[480] Tena samayena buddho bhagavā sāvatthiyaṁ viharati jetavane
anāthapiṇḍikassa ārāme. Tena kho pana samayena aññatarā
bhikkhunī asaṅkacchikā gāmaṁ piṇḍāya pāvisi. Tassā rathiyāya
vātamaṇḍalikā saṅghāṭiyo ukkhipiṁsu. Manussā ukkuṭṭhiṁ akaṁsu
sundaro ayyāya thanudaroti 1 . Sā bhikkhunī manussehi upphaṇḍiyamānā
maṅku ahosi. Athakho sā bhikkhunī upassayaṁ gantvā bhikkhunīnaṁ
etamatthaṁ ārocesi. Yā tā bhikkhuniyo appicchā .pe. Tā
ujjhāyanti khayanti vipācenti kathaṁ hi nāma bhikkhunī asaṅkacchikā
gāmaṁ pavisissatīti .pe. Saccaṁ kira bhikkhave bhikkhunī asaṅkacchikā
gāmaṁ pavisatīti 2 . Saccaṁ bhagavāti. Vigarahi buddho bhagavā kathaṁ hi
nāma bhikkhave bhikkhunī asaṅkacchikā gāmaṁ pavisissati netaṁ bhikkhave
appasannānaṁ vā pasādāya .pe. Evañca pana bhikkhave bhikkhuniyo
imaṁ sikkhāpadaṁ uddisantu yā pana bhikkhunī asaṅkacchikā gāmaṁ
paviseyya pācittiyanti.

[481] Yā panāti yā yādisā .pe. Bhikkhunīti .pe. Ayaṁ
imasmiṁ atthe adhippetā bhikkhunīti. Asaṅkacchikāti vinā saṅkacchikaṁ.
1 Yu. sundarā ayyāya tanutaroti. Ma. sundarā ayyāya thanutaroti. 2 Ma. Yu.
pāvisīti.
Saṅkacchikaṁ nāma adhakkhakaṁ ubbhanābhi tassa paṭicchādanatthāya.
Gāmaṁ paviseyyāti parikkhittassa gāmassa parikkhepaṁ atikkamantiyā 1
āpatti pācittiyassa. Aparikkhittassa gāmassa upacāraṁ
okkamantiyā āpatti pācittiyassa.

[482] Anāpatti acchinnacīvarikāya naṭṭhacīvarikāya gilānāya
asatiyā ajānantiyā [2]- ummattikāya ādikammikāyāti.
Chattupāhanavaggo 3 navamo.

[483] Uddiṭṭhā kho ayyāyo chasaṭṭhisatā pācittiyā dhammā.
Tatthayyāyo pucchāmi kaccittha parisuddhā. Dutiyampi pucchāmi
kaccittha parisuddhā. Tatiyampi pucchāmi kaccittha parisuddhā.
Parisuddhetthayyāyo tasmā tuṇhī. Evametaṁ dhārayāmīti.
Pācittiyā niṭṭhitā 4 .
----
1 Ma. Yu. atikkāmentiyā. 2 Ma. Yu. āpadāsu. 3 chattavaggotipi pāṭho.
4 Ma. Yu. khuddakaṁ niṭṭhitaṁ.
Pāṭidesanīyakaṇḍaṁ
ime kho panayyāyo aṭṭha pāṭidesanīyā dhammā uddesaṁ
āgacchanti.

[484] Tena samayena buddho bhagavā sāvatthiyaṁ viharati jetavane
anāthapiṇḍikassa ārāme. Tena kho pana samayena chabbaggiyā
bhikkhuniyo sappiṁ viññāpetvā bhuñjanti. Manussā ujjhāyanti
khīyanti vipācenti kathaṁ hi nāma bhikkhuniyo sappiṁ viññāpetvā
bhuñjissanti kassa sampannaṁ na manāpaṁ kassa sāduṁ na ruccatīti.
Assosuṁ kho bhikkhuniyo tesaṁ manussānaṁ ujjhāyantānaṁ khīyantānaṁ
vipācentānaṁ. Yā tā bhikkhuniyo appicchā .pe. Tā
ujjhāyanti khīyanti vipācenti kathaṁ hi nāma chabbaggiyā bhikkhuniyo
sappiṁ viññāpetvā bhuñjissantīti .pe. Saccaṁ kira bhikkhave
bhikkhuniyo sappiṁ viññāpetvā bhuñjantīti. Saccaṁ bhagavāti.
Vigarahi buddho bhagavā kathaṁ hi nāma bhikkhave chabbaggiyā bhikkhuniyo
sappiṁ viññāpetvā bhuñjissanti netaṁ bhikkhave appasannānaṁ
vā pasādāya .pe. Evañca pana bhikkhave bhikkhuniyo imaṁ
sikkhāpadaṁ uddisantu yā pana bhikkhunī sappiṁ viññāpetvā
bhuñjeyya paṭidesetabbaṁ tāya bhikkhuniyā gārayhaṁ ayye dhammaṁ
āpajjiṁ asappāyaṁ pāṭidesanīyaṁ taṁ paṭidesemīti. Evañcidaṁ
Bhagavatā bhikkhunīnaṁ sikkhāpadaṁ paññattaṁ hoti.

[485] Tena kho pana samayena bhikkhuniyo gilānā honti.
Gilānapucchikā bhikkhuniyo gilānā bhikkhuniyo etadavocuṁ kacci
ayye khamanīyaṁ kacci yāpanīyanti. Pubbe mayaṁ ayye sappiṁ
viññāpetvā bhuñjāma tena no phāsu hotu idāni pana bhagavatā
paṭikkhittanti kukkuccāyantā na viññāpema tena no na phāsu
hotīti. Bhagavato etamatthaṁ ārocesuṁ .pe. Anujānāmi bhikkhave
gilānāya bhikkhuniyā sappiṁ viññāpetvā bhuñjituṁ. Evañca pana
bhikkhave bhikkhuniyo imaṁ sikkhāpadaṁ uddisantu yā pana bhikkhunī
agilānā sappiṁ viññāpetvā bhuñjeyya paṭidesetabbaṁ tāya
bhikkhuniyā gārayhaṁ ayye dhammaṁ āpajjiṁ asappāyaṁ pāṭidesanīyaṁ
taṁ paṭidesemīti.

[486] Yā panāti yā yādisā .pe. Bhikkhunīti .pe. Ayaṁ
imasmiṁ atthe adhippetā bhikkhunīti. Agilānā nāma yassā
vinā sappinā phāsu hoti. Gilānā nāma yassā vinā sappinā
na phāsu hoti. Sappi nāma gosappi vā ajikāsappi vā
mahisasappi 1 vā yesaṁ maṁsaṁ kappati tesaṁ sappi. Agilānā
attano atthāya viññāpeti payoge dukkaṭaṁ paṭilābhena
bhuñjissāmīti paṭiggaṇhāti āpatti dukkaṭassa ajjhohāre
1 Yu. māhisaṁ vā sappi. Ma. māhiṁsā vā sappi.
Ajjhohāre āpatti pāṭidesanīyassa.

[487] Agilānā agilānasaññā sappiṁ viññāpetvā bhuñjati
āpatti pāṭidesanīyassa. Agilānā vematikā sappiṁ viññāpetvā
bhuñjati āpatti pāṭidesanīyassa. Agilānā gilānasaññā sappiṁ
viññāpetvā bhuñjati āpatti pāṭidesanīyassa. Gilānā
agilānasaññā āpatti dukkaṭassa. Gilānā vematikā āpatti
dukkaṭassa. Gilānā gilānasaññā anāpatti.

[488] Anāpatti gilānāya gilānā hutvā viññāpetvā
agilānā bhuñjati gilānāya sesakaṁ bhuñjati ñātakānaṁ
pavāritānaṁ aññassatthāya attano dhanena ummattikāya
ādikammikāyāti.

[489] Tena samayena buddho bhagavā sāvatthiyaṁ viharati jetavane
anāthapiṇḍikassa ārāme. Tena kho pana samayena chabbaggiyā
bhikkhuniyo telaṁ viññāpetvā bhuñjanti. Saṅkhepo. Madhuṁ
viññāpetvā bhuñjanti. Phāṇitaṁ viññāpetvā bhuñjanti. Macchaṁ
viññāpetvā bhuñjanti. Maṁsaṁ viññāpetvā bhuñjanti. Khīraṁ
viññāpetvā bhuñjanti 1 . Dadhiṁ viññāpetvā bhuñjanti. Manussā
ujjhāyanti khīyanti vipācenti kathaṁ hi nāma bhikkhuniyo dadhiṁ
viññāpetvā bhuñjissanti kassa sampannaṁ na manāpaṁ kassa
1 pivantīti pāṭhena bhavitabbaṁ.
Sāduṁ na ruccatīti. Assosuṁ kho bhikkhuniyo tesaṁ manussānaṁ
ujjhāyantānaṁ khīyantānaṁ vipācentānaṁ. Yā tā bhikkhuniyo
appicchā .pe. Tā ujjhāyanti khīyanti vipācenti kathaṁ hi nāma
chabbaggiyā bhikkhuniyo dadhiṁ viññāpetvā bhuñjissantīti .pe. Saccaṁ
kira bhikkhave chabbaggiyā bhikkhuniyo dadhiṁ viññāpetvā bhuñjantīti.
Saccaṁ bhagavāti. Vigarahi buddho bhagavā kathaṁ hi nāma bhikkhave
chabbaggiyā bhikkhuniyo dadhiṁ viññāpetvā bhuñjissanti netaṁ bhikkhave
appasannānaṁ vā pasādāya .pe. Evañca pana bhikkhave bhikkhuniyo
imaṁ sikkhāpadaṁ uddisantu yā pana bhikkhunī dadhiṁ viññāpetvā
bhuñjeyya paṭidesetabbaṁ tāya bhikkhuniyā gārayhaṁ ayye dhammaṁ
āpajjiṁ asappāyaṁ pāṭidesanīyaṁ taṁ paṭidesemīti. Evañcidaṁ
bhagavatā bhikkhunīnaṁ sikkhāpadaṁ paññattaṁ hoti.