[1047] Kāmaṁ ruppatu vā mā vā bhūsaṁ vā vikiriyyatu
dhammaṁ me bhaṇamānassa na pāpamupalimpati.

[1048] No ce assa sakā buddhi vinayo vā susikkhito
vane andhamahiṁsova 3 careyya bahuko jano.

[1049] Yasmā ca panidhekacce āceramhi 4 susikkhitā
tasmā vinītavinayā dhīrā 5 caranti susamāhitāti.
Gandhārajātakaṁ paṭhamaṁ.
---------
1 Sī. Yu. pahutadhanadhāniyaṁ. Ma. pahūtadhanadhāriyaṁ. 2 Ma. pasāsanato.
3 Sī. Yu. andhamahiso va. 4 Sī. Yu. ācāramhi. 5 Ma. Yu. ayaṁ pāṭho natthi.
2 Mahākapijātakaṁ

[1050] Attānaṁ saṅkamaṁ katvā yo sotthiṁ samatārayi
kiṁ tvaṁ tesaṁ kiṁme 1 tuyhaṁ honti hete 2 mahākapi.

[1051] Rājāhaṁ issaro tesaṁ yūthassa parihārako
tesaṁ sokaparetānaṁ bhiṁtānante arindama.

[1052] Ullaṅghayitvā attānaṁ vissaṭṭhadhanuno sataṁ
tato aparapādesu daḷhaṁ bandhaṁ latāgulaṁ 3 .

[1053] Chinnabbhamiva vātena nuṇṇo rukkhamupāgamiṁ
sohaṁ appabhavaṁ tattha sākhaṁ hatthehi aggahiṁ.

[1054] Taṁ maṁ vīṇāyataṁ santaṁ sākhāya ca latāya ca
samanukkamantā pādehi sotthiṁ sākhamigā gatā.

[1055] Taṁ maṁ na tappatī 4 bandho vadho 5 me na tapessati
sukhamāharitaṁ tesaṁ yesaṁ rajjamakārayiṁ.

[1056] Esā te upamā rāja taṁ suṇāhi arindamaṁ 6
raññā raṭṭhassa yoggassa balassa nigamassa ca
sabbesaṁ sukhametabbaṁ khattiyena pajānatāti.
Mahākapijātakaṁ dutiyaṁ.
--------
1 Ma. kime. Sī. Yu. kimo. 2 Ma. ete. 3 Ma. latāgunaṁ. 4 Ma. tapate.
5 Ma. mato. 6 Sī. Yu. atthasandassanī katā.
3 Kumbhakārajātakaṁ