[167] Gantvāna buddho nadikaṁ kukuṭaṁ
acchodakaṁ sātodakaṁ vippasannaṁ
ogāhi satthā sukilantarūpo
tathāgato appaṭimodha loke
nahātvā [1]- pivitvā ca uttāri 2 satthā
purakkhato bhikkhugaṇassa majjhe.
Satthā pavattā bhagavā idha dhamme
upāgami ambavanaṁ mahesī.
Āmantayi cundakaṁ nāma bhikkhuṁ
catugguṇaṁ santhara me nipajjaṁ.
So codito bhāvitattena cundo
catugguṇaṁ patthari khippameva.
Nipajji satthā sukilantarūpo.
Cundopi tattha pamukhe nisīdīti.

[168] Atha kho bhagavā āyasmantaṁ ānandaṁ āmantesi siyā
1 Ma. Yu. ca. 2 Ma. cudatāri.
Kho panānanda cundassa kammāraputtassa koci vippaṭisāraṁ
uppādaheyya 1 tassa te āvuso cunda alābhā tassa te [2]- dulladdhaṁ
yassa te tathāgato pacchimaṁ piṇḍapātaṁ paribhuñjitvā parinibbutoti.
Cundassa ānanda kammāraputtassa [3]- vippaṭisāro paṭivinodetabbo
tassa te āvuso cunda lābhā tassa te suladdhaṁ yassa te
tathāgato pacchimaṁ piṇḍapātaṁ paribhuñjitvā parinibbuto sammukhā
me taṁ āvuso cunda bhagavato sutaṁ sammukhā paṭiggahitaṁ dveme
piṇḍapātā samasamapphalā 4 samasamavipākā ativiya aññehi piṇḍapātehi
mahapphalatarā ca mahānisaṁsatarā cāti katame dve yañca
piṇḍapātaṁ paribhuñjitvā tathāgato anuttaraṁ sammāsambodhiṁ
abhisambujjhati yañca piṇḍapātaṁ paribhuñjitvā anupādisesāya
nibbānadhātuyā parinibbāyati ime dve piṇḍapātā samasamapphalā
samasamavipākā ativiya aññehi piṇḍapātehi mahapphalatarā ca
mahānisaṁsatarā ca āyusaṁvattanikaṁ āyasmatā cundena kammāraputtena
kammaṁ upacitaṁ vaṇṇasaṁvattanikaṁ āyasmatā cundena kammāraputtena
kammaṁ upacitaṁ sukhasaṁvattanikaṁ āyasmatā cundena kammāraputtena
upacitaṁ saggasaṁvattanikaṁ āyasmatā cundena kammāraputtena kammaṁ
upacitaṁ yasasaṁvattanikaṁ āyasmatā cundena kammāraputtena kammaṁ
upacitaṁ adhipateyyasaṁvattanikaṁ āyasmatā cundena kammāraputtena
kammaṁ upacitanti. Cundassa ānanda kammāraputtassa evaṁ
1 Po. uppādeyya. 2 Yu. āvuso. 3 Ma. evaṁ. 4 Po. samapphalā
samavipākā. Yu. samāsamapphalā samāsamavipākā.
Vippaṭisāro paṭivinodetabboti. Atha kho bhagavā etamatthaṁ viditvā
tāyaṁ velāyaṁ imaṁ udānaṁ udānesi
dadato puññaṁ pavaḍḍhati saññamato 1 veraṁ na cīyati 2
kusalo ca jahāti pāpakaṁ rāgadosamohakkhayā parinibbutoti 3 . Pañcamaṁ.

[169] 6 Evamme sutaṁ. Ekaṁ samayaṁ bhagavā magadhesu
cārikañcaramāno mahatā bhikkhusaṅghena saddhiṁ yena pāṭaligāmo
tadavasari. Assosuṁ kho pāṭaligāmiyā upāsakā bhagavā kira magadhesu
cārikañcaramāno mahatā bhikkhusaṅghena saddhiṁ pāṭaligāmaṁ
anuppattoti. Atha kho pāṭaligāmiyā upāsakā yena bhagavā
tenupasaṅkamiṁsu upasaṅkamitvā bhagavantaṁ abhivādetvā ekamantaṁ
nisīdiṁsu. Ekamantaṁ nisinnā kho pāṭaligāmiyā upāsakā bhagavantaṁ
etadavocuṁ adhivāsetu no bhante bhagavā āvasathāgāranti.
