[17] Na te kaṭṭhāni bhinnāni na te udakamābhataṁ
aggipi te na hāpito kinnu mandova jhāyasi.
Bhinnāni kaṭṭhāni huto ca aggi
tapanīpi te samitā brahmacārī
pīṭhañca mayhaṁ udakañca hoti
ramasi tuvaṁ brahmabhūto puratthā.
Abhinnakaṭṭhosi anābhatodako
ahāsitaggīsi asiddhabhojano
na me tuvaṁ ālapasi mamajja
naṭṭhaṁ nu kiṁ cetasikañca dukkhaṁ.

[18] Idhāgamā jaṭilo brahmacārī
sudassaneyyo sutanū vineti
nevātidīgho na panātirasso
sukaṇhakaṇhacchadanehi bhoto.
Amassujāto apurāṇavaṇṇī
ādhārarūpañca panassa kaṇṭhe
dve yamā 1 gaṇḍā ure sujātā 2
suvaṇṇatiṇḍusannibhā 3 pabhassarā.
Mukhañca tassa bhusadassaneyyaṁ
kaṇṇesu lambanti ca kuñcitaggā
te jotare carato māṇavassa
suttañca yaṁ saṁyamānaṁ jaṭānaṁ
aññā ca tassa saṁyamāni catasso
nīlā pītā lohitakā ca setā
tā saṁsare carato māṇavassa
tiriṭisaṅghāriva pāvusamhi.
Na mekhalaṁ muñjamayaṁ dhāreti
na santhare no pana pabbajassa
tā jotare jaṅghanantare 4 vilaggā
sateritā 5 vijjurivantalikkhe.
Akhilakāni ca avaṇṭakāni
heṭṭhā nabhyā kaṭisamohitāni
aghaṭṭitā niccakīḷaṁ karonti
hantāta kiṁ rukkhaphalāni tāni.
1 Sī. dvepassa. Yu. dvāssa. 2 Ma. uresu jātā. 3 Ma. suvaṇṇatindukanibhā.
Yu. sovaṇṇapiṇḍūpanibhā. 4 Ma. jaghanantare. 5 Ma. sateratā.
Jaṭā ca tassa bhusadassaneyyā
parosataṁ vellitaggā sugandhā
dvedhāsiro sādhuvibhattarūpo
aho nukho mayha tathā jaṭāssu.
Yadā ca so pakirati tā jaṭāyo
vaṇṇena gandhena upetarūpā
nīluppalaṁ vātasameritaṁva
tatheva saṁvāyati 1 panassamo ayaṁ.
Paṅko ca tassa bhusadassaneyyo
netādiso yādiso mayha kāyo 2
so vāyati erito mālutena
vanaṁ yathā aggagimhe suphullaṁ.
Nihanti so rukkhaphalaṁ paṭhabyā
sucittarūpaṁ ruciraṁ dassaneyyaṁ
khittañca tassa punareti hatthaṁ
hantāta kiṁ rukkhaphalaṁ nukho taṁ.
Dantā ca tassa bhusadassaneyyā
suddhā samā saṅkhavarūpapannā
mano pasādenti vivariyamānā
na hi 3 nūna so sākamakhādi tehi.
1 Ma. saṁvāti. 2 Ma. mayhaṁ kāye. 3 Sī. Yu. sabbattha na ha....
Akakkasaṁ aggaḷitaṁ muhuṁ muduṁ
ujuṁ anuddhataṁ acapalamassa bhāsitaṁ
rudaṁ manuññaṁ karavīkasussaraṁ
hadayaṅgamaṁ rañjayateva me mano.
Bindussaro nātivissaṭṭhavākyo 1
na nūna sajjhāyamatippayutto
icchāmi kho 2 taṁ punadeva daṭṭhuṁ
mittañhi 3 me māṇavāhu 4 puratthā.
Susandhi sabbattha vimaṭṭhimaṁ vaṇaṁ
puthu sujātaṁ kharapattasannibhaṁ
teneva maṁ uttariyāna māṇavo
vivariya ūraṁ jaghanena pīḷayi.
Tapanti ābhanti virocare ca
sateritā 5 vijjurivantalikkhe
bāhā mudū añjanalomasadisā
vicitravaṭṭaṅgulikassa sobhare.
Akakkasaṅgo na ca dīghalomo
nakhassa dīghā api lohitaggā
mudūhi bāhāhi palissajanto
kalyāṇarūpo ramayaṁ upaṭṭhahi.
1 Ma. nātivisaḷavākyo. 2 Ma. bho. 3 Ma. mitto hi. 4 Ma. māṇavohu.
5 Ma. sateratā.
Dumassa tūlūpanibhā pabhassarā
suvaṇṇakambūtalavaṭṭasucchavī
hatthā mudū tehi maṁ saṁphusitvā
ito gato tena maṁ dahanti tāta.
Na nūna so khārividhaṁ ahāsi
na nūna so kaṭṭhāni sayaṁ abhañji
na nūna so hanti dume kuṭhāriyā
napissa hatthesu khilāni atthi.
Acchova kho tassa vaṇaṁ akāsi
so maṁ bravī sukhitaṁ maṁ karohi
tāhaṁ kariṁ tena mamāpi 1 sokhyaṁ
so ca bravī sukhitosmīti brahme.
Ayañca te māluvapaṇṇasanthatā
vikiṇṇarūpāva mayā ca tena ca
kilantarūpā udake ramitvā
punappunaṁ paṇṇakuṭiṁ vajāma.
Na majja mantā paṭibhanti tāta
na aggihuttaṁ napi yañña tatra 2
na cāpi te mūlaphalāni bhuñje
1 Ma. mamāsi. 2 Sī. yaññatantraṁ. Ma. yaññatantaṁ.
Yāva na passāmi taṁ brahmacāriṁ.
Addhā pajānāsi tuvaṁpi tāta
yassaṁ disāyaṁ 1 vasate brahmacārī
taṁ maṁ disaṁ pāpaya tāta khippaṁ
mā te ahaṁ amarimassamamhi.
Vicitraphullañhi 2 vanaṁ sutaṁ mayā
dijābhighuṭṭhaṁ dijasaṅghasevitaṁ
taṁ maṁ vanaṁ pāpaya tāta khippaṁ
purā te pāṇaṁ vijahāmi assame.

