[58] Kenassu nivuto lokoti nirayaloko tiracchānaloko
pittivisayaloko 3 manussaloko devaloko khandhaloko dhātuloko
āyatanaloko ayaṁ loko paro loko brahmaloko sadevaloko 4
ayaṁ vuccati loko. Ayaṁ loko kena āvuto nivuto ophuṭo 5
pihito paṭicchanno paṭikujjitoti kenassu nivuto loko.

[59] Iccāyasmā ajitoti iccāti padasandhi padasaṁsaggo
padapāripūri 6 akkharasamavāyo byañjanasiliṭṭhatā padānupubbakametaṁ 7
iccāti. Āyasmāti piyavacanaṁ garukavacanaṁ sagāravasappatissādhivacanametaṁ
āyasmāti. Ajitoti tassa brāhmaṇassa nāmaṁ saṅkhā
samaññā paññatti vohāro nāmaṁ nāmakammaṁ nāmadheyyaṁ nirutti
byañjanaṁ abhilāpoti iccāyasmā ajito.

[60] Kenassu nappakāsatīti kena loko nappakāsati na bhāsati
na tapati na virocati na saññāyati 8 na paññāyatīti kenassu
1 Ma. māṇavapucchāniddeso. evamuparipi. 2 Ma. Yu. brūsi. evamuparipi.
3 Ma. sabbattha pettivisayaloko. 4 ma devaloko. 5 Ma. ovuto.
6 Ma. padapāripūrī. evamuparipi. 7 Ma. padānupabbatāpetaṁ.
8 Ma. ñāyati. evamuparipi.
Nappakāsati.

[61] Kissābhilepanaṁ brūhīti kiṁ assa 1 lokassa abhilepanaṁ 2 lagganaṁ
bandhanaṁ upakkileso. Kena loko litto [3]- palitto 4 kiliṭṭho
saṅkiliṭṭho makkhito saṁsaṭṭho laggo laggito palibuddho brūhi
ācikkhāhi desehi paññapehi paṭṭhapehi vivarāhi vibhajāhi
uttānīkarohi pakāsehīti kissābhilepanaṁ brūhi.

[62] Kiṁsu tassa mahabbhayanti kiṁ tassa 5 lokassa [6]- mahabbhayaṁ
pīḷanaṁ ghaṭṭanaṁ upaddavo upasaggoti kiṁsu tassa mahabbhayaṁ.
Tenāha so brāhmaṇo
kenassu nivuto loko (iccāyasmā ajito)
kenassu nappakāsati
kissābhilepanaṁ brūhi
kiṁsu tassa mahabbhayanti.

[63] Avijjāya nivuto loko (ajitāti bhagavā)
vevicchā (pamādā) nappakāsati
jappābhilepanaṁ brūmi
dukkhamassa mahabbhayaṁ.

[64] Avijjāya nivuto lokoti avijjāti dukkhe añāṇaṁ
dukkhasamudaye añāṇaṁ dukkhanirodhe añāṇaṁ dukkhanirodhagāminiyā
paṭipadāya añāṇaṁ pubbante añāṇaṁ aparante añāṇaṁ
1 Ma. ayaṁ pāṭho natthi. 2 Ma. lepanaṁ. 3 Ma. saṁlitto. 4 Ma. upalitto.
5 Ma. ayaṁ pāṭho natthi. 6 Ma. bhayaṁ.
Pubbantāparante añāṇaṁ idappaccayatāpaṭiccasamuppannesu dhammesu
añāṇaṁ yaṁ evarūpaṁ añāṇaṁ adassanaṁ anabhisamayo
ananubodho asambodho appaṭivedho asaṅgāhanā apariyogāhanā
asamapekkhanā apaccavekkhanā apaccakkhakammaṁ 1 dummejjhaṁ bālyaṁ
asampajaññaṁ [2]- pamoho sampamoho 3 [4]- avijjogho avijjāyogo
avijjānusayo avijjāpariyuṭṭhānaṁ avijjājālaṁ 5 moho akusalamūlaṁ ayaṁ
vuccati avijjā. Lokoti nirayaloko tiracchānaloko pittivisayaloko
manussaloko devaloko khandhaloko dhātuloko āyatanaloko
ayaṁ loko paro loko brahmaloko sadevaloko ayaṁ vuccati
loko. [6]- Imāya avijjāya āvuto nivuto ophuṭo pihito
paṭicchanno paṭikujjitoti avijjāya nivuto loko.

