[240] Yā panāti yā yādisā .pe. Bhikkhunīti .pe. Ayaṁ
imasmiṁ atthe adhippetā bhikkhunīti. Gaṇo nāma bhikkhunīsaṅgho
vuccati. Cīvaraṁ nāma channaṁ cīvarānaṁ aññataraṁ cīvaraṁ vikappanupagaṁ
pacchimaṁ. Antarāyaṁ kareyyāti kathaṁ imaṁ cīvaraṁ dadeyyunti
antarāyaṁ karoti āpatti pācittiyassa. Aññaṁ parikkhāraṁ
antarāyaṁ karoti āpatti dukkaṭassa. Sambahulānaṁ bhikkhunīnaṁ
vā ekabhikkhuniyā vā anupasampannāya vā cīvaraṁ vā aññaṁ vā
parikkhāraṁ antarāyaṁ karoti āpatti dukkaṭassa.

[241] Anāpatti ānisaṁsaṁ dassetvā nivāreti ummattikāya
ādikammikāyāti.
1 Ma. Yu. akāsi.
Naggavaggassa sattamasikkhāpadaṁ

[242] Tena samayena buddho bhagavā sāvatthiyaṁ viharati jetavane
anāthapiṇḍikassa ārāme. Tena kho pana samayena bhikkhunīsaṅghassa
akālacīvaraṁ uppannaṁ hoti. Athakho bhikkhunīsaṅgho taṁ cīvaraṁ bhājetukāmo
sannipati. Tena kho pana samayena thullanandāya bhikkhuniyā
antevāsiniyo bhikkhuniyo 1 pakkantā honti. Thullanandā bhikkhunī
tā bhikkhuniyo etadavoca ayye bhikkhuniyo pakkantā na tāva
cīvaraṁ bhājiyissatīti cīvaravibhaṅgaṁ paṭibāhi 2 . Bhikkhuniyo na tāva
cīvaraṁ bhājiyissatīti vippakkamiṁsu. Thullanandā bhikkhunī antevāsinīsu
bhikkhunīsu 3 āgatāsu taṁ cīvaraṁ bhājāpesi. Yā tā bhikkhuniyo
appicchā .pe. Tā ujjhāyanti khīyanti vipācenti kathaṁ hi
nāma ayyā thullanandā dhammikaṁ cīvaravibhaṅgaṁ paṭibāhissatīti .pe.
Saccaṁ kira bhikkhave thullanandā bhikkhunī dhammikaṁ cīvaravibhaṅgaṁ
paṭibāhatīti 4 . Saccaṁ bhagavāti. Vigarahi buddho bhagavā kathaṁ hi nāma
bhikkhave thullanandā bhikkhunī dhammikaṁ cīvaravibhaṅgaṁ paṭibāhissati netaṁ
bhikkhave appasannānaṁ vā pasādāya .pe. Evañca pana bhikkhave
bhikkhuniyo imaṁ sikkhāpadaṁ uddisantu yā pana bhikkhunī dhammikaṁ
1 Ma. Yu. antevāsibhikkhuniyo. 2 Ma. Yu. paṭibāhati.
3 Ma. Yu. antevāsibhikkhunīsu. 4 Ma. Yu. paṭibāhati.
Cīvaravibhaṅgaṁ paṭibāheyya pācittiyanti.

[243] Yā panāti yā yādisā .pe. Bhikkhunīti .pe. Ayaṁ
imasmiṁ atthe adhippetā bhikkhunīti. Dhammiko nāma cīvaravibhaṅgo
samaggo bhikkhunīsaṅgho sannipatitvā bhājeti. Paṭibāheyyāti kathaṁ
imaṁ cīvaraṁ bhājeyyāti paṭibāhati āpatti pācittiyassa.

[244] Dhammike dhammikasaññā paṭibāhati āpatti pācittiyassa.
Dhammike vematikā paṭibāhati āpatti dukkaṭassa. Dhammike
adhammikasaññā paṭibāhati anāpatti. Adhammike dhammikasaññā
āpatti dukkaṭassa. Adhammike vematikā āpatti dukkaṭassa.
Adhammike adhammikasaññā anāpatti.

