[70] Yā panāti yā yādisā .pe. Bhikkhunīti .pe. Ayaṁ imasmiṁ
atthe adhippetā bhikkhunīti. Kismiñcideva adhikaraṇeti adhikaraṇaṁ nāma
cattāri adhikaraṇāni vivādādhikaraṇaṁ anuvādādhikaraṇaṁ āpattādhikaraṇaṁ
kiccādhikaraṇaṁ. Pacchā katā nāma parājitā vuccati. Kupitā
Anattamanāti anabhiraddhā 1 āhatacittā khilajātā. Evaṁ vadeyyāti
chandagāminiyo ca bhikkhuniyo .pe. Bhayagāminiyo ca bhikkhuniyoti.

[71] Sā bhikkhunīti yā sā evaṁvādinī bhikkhunī. Bhikkhunīhīti
aññāhi bhikkhunīhi. Yā passanti yā suṇanti tāhi vattabbā
māyye kismiñcideva adhikaraṇe pacchā katā kupitā anattamanā
evaṁ avaca chandagāminiyo ca bhikkhuniyo .pe. Bhayagāminiyo ca
bhikkhuniyoti ayyā kho chandāpi gaccheyya .pe. Bhayāpi
gaccheyyāti. Dutiyampi vattabbā tatiyampi vattabbā. Sace
paṭinissajjati iccetaṁ kusalaṁ no ce paṭinissajjati āpatti
dukkaṭassa. Sutvā na vadanti āpatti dukkaṭassa. Sā bhikkhunī
saṅghamajjhaṁpi ākaḍḍhitvā vattabbā māyye kismiñcideva adhikaraṇe
pacchā katā kupitā anattamanā evaṁ avaca chandagāminiyo ca
bhikkhuniyo .pe. Bhayagāminiyo ca bhikkhuniyoti ayyā kho chandāpi
gaccheyya .pe. Bhayāpi gaccheyyāti. Dutiyampi vattabbā
tatiyampi vattabbā. Sace paṭinissajjati iccetaṁ kusalaṁ no
ce paṭinissajjati āpatti dukkaṭassa.

[72] Sā bhikkhunī samanubhāsitabbā. Evañca pana bhikkhave
samanubhāsitabbā byattāya bhikkhuniyā paṭibalāya saṅgho ñāpetabbo
suṇātu me ayye saṅgho ayaṁ itthannāmā bhikkhunī kismiñcideva
adhikaraṇe pacchā katā kupitā anattamanā evaṁ vadeti
1. Ma. anābhiraddhā.
Chandagāminiyo ca bhikkhuniyo .pe. Bhayagāminiyo ca bhikkhuniyoti.
Sā taṁ vatthuṁ nappaṭinissajjati. Yadi saṅghassa pattakallaṁ saṅgho
itthannāmaṁ bhikkhuniṁ samanubhāseyya tassa vatthussa paṭinissaggāya.
Esā ñatti. Suṇātu me ayye saṅgho ayaṁ itthannāmā
bhikkhunī kismiñcideva adhikaraṇe pacchā katā kupitā anattamanā
evaṁ vadeti chandagāminiyo ca bhikkhuniyo .pe. Bhayagāminiyo ca
bhikkhuniyoti. Sā taṁ vatthuṁ nappaṭinissajjati. Saṅgho itthannāmaṁ
bhikkhuniṁ samanubhāsati tassa vatthussa paṭinissaggāya. Yassā ayyāya
khamati itthannāmāya bhikkhuniyā samanubhāsanā tassa vatthussa
paṭinissaggāya sā tuṇhassa yassā nakkhamati sā bhāseyya.
Dutiyampi etamatthaṁ vadāmi .pe. Tatiyampi etamatthaṁ vadāmi .pe.
Samanubhaṭṭhā saṅghena itthannāmā bhikkhunī tassa vatthussa paṭinissaggāya.
Khamati saṅghassa tasmā tuṇhī. Evametaṁ dhārayāmīti.

[73] Ñattiyā dukkaṭaṁ dvīhi kammavācāhi thullaccayā
kammavācāpariyosāne āpatti saṅghādisesassa. Saṅghādisesaṁ
ajjhāpajjantiyā ñattiyā dukkaṭaṁ dvīhi kammavācāhi thullaccayā
paṭippassambhanti.

[74] Ayampīti purimāyo upādāya vuccati. Yāvatatiyakanti
yāvatatiyaṁ samanubhāsanāya āpajjati na saha vatthujjhācārā.
Nissāraṇīyanti saṅghamhā nissāriyati. Saṅghādisesoti .pe. Tenapi
Vuccati saṅghādisesoti.

[75] Dhammakamme dhammakammasaññā nappaṭinissajjati āpatti
saṅghādisesassa. Dhammakamme vematikā nappaṭinissajjati āpatti
saṅghādisesassa. Dhammakamme adhammakammasaññā nappaṭinissajjati
āpatti saṅghādisesassa. Adhammakamme dhammakammasaññā āpatti
dukkaṭassa. Adhammakamme vematikā āpatti dukkaṭassa.
Adhammakamme adhammakammasaññā āpatti dukkaṭassa.