[65] Ajitāti bhagavā taṁ brāhmaṇaṁ nāmena ālapati.
Bhagavāti gāravādhivacanametaṁ. Apica bhaggarāgoti bhagavā.
Bhaggadosoti bhagavā. Bhaggamohoti bhagavā. Bhaggamānoti bhagavā.
Bhaggadiṭṭhīti bhagavā. Bhaggakaṇṭakoti bhagavā. Bhaggakilesoti
bhagavā. Bhaji vibhaji paṭivibhaji dhammaratananti bhagavā. Bhavānaṁ
antakaroti bhagavā. Bhāvitakāyoti bhagavā. Bhāvitasīloti
bhāvitacittoti bhāvitapaññoti 7 bhagavā. Bhaji vā bhagavā
araññavanapatthāni pantāni senāsanāni appasaddāni appanigghosāni
vijanavātāni manussarāhaseyyakāni 8 paṭisallānasārūpānīti bhagavā.
1 Ma. apaccavekkhaṇā apaccavekkhaṇakammaṁ. 2 Ma. moho. 3 Ma. sammoho.
4 Ma. avijjā. 5 Ma. avijjālaṅgī. 6 Ma. ayaṁ loko. 7 Ma. bhāvitakāyo, bhāvitasīlo,
bhāvitacitto, bhāvitapaññoti. 8 Ma. manussarāhasseyyakāni. evamuparipi.
Bhāgī vā bhagavā cīvarapiṇḍapātasenāsanagilānapaccayabhesajjaparikkhārānanti
bhagavā. Bhāgī vā bhagavā attharasassa dhammarasassa vimuttirasassa
adhisīlassa adhicittassa adhipaññāyāti bhagavā. Bhāgī
vā bhagavā catunnaṁ jhānānaṁ catunnaṁ appamaññānaṁ catunnaṁ
arūpasamāpattīnanti bhagavā. Bhāgī vā bhagavā aṭṭhannaṁ vimokkhānaṁ
aṭṭhannaṁ abhibhāyatanānaṁ navannaṁ anapubbavihārasamāpattīnanti 1 bhagavā.
Bhāgī vā bhagavā dasannaṁ saññābhāvanānaṁ dasannaṁ kasiṇasamāpattīnaṁ
anāpānassatisamādhissa asubhasamāpattiyāti bhagavā. Bhāgī vā
bhagavā catunnaṁ satipaṭṭhānānaṁ catunnaṁ sammappadhānānaṁ catunnaṁ
iddhipādānaṁ pañcannaṁ indriyānaṁ pañcannaṁ balānaṁ sattannaṁ
bojjhaṅgānaṁ ariyassa aṭṭhaṅgikassa maggassāti bhagavā. Bhāgī
vā bhagavā dasannaṁ tathāgatabalānaṁ catunnaṁ vesārajjānaṁ catunnaṁ
paṭisambhidānaṁ channaṁ abhiññānaṁ channaṁ buddhadhammānanti bhagavā.
Bhagavāti netaṁ nāmaṁ mātarā kataṁ na pitarā kataṁ na bhātarā kataṁ
na bhaginiyā kataṁ na mittāmaccehi kataṁ na ñātisālohitehi kataṁ
na samaṇabrāhmaṇehi kataṁ na devatāhi kataṁ vimokkhantikametaṁ
buddhānaṁ bhagavantānaṁ bodhiyā mūle saha sabbaññutañāṇassa
paṭilābhā sacchikā paññatti yadidaṁ bhagavāti ajitāti bhagavā.

