṭṭhena paññā tena vuccati catudhammavavatthāne paññā
bhūminānatte ñāṇaṁ.
---------

[177] Kathaṁ navadhammavavatthāne paññā dhammanānatte ñāṇaṁ.
1 Ma. Yu. vihārissa. evamuparipi. 2 sabbapotthake cattāri ariyavaṁsānīti dissati.
Kathaṁ dhamme vavattheti. Kāmāvacare dhamme kusalato vavattheti
akusalato vavattheti abyākatato vavattheti rūpāvacare dhamme
kusalato vavattheti abyākatato vavattheti arūpāvacare dhamme
kusalato vavattheti abyākatato vavattheti apariyāpanne dhamme
kusalato vavattheti abyākatato vavattheti.

[178] Kathaṁ kāmāvacare dhamme kusalato vavattheti. Akusalato
vavattheti abyākatato vavattheti dasa kusalakammapathe kusalato
vavattheti dasa akusalakammapathe akusalato vavattheti rūpañca
vipākañca kiriyañca abyākatato vavattheti evaṁ kāmāvacare
dhamme kusalato vavattheti akusalato vavattheti abyākatato vavattheti.

[179] Kathaṁ rūpāvacare dhamme kusalato vavattheti. Abyākatato
vavattheti idhaṭṭhassa cattāri jhānāni kusalato vavattheti
tatrūpapannassa cattāri jhānāni abyākatato vavattheti evaṁ
rūpāvacare dhamme kusalato vavattheti abyākatato vavattheti.

[180] Kathaṁ arūpāvacare dhamme kusalato vavattheti. Abyākatato
vavattheti idhaṭṭhassa catasso arūpāvacarasamāpattiyo kusalato
vavattheti tatrūpapannassa catasso arūpāvacarasamāpattiyo abyākatato
vavattheti evaṁ arūpāvacare dhamme kusalato vavattheti abyākatato
vavattheti.

[181] Kathaṁ apariyāpanne dhamme kusalato vavattheti.
Abyākatato vavattheti. Cattāro ariyamagge kusalato vavattheti
cattāri [1]- sāmaññaphalāni nibbānañca abyākatato vavattheti evaṁ
apariyāpanne dhamme kusalato vavattheti abyākatato vavattheti
evaṁ dhamme vavattheti.

[182] Nava pāmujjamūlakā 2 dhammā aniccato manasikaroto
pāmujjaṁ jāyati pamuditassa pīti jāyati pītimanassa kāyo
passambhati passaddhakāyo sukhaṁ vedeti sukhino cittaṁ samādhiyati
samāhite citte yathābhūtaṁ pajānāti passati yathābhūtaṁ jānaṁ passaṁ
nibbindati nibbindaṁ virajjati virāgā vimuccati dukkhato
manasikaroto pāmujjaṁ jāyati .pe. Anattato manasikaroto pāmujjaṁ
jāyati rūpaṁ aniccato manasikaroto pāmujjaṁ jāyati rūpaṁ
dukkhato manasikaroto .pe. Rūpaṁ anattato .pe. Vedanaṁ saññaṁ
saṅkhāre viññāṇaṁ cakkhuṁ .pe. Jarāmaraṇaṁ aniccato manasikaroto
pāmujjaṁ jāyati .pe. Jarāmaraṇaṁ dukkhato manasikaroto pāmujjaṁ
jāyati jarāmaraṇaṁ anattato manasikaroto pāmujjaṁ jāyati
pamuditassapīti jāyati pītimanassa kāyo passambhati passaddhakāyo
sukhaṁ vedeti sukhino cittaṁ samādhiyati samāhite citte
yathābhūtaṁ pajānāti passati yathābhūtaṁ jānaṁ passaṁ nibbindati
nibbindaṁ virajjati virāgā vimuccati ime nava pāmujjamūlakā
1 Ma. Yu. ca.. 2 Ma. Yu. sabbattha pāmojjamūlakā.
Dhammā.

