[157] Yaṁ nissito passati hīnamaññanti yaṁ nissitoti yaṁ
satthāraṁ dhammakkhānaṁ gaṇaṁ diṭṭhiṁ paṭipadaṁ maggaṁ nissito sannissito
allīno upagato ajjhosito adhimutto. Passati hīnamaññanti
aññaṁ satthāraṁ dhammakkhānaṁ gaṇaṁ diṭṭhiṁ paṭipadaṁ maggaṁ hīnato
nihīnato omakato lāmakato jatukkato parittato passati
dakkhati oloketi nijjhāyati [2]- upaparikkhatīti yaṁ nissito passati
hīnamaññaṁ.

[158] Tasmā hī diṭṭhaṁva sutaṁ mutaṁ vā sīlabbataṁ bhikkhu na
nissayeyyāti tasmā taṁkāraṇā taṁhetu tappaccayā taṁnidānā diṭṭhaṁ
vā diṭṭhasuddhiṁ vā sutaṁ vā sutasuddhiṁ vā mutaṁ vā mutasuddhiṁ vā
sīlaṁ vā sīlasuddhiṁ vā vattaṁ vā vattasuddhiṁ vā na nissayeyya na
gaṇheyya na parāmaseyya nābhiniviseyyāti 3 tasmā hi diṭṭhaṁva sutaṁ
mutaṁ vā sīlabbataṁ bhikkhu na nissayeyya. Tenāha bhagavā
taṁ vāpi ganthaṁ kusalā vadanti
yaṁ nissito passati hīnamaññaṁ
tasmā hi diṭṭhaṁva sutaṁ mutaṁ vā
sīlabbataṁ bhikkhu na nissayeyyāti.
1 Ma. lagganaṁ. 2 Ma. upanijjhāyati. 3 Ma. nābhiniveseyyāti.

[159] Diṭṭhiṁpi lokasmi 1 na kappayeyya
ñāṇena vā sīlavatena vāpi
samoti attānamanūpaneyya
hīno na maññetha visesi vāpi.

[160] Diṭṭhiṁpi lokasmi na kappayeyya ñāṇena vā sīlavatena
vāpīti aṭṭhasamāpattiñāṇena vā pañcābhiññāñāṇena vā micchāñāṇena
vā sīlena vā vattena vā sīlavattena vā diṭṭhiṁ na
kappayeyya na janeyya na sañjaneyya na nibbatteyya nābhinibbatteyya.
Lokasminti apāyaloke manussaloke devaloke khandhaloke
dhātuloke āyatanaloketi diṭṭhiṁpi lokasmi na kappayeyya
ñāṇena vā sīlavatena vāpi.

[161] Samoti attānamanūpaneyyāti sadisohamasmīti attānaṁ
na upaneyya jātiyā vā gottena vā kolaputtikena vā vaṇṇapokkharatāya
vā dhanena vā ajjhenena vā kammāyatanena vā
sippāyatanena vā vijjaṭṭhānena vā sutena vā paṭibhāṇena vā
aññataraññatarena vā vatthunāti samoti attānamanūpaneyya.

[162] Hīno na maññetha visesi vāpīti hīnohamasmīti attānaṁ
na upaneyya jātiyā vā gottena vā .pe. Aññataraññatarena
vā vatthunā seyyohamasmīti attānaṁ na upaneyya jātiyā vā
gottena vā .pe. Aññataraññatarena vā vatthunāti hīno na
1 Po. Ma. Yu. lokasmiṁ.
Maññetha visesi vāpi. Tenāha bhagavā
diṭṭhiṁpi lokasmi na kappayeyya
ñāṇena vā sīlavatena vāpi
samoti attānamanūpaneyya
hīno na maññetha visesi vāpīti.

[163] Attaṁ pahāya anupādiyāno
ñāṇepi 1 so nissaya 2 no karoti
sa ve viyattesu na vaggasārī
diṭṭhiṁpi so na pacceti kiñci.

[164] Attaṁ pahāya anupādiyānoti attaṁ pahāyāti attadiṭṭhiṁ
pahāya. Attaṁ pahāyāti gāhaṁ 3 pahāya. Attaṁ pahāyāti
taṇhāvasena diṭṭhivasena gahitaṁ parāmaṭṭhaṁ abhiniviṭṭhaṁ ajjhositaṁ
adhimuttaṁ pahāya pajahitvā vinodetvā byantīkatvā 4 anabhāvaṅgamitvā 5 .
Attaṁ pahāya anupādiyānoti catūhi upādānehi
anupādiyamāno aggaṇhamāno aparāmasamāno anabhinivisamānoti attaṁ
pahāya anupādiyāno.

[165] Ñāṇepi so nissaya no karotīti aṭṭhasamāpattiñāṇe
vā pañcābhiññāñāṇe vā micchāñāṇe vā taṇhānissayaṁ vā
diṭṭhinissayaṁ vā na karoti na janeti na sañjaneti na nibbatteti
nābhinibbattetīti ñāṇepi so nissaya no karoti.
1 Po. Ma. ñāṇenapi. 2 Ma. nissayaṁ. 3 Yu. attagahaṁ. 4 Po. Ma. byantiṁ karitvā.
5 Ma. anabhāvaṅgametvā.

[166] Sa ve viyattesu na vaggasārīti sa ve vavatthitesu
bhinnesu dvejjhāpannesu dveḷhakajātesu nānādiṭṭhikesu nānākhantikesu
nānārucikesu nānāladdhikesu nānādiṭṭhinissayanissitesu
chandāgatiṁ gacchantesu dosāgatiṁ gacchantesu mohāgatiṁ gacchantesu
bhayāgatiṁ gacchantesu na chandāgatiṁ gacchati na dosāgatiṁ gacchati
na mohāgatiṁ gacchati na bhayāgatiṁ gacchati na rāgavasena gacchati
na dosavasena gacchati na mohavasena gacchati na mānavasena gacchati
na diṭṭhivasena gacchati na uddhaccavasena gacchati na vicikicchāvasena
gacchati na anusayavasena gacchati na vaggehi dhammehi yāyati
niyyāyati 1 vuyhati saṁhariyatīti sa ve viyattesu na vaggasārī.