[317] Atha tvaṁ pavitakkamāgamā
manasā diṭṭhigatāni cintayanto
dhonena yugaṁ samāgamā
na hi tvaṁ sakkhasi sampayātave.
1 Po. Ma. paṭimallanti.

[318] Atha tvaṁ pavitakkamāgamāti athāti padasandhi padasaṁsaggo
padapāripūri akkharasamavāyo byañjanasiliṭṭhatā padānupubbatāmetaṁ
athāti. Pavitakkamāgamāti takkanto vitakkanto saṅkappanto
jayo nu kho me bhavissati parājayo nu kho me bhavissati kathaṁ
niggahaṁ karissāmi kathaṁ paṭikkammaṁ karissāmi kathaṁ visesaṁ karissāmi
kathaṁ paṭivisesaṁ karissāmi kathaṁ āvedhiyaṁ karissāmi kathaṁ nibbedhiyaṁ
karissāmi kathaṁ chedaṁ karissāmi kathaṁ maṇḍalaṁ karissāmīti evaṁ
takkanto vitakkanto saṅkappanto āgatosi upāgatosi sampattosi
mayā saddhiṁ samāgatosīti atha tvaṁ pavitakkamāgamā.

[319] Manasā diṭṭhigatāni cintayantoti manoti yaṁ cittaṁ
mano mānasaṁ hadayaṁ paṇḍaraṁ mano manāyatanaṁ manindriyaṁ viññāṇaṁ
viññāṇakkhandho tajjā manoviññāṇadhātu. Cittena diṭṭhigatāni
cintento vicintento sassato lokoti vā asassato
lokoti vā .pe. Neva hoti na na hoti tathāgato parammaraṇāti
vāti manasā diṭṭhigatāni cintayanto.