[66] Vevicchā pamādā nappakāsatīti vevicchaṁ vuccanti
pañca macchariyāni āvāsamacchariyaṁ kulamacchariyaṁ lābhamacchariyaṁ
1 Ma. anupubbasamāpattīnanti.
Vaṇṇamacchariyaṁ dhammamacchariyaṁ yaṁ evarūpaṁ macchariyaṁ 1 maccharāyanā
maccharāyitattaṁ vevicchaṁ kadariyaṁ kaṭukañcakatā 2 aggahitattaṁ cittassa idaṁ
vuccati macchariyaṁ. Apica khandhamacchariyaṁpi macchariyaṁ dhātumacchariyaṁpi
macchariyaṁ āyatanamacchariyaṁpi macchariyaṁ gāho vuccati macchariyaṁ.
Pamādo vattabbo kāyaduccarite vā vacīduccarite vā manoduccarite
vā pañcasu vā kāmaguṇesu cittassa vossaggo vossaggānuppadānaṁ 3
kusalānaṁ vā dhammānaṁ bhāvanāya asakkaccakiriyatā
asātaccakiriyatā anaṭṭhitatā 4 olīnavuttitā nikkhittacchandatā nikkhittadhuratā
anāsevanā abhāvanā abahulīkammaṁ anadhiṭṭhānaṁ ananuyogo
pamādo yo evarūpo pamādo pamajjanā pamajjitattaṁ ayaṁ vuccati
pamādo. Vevicchā pamādā nappakāsatīti iminā macchariyena iminā
pamādena loko nappakāsati na bhāsati na tapati na virocati na
saññāyati na paññāyatīti vevicchā pamādā nappakāsati.

[67] Jappābhilepanaṁ brūmīti jappā vuccati taṇhā yo
rāgo sārāgo anunayo anurodho nandi 5 nandirāgo cittassa
sārāgo icchā mucchā ajjhosānaṁ gedho paligedho saṅgo
paṅko ejā māyā janikā sañjananī sibbinī jālinī saritā
visattikā sottaṁ visatā 6 āyūhanī dutiyā paṇidhi bhavanetti vanaṁ
vanatho santhavo sineho apekkhā paṭibaddhā 7 āsā āsiṁsanā 8
āsiṁsitattaṁ rūpāsā saddāsā gandhāsā rasāsā phoṭṭhabbāsā
1 Ma. maccheraṁ. 2 Ma. kaṭukañcukatā. 3 Ma. vosaggo vosaggānuppadānaṁ.
4 Ma. anaṭṭhitakiriyatā. 5 Ma. nandī. evamuparipi. 6 Ma. suttaṁ visaṭā.
7 Ma. paṭibandhu. 8 Ma. sabbattha āsīsa ....
Lābhāsā dhanāsā puttāsā jīvitāsā jappā pajappā abhijappā
jappanā jappitattaṁ loluppā 1 loluppāyanā loluppāyitattaṁ
pucchañcikatā 2 sādhukamyatā adhammarāgo visamalobho nikanti
nikāmanā patthanā pihanā sampatthanā kāmataṇhā bhavataṇhā
vibhavataṇhā rūpataṇhā arūpataṇhā nirodhataṇhā rūpataṇhā
saddataṇhā gandhataṇhā rasataṇhā phoṭṭhabbataṇhā dhammataṇhā
ogho yogo gantho upādānaṁ āvaraṇaṁ nīvaraṇaṁ chadanaṁ bandhanaṁ
upakkileso anusayo pariyuṭṭhānaṁ latā vevicchaṁ dukkhamūlaṁ dukkhanidānaṁ
dukkhappabhavo mārapāso mārabaḷisaṁ [3]- māravisayo [4]- māragocaro
mārabandhanaṁ taṇhānadī taṇhājālaṁ taṇhāgaddalaṁ 5 taṇhāsamuddo
abhijjhā lobho akusalamūlaṁ ayaṁ vuccati jappā. Lokassa lepanaṁ
lagganaṁ bandhanaṁ upakkileso imāya jappāya loko litto [6]- palitto 7
kiliṭṭho saṅkiliṭṭho makkhito saṁsaṭṭho laggo laggito palibuddho.
Brūmi ācikkhāmi desemi paññapemi paṭṭhapemi vivarāmi vibhajāmi
uttānīkaromi pakāsemīti jappābhilepanaṁ brūmi.