[25] Tena kho pana samayena bārāṇasiyaṁ yaso nāma kulaputto
seṭṭhiputto sukhumālo hoti. Tassa tayo pāsādā honti
1 vimuttamhītipi pāṭho.
Eko hemantiko eko gimhiko eko vassiko. So
vassike pāsāde cattāro māse 1 nippurisehi turiyehi paricārayamāno 2
na heṭṭhāpāsādaṁ 3 orohati. Athakho yasassa kulaputtassa pañcahi
kāmaguṇehi samappitassa samaṅgibhūtassa paricārayamānassa paṭikacceva 4
niddā okkami parijanassapi pacchā niddā okkami. Sabbarattiyo
ca telappadīpo jhāyati. Athakho yaso kulaputto
paṭikacceva pabujjhitvā 5 addasa sakaṁ parijanaṁ supantaṁ aññissā
kacche vīṇaṁ aññissā kaṇṭhe mudiṅgaṁ 6 aññissā ure 7
ālambaraṁ aññaṁ 8 vikesikaṁ aññaṁ vikheḷikaṁ aññā 9 vippalapantiyo
hatthappattaṁ susānaṁ maññe. Disvānassa ādīnavo pāturahosi
nibbidāya cittaṁ saṇṭhāsi. Athakho yaso kulaputto udānaṁ
udānesi upaddūtaṁ vata bho upassaṭṭhaṁ vata bhoti.
Athakho yaso kulaputto suvaṇṇapādukāyo ārohitvā yena
nivesanadvāraṁ tenupasaṅkami. Amanussā dvāraṁ vivariṁsu mā
yasassa kulaputtassa koci antarāyamakāsi agārasmā anagāriyaṁ
1 Sī. vassike māse. 2 Ma. Yu. paricāriyamāno. 3 Yu. heṭṭhāpāsādā.
4 Sī. Yu. paṭigacceva. 5 Yu. Rā. paṭibujjhitvā.
6 Sī. Yu. mutiṅgaṁ. so pana mrdaṅgoti sakaṭasaddena na sameti.
7 Sī. Ma. Yu. Rā. kacche. 8 Po. aññissā vikesikaṁ vā vikheḷikaṁ
vippalapantiyo. 9 sabbattha na dissatāyaṁ pāṭho aññatra
rāmaññapotthakā. ayampana taṁ anuvattitvā sodhitoti veditabbo.
Pabbajjāyāti. Athakho yaso kulaputto yena nagaradvāraṁ
tenupasaṅkami. Amanussā dvāraṁ vivariṁsu mā yasassa kulaputtassa
koci antarāyamakāsi agārasmā anagāriyaṁ pabbajjāyāti. Athakho
yaso kulaputto yena isipatanaṁ migadāyo tenupasaṅkami.

[26] Tena kho pana samayena bhagavā rattiyā paccūsasamayaṁ
paccuṭṭhāya ajjhokāse caṅkamati 1 . Addasā kho bhagavā yasaṁ
kulaputtaṁ dūrato va āgacchantaṁ disvāna caṅkamā orohitvā
paññatte āsane nisīdi. Athakho yaso kulaputto bhagavato
avidūre udānaṁ udānesi upaddūtaṁ vata bho upassaṭṭhaṁ vata
bhoti. Athakho bhagavā yasaṁ kulaputtaṁ etadavoca idaṁ kho yasa
anupaddūtaṁ idaṁ anupassaṭṭhaṁ ehi yasa nisīda dhammaṁ te
desessāmīti. Athakho yaso kulaputto idaṁ kira anupaddūtaṁ
idaṁ anupassaṭṭhanti haṭṭho udaggo suvaṇṇapādukāhi orohitvā
yena bhagavā tenupasaṅkami upasaṅkamitvā bhagavantaṁ abhivādetvā
ekamantaṁ nisīdi. Ekamantaṁ nisinnassa kho yasassa kulaputtassa
bhagavā anupubbikathaṁ kathesi seyyathīdaṁ dānakathaṁ sīlakathaṁ
saggakathaṁ kāmānaṁ ādīnavaṁ okāraṁ saṅkilesaṁ nekkhamme ānisaṁsaṁ
pakāsesi. Yadā bhagavā aññāsi yasaṁ kulaputtaṁ kallacittaṁ
muducittaṁ vinīvaraṇacittaṁ udaggacittaṁ pasannacittaṁ atha yā buddhānaṁ
sāmukkaṁsikā dhammadesanā taṁ pakāsesi dukkhaṁ samudayaṁ nirodhaṁ maggaṁ.