Adhivāseti bhagavā tuṇhībhāvena. Atha kho pāṭaligāmiyā upāsakā
bhagavato adhivāsanaṁ viditvā uṭṭhāyāsanā bhagavantaṁ abhivādetvā
padakkhiṇaṁ katvā yena āvasathāgāraṁ tenupasaṅkamiṁsu upasaṅkamitvā
sabbasanthariṁ āvasathāgāraṁ santharitvā āsanāni paññāpetvā
udakamaṇikaṁ patiṭṭhāpetvā telappadīpaṁ āropetvā yena
bhagavā tenupasaṅkamiṁsu upasaṅkamitvā bhagavantaṁ abhivādetvā
ekamantaṁ aṭṭhaṁsu. Ekamantaṁ ṭhitā kho pāṭaligāmiyā upāsakā
bhagavantaṁ etadavocuṁ sabbasanthariṁ santhataṁ bhante āvasathāgāraṁ
1 Yu. Ma. saṁyamato. 2 Po. na vijjati. 3 Ma. sanibbuto.
Āsanāni paññattāni udakamaṇikaṁ 1 patiṭṭhāpitaṁ telappadīpo
āropito yassadāni bhante bhagavā kālaṁ maññatīti 2 . Atha kho
bhagavā pubbaṇhasamayaṁ nivāsetvā pattacīvaramādāya saddhiṁ bhikkhusaṅghena
yena āvasathāgāraṁ tenupasaṅkami upasaṅkamitvā pāde
pakkhāletvā āvasathāgāraṁ pavisitvā majjhimaṁ thambhaṁ nissāya
puratthābhimukho nisīdi. Bhikkhusaṅghopi kho pāde pakkhāletvā
āvasathāgāraṁ pavisitvā pacchimaṁ bhattiṁ nissāya puratthābhimukho nisīdi
bhagavantaṁ yeva purakkhitvā. Pāṭaligāmiyāpi kho upāsakā pāde
pakkhāletvā āvasathāgāraṁ pavisitvā puratthimaṁ bhittiṁ nissāya
pacchimābhimukhā nisīdiṁsu bhagavantaṁ yeva purakkhitvā.

[170] Atha kho bhagavā pāṭaligāmiye upāsake āmantesi
pañcime gahapatayo ādīnavā dussīlassa sīlavippattiyā katame
pañca 1 idha gahapatayo dussīlo sīlavippanno pamādādhikaraṇaṁ
mahatiṁ bhogajāniṁ nigacchati ayaṁ paṭhamo ādīnavo dussīlassa
sīlavippattiyā. 2 Puna ca paraṁ gahapatayo dussīlassa sīlavippannassa
pāpako kittisaddo abbhuggato ayaṁ dutiyo ādīnavo dussīlassa
sīlavippattiyā. 3 Puna ca paraṁ gahapatayo dussīlo sīlavippanno
yaññadeva 3 parisaṁ upasaṅkamati yadi khattiyaparisaṁ yadi brāhmaṇaparisaṁ
yadi gahapatiparisaṁ yadi samaṇaparisaṁ avisārado upasaṅkamati
maṅkubhūto ayaṁ tatiyo ādīnavo dussīlassa sīlavippattiyā.
1 Ma. Yu. udakamaṇiko patiṭṭhāpito. 2 Ma. maññasīti. 3 Po. yadideva.
Ma. Yu. yadeva.
4 Puna ca paraṁ gahapatayo dussīlo sīlavippanno sammūḷho kālaṁ
karoti ayaṁ catuttho ādīnavo dussīlassa sīlavippattiyā.
5 Puna ca paraṁ gahapatayo dussīlo sīlavippanno kāyassa bhedā
parammaraṇā apāyaṁ duggatiṁ vinipātaṁ nirayaṁ upapajjati ayaṁ
pañcamo ādīnavo dussīlassa sīlavippattiyā. Ime kho gahapatayo
pañca ādīnavā dussīlassa sīlavippattiyā. Pañcime gahapatayo
ānisaṁsā sīlavato sīlasampadāya katame pañca 1 idha gahapatayo
sīlavā sīlasampanno appamādādhikaraṇaṁ mahantaṁ bhogakkhandhaṁ
adhigacchati ayaṁ paṭhamo ānisaṁso sīlavato sīlasampadāya. 2 Puna
ca paraṁ gahapatayo sīlavato sīlasampannassa kalyāṇo kittisaddo
abbhuggacchati ayaṁ dutiyo ānisaṁso sīlavato sīlasampadāya.
3 Puna ca paraṁ gahapatayo sīlasampanno yaññadeva parisaṁ upasaṅkamati
yadi khattiyaparisaṁ yadi brāhmaṇaparisaṁ yadi gahapatiparisaṁ yadi samaṇaparisaṁ
visārado upasaṅkamati amaṅkubhūto ayaṁ tatiyo ānisaṁso sīlavato
sīlasampadāya. 4 Puna ca paraṁ gahapatayo sīlavā sīlasampanno
asammūḷho kālaṁ karoti ayaṁ catuttho ānisaṁso sīlavato
sīlasampadāya. 5 Puna ca paraṁ gahapatayo sīlavā sīlasampanno
kāyassa bhedā parammaraṇā sugatiṁ saggaṁ lokaṁ upapajjati ayaṁ
pañcamo ānisaṁso sīlavato sīlasampadāya. Ime kho gahapatayo
pañcime ānisaṁsā sīlavato sīlasampadāyāti.

[171] Atha kho bhagavā pāṭaligāmiye upāsake bahūdeva rattiyo 1
dhammiyā kathāya sandassetvā samādapetvā samuttejetvā
sampahaṁsetvā uyyojesi abhikkantā kho gahapatayo ratti
yassadāni kālaṁ maññathāti. Atha kho pāṭaligāmiyā upāsakā
bhagavato bhāsitaṁ abhinanditvā anumoditvā uṭṭhāyāsanā bhagavantaṁ
abhivādetvā padakkhiṇaṁ katvā pakkamiṁsu. Atha kho bhagavā
acirapakkantesu pāṭaligāmiyesu upāsakesu suññāgāraṁ pāvisi.

[172] Tena kho pana samayena sunīdhavassakārā magadhamahāmattā
pāṭaligāme nagaraṁ māpenti vajjīnaṁ paṭibāhāya. Tena kho pana
samayena sambahulā devatāyo sahasseva 2 pāṭaligāme vatthūni
pariggaṇhanti yasmiṁ padese mahesakkhā devatā vatthūni pariggaṇhanti
mahesakkhānaṁ tattha raññaṁ rājamahāmattānaṁ cittāni namanti
nivesanāni māpetuṁ. Yasmiṁ padese majjhimā devatā vatthūni
pariggaṇhanti majjhimānaṁ tattha raññaṁ rājamahāmattānaṁ cittāni
namanti nivesanāni māpetuṁ. Yasmiṁ padese nīcā devatā vatthūni
pariggaṇhanti nīcānaṁ tattha raññaṁ rājamahāmattānaṁ cittāni namanti
nivesanāni māpetuṁ. Addasā kho bhagavā dibbena cakkhunā
visuddhena atikkantamānusakena tā devatāyo sahasseva pāṭaligāme
vatthūni pariggaṇhantiyo yasmiṁ padese mahesakkhā devatā vatthūni
pariggaṇhanti mahesakkhānaṁ tattha raññaṁ rājamahāmattānaṁ cittāni
1 Ma. Yu. ratatiṁ. 2 Ma. Yu. sahassasseva.
Namanti nivesanāni māpetuṁ. Yasmiṁ padese majjhimā devatā
vatthūni pariggaṇhanti majjhimānaṁ tattha raññaṁ rājamahāmattānaṁ
cittāni namanti nivesanāni māpetuṁ. Yasmiṁ padese nīcā devatā
vatthūni pariggaṇhanti nīcānaṁ tattha raññaṁ rājamahāmattānaṁ
cittāni namanti nivesanāni māpetuṁ. Atha kho bhagavā tassā
rattiyā paccūsasamaye paccuṭṭhāya āyasmantaṁ ānandaṁ āmantesi
ko nukho ānanda pāṭaligāme nagaraṁ māpetīti. Sunīdhavassakārā
bhante magadhamahāmattā pāṭaligāme nagaraṁ māpenti vajjīnaṁ
paṭibāhāyāti. Seyyathāpi ānanda devehi tāvatiṁsehi saddhiṁ
mantetvā evameva kho ānanda sunīdhavassakārā magadhamahāmattā
pāṭaligāme nagaraṁ māpenti vajjīnaṁ paṭibāhāya. Idhāhaṁ ānanda
addasaṁ dibbena cakkhunā visuddhena atikkantamānusakena sambahulā
devatāyo sahasseva pāṭaligāme vatthūni pariggaṇhantiyo yasmiṁ
padese mahesakkhā devatā vatthūni pariggaṇhanti mahesakkhānaṁ
tattha raññaṁ rājamahāmattānaṁ cittāni namanti nivesanāni māpetuṁ.
Yasmiṁ padese majjhimā devatā vatthūni pariggaṇhanti majjhimānaṁ
tattha raññaṁ rājamahāmattānaṁ cittāni namanti nivesanāni māpetuṁ.
Yasmiṁ padese nīcā devatā vatthūni pariggaṇhanti nīcānaṁ tattha
raññaṁ rājamahāmattānaṁ cittāni namanti nivesanāni māpetuṁ.
Yāvatā ānanda ariyaṁ āyatanaṁ yāvatā vaṇippatho idaṁ
Agganagaraṁ bhavissati pūṭabhedanaṁ 1 . Pāṭaliputtassa kho ānanda tayo
antarāyā bhavissanti aggito vā udakato vā mithubhedato vāti.

[173] Atha kho sunīdhavassakārā magadhamahāmattā yena bhagavā
tenupasaṅkamiṁsu upasaṅkamitvā bhagavatā saddhiṁ sammodiṁsu sammodanīyaṁ
kathaṁ sārāṇīyaṁ vitisāretvā ekamantaṁ aṭṭhaṁsu. Ekamantaṁ ṭhitā
kho sunīdhavassakārā magadhamahāmattā bhagavantaṁ etadavocuṁ adhivāsetu
no bhavaṁ gotamo ajjattanāya bhattaṁ saddhiṁ bhikkhusaṅghenāti.
Adhivāsesi bhagavā tuṇhībhāvena. Atha kho sunīdhavassakārā
magadhamahāmattā bhagavato adhivāsanaṁ viditvā yena sako āvasatho
tenupasaṅkamiṁsu upasaṅkamitvā sake āvasathe paṇītaṁ khādanīyaṁ
bhojanīyaṁ paṭiyādāpetvā bhagavato kālaṁ ārocesuṁ kālo bho
gotama niṭṭhitaṁ bhattanti. Atha kho bhagavā pubbaṇhasamayaṁ nivāsetvā
pattacīvaramādāya saddhiṁ bhikkhusaṅghena yena sunīdhavassakārānaṁ
magadhamahāmattānaṁ āvasatho tenupasaṅkami upasaṅkamitvā
paññatte āsane nisīdi. Atha kho sunīdhavassakārā magadhamahāmattā
buddhappamukhaṁ bhikkhusaṅghaṁ paṇītena khādanīyena bhojanīyena sahatthā
santappetvā samparivāresuṁ. Atha kho sunīdhavassakārā
magadhamahāmattā bhagavantaṁ bhuttāviṁ onītapattapāṇiṁ aññataraṁ nīcaṁ
āsanaṁ gahetvā ekamantaṁ nisīdiṁsu. Ekamantaṁ nisinne kho
sunīdhavassakāre magadhamahāmatte bhagavā imāhi gāthāhi anumodi
1 Ma. pāṭaliputtaṁ pūṭabhedanaṁ.
Yasmiṁ padese kappeti vāsaṁ paṇḍitajātiyo
sīlavantettha bhojetvā saññate brahmacārino.
Yā tattha devatā āsuṁ tāsaṁ dakkhiṇamādise
tā pūjitā pūjayanti mānitā mānayanti naṁ
tato naṁ anukampanti mātā puttaṁva orasaṁ.
Devatānukampito poso sadā bhadrāni passatīti.

[174] Atha kho bhagavā sunidhavassakārānaṁ magadhamahāmattānaṁ
imāhi gāthāhi anumoditvā uṭṭhāyāsanā pakkāmi. Tena kho
pana samayena sunīdhavassakārā magadhamahāmattā bhagavantaṁ piṭṭhito
piṭṭhito anubandhā 1 honti yenajja samaṇo gotamo dvārena
nikkhamissati taṁ gotamadvāraṁ nāma bhavissati. Yena titthena gaṅgaṁ
nadiṁ tarissati taṁ gotamatitthaṁ nāma bhavissatīti. Atha kho bhagavā
yena dvārena nikkhami taṁ gotamadvāraṁ nāma ahosi. Atha kho
bhagavā yena gaṅgā nadī tenupasaṅkami. Tena kho pana samayena
gaṅgā nadī pūrā hoti samatittikā kākapeyyā. Appekacce
manussā nāvaṁ pariyesanti appekacce uḷumpaṁ pariyesanti
appekacce kullaṁ bandhanti apārā pāraṁ gantukāmā. Atha kho
bhagavā seyyathāpi nāma balavā puriso sammiñjitaṁ vā bāhaṁ
pasāreyya pasāritaṁ vā bāhaṁ sammiñjeyya evamevaṁ gaṅgāya
nadiyā orimatīrā antarahito pārimatīre paccuṭṭhāsi saddhiṁ
1 Yu. anubaddhā.
Bhikkhusaṅghena. Addasā kho bhagavā te manusse appekacce nāvaṁ
pariyesante appekacce uḷumpaṁ pariyesante appekacce kullaṁ
bandhante apārā pāraṁ gantukāme. Atha kho bhagavā etamatthaṁ
viditvā tāyaṁ velāyaṁ imaṁ udānaṁ udānesi
ye taranti aṇṇavaṁ saraṁ
setuṁ katvāna visajja pallalāni
kullañhi jano bandhati 1
tiṇṇā medhāvino janāti. Chaṭṭhaṁ.

[175] 7 Evamme sutaṁ. Ekaṁ samayaṁ bhagavā kosalesu
addhānamaggapaṭipanno hoti āyasmatā nāgasamālena pacchāsamaṇena.
Addasā kho āyasmā nāgasamālo antarāmagge dvidhāpathaṁ
disvāna bhagavantaṁ etadavoca ayaṁ bhante bhagavā pantho iminā
gacchāmāti. Evaṁ vutte bhagavā āyasmantaṁ nāgasamālaṁ
etadavoca ayaṁ nāgasamāla pantho iminā gacchāmāti. Dutiyampi
kho āyasmā nāgasamālo bhagavantaṁ etadavoca ayaṁ bhante bhagavā
pantho iminā gacchāmāti. Dutiyampi kho bhagavā āyasmantaṁ
nāgasamālaṁ etadavoca ayaṁ nāgasamāla pantho iminā gacchāmāti.
Tatiyampi kho āyasmā nāgasamālo bhagavantaṁ etadavoca ayaṁ bhante
bhagavā pantho iminā gacchāmāti. Tatiyampi kho bhagavā
āyasmantaṁ nāgasamālaṁ etadavoca ayaṁ nāgasamāla pantho iminā
1 Ma. pabandhati.
Gacchāmāti. Atha kho āyasmā nāgasamālo bhagavato pattacīvaraṁ
tattheva chamāyaṁ nikkhipitvā pakkāmi idaṁ bhante bhagavā pattacīvaranti.
Atha kho āyasmato nāgasamālassa tena panthena
gacchantassa antarāmagge corā nikkhamitvā hatthehi vā pādehi vā
ākoṭesuṁ pattañca bhindiṁsu saṅghāṭiñca vipphālesuṁ. Atha kho
āyasmā nāgasamālo bhinnena pattena vipphālitāya saṅghāṭiyā
yena bhagavā tenupasaṅkami upasaṅkamitvā bhagavantaṁ abhivādetvā
ekamantaṁ nisīdi. Ekamantaṁ nisinno kho āyasmā nāgasamālo
etadavoca idha mayhaṁ bhante tena panthena gacchantassa antarāmagge
corā nikkhamitvā hatthehi ca pādehi ca ākoṭesuṁ pattañca
bhindiṁsu saṁghāṭiñca vipphālesunti. Atha kho bhagavā etamatthaṁ viditvā
tāyaṁ velāyaṁ imaṁ udānaṁ udānesi
saddhiṁ caramekato vasaṁ misso aññajanena vedagū
viditvā pajahāti pāpakaṁ koñco khīrapakova ninnaganti. Sattamaṁ.

[176] 8 Evamme sutaṁ. Ekaṁ samayaṁ bhagavā sāvatthiyaṁ
viharati pubbārāme migāramātu pāsāde. Tena kho pana samayena
visākhāya migāramātuyā nattā kālakatā hoti piyā manāpā.
Atha kho visākhā migāramātā allavatthā allakesā divādivassa
yena bhagavā tenupasaṅkami upasaṅkamitvā bhagavantaṁ abhivādetvā
ekamantaṁ nisīdi. Ekamantaṁ nisinnaṁ kho visākhaṁ migāramātaraṁ bhagavā
Etadavoca handa kuto nu tvaṁ visākhe āgacchasi allavatthā allakesā
idhupasaṅkantā divādivassāti. Nattā me bhante piyā
manāpā kālakatā tenāhaṁ allavatthā allakesā idhupasaṅkantā
divādivassāti. Iccheyyāsi tvaṁ visākhe yāvatikā sāvatthiyā
manussā tāvatike putte ca nattāro cāti. Iccheyyāhaṁ bhante
bhagavā yāvatikā sāvatthiyā manussā tāvatike putte ca nattāro
cāti. Kīva bahukā pana visākhe sāvatthiyā manussā devasikaṁ
kālaṁ karontīti. Dasapi bhante sāvatthiyā manussā devasikaṁ kālaṁ
karonti navapi bhante sāvatthiyā manussā devasikaṁ kālaṁ karonti
aṭṭhapi bhante sāvatthiyā manussā devasikaṁ kālaṁ karonti sattapi
bhante sāvatthiyā manussā devasikaṁ kālaṁ karonti chapi bhante
sāvatthiyā manussā devasikaṁ kālaṁ karonti pañcapi bhante
sāvatthiyā manussā devasikaṁ kālaṁ karonti cattāropi bhante
sāvatthiyā manussā devasikaṁ kālaṁ karonti tayopi bhante sāvatthiyā
manussā devasikaṁ kālaṁ karonti dvepi bhante sāvatthiyā manussā
devasikaṁ kālaṁ karonti ekopi bhante sāvatthiyā manusso
devasikaṁ kālaṁ karoti avivittā bhante sāvatthiyā manussehi
kālaṁ karontehīti. Taṁ kiṁ maññasi visākhe api nu tvaṁ kadāci
karahaci allavatthā vā bhaveyyāsi allakesā vāti. No hetaṁ
bhante alaṁ me bhante tāva bahukehi puttehi ca nattārehi cāti.
Yesaṁ kho visākhe sataṁ piyāni sataṁ tesaṁ dukkhāni yesaṁ navuti
piyāni navuti tesaṁ dukkhāni yesaṁ asīti piyāni asīti tesaṁ dukkhāni
yesaṁ sattati piyāni sattati tesaṁ dukkhāni yesaṁ saṭṭhī
piyāni saṭṭhī tesaṁ dukkhāni yesaṁ paññāsaṁ piyāni paññāsaṁ
tesaṁ dukkhāni yesaṁ cattāḷīsaṁ piyāni cattāḷīsaṁ tesaṁ dukkhāni
yesaṁ tiṁsaṁ piyāni tiṁsaṁ tesaṁ dukkhāni yesaṁ vīsaṁ piyāni vīsaṁ tesaṁ
dukkhāni yesaṁ dasa piyāni dasa tesaṁ dukkhāni yesaṁ nava piyāni
nava tesaṁ dukkhāni yesaṁ aṭṭha piyāni aṭṭha tesaṁ dukkhāni
yesaṁ satta piyāni satta tesaṁ dukkhāni yesaṁ cha piyāni cha tesaṁ
dukkhāni yesaṁ pañca piyāni pañca tesaṁ dukkhāni yesaṁ cattāri
piyāni cattāri tesaṁ dukkhāni yesaṁ tīṇi piyāni tīṇi tesaṁ
dukkhāni yesaṁ dve piyāni dve tesaṁ dukkhāni yesaṁ ekaṁ piyaṁ
ekaṁ tesaṁ dukkhaṁ yesaṁ natthi piyaṁ natthi tesaṁ dukkhaṁ asokā te
virajā anupāyāsāti vadāmīti. Atha kho bhagavā etamatthaṁ viditvā
tāyaṁ velāyaṁ imaṁ udānaṁ udānesi
yekeci sokā paridevitā vā
dukkhā ca [1]- lokasmiṁ anekarūpā
piyaṁ paṭicca bhavanti ete
piye asante na bhavanti ete
tasmā hi te sukhino vītasokā
1 Po. te.
Yesaṁ piyaṁ natthi kuhiñci loke
tasmā asokaṁ virajaṁ patthayāno
piyaṁ na kayirātha kuhiñci loketi. Aṭṭhamaṁ.