[76] Anāpatti asamanubhāsantiyā paṭinissajjantiyā
ummattikāya ādikammikāyāti.
----------
Navamasaṅghādisesaṁ

[77] Tena samayena buddho bhagavā sāvatthiyaṁ viharati jetavane
anāthapiṇḍikassa ārāme. Tena kho pana samayena thullanandāya
bhikkhuniyā antevāsiniyo bhikkhuniyo 1 saṁsaṭṭhā viharanti pāpācārā
pāpasaddā pāpasilokā bhikkhunīsaṅghassa vihesikā aññamaññissā
vajjapaṭicchādikā 2 . Yā tā bhikkhuniyo appicchā .pe. Tā
ujjhāyanti khīyanti vipācenti kathaṁ hi nāma bhikkhuniyo saṁsaṭṭhā
viharissanti pāpācārā pāpasaddā pāpasilokā bhikkhunīsaṅghassa
1 Ma. Yu. anutevāsibhikkhuniyo. 2 vajjappaṭicchādikāti amhākaṁ mati.
Vihesikā aññamaññissā vajjapaṭicchādikāti .pe. Saccaṁ kira bhikkhave
bhikkhuniyo saṁsaṭṭhā viharanti pāpācārā pāpasaddā pāpasilokā
bhikkhunīsaṅghassa vihesikā aññamaññissā vajjapaṭicchādikāti. Saccaṁ
bhagavāti. Vigarahi buddho bhagavā kathaṁ hi nāma bhikkhave bhikkhuniyo
saṁsaṭṭhā viharissanti pāpācārā pāpasaddā pāpasilokā bhikkhunīsaṅghassa
vihesikā aññamaññissā vajjapaṭicchādikā 1 netaṁ bhikkhave
appasannānaṁ vā pasādāya .pe. Evañca pana bhikkhave bhikkhuniyo
imaṁ sikkhāpadaṁ uddisantu bhikkhuniyo paneva saṁsaṭṭhā viharanti
pāpācārā pāpasaddā pāpasilokā bhikkhunīsaṅghassa vihesikā
aññamaññissā vajjapaṭicchādikā. Tā bhikkhuniyo bhikkhunīhi evamassu
vacanīyā bhaginiyo kho saṁsaṭṭhā viharanti pāpācārā pāpasaddā
pāpasilokā bhikkhunīsaṅghassa vihesikā aññamaññissā vajjapaṭicchādikā
viviccathayye vivekaññeva bhaginīnaṁ saṅgho vaṇṇetīti.
Evañca tā bhikkhuniyo bhikkhunīhi vuccamānā tatheva paggaṇheyyuṁ tā
bhikkhuniyo bhikkhunīhi yāvatatiyaṁ samanubhāsitabbā tassa paṭinissaggāya.
Yāvatatiyañce samanubhāsiyamānā taṁ paṭinissajjeyyuṁ iccetaṁ kusalaṁ
no ce paṭinissajjeyyuṁ imāpi bhikkhuniyo yāvatatiyakaṁ dhammaṁ āpannā
nissāraṇīyaṁ saṅghādisesanti.

[78] Bhikkhuniyo panevāti upasampannāyo vuccati. Saṁsaṭṭhā
viharanti [2]- ananulomikena kāyikavācasikena 3 saṁsaṭṭhā viharanti.
1 Ma. Yu. vajjapaṭicchādikāti. 2 Ma. Yu. etthantare viharantīti saṁsaṭṭhā nāma.
3 kāyikavācasikena saṁsaggenāti bhavitabbaṁ.
Pāpācārāti pāpakena ācārena samannāgatā. Pāpasaddāti pāpakena
kittisaddena abbhuggatā. Pāpasilokāti pāpakena micchājīvena
jīvitaṁ kappenti. Bhikkhunīsaṅghassa vihesikāti aññamaññissā kamme
kayiramāne 1 paṭikkosanti. Aññamaññissā vajjapaṭicchādikāti
aññamaññaṁ vajjaṁ paṭicchādenti.

[79] Tā bhikkhuniyoti yā tā saṁsaṭṭhā bhikkhuniyo. Bhikkhunīhīti
aññāhi bhikkhunīhi. Yā passanti yā suṇanti tāhi vattabbā
bhaginiyo kho saṁsaṭṭhā viharanti pāpācārā pāpasaddā pāpasilokā
bhikkhunīsaṅghassa vihesikā aññamaññissā vajjapaṭicchādikā
viviccathayye vivekaññeva bhaginīnaṁ saṅgho vaṇṇetīti. Dutiyampi
vattabbā tatiyampi vattabbā. Sace paṭinissajjanti iccetaṁ kusalaṁ
no ce paṭinissajjanti āpatti dukkaṭassa. Sutvā na vadanti
āpatti dukkaṭassa. Tā bhikkhuniyo saṅghamajjhaṁpi ākaḍḍhitvā
vattabbā bhaginiyo kho saṁsaṭṭhā viharanti pāpācārā pāpasaddā
pāpasilokā bhikkhunīsaṅghassa vihesikā aññamaññissā vajja
paṭicchādikā viviccathayye vivekaññeva bhaginīnaṁ saṅgho vaṇṇetīti.
Dutiyampi vattabbā tatiyampi vattabbā. Sace paṭinissajjanti
iccetaṁ kusalaṁ no ce paṭinissajjanti āpatti dukkaṭassa.