[340] Yā panāti yā yādisā .pe. Bhikkhunīti .pe. Ayaṁ
imasmiṁ atthe adhippetā bhikkhunīti. Caṇḍīkatā nāma kodhanā
vuccati. Gaṇo nāma bhikkhunīsaṅgho vuccati. Paribhāseyyāti
bālā etā abyattā etā netā 4 jānanti kammaṁ vā
kammadosaṁ vā kammavipattiṁ vā kammasampattiṁ vāti paribhāsati āpatti
pācittiyassa. Sambahulā bhikkhuniyo vā ekabhikkhuniṁ vā
anupasampannaṁ vā paribhāsati āpatti dukkaṭassa.
1-4 Ma. Yu. neva. 2 Ma. Yu. paribhāsi. 3 paribhāsīti.

[341] Anāpatti atthapurekkhārāya dhammapurekkhārāya
anusāsanīpurekkhārāya ummattikāya ādikammikāyāti.
--------
Ārāmavaggassa catutthasikkhāpadaṁ

[342] Tena samayena buddho bhagavā sāvatthiyaṁ viharati jetavane
anāthapiṇḍikassa ārāme. Tena kho pana samayena aññataro
brāhmaṇo bhikkhuniyo nimantetvā bhojesi. Bhikkhuniyo bhuttāvī
pavāritā ñātikulāni gantvā ekaccā bhuñjiṁsu ekaccā piṇḍapātaṁ
ādāya agamaṁsu. Athakho so brāhmaṇo paṭivissake etadavoca
bhikkhuniyo mayā ayyā santappitā etha tumhepi santappessāmīti.
Te evamāhaṁsu kiṁ tvaṁ ayya 1 amhe santappessasi yāpi
tayā nimantitā tāpi amhākaṁ gharāni āgantvā ekaccā bhuñjiṁsu
ekaccā piṇḍapātaṁ ādāya agamaṁsūti. Athakho so brāhmaṇo
ujjhāyati khīyati vipāceti kathaṁ hi nāma bhikkhuniyo amhākaṁ
ghare bhuñjitvā aññatra bhuñjissanti na cāhaṁ paṭibalo yāvadatthaṁ
dātunti. Assosuṁ kho bhikkhuniyo tassa brāhmaṇassa
ujjhāyantassa khīyantassa vipācentassa. Yā tā bhikkhuniyo
appicchā .pe. Tā ujjhāyanti khīyanti vipācenti kathaṁ hi
nāma bhikkhuniyo bhuttāvī pavāritā aññatra bhuñjissantīti
.pe. Saccaṁ kira bhikkhave bhikkhuniyo bhuttāvī pavāritā aññatra
1 Ma. Yu. ayyo.
Bhuñjantīti. Saccaṁ bhagavāti. Vigarahi buddho bhagavā kathaṁ hi
nāma bhikkhave bhikkhuniyo bhuttāvī pavāritā aññatra bhuñjissanti
netaṁ bhikkhave appasannānaṁ vā pasādāya .pe. Evañca pana
bhikkhave bhikkhuniyo imaṁ sikkhāpadaṁ uddisantu yā pana bhikkhunī
nimantitā vā pavāritā vā khādanīyaṁ vā bhojanīyaṁ vā khādeyya
vā bhuñjeyya vā pācittiyanti.

[343] Yā panāti yā yādisā .pe. Bhikkhunīti .pe. Ayaṁ
imasmiṁ atthe adhippetā bhikkhunīti. Nimantitā nāma pañcannaṁ
bhojanānaṁ aññatarena bhojanena nimantitā. Pavāritā nāma āsanaṁ
paññāyati bhojanaṁ paññāyati hatthapāse ṭhitā abhiharati paṭikkhepo
paññāyati. Khādanīyaṁ nāma pañca bhojanāni yāguṁ yāmakālikaṁ
sattāhakālikaṁ yāvajīvikaṁ ṭhapetvā avasesaṁ khādanīyaṁ nāma. Bhojanīyaṁ
nāma pañca bhojanāni odano kummāso sattu maccho maṁsaṁ.
Khādissāmi bhuñjissāmīti paṭiggaṇhāti āpatti dukkaṭassa.
Ajjhohāre ajjhohāre āpatti pācittiyassa.

[344] Nimantite 1 nimantitasaññā khādanīyaṁ vā bhojanīyaṁ vā
khādati vā bhuñjati vā āpatti pācittiyassa. Nimantite vematikā
khādanīyaṁ vā bhojanīyaṁ vā khādati vā bhuñjati vā āpatti pācittiyassa.
Nimantite animantitasaññā khādanīyaṁ vā bhojanīyaṁ vā khādati
vā bhuñjati vā āpatti pācittiyassa. Yāmakālikaṁ
1 Ma. Yu. nimantite .pe. āpatti pācittiyassāti ime pāṭhā na dissanti.
Sattāhakālikaṁ yāvajīvikaṁ āhāratthāya paṭiggaṇhāti āpatti
dukkaṭassa. Ajjhohāre ajjhohāre āpatti dukkaṭassa.

[345] Anāpatti animantitā appavāritā yāguṁ pivati
sāmike apaloketvā bhuñjati yāmakālikaṁ sattāhakālikaṁ yāvajīvikaṁ
sati paccaye paribhuñjati ummattikāya ādikammikāyāti.
--------
Ārāmavaggassa pañcamasikkhāpadaṁ

[346] Tena samayena buddho bhagavā sāvatthiyaṁ viharati jetavane
anāthapiṇḍikassa ārāme. Tena kho pana samayena aññatarā
bhikkhunī sāvatthiyaṁ aññatarissā visikhāya piṇḍāya caramānā yena
aññataraṁ kulaṁ tenupasaṅkami upasaṅkamitvā paññatte āsane
nisīdi. Athakho te manussā taṁ bhikkhuniṁ bhojetvā etadavocuṁ
aññāpi ayye bhikkhuniyo āgacchantūti. Athakho sā bhikkhunī kathaṁ 1
aññā bhikkhuniyo nāgaccheyyunti bhikkhuniyo upasaṅkamitvā etadavoca
amukasmiṁ ayye okāse vālā sunakhā caṇḍo balibaddo
cikkhallo okāso mā kho tattha agamitthāti. Aññatarāpi
bhikkhunī tassā visikhāya piṇḍāya caramānā yena taṁ kulaṁ tenupasaṅkami
upasaṅkamitvā paññatte āsane nisīdi. Athakho te manussā taṁ
bhikkhuniṁ bhojetvā etadavocuṁ kissa ayye bhikkhuniyo na āgacchantīti.
Athakho sā bhikkhunī tesaṁ manussānaṁ etamatthaṁ ārocesi.
1 Ma. Yu. kathaṁ hi nāma.
Manussā ujjhāyanti khīyanti vipācenti kathaṁ hi nāma bhikkhunī
kulaṁ maccharāyissatīti .pe. Saccaṁ kira bhikkhave bhikkhunī kulaṁ
maccharāyatīti. Saccaṁ bhagavāti. Vigarahi buddho bhagavā kathaṁ hi nāma
bhikkhave bhikkhunī kulaṁ maccharāyissati netaṁ bhikkhave appasannānaṁ
vā pasādāya .pe. Evañca pana bhikkhave bhikkhuniyo imaṁ
sikkhāpadaṁ uddisantu yā pana bhikkhunī kulamaccharinī assa
pācittiyanti.

[347] Yā panāti yā yādisā .pe. Bhikkhunīti .pe. Ayaṁ
imasmiṁ atthe adhippetā bhikkhunīti. Kulaṁ nāma cattāri kulāni
khattiyakulaṁ brāhmaṇakulaṁ vessakulaṁ suddakulaṁ. Maccharinī assāti
kathaṁ bhikkhuniyo nāgaccheyyunti bhikkhunīnaṁ santike kulassa avaṇṇaṁ
bhāsati āpatti pācittiyassa. Kulassa vā santike bhikkhunīnaṁ
avaṇṇaṁ bhāsati āpatti pācittiyassa.

[348] Anāpatti [1]- na maccharāyantī santaṁyeva ādīnavaṁ
ācikkhati ummattikāya ādikammikāyāti.
--------
Ārāmavaggassa chaṭṭhasikkhāpadaṁ

[349] Tena samayena buddho bhagavā sāvatthiyaṁ viharati jetavane
anāthapiṇḍikassa ārāme. Tena kho pana samayena sambahulā
bhikkhuniyo gāmakāvāse vassaṁ vutthā sāvatthiṁ agamaṁsu. Bhikkhuniyo
1 Ma. Yu. kulaṁ.
Tā bhikkhuniyo etadavocuṁ katthayyāyo vassaṁ vutthā kacci ovādo
iddho ahosīti. Natthayye tattha bhikkhū kuto ovādo iddho
bhavissatīti. Yā tā bhikkhuniyo appicchā .pe. Tā ujjhāyanti
khīyanti vipācenti kathaṁ hi nāma bhikkhuniyo abhikkhuke āvāse
vassaṁ vasissantīti .pe. Saccaṁ kira bhikkhave bhikkhuniyo abhikkhuke
āvāse vassaṁ vasantīti. Saccaṁ bhagavāti. Vigarahi buddho bhagavā
kathaṁ hi nāma bhikkhave bhikkhuniyo abhikkhuke āvāse vassaṁ
vasissanti netaṁ bhikkhave appasannānaṁ vā pasādāya .pe. Evañca
pana bhikkhave bhikkhuniyo imaṁ sikkhāpadaṁ uddisantu yā pana bhikkhunī
abhikkhuke āvāse vassaṁ vaseyya pācittiyanti.