[7] Assamassa mama brahme samīpe gandhamādane
bahavo 1 tādisā rukkhā yassa tevaṁ gataṁ phalaṁ
dūrepi khittaṁ pacceti na maṁ ohāya gacchati.

[8] Etu bhavaṁ assamimaṁ adetu
pajjañca bhakkhañca paṭiccha dammi
idamāsanaṁ atra bhavaṁ nisīdatu
ito bhavaṁ mūlaphalāni bhuñjatu 2 .

[9] Kinte idaṁ ūrūnamantarasmiṁ
supicchitaṁ kaṇharivappakāsati
akkhāhi me pucchito etamatthaṁ
kose nu te uttamaṅgaṁ paviṭṭhaṁ.

[10] Ahaṁ vane mūlaphalesanaṁ caraṁ
1 Sī. pabbate. 2 Sī. khādatu.
Asādayiṁ acchaṁ sughorarūpaṁ
so maṁ patitvā sahasajjhappatto
panujja maṁ abbuhi uttamaṅgaṁ.
Svāyaṁ vaṇo khajjati kaṇḍuvāyati
sabbañca kālaṁ na labhāmi sātaṁ
paho bhavaṁ kaṇḍumimaṁ vinetuṁ
kurutaṁ bhavaṁ yācito brāhmaṇatthaṁ.

[11] Gambhīrarūpo te vaṇo salohito
apūtiko pannagandho 1 mahā ca
karomi te kiñci kasāyayogaṁ
yathā bhavaṁ paramasukhī bhaveyya.

[12] Na mantayogā na kasāyayogā
na osadhā brahmacāri kamanti
ghaṭṭe mudukena aṅgena 2 vinehi kaṇḍuṁ 3
yathā ahaṁ paramasukhī bhaveyyaṁ.

[13] Ito nu bhoto katamena assamo
kacci bhavaṁ abhiramasi araññe
kacci nu te mūlaphalaṁ pahūtaṁ
kacci bhavantaṁ na vihiṁsanti vāḷā.
1 Sī. pakkagandho. Ma. vaṇagandho. 2 Sī. yaṁ te mudu tena. 3 Yu. kaṇḍūkaṁ.

[14] Ito ujuṁ uttarāyaṁ disāyaṁ
khemā nadī himavantā pabhāti
tassā tīre assamo mayha rammo
aho bhavaṁ assamaṁ mayha passe.
Ambā ca sālā tilakā 1 ca jambuyo
uddālakā pāṭaliyo ca phullā
samantato kiṁpurisābhigītaṁ
aho bhavaṁ assamaṁ mayha passe.
Tālā ca mūlā ca phalā ca mettha
vaṇṇena gandhena upetarūpaṁ
taṁ bhūmibhāgehi upetarūpaṁ
aho bhavaṁ assamaṁ mayha passe.
Phalā ca mūlā ca pahūtamettha
vaṇṇena gandhena rasenupetā
āyanti ca luddakā taṁ padesaṁ
mā me tato mūlaphalaṁ ahāsuṁ.

[15] Pitā mama mūlaphalesanaṁ gato
idāni āgacchati sāyakāle
ubhova gacchāmase assamantaṁ
1 tiṇḍukātipi.
Yāva pitā mūlaphalato etu.

[16] Aññe bahū isayo sādhurūpā
rājīsayo anumagge vasanti
teyeva pucchesi mamassamantaṁ
te taṁ nayissanti mamaṁ sakāse.