[48] Pucchaṁ hi kañci 5 asuṇanto sutvā pañhe viyākate
vicinteti jano sabbo vedajāto katañjali 6 .

[49] Ko nu devova 7 brahmā vā indo vāpi sujampati
manasā pucchite pañhe kametaṁ paṭibhāsati.

[50] Muddhaṁ muddhādhipātañca bāvarī paripucchati
taṁ byākarohi bhagavā kaṅkhaṁ vinaya no ise.
1 Ma. buddhaṁ. 2 Ma. pītaraṁsiṁva. 3 Ma. paripūraṁ. 4 Ma. tīṇissa.
5 Ma. kiñci. 6 Ma. katañjalī. 7 Ma. devo vā.

[51] Avijjā muddhāti jānāhi vijjā muddhādhipātinī
saddhāsatisamādhīhi chandaviriyena 1 saṁyutā.

[52] Tato vedena mahatā santhambhitvāna 2 māṇavo
ekaṁsaṁ ajinaṁ katvā pādesu sirasā pati.

[53] Bāvarī brāhmaṇo koto saha sissehi mārisa
udaggacitto sumano pāde vandati cakkhuma.

[54] Sukhito bāvarī hotu saha sissehi brāhmaṇo
tvañcāpi sukhito hohi ciraṁ jīvāhi māṇava.

[55] Bāvarissa ca tuyhaṁ vā sabbesaṁ sabbasaṁsayaṁ
katāvakāsā pucchavho yaṅkiñci manasicchatha.

[56] Sambuddhena katokāso nisīditvāna pañjali 3
ajito paṭhamaṁ pañhaṁ tattha pucchi tathāgataṁ.
Vatthugāthā niṭṭhitā.
[4]-
-------------
1 Ma. sabbattha chandavīriyena. 2 Ma. santhambhetvāna. 3 Ma. pañjalī. evamupari.
4 Ma. etthantare ajitamāṇavapucchāya paṭaṭhāya yāva parāyanānugītigāthāpariyosānā sabbesaṁ
māṇavakānañceva buddhassaca pañhāpucchāvisajjanaṁ atthi. syāmapoṭṭhake panetaṁ natthi.
Ajitamāṇavakapañhāniddeso 1

[57] Kenassu nivuto loko (iccāyasmā ajito)
kenassu nappakāsati
kissābhilepanaṁ brūhi 2
kiṁsu tassa mahabbhayaṁ.