[37] Janinda jānāsi piyā mamesā
na sā mamaṁ appiyā bhūmipāla
piyena te dammi piyaṁ janinda
piyadāyino deva piyaṁ labhanti.

[38] So nūnāhaṁ vadhissāmi attānaṁ kāmahetukaṁ
na hi dhammaṁ adhammena ahaṁ vadhitumussahe.

[39] Sace tuvaṁ mayha satiṁ janinda
na kāmayāsi naravīra seṭṭha
cajāmi naṁ sabbajanassa majjhe 1
mayā pamuttaṁ tato avhayesi naṁ.

[40] Adūsiyañce abhipāraka tuvaṁ
cajāsi katte ahitāya tyassa
mahā ca te upavādopi assa
na cāpi tyassa nagaramhi pakkho.

[41] Ahaṁ sahissaṁ upavādametaṁ
nindaṁ pasaṁsaṁ garahañca sabbaṁ
mametamāgacchatu bhūmipāla
1 Yu. sibbayā.
Yathāsukhaṁ sīvi 1 karohi kāmaṁ.
Yo neva nindaṁ na punappasaṁsaṁ 2
ādiyati garahaṁ nopi pūjaṁ
sirī ca lakkhī ca apeti tamhā
āpo suvuṭṭhīva yathā thalamhā.
Yaṅkiñci dukkhañca sukhañca etto
dhammātisārañca manovighātaṁ
urasā ahaṁ paṭicchissāmi 3 sabbaṁ
paṭhavī yathā thāvarānaṁ tasānaṁ.

[42] Dhammātisārañca manovighātaṁ
dukkhañca nicchāmi ahaṁ paresaṁ
ekopimaṁ tārayissāmi 4 bhāraṁ
dhamme ṭhito kiñci ahāpayanto.

[43] Saggūpagaṁ puññakammaṁ janinda
mā me tuvaṁ antarāyaṁ akāsi
dadāmi te ummādantiṁ pasanno
rājāva yaññe dhanaṁ brāhmaṇānaṁ.

[44] Addhā tuvaṁ katte hitosi mayhaṁ
sakhā mamaṁ ummādantī tuvañca
nindeyyu devā pitaro ca sabbe
1 Yu. sibba. 2 Ma. panappasaṁsaṁ. 3 Ma. paccuttarissāmi. Yu. paccupadissāmi.
4 Ma. hārayissāmi.
Pāpañca passaṁ abhisamparāyaṁ.

[45] Na hetaṁ dhammaṁ 1 sīvirāja vajjuṁ
sanegamā jānapadā ca sabbe
yante mayā ummādantī padinnā
bhusehi rājā vanathaṁ sajāhi.

[46] Addhā tuvaṁ katte hitosi mayhaṁ
sakhā mamaṁ ummādantī tuvañca
satañca dhammāni sukittitāni
samuddavelāva duraccayāni.