1 Po. caṅkami.
Seyyathāpi nāma suddhaṁ vatthaṁ apagatakāḷakaṁ sammadeva rajanaṁ
paṭiggaṇheyya evameva yasassa kulaputtassa tasmiṁyevāsane virajaṁ
vītamalaṁ dhammacakkhuṁ udapādi yaṅkiñci samudayadhammaṁ sabbantaṁ
nirodhadhammanti.

[27] Athakho yasassa kulaputtassa mātā pāsādaṁ abhirūhitvā
yasaṁ kulaputtaṁ apassantī yena seṭṭhī gahapati tenupasaṅkami
upasaṅkamitvā seṭṭhiṁ gahapatiṁ etadavoca putto te gahapati
yaso na dissatīti. Athakho seṭṭhī gahapati catuddisā assadūte
uyyojetvā sāmaññeva yena isipatanaṁ migadāyo tenupasaṅkami.
Addasā kho seṭṭhī gahapati suvaṇṇapādukānaṁ nikkhepaṁ disvāna
taññeva anugamā 1 . Addasā kho bhagavā seṭṭhiṁ gahapatiṁ dūrato va
āgacchantaṁ. Disvāna bhagavato etadahosi yannūnāhaṁ tathārūpaṁ
iddhābhisaṅkhāraṁ abhisaṅkhareyyaṁ yathā seṭṭhī gahapati idha nisinno
idha nisinnaṁ yasaṁ kulaputtaṁ na passeyyāti. Athakho bhagavā
tathārūpaṁ iddhābhisaṅkhāraṁ abhisaṅkharesi. Athakho seṭṭhī gahapati
yena bhagavā tenupasaṅkami upasaṅkamitvā bhagavantaṁ etadavoca
api 2 bhante bhagavā yasaṁ kulaputtaṁ passeyyāti 3 . Tenahi gahapati
nisīda appeva nāma tvaṁ idha nisinno idha nisinnaṁ yasaṁ kulaputtaṁ
passeyyāsīti. Athakho seṭṭhī gahapati idheva kirāhaṁ nisinno idha
1 Po. anupagamma. Ma. Yu. anugamāsi. 2 Rā. apin. 3 Po. passeyyāsīti.
Nisinnaṁ yasaṁ kulaputtaṁ passissāmīti haṭṭho udaggo bhagavantaṁ
abhivādetvā ekamantaṁ nisīdi. Ekamantaṁ nisinnassa kho seṭṭhissa
gahapatissa bhagavā anupubbikathaṁ kathesi seyyathīdaṁ dānakathaṁ
sīlakathaṁ saggakathaṁ kāmānaṁ ādīnavaṁ okāraṁ saṅkilesaṁ nekkhamme
ānisaṁsaṁ pakāsesi. Yadā bhagavā aññāsi seṭṭhiṁ gahapatiṁ
kallacittaṁ muducittaṁ vinīvaraṇacittaṁ udaggacittaṁ pasannacittaṁ atha
yā buddhānaṁ sāmukkaṁsikā dhammadesanā taṁ pakāsesi dukkhaṁ samudayaṁ
nirodhaṁ maggaṁ. Seyyathāpi nāma suddhaṁ vatthaṁ apagatakāḷakaṁ sammadeva
rajanaṁ paṭiggaṇheyya evameva seṭṭhissa gahapatissa tasmiṁyevāsane
virajaṁ vītamalaṁ dhammacakkhuṁ udapādi yaṅkiñci samudayadhammaṁ sabbantaṁ
nirodhadhammanti. Athakho seṭṭhī gahapati diṭṭhadhammo pattadhammo
viditadhammo pariyogāḷhadhammo tiṇṇavicikiccho vigatakathaṁkatho
vesārajjappatto aparappaccayo satthu sāsane bhagavantaṁ etadavoca
abhikkantaṁ bhante abhikkantaṁ bhante seyyathāpi bhante nikkujjitaṁ
vā ukkujjeyya paṭicchannaṁ vā vivareyya mūḷhassa vā maggaṁ
ācikkheyya andhakāre vā telappajjotaṁ dhāreyya cakkhumanto
rūpāni dakkhantīti 1 evamevaṁ 2 bhagavatā anekapariyāyena dhammo
pakāsito esāhaṁ bhante bhagavantaṁ saraṇaṁ gacchāmi dhammañca
bhikkhusaṅghañca upāsakaṁ maṁ bhagavā dhāretu ajjatagge pāṇupetaṁ saraṇaṁ
1 Sī. Yu. dakkhintīti. 2 evamevāti sabbattha dissati.
Gatanti. So ca loke paṭhamaṁ upāsako ahosi tevāciko.

[28] Athakho yasassa kulaputtassa pituno dhamme desiyamāne
yathādiṭṭhaṁ yathāviditaṁ bhūmiṁ paccavekkhantassa anupādāya āsavehi
cittaṁ vimucci. Athakho bhagavato etadahosi yasassa kho kulaputtassa
pituno dhamme desiyamāne yathādiṭṭhaṁ yathāviditaṁ bhūmiṁ paccavekkhantassa
anupādāya āsavehi cittaṁ vimuttaṁ abhabbo kho yaso kulaputto
hīnāyāvattitvā kāme paribhuñjituṁ seyyathāpi pubbe āgārikabhūto
yannūnāhaṁ taṁ iddhābhisaṅkhāraṁ paṭippassambheyyanti. Athakho bhagavā
taṁ iddhābhisaṅkhāraṁ paṭippassambhesi. Addasā kho seṭṭhī gahapati
yasaṁ kulaputtaṁ nisinnaṁ disvāna yasaṁ kulaputtaṁ etadavoca mātā
te tāta yasa paridevi sokasamāpannā 1 dehi mātuyā 2 jīvitanti.
Athakho yaso kulaputto bhagavantaṁ ullokesi. Athakho bhagavā seṭṭhiṁ
gahapatiṁ etadavoca taṁ kiṁ maññasi gahapati yasassa kulaputtassa
sekhena ñāṇena sekhena dassanena dhammo diṭṭho seyyathāpi
tayā tassa yathādiṭṭhaṁ yathāviditaṁ bhūmiṁ paccavekkhantassa anupādāya
āsavehi cittaṁ vimuttaṁ bhabbo nu kho yaso gahapati hīnāyāvattitvā
kāme paribhuñjituṁ seyyathāpi pubbe āgārikabhūtoti. No hetaṁ
bhanteti. Yasassa kho gahapati kulaputtassa sekhena ñāṇena sekhena
1 Sī. Ma. Yu. paridevasokasampannā. Rā. paridevi sokasamuppannā. 2 Yu. mātu.
Dassanena dhammo diṭṭho [1]- seyyathāpi tayā tassa yathādiṭṭhaṁ
yathāviditaṁ bhūmiṁ paccavekkhantassa anupādāya āsavehi cittaṁ vimuttaṁ
abhabbo kho gahapati yaso kulaputto hīnāyāvattitvā kāme
paribhuñjituṁ seyyathāpi pubbe āgārikabhūtoti. Lābhā bhante
yasassa kulaputtassa suladdhaṁ bhante yasassa kulaputtassa yathā
yasassa kulaputtassa anupādāya āsavehi cittaṁ vimuttaṁ adhivāsetu
me bhante bhagavā ajjatanāya bhattaṁ yasena kulaputtena
pacchāsamaṇenāti. Adhivāsesi bhagavā tuṇhībhāvena. Athakho seṭṭhī
gahapati bhagavato adhivāsanaṁ viditvā uṭṭhāyāsanā bhagavantaṁ abhivādetvā
padakkhiṇaṁ katvā pakkāmi. Athakho yaso kulaputto acirappakkante
seṭṭhimhi gahapatimhi bhagavantaṁ etadavoca labheyyāhaṁ bhante
bhagavato santike pabbajjaṁ labheyyaṁ upasampadanti. Ehi bhikkhūti
bhagavā avoca svākkhāto dhammo cara brahmacariyanti 2 . Sā
va tassa āyasmato upasampadā ahosi.
Tena kho pana samayena satta loke arahanto honti.
Yasassa pabbajjā 3 niṭṭhitā.
1 Ma. vidito. 2 imasmiṁ ṭhāne katthaci sammā dukkhassa antakiriyāyāti
pakkhittaṁ. tampana yasmā tenāyasmatā dukkhassanto kato ahosi natthi tassa
uttariṁ karaṇīyaṁ tasmā atirekanti daṭṭhabbaṁ. 3 Yu. yasapabbajjā.

[29] Athakho bhagavā pubbaṇhasamayaṁ nivāsetvā pattacīvaramādāya
āyasmatā yasena pacchāsamaṇena yena seṭṭhissa gahapatissa
nivesanaṁ tenupasaṅkami upasaṅkamitvā paññatte āsane nisīdi.
Athakho āyasmato yasassa mātā ca purāṇadutiyikā ca yena
bhagavā tenupasaṅkamiṁsu upasaṅkamitvā bhagavantaṁ abhivādetvā
ekamantaṁ nisīdiṁsu. Tāsaṁ bhagavā anupubbikathaṁ kathesi seyyathīdaṁ
dānakathaṁ sīlakathaṁ saggakathaṁ kāmānaṁ ādīnavaṁ okāraṁ saṅkilesaṁ
nekkhamme ānisaṁsaṁ pakāsesi. Yadā tā bhagavā aññāsi kallacittā
muducittā vinīvaraṇacittā udaggacittā pasannacittā atha yā
buddhānaṁ sāmukkaṁsikā dhammadesanā taṁ pakāsesi dukkhaṁ samudayaṁ
nirodhaṁ maggaṁ. Seyyathāpi nāma suddhaṁ vatthaṁ apagatakāḷakaṁ sammadeva
rajanaṁ paṭiggaṇheyya evameva tāsaṁ tasmiṁyevāsane virajaṁ vītamalaṁ
dhammacakkhuṁ udapādi yaṅkiñci samudayadhammaṁ sabbantaṁ nirodhadhammanti.
Tā diṭṭhadhammā pattadhammā viditadhammā pariyogāḷhadhammā
tiṇṇavicikicchā vigatakathaṁkathā vesārajjappattā aparappaccayā satthu
sāsane bhagavantaṁ etadavocuṁ abhikkantaṁ bhante abhikkantaṁ bhante
seyyathāpi bhante nikkujjitaṁ vā ukkujjeyya paṭicchannaṁ vā
vivareyya mūḷhassa vā maggaṁ ācikkheyya andhakāre vā
telappajjotaṁ dhāreyya cakkhumanto rūpāni dakkhantīti evamevaṁ
bhagavatā anekapariyāyena dhammo pakāsito etā mayaṁ bhante
Bhagavantaṁ saraṇaṁ gacchāma dhammañca bhikkhusaṅghañca upāsikāyo
no bhagavā dhāretu ajjatagge pāṇupetā saraṇaṁ gatāti. Tā
ca loke paṭhamaṁ upāsikā ahesuṁ tevācikā. Athakho āyasmato
yasassa mātā ca pitā ca purāṇadutiyikā ca bhagavantañca āyasmantañca
yasaṁ paṇītena khādanīyena bhojanīyena sahatthā santappetvā sampavāretvā
bhagavantaṁ bhuttāviṁ onītapattapāṇiṁ ekamantaṁ nisīdiṁsu.
Athakho bhagavā āyasmato yasassa mātarañca pitarañca purāṇadutiyikañca
dhammiyā kathāya sandassetvā samādapetvā samuttejetvā sampahaṁsetvā
uṭṭhāyāsanā pakkāmi.

[30] Assosuṁ kho āyasmato yasassa cattāro gihisahāyakā
bārāṇasiyaṁ seṭṭhānuseṭṭhīnaṁ kulānaṁ puttā vimalo subāhu puṇṇaji
gavampati yaso kira kulaputto kesamassuṁ ohāretvā kāsāyāni
vatthāni acchādetvā agārasmā anagāriyaṁ pabbajitoti. Sutvāna
nesaṁ etadahosi na hi nūna 1 so orako dhammavinayo na sā
orakā 2 pabbajjā yattha yaso kulaputto kesamassuṁ ohāretvā
kāsāyāni vatthāni acchādetvā agārasmā anagāriyaṁ pabbajitoti.
Te [3]- yenāyasmā yaso tenupasaṅkamiṁsu upasaṅkamitvā āyasmantaṁ
yasaṁ abhivādetvā ekamantaṁ aṭṭhaṁsu. Athakho āyasmā yaso
te cattāro gihisahāyake ādāya yena bhagavā tenupasaṅkami
1 Sī. nahanūna. 2 Sī. orikā. 3 Yu. cattāro janā.
Upasaṅkamitvā bhagavantaṁ abhivādetvā ekamantaṁ nisīdi ekamantaṁ
nisinno kho āyasmā yaso etadavoca ime me bhante cattāro
gihisahāyakā bārāṇasiyaṁ seṭṭhānuseṭṭhīnaṁ kulānaṁ puttā vimalo
subāhu puṇṇaji gavampati ime [1]- bhagavā ovadatu anusāsatūti.
Tesaṁ bhagavā anupubbikathaṁ kathesi seyyathīdaṁ dānakathaṁ sīlakathaṁ
saggakathaṁ kāmānaṁ ādīnavaṁ okāraṁ saṅkilesaṁ nekkhamme ānisaṁsaṁ
pakāsesi. Yadā te bhagavā aññāsi kallacitte muducitte
vinīvaraṇacitte udaggacitte pasannacitte atha yā buddhānaṁ
sāmukkaṁsikā dhammadesanā taṁ pakāsesi dukkhaṁ samudayaṁ nirodhaṁ
maggaṁ. Seyyathāpi nāma suddhaṁ vatthaṁ apagatakāḷakaṁ sammadeva
rajanaṁ paṭiggaṇheyya evameva tesaṁ tasmiṁyevāsane virajaṁ vītamalaṁ
dhammacakkhuṁ udapādi yaṅkiñci samudayadhammaṁ sabbantaṁ nirodhadhammanti.
Te diṭṭhadhammā pattadhammā viditadhammā pariyogāḷhadhammā
tiṇṇavicikicchā vigatakathaṁkathā vesārajjappattā aparappaccayā satthu
sāsane bhagavantaṁ etadavocuṁ labheyyāma mayaṁ bhante bhagavato
santike pabbajjaṁ labheyyāma upasampadanti. Etha bhikkhavoti
bhagavā avoca svākkhāto dhammo caratha brahmacariyaṁ sammā dukkhassa
antakiriyāyāti. Sā va tesaṁ āyasmantānaṁ upasampadā ahosi.
Athakho bhagavā te bhikkhū dhammiyā kathāya ovadi anusāsi. Tesaṁ
bhagavatā dhammiyā kathāya ovadiyamānānaṁ anusāsiyamānānaṁ anupādāya
1 Yu. cattāro.
Āsavehi cittāni vimucciṁsu.
Tena kho pana samayena ekādasa loke arahanto honti.
Catuggihisahāyakappabbajjā niṭṭhitā.

[31] Assosuṁ kho āyasmato yasassa paññāsamattā gihisahāyakā
jānapadā pubbānupubbakānaṁ kulānaṁ puttā yaso kira kulaputto
kesamassuṁ ohāretvā kāsāyāni vatthāni acchādetvā agārasmā
anagāriyaṁ pabbajitoti. Sutvāna nesaṁ etadahosi na hi nūna
so orako dhammavinayo na sā orakā pabbajjā yattha
yaso kulaputto kesamassuṁ ohāretvā kāsāyāni vatthāni acchādetvā
agārasmā anagāriyaṁ pabbajitoti. Te yenāyasmā yaso
tenupasaṅkamiṁsu upasaṅkamitvā āyasmantaṁ yasaṁ abhivādetvā ekamantaṁ
aṭṭhaṁsu. Athakho āyasmā yaso te paññāsamatte gihisahāyake
ādāya yena bhagavā tenupasaṅkami upasaṅkamitvā bhagavantaṁ
abhivādetvā ekamantaṁ nisīdi ekamantaṁ nisinno kho āyasmā
yaso bhagavantaṁ etadavoca ime me bhante paññāsamattā
gihisahāyakā jānapadā pubbānupubbakānaṁ kulānaṁ puttā ime bhagavā
ovadatu anusāsatūti. Tesaṁ bhagavā anupubbikathaṁ kathesi seyyathīdaṁ
dānakathaṁ sīlakathaṁ saggakathaṁ kāmānaṁ ādīnavaṁ okāraṁ saṅkilesaṁ
nekkhamme ānisaṁsaṁ pakāsesi. Yadā te bhagavā aññāsi kallacitte
muducitte vinīvaraṇacitte udaggacitte pasannacitte atha yā buddhānaṁ
Sāmukkaṁsikā dhammadesanā taṁ pakāsesi dukkhaṁ samudayaṁ nirodhaṁ
maggaṁ. Seyyathāpi nāma suddhaṁ vatthaṁ apagatakāḷakaṁ sammadeva
rajanaṁ paṭiggaṇheyya evameva tesaṁ tasmiṁyevāsane virajaṁ vītamalaṁ
dhammacakkhuṁ udapādi yaṅkiñci samudayadhammaṁ sabbantaṁ nirodhadhammanti.
Te diṭṭhadhammā pattadhammā viditadhammā pariyogāḷhadhammā tiṇṇavicikicchā
vigatakathaṁkathā vesārajjappattā aparappaccayā satthu
sāsane bhagavantaṁ etadavocuṁ labheyyāma mayaṁ bhante bhagavato santike
pabbajjaṁ labheyyāma upasampadanti. Etha bhikkhavoti bhagavā avoca
svākkhāto dhammo caratha brahmacariyaṁ sammā dukkhassa antakiriyāyāti.
Sā va tesaṁ āyasmantānaṁ upasampadā ahosi. Athakho
bhagavā te bhikkhū dhammiyā kathāya ovadi anusāsi. Tesaṁ bhagavatā
dhammiyā kathāya ovadiyamānānaṁ anusāsiyamānānaṁ anupādāya āsavehi
cittāni vimucciṁsu.
Tena kho pana samayena ekasaṭṭhī loke arahanto honti.

[32] Athakho bhagavā [1]- bhikkhū āmantesi muttāhaṁ bhikkhave
sabbapāsehi ye dibbā ye ca mānusā tumhepi bhikkhave
muttā sabbapāsehi ye dibbā ye ca mānusā caratha bhikkhave
cārikaṁ bahujanahitāya bahujanasukhāya lokānukampāya atthāya hitāya
sukhāya devamanussānaṁ mā ekena dve agamittha desetha
bhikkhave dhammaṁ ādikalyāṇaṁ majjhekalyāṇaṁ pariyosānakalyāṇaṁ
1 Ma. te.
Sātthaṁ sabyañjanaṁ kevalaparipuṇṇaṁ parisuddhaṁ brahmacariyaṁ pakāsetha
santi sattā apparajakkhajātikā assavanatā dhammassa parihāyanti
bhavissanti dhammassa aññātāro ahampi bhikkhave yena uruvelā
senānigamo tenupasaṅkamissāmi dhammadesanāyāti.

[33] Athakho māro pāpimā yena bhagavā tenupasaṅkami
upasaṅkamitvā bhagavantaṁ gāthāya ajjhabhāsi
baddhosi sabbapāsehi ye dibbā ye ca mānusā
mahābandhanabaddhosi na me samaṇa mokkhasīti.
Muttohaṁ 1 sabbapāsehi ye dibbā ye ca mānusā
mahābandhanamuttomhi nihato tvamasi antakāti.
Antalikkhacaro pāso yvāyaṁ 2 carati mānaso
tena taṁ bandhayissāmi 3 na me samaṇa mokkhasīti.
Rūpā saddā gandhā rasā phoṭṭhabbā ca manoramā
ettha me vigato chando nihato tvamasi antakāti.
Athakho māro pāpimā jānāti maṁ bhagavā jānāti maṁ
sugatoti dukkhī dummano tatthevantaradhāyi 4 .
Mārakathā niṭṭhitā

[34] Tena kho pana samayena bhikkhū nānādisā nānājanapadā
pabbajjāpekkhe ca upasampadāpekkhe ca ānenti bhagavā ne
1 Ma. Yu. muttāhaṁ. ito paraṁ īdisameva. 2 Sī. svāyaṁ. 3 Sī. Ma. Yu. Rā.
bādhayissāmi. 4 Ma. Yu. -dhāyīti.
Pabbājessati upasampādessatīti. Tattha bhikkhū ceva kilamanti
pabbajjāpekkhā ca upasampadāpekkhā ca. Athakho bhagavato
rahogatassa paṭisallīnassa evaṁ cetaso parivitakko udapādi
etarahi kho bhikkhū nānādisā nānājanapadā pabbajjāpekkhe ca
upasampadāpekkhe ca ānenti bhagavā ne pabbājessati
upasampādessatīti tattha bhikkhū ceva kilamanti pabbajjāpekkhā ca
upasampadāpekkhā ca yannūnāhaṁ bhikkhūnaṁ anujāneyyaṁ tumhevadāni
bhikkhave tāsu tāsu disāsu tesu tesu janapadesu pabbājetha
upasampādethāti. Athakho bhagavā sāyaṇhasamayaṁ paṭisallānā
vuṭṭhito etasmiṁ nidāne etasmiṁ pakaraṇe bhikkhusaṅghaṁ 1 sannipātāpetvā 2
dhammiṁ kathaṁ katvā bhikkhū āmantesi idha mayhaṁ bhikkhave
rahogatassa paṭisallīnassa evaṁ cetaso parivitakko udapādi
etarahi kho bhikkhū nānādisā nānājanapadā pabbajjāpekkhe ca
upasampadāpekkhe ca ānenti bhagavā ne pabbājessati
upasampādessatīti tattha bhikkhū ceva kilamanti pabbajjāpekkhā ca
upasampadāpekkhā ca yannūnāhaṁ bhikkhūnaṁ anujāneyyaṁ tumhevadāni
bhikkhave tāsu tāsu disāsu tesu tesu janapadesu pabbājetha
upasampādethāti anujānāmi bhikkhave tumhevadāni tāsu tāsu
disāsu tesu tesu janapadesu pabbājetha upasampādetha. Evañca
pana bhikkhave pabbājetabbo upasampādetabbo. Paṭhamaṁ kesamassuṁ
1-2 Ma. ime pāṭhā natthi.
Ohārāpetvā 1 kāsāyāni vatthāni acchādāpetvā ekaṁsaṁ
uttarāsaṅgaṁ kārāpetvā bhikkhūnaṁ pāde vandāpetvā ukkuṭikaṁ
nisīdāpetvā añjaliṁ paggaṇhāpetvā evaṁ vadehīti vattabbo
buddhaṁ saraṇaṁ gacchāmi dhammaṁ saraṇaṁ gacchāmi saṅghaṁ saraṇaṁ
gacchāmi dutiyampi buddhaṁ saraṇaṁ gacchāmi dutiyampi dhammaṁ saraṇaṁ
gacchāmi dutiyampi saṅghaṁ saraṇaṁ gacchāmi tatiyampi buddhaṁ saraṇaṁ
gacchāmi tatiyampi dhammaṁ saraṇaṁ gacchāmi tatiyampi saṅghaṁ saraṇaṁ
gacchāmīti. Anujānāmi bhikkhave imehi tīhi saraṇagamanehi
pabbajjaṁ upasampadanti.
Tīhi saraṇagamanehi upasampadākathā niṭṭhitā.