[1027] Dadāmi te brāhmaṇa rohiṇīnaṁ
gavaṁ sahassaṁ saha puṅgavena
ariyo hi ariyassa kathaṁ na dajjā
sutvāna gāthā tava dhammayuttāti.
Aṭṭhisenajātakaṁ 1 aṭṭhamaṁ.
1 Ma. aṭṭhisenakajātakaṁ. 2 Ma. yo ve. 3 Ma. puññā. 4 Ma. yācaṁ hi.
5 Ma. dessanti. Sī. Yu. dissanti. 6 Sī. vara taṁ bhaññamīcchasi. Ma. vada tvaṁ
bhaññamicchasi.
9 Kapijātakaṁ

[1028] Yattha verī nivisati 1 na vase tattha paṇḍito
ekarattaṁ dvirattaṁ vā dukkhaṁ vasati verisu.

[1029] Diso ve lahucittassa posassānuvidhiyyato
ekassa kapino hetu yūthassa anayo kato.

[1030] Bālo ca paṇḍitamānī yūthassa parihārako
sacittassa vasaṁ gantvā sayethāyaṁ yathā kapi.

[1031] Na sādhu balavā bālo yūthassa parihārako
ahito bhavati ñātīnaṁ sakuṇānaṁva cetako.

[1032] Dhīro ca balavā sādhu yūthassa parihārako
hito bhavati ñātīnaṁ tidasānaṁva vāsavo.

[1033] Yo ca sīlañca paññañca sutañcattani passati
ubhinnamatthaṁ carati attano ca parassa ca.

[1034] Tasmā tuleyyamattānaṁ sīlaṁ paññaṁ sutaṁpiva 2
gaṇaṁ vā parihare dhīro eko vāpi paribbajeti.
Kapijātakaṁ navamaṁ.
--------
10 Bakabrahmajātakaṁ 3

[1035] Dvāsattati gotama puññakammā
1 Ma. nivasati. 2 Sī. Ma. sīlapaññāsutāmiva. 3 Ma. bakajātakaṁ.
Vasavattino jātijaraṁ atītā
ayamantimā vedagū brahmupapatti 1
asmābhijappanti janā anekā.

[1036] Appañca hetaṁ 2 na hi dīghamāyu
yaṁ tvaṁ baka maññasi dīghamāyuṁ
sataṁ sahassāna 3 nirabbudānaṁ
āyuṁ pajānāmi tavāha brahme.