[183] Nava yoniso manasikāramūlakā dhammā aniccato
yoniso manasikaroto pāmujjaṁ jāyati pamuditassa pīti jāyati
pītimanassa kāyo passambhati passaddhakāyo sukhaṁ vedeti sukhino
cittaṁ samādhiyati samāhitena cittena idaṁ dukkhanti yathābhūtaṁ
pajānāti ayaṁ dukkhasamudayoti yathābhūtaṁ pajānāti ayaṁ dukkhanirodhoti
yathābhūtaṁ pajānāti ayaṁ dukkhanirodhagāminī paṭipadāti yathābhūtaṁ
pajānāti dukkhato yoniso manasikaroto pāmujjaṁ jāyati pamuditassa
pīti jāyati pītimanassa kāyo passambhati passaddhakāyo
sukhaṁ vedeti sukhino cittaṁ samādhiyati samāhitena cittena
idaṁ dukkhanti yathābhūtaṁ pajānāti ayaṁ dukkhasamudayoti yathābhūtaṁ
pajānāti ayaṁ dukkhanirodhoti yathābhūtaṁ pajānāti ayaṁ dukkhanirodhagāminī
paṭipadāti yathābhūtaṁ pajānāti anattato yoniso manasikaroto
pāmujjaṁ jāyati .pe. Rūpaṁ aniccato yoniso manasikaroto
pāmujjaṁ jāyati rūpaṁ dukkhato yoniso manasikaroto pāmujjaṁ
jāyati rūpaṁ anattato yoniso manasikaroto pāmujjaṁ
jāyati .pe. Vedanaṁ saññaṁ saṅkhāre viññāṇaṁ cakkhuṁ .pe.
Jarāmaraṇaṁ aniccato yoniso manasikaroto pāmujjaṁ jāyati jarāmaraṇaṁ
dukkhato yoniso manasikaroto pāmujjaṁ jāyati .pe. Jarāmaraṇaṁ
anattato yoniso manasikaroto pāmujjaṁ jāyati pamuditassa
Pīti jāyati pītimanassa kāyo passambhati passaddhakāyo
sukhaṁ vedeti sukhino cittaṁ samādhiyati samāhitena cittena idaṁ
dukkhanti yathābhūtaṁ pajānāti ayaṁ dukkhasamudayoti yathābhūtaṁ pajānāti
ayaṁ dukkhanirodhoti yathābhūtaṁ pajānāti ayaṁ dukkhanirodhagāminī
paṭipadāti yathābhūtaṁ pajānāti ime nava yoniso manasikāramūlakā
dhammā.

[184] Nava nānattā dhātunānattaṁ paṭicca uppajjati
phassanānattaṁ phassanānattaṁ paṭicca uppajjati vedanānānattaṁ
vedanānānattaṁ paṭicca uppajjati saññānānattaṁ saññānānattaṁ
paṭicca uppajjati saṅkappanānattaṁ saṅkappanānattaṁ paṭicca
uppajjati chandanānattaṁ chandanānattaṁ paṭicca uppajjati pariḷāhanānattaṁ
pariḷāhanānattaṁ paṭicca uppajjati pariyesanānānattaṁ
pariyesanānānattaṁ paṭicca uppajjati lābhanānattaṁ ime nava
nānattā taṁ ñātaṭṭhena ñāṇaṁ pajānanaṭṭhena paññā tena
vuccati navadhammavavatthāne paññā dhammanānatte ñāṇaṁ.
--------

[185] Kathaṁ abhiññāpaññā ñātaṭṭhena 1 ñāṇaṁ. Pariññāpaññā
tīraṇaṭṭhena 2 ñāṇaṁ pahānapaññā pariccāgaṭṭhena 3 ñāṇaṁ
bhāvanāpaññā ekarasaṭṭhena 4 ñāṇaṁ sacchikiriyāpaññā phassanaṭṭhena 5
ñāṇaṁ ye ye dhammā abhiññātā honti te te dhammā
1-2-3-4-5 Ma. Yu. ñātaṭṭhe ... phussanaṭṭhe. evamuparipi.
Ñātā honti ye ye dhammā pariññātā honti te te
dhammā tīritā honti ye ye dhammā pahīnā honti te
te dhammā pariccattā honti ye ye dhammā bhāvitā honti
te te dhammā ekarasā honti ye ye dhammā sacchikatā honti
te te dhammā phusitā honti taṁ ñātaṭṭhena ñāṇaṁ pajānanaṭṭhena
paññā tena vuccati abhiññāpaññā ñātaṭṭhena ñāṇaṁ
pariññāpaññā tīraṇaṭṭhena ñāṇaṁ pahānapaññā pariccāgaṭṭhena
ñāṇaṁ bhāvanāpaññā ekarasaṭṭhena ñāṇaṁ sacchikiriyāpaññā
phassanaṭṭhena ñāṇaṁ.
---------