[19] Imasmāhaṁ jotirase vanamhi
gandhabbadevaccharasaṅghasevite
isīnamāvāse sanantanamhi
netādisaṁ aratiṁ pāpuṇetha.
Bhavanti mittāni atho na honti
ñātīsu mittesu karonti pemaṁ
ayañca jammo kissa divā 3 niviṭṭho
yo neva jānāti kutomhi āgato.
Saṁvāsena hi mittāni sandhiyanti punappunaṁ
sveva mitto 4 asaṅgantu asaṁvāsena jīrati.
1 Ma. disaṁ. 2 Sī.Yu. vicitarapupphaṁ. 3 Sī. rivā. Ma. vā. 4 Yu. sā ca metti.
Sace tuvaṁ dakkhasi brahmacāriṁ
sace tuvaṁ sallape 1 brahmacārinā
sampannasassaṁva mahodakena
tapoguṇaṁ khippamimaṁ pahassasi.
Punapi ce dakkhasi brahmacāriṁ
punapi ce sallape 2 brahmacārinā
sampannasassaṁva mahodakena
usmāgataṁ khippamimaṁ pahassasi.
Bhūtāni hetāni caranti tāta
virūparūpena manussaloke
na tāni sevetha naro sapañño
āsajjanaṁ 3 nassati brahmacārīti.
Naḷinikājātakaṁ paṭhamaṁ.
--------------
Ummādantījātakaṁ

[20] Nivesanaṁ kassa nudaṁ sunanda
pākārena paṇḍumayena guttaṁ
kā dissati aggisikhāva dūre
vehāyasaṁ 4 pabbataggeva acci.
1-2 Yu. sallapi. 3 Ma. āsajja naṁ. 4 Sī. Yu. vehāsayaṁ.
Dhītā nvāyaṁ kassa sunanda hoti
suṇisā nvāyaṁ kassa athopi bhariyā
akkhāhi me khippamidheva puṭṭho
avāvatā yadi vā atthi bhattā.

[21] Ahaṁ hi jānāmi janinda etaṁ
matyā ca petyā ca athopi assā
taveva so puriso bhūmipāla
rattindivaṁ appamatto tavatthe.
Iddho ca phīto ca suvaḍḍhito ca
amacco ca te aññataro janinda
tadseva sā bhariyā abhipārakassa
ummādantīti nāmadheyyena rāja.

[22] Ambho ambho nāmamidaṁ imissā
matyā ca petyā ca kataṁ susādhu
tathāhi mayhaṁ avalokayantī
ummattakaṁ ummādantī akāsi.

[23] Yā puṇṇamāse migamandalocanā
upāvisī puṇḍarīkattacaṅgī
dve puṇṇamāyo tadahū amaññiṁ
disvāna pārāvaṭarattavāsiniṁ.
Aḷārapamhehi subhehi vaggubhi
palobhayantī maṁ yadā udikkhati
vijamhamānā 1 harateva me mano
jātā vane kiṁpurisīva pabbate.
Tadā hi brahatī sāmā āmuttamaṇikuṇḍalā
ekaccavasanā nārī migī bhantāvudikkhati.
Kadāssu maṁ tambanakhā sulomā
bāhāmudū candanasāralittā
vaṭṭaṅgulī sannatadhīrakuttiyā
nārī upaññissati sīsato subhā.
Kadāssu maṁ kāñcanajāluracchadā
dhītā tirīṭissa vilākamajjhā 2
mudūhi bāhāhi palissajissati
brahāvane jātadumaṁva māluvā.
Kadāssu maṁ 3 lākhārasarattasucchavī
bindutthanī puṇḍarīkattacaṅgī
mukhaṁ mukhena upanāmayissati
soṇḍova soṇḍassa surāya thālaṁ.
Yadāddasaṁ taṁ tiṭṭhantiṁ sabbagattaṁ 4 manoramaṁ
1 Ma. vijmbhamānā. 2 Ma. vilaggamajjhā. 3 Ma. ayaṁ pāṭho natthi. 4 Ma. sabbabhaddaṁ.
Tato sakassa cittassa nāvabodhāmi kañci naṁ.
Ummādantī mayā diṭṭhā 1 āmuttamaṇikuṇḍalā
na suppāmi divārattiṁ sahassaṁva parājito.
Sakko ce 2 me varaṁ dajjā so ca labbhetha me varo
ekarattaṁ dvirattaṁ vā bhaveyya 3 abhipārako
ummādantyā ramitvāna sīvirājā tato siyā 4 .

[24] Bhūtāni me bhūtapatī namassato
āgamma yakkho idametadabravi
rañño mano ummādantyā niviṭṭho
dadāmi te taṁ paricārayassu.

[25] Puññā ca dhaṁse 5 amaro na camhi
jano ca me pāpamidañca jaññā
bhuso ca tyassa manaso vighāto
datvā piyaṁ ummādantiṁ adiṭṭhā 6 .

[26] Janinda nāññatra tayā mayā vā
sabbāpi kammassa katassa jaññā
yante mayā ummādantī padinnā
bhusehi rājā vanathaṁ sajāhi.