[245] Anāpatti ānisaṁsaṁ dassetvā paṭibāhati ummattikāya
ādikammikāyāti.
-------
Naggavaggassa aṭṭhamasikkhāpadaṁ

[246] Tena samayena buddho bhagavā sāvatthiyaṁ viharati jetavane
anāthapiṇḍikassa ārāme. Tena kho pana samayena thullanandā
bhikkhunī naṭānaṁpi naṭakānaṁpi saṅghikānaṁpi 1 sokajjhāyikānaṁpi kumbhathūnikānaṁpi
samaṇacīvaraṁ deti mayhaṁ parisati vaṇṇaṁ bhāsathāti. Naṭāpi
naṭakāpi saṅghikāpi sokajjhāyikāpi kumbhathūnikāpi thullanandāya
bhikkhuniyā parisati vaṇṇaṁ bhāsanti ayyā thullanandā bahussutā
1 Ma. Yu. laṅghikānaṁ. sabbattha evameva dissati.
Bhāṇikā visāradā paṭṭhā dhammiṁ kathaṁ 1 kātuṁ detha ayyāya karotha
ayyāyāti. Yā tā bhikkhuniyo appicchā .pe. Tā ujjhāyanti
khīyanti vipācenti kathaṁ hi nāma ayyā thullanandā āgārikassa
samaṇacīvaraṁ dassatīti .pe. Saccaṁ kira bhikkhave thullanandā bhikkhunī
āgārikassa samaṇacīvaraṁ detīti. Saccaṁ bhagavāti. Vigarahi buddho
bhagavā kathaṁ hi nāma bhikkhave thullanandā bhikkhunī āgārikassa
samaṇacīvaraṁ dassati netaṁ bhikkhave appasannānaṁ vā pasādāya
.pe. Evañca pana bhikkhave bhikkhuniyo imaṁ sikkhāpadaṁ uddisantu
yā pana bhikkhunī āgārikassa vā paribbājakassa vā paribbājikāya
vā samaṇacīvaraṁ dadeyya pācittiyanti.

[247] Yā panāti yā yādisā .pe. Bhikkhunīti .pe. Ayaṁ
imasmiṁ atthe adhippetā bhikkhunīti. Āgāriko 2 nāma yo koci
agāraṁ ajjhāvasati. Paribbājako nāma bhikkhuñca sāmaṇerañca
ṭhapetvā yo koci paribbājakasamāpanno. Paribbājikā nāma
bhikkhuniñca sikkhamānañca sāmaṇeriñca ṭhapetvā yā kāci paribbājikasamāpannā.
Samaṇacīvaraṁ nāma kappakataṁ vuccati. Deti āpatti
pācittiyassa.

[248] Anāpatti mātāpitūnaṁ deti tāvakālikaṁ deti
ummattikāya ādikammikāyāti.
1 dhammakathantipi pāṭho. 2 Ma. Yu. agāriko.
Naggavaggassa navamasikkhāpadaṁ

[249] Tena samayena buddho bhagavā sāvatthiyaṁ viharati jetavane
anāthapiṇḍikassa ārāme. Tena kho pana samayena thullanandāya
bhikkhuniyā upaṭṭhākakulaṁ thullanandaṁ bhikkhuniṁ etadavoca sace mayaṁ
ayye sakkoma bhikkhunīsaṅghassa cīvaraṁ dassāmāti. Tena kho pana
samayena vassaṁ vutthā bhikkhuniyo cīvaraṁ bhājetukāmā sannipatiṁsu.
Thullanandā bhikkhunī tā bhikkhuniyo etadavoca āgametha ayye
atthi bhikkhunīsaṅghassa cīvarapaccāsāti. Bhikkhuniyo thullanandaṁ bhikkhuniṁ
etadavocuṁ gacchayye taṁ cīvaraṁ jānāhīti. Thullanandā bhikkhunī
yena taṁ kulaṁ tenupasaṅkami upasaṅkamitvā te manusse etadavoca
dethāvuso bhikkhunīsaṅghassa cīvaranti. Na mayaṁ ayye sakkoma bhikkhunīsaṅghassa
cīvaraṁ dātunti. Thullanandā bhikkhunī bhikkhunīnaṁ etamatthaṁ
ārocesi. Yā tā bhikkhuniyo appicchā .pe. Tā ujjhāyanti
khīyanti vipācenti kathaṁ hi nāma ayyā thullanandā dubbalacīvarapaccāsāya
cīvarakālasamayaṁ atikkāmessatīti .pe. Saccaṁ kira bhikkhave
thullanandā bhikkhunī dubbalacīvarapaccāsāya cīvarakālasamayaṁ atikkāmetīti 1 .
Saccaṁ bhagavāti. Vigarahi buddho bhagavā kathaṁ hi nāma
bhikkhave thullanandā bhikkhunī dubbalacīvarapaccāsāya cīvarakālasamayaṁ
1 Ma. Yu. atikkāmesīti.
Atikkāmessati netaṁ bhikkhave appasannānaṁ vā pasādāya .pe.
Evañca pana bhikkhave bhikkhuniyo imaṁ sikkhāpadaṁ uddisantu yā
pana bhikkhunī dubbalacīvarapaccāsāya cīvarakālasamayaṁ atikkāmeyya
pācittiyanti.