[320] Dhonena yugaṁ samāgamā na hi tvaṁ sakkhasi sampayātaveti
dhonā vuccati paññā yā paññā pajānanā .pe. Amoho
dhammavicayo sammādiṭṭhi. Kiṁkāraṇā dhonā vuccati paññā. Tāya
paññāya kāyaduccaritaṁ dhutañca dhotañca sandhotañca niddhotañca .pe.
Sabbākusalābhisaṅkhārā dhutā ca dhotā ca sandhotā ca
Niddhotā ca. Athavā sammādiṭṭhiyā micchādiṭṭhi dhutā ca
dhotā ca sandhotā ca niddhotā ca .pe. Sammāvimuttiyā
micchāvimutti dhutā ca dhotā ca sandhotā ca niddhotā ca.
Athavā ariyena aṭṭhaṅgikena maggena sabbe akusalā sabbe
duccaritā sabbe darathā sabbe pariḷāhā sabbe santāpā
sabbākusalābhisaṅkhārā dhutā ca dhotā ca sandhotā ca niddhotā
ca. Bhagavā imehi dhoneyyehi dhammehi upeto samupeto
upagato samupagato upapanno samupapanno samannāgato tasmā
bhagavā dhono. So dhutarāgo dhutapāpo dhutakileso dhutapariḷāhoti
dhono. Dhonena yugaṁ samāgamā na hitvaṁ sakkhasi sampayātaveti
pasūro paribbājako nappaṭibalo dhonena buddhena bhagavatā saddhiṁ
yugaṁ samāgamā 1 samāgantvā yugaggāhaṁ gaṇhituṁ 2 sākacchetuṁ sallapituṁ
sākacchaṁ samāpajjituṁ. Taṁ kissa hetu. Pasūro paribbājako hīno
nihīno omako lāmako jatukko paritto. So hi bhagavā aggo
ca seṭṭho ca viseṭṭho ca pāmokkho ca [3]- pavaro ca. Yathā
saso nappaṭibalo mattena mātaṅgena saddhiṁ yugaṁ samāgamā
samāgantvā yugaggāhaṁ gaṇhituṁ yathā koṭṭhako nappaṭibalo sīhena
migaraññā saddhiṁ yugaṁ samāgamā samāgantvā yugaggāhaṁ gaṇhituṁ
yathā vacchako taruṇako dhenupako nappaṭibalo usabhena balakkakunā 4
saddhiṁ yugaṁ samāgamā samāgantvā yugaggāhaṁ gaṇhituṁ yathā dhaṅko
1 Po. Ma. samāgamaṁ. 2 Po. Ma. gaṇhitvā. 3 Ma. uttamo ca. 4 Ma. calakakunā.
Nappaṭibalo garuḷena venateyyena saddhiṁ yugaṁ samāgamā samāgantvā
yugaggāhaṁ gaṇhituṁ yathā caṇḍālo nappaṭibalo raññā cakkavattinā
saddhiṁ yugaṁ samāgamā samāgantvā yugaggāhaṁ gaṇhituṁ yathā
paṁsupīsācako nappaṭibalo indena devaraññā saddhiṁ yugaṁ samāgamā
samāgantvā yugaggāhaṁ gaṇhituṁ evameva pasūro paribbājako
nappaṭibalo dhonena buddhena bhagavatā saddhiṁ yugaṁ samāgamā
samāgantvā yugaggāhaṁ gaṇhituṁ sākacchetuṁ sallapituṁ sākacchaṁ
samāpajjituṁ. Taṁ kissa hetu. Pasūro paribbājako hīnapañño
nihīnapañño omakapañño lāmakapañño jatukkapañño parittapañño.
So hi bhagavā mahāpañño puthupañño hāsapañño
javanapañño tikkhapañño nibbedhikapañño paññāppabhedakusalo
pabhinnañāṇo adhigatapaṭisambhido catuvesārajjappatto dasabaladhārī
purisāsabho purisasīho purisanāgo purisājañño purisadhorayho
anantañāṇo anantatejo anantayaso addho mahaddhano dhanavā
netā vinetā anunetā saññāpetā nijjhāpetā pekkhatā
pasāretā 1 . So hi bhagavā anuppannassa maggassa uppādetā
asañjātassa maggassa sañjanetā anakkhātassa maggassa akkhātā
maggaññū maggavidū maggakovido. Maggānugā ca panassa etarahi
sāvakā viharanti pacchā samannāgatā. So hi bhagavā jānaṁ
jānāti passaṁ passati cakkhubhūto ñāṇabhūto dhammabhūto brahmabhūto
1 Ma. pasādetā.
Vattā pavattā atthassa ninnetā amatassa dātā dhammasāmi
tathāgato. Natthi tassa bhagavato añātaṁ adiṭṭhaṁ aviditaṁ
asacchikataṁ aphusitaṁ paññāya. Atītaṁ anāgataṁ paccuppannaṁ upādāya
sabbe dhammā sabbākārena buddhassa bhagavato ñāṇamukhe āpāthaṁ
āgacchanti. Yaṅkiñci neyyaṁ nāma atthi jānitabbaṁ. Attattho
vā parattho vā ubhayattho vā diṭṭhadhammiko vā attho
samparāyiko vā attho uttāno vā attho gambhīro vā
attho gūḷho vā attho paṭicchanno vā attho neyyo
vā attho nīto vā attho anavajjo vā attho nikkileso
vā attho vodāno vā attho paramattho vā sabbantaṁ
antobuddhañāṇe parivattati. Sabbaṁ kāyakammaṁ buddhassa bhagavato
ñāṇānuparivattati sabbaṁ vacīkammaṁ ñāṇānuparivattati sabbaṁ manokammaṁ
ñāṇānuparivattati. Atīte buddhassa bhagavato appaṭihataṁ
ñāṇaṁ anāgate buddhassa bhagavato appaṭihataṁ ñāṇaṁ *- paccuppanne
buddhassa bhagavato appaṭihataṁ ñāṇaṁ. Yāvatakaṁ neyyaṁ tāvatakaṁ
ñāṇaṁ yāvatakaṁ ñāṇaṁ tāvatakaṁ neyyaṁ neyyapariyantikaṁ ñāṇaṁ
ñāṇapariyantikaṁ neyyaṁ. Neyyaṁ atikkamitvā ñāṇaṁ napparivattati
ñāṇaṁ atikkamitvā neyyapatho natthi. Aññamaññapariyantaṭṭhāyino
te dhammā. Yathā dvinnaṁ samuggapaṭalānaṁ sammāphusitānaṁ heṭṭhimaṁ
samuggapaṭalaṁ uparimaṁ nātivattati uparimaṁ samuggapaṭalaṁ heṭṭhimaṁ
* mīkārkkhag ṇāṇaṁ peḌna ñāṇaṁ
Nātivattati aññamaññapariyantaṭṭhāyino evameva buddhassa
bhagavato neyyañca ñāṇañca aññamaññapariyantaṭṭhāyino yāvatakaṁ
neyyaṁ tāvatakaṁ ñāṇaṁ yāvatakaṁ ñāṇaṁ tāvatakaṁ neyyaṁ neyyapariyantikaṁ
ñāṇaṁ ñāṇapariyantikaṁ neyyaṁ neyyaṁ atikkamitvā
ñāṇaṁ napparivattati ñāṇaṁ atikkamitvā neyyapatho natthi
aññamaññapariyantaṭṭhāyino te dhammā. Sabbadhammesu buddhassa
bhagavato ñāṇaṁ pavattati. Sabbe dhammā buddhassa bhagavato
āvajjanapaṭibaddhā ākaṅkhapaṭibaddhā manasikārapaṭibaddhā cittuppādapaṭibaddhā.
Sabbasattesu buddhassa bhagavato ñāṇaṁ pavattati.
Sabbesaṁ sattānaṁ bhagavā āsayaṁ jānāti anusayaṁ jānāti caritaṁ
jānāti adhimuttiṁ jānāti apparajakkhe mahārajakkhe tikkhindriye
mudindriye svākāre dvākāre suviññāpaye duviññāpaye bhabbābhabbe
satte pajānāti. Sadevako loko samārako sabrahmako
sassamaṇabrāhmaṇī pajā sadevamanussā antobuddhañāṇe parivattati.
Yathā yekeci macchakacchapā antamaso timitimiṅgalaṁ
upādāya antomahāsamudde parivattanti evameva sadevako loko
samārako sabrahmako sassamaṇabrāhmaṇī pajā sadevamanussā antobuddhañāṇe
parivattati. Yathā yekeci pakkhī antamaso garuḷaṁ
venateyyaṁ upādāya ākāsassa padese parivattanti evameva yepi
te sārīputtasamā paññāya tepi buddhañāṇassa padese
Parivattanti. Buddhañāṇaṁ devamanussānaṁ paññaṁ pharitvā abhibhavitvā
tiṭṭhati 1 . Yepi te khattiyapaṇḍitā brāhmaṇapaṇḍitā gahapatipaṇḍitā
samaṇapaṇḍitā nipuṇā kataparappavādā vālavedhirūpā
vobhindantā maññe caranti paññāgatena diṭṭhigatāni te pañhaṁ 2
abhisaṅkharitvā abhisaṅkharitvā tathāgataṁ 3 upasaṅkamitvā pucchanti [4]-.
Kathitā ca visajjitā ca te pañhā bhagavatā honti niddiṭṭhakāraṇā
upakkhittakā ca. Te bhagavato sampajjanti. Atha kho
bhagavā tattha atirocati yadidaṁ paññāyāti dhonena yugaṁ samāgamā
na hi tvaṁ sakkhasi sampayātave. Tenāha bhagavā
atha tvaṁ pavitakkamāgamā
manasā diṭṭhigatāni cintayanto
dhonena yugaṁ samāgamā
na hi tvaṁ sakkhasi sampayātaveti.
Aṭṭhamo pasūrasuttaniddeso niṭṭhito.
--------------------
1 tiṭṭhatiyeva. 2 Ma. Yu. pañhe. 3 Ma. tathāgate. 4 Po. Ma. Yu. gūḷhāni ca
paṭicchannāni ca.
Navamo māgandiyasuttaniddeso

[321] Disvāna taṇhaṁ aratiñca 1 rāgaṁ
nāhosi chando api methunasmiṁ
kimevidaṁ muttakarīsapuṇṇaṁ
pādāpi naṁ samphusituṁ na icche.

[322] Disvāna taṇhaṁ aratiñca rāgaṁ nāhosi chando api
methunasminti taṇhañca aratiñca rāgañca māradhītaro disvā passitvā
methunadhamme chando vā rāgo vā pemaṁ vā nāhosīti disvāna
taṇhaṁ aratiñca rāgaṁ nāhosi chando api methunasmiṁ.

[323] Kimevidaṁ muttakarīsapuṇṇaṁ pādāpi naṁ samphusituṁ na
iccheti kimevidaṁ sarīraṁ muttapuṇṇaṁ karīsapuṇṇaṁ semhapuṇṇaṁ rudhirapuṇṇaṁ 2
aṭṭhisaṅghāṭaṁ nhārusambandhaṁ rudhiramaṁsāvalepanaṁ cammāvinaddhaṁ 3
chaviyā paṭicchannaṁ chiddāvachiddaṁ ugghariṁ 4 pagghariṁ kimisaṅghanisevitaṁ
nānākalimalaparipūraṁ pādena akkamituṁ na iccheyyaṁ kuto pana saṁvāso
vā samāgamo vāti kimevidaṁ muttakarīsapuṇṇaṁ pādāpi naṁ samphusituṁ
na icche. [5]- Tenāha bhagavā
disvāna taṇhaṁ aratiñca rāgaṁ
nāhosi chando api methunasmiṁ
1 Ma. ragañca. 2 Ma. ruhirapuṇuṇaṁ. 3 cammāvanaddhantipi pāṭho.
4 Ma. uggharantaṁ paggharantaṁ. 5 Po. Ma. Yu. anacchariyañcetaṁ manusso dibbe
kāme patthayanto mānusake kāme na iccheyya mānusake vā kāme patthayanto
dibbe kāme na iccheyya yaṁ tvaṁ ubhopi na icchasi na sādiyasi na patthesi na pihesi
nābhijappasi kiṁ te dassanaṁ katamāya tvaṁ diṭṭhiyā samannāgatoti pucchatīti.
Kimevidaṁ muttakarīsapuṇṇaṁ
pādāpi naṁ samphusituṁ na iccheti.

[324] Etādisañce ratanaṁ na icchasi
nāriṁ narindehi bahūhi patthitaṁ
diṭṭhigataṁ sīlavatānujīvitaṁ 1
bhavūpapattiñca vadesi kīdisaṁ.

[325] Idaṁ vadāmīti na tassa hoti (māgandiyāti bhagavā)
dhammesu niccheyya samuggahītaṁ
passañca diṭṭhīsu anuggahāya
ajjhattasantiṁ pacinaṁ adassaṁ.

[326] Idaṁ vadāmīti na tassa hotīti idaṁ vadāmīti idaṁ vadāmi
etaṁ vadāmi ettakaṁ vadāmi ettāvatā vadāmi idaṁ diṭṭhigataṁ vadāmi
sassato lokoti vā .pe. Neva hoti na na hoti tathāgato
parammaraṇāti vāti. Na tassa hotīti na mayhaṁ hotīti 2 idaṁ
vadāmīti na tassa hoti. Māgandiyāti bhagavā taṁ brāhmaṇaṁ
nāmena ālapati. Bhagavāti gāravādhivacanaṁ .pe. Sacchikā paññatti
yadidaṁ bhagavāti māgandiyāti